ഭക്ഷണം കഴിച്ച് വന്ന് എന്റെ മുറിയിലേക്ക് പോവുന്ന അവരെ നോക്കി
ഇന്ന് എല്ലാരും അമ്മേടെ മുറിയിൽ കിടന്നാൽ മതി വാതിൽ അകത്തുന്നു പൂട്ടിക്കോ
അനിയൻ : അപ്പൊ ചേച്ചിയോ
ഞാനെന്റെ മുറിയിൽ കിടന്നോളാം ചെല്ല് ചെന്നുറങ്ങിക്കോ
അവർ അമ്മയുടെ മുറിയിൽ കയറി വാതിലടച്ചതും അവരുടെ മുറി പുറത്തു നിന്നും അടച്ച് മുൻവശത്തെ വാതിൽ അടച്ച ശേഷം ബാഗും അരിവാളും എടുത്തു പിൻവശത്തെ വാതിൽ പുറത്ത് നിന്നും പൂട്ടി ചാവി ബാഗിലിട്ടു മോട്ടോർ പുരയിൽ നിന്നും അതികം വലുതല്ലാത്ത കമ്പിപ്പാര കൈയിൽ എടുത്തു മുൻവശത്തെ വേലിക്കരികിൽ പതുങ്ങി ഇരുന്നു സമയം കടന്ന് പോവും തോറും ഇനി അയാൾ ഇന്ന് വരാതിരിക്കുമോ എന്ന തോന്നലായിരുന്നു ഉള്ളിൽ അയാൾ മാത്രമല്ലല്ലോ ദിവസവും വാതിലിൽ രണ്ട് മൂന്നുപേരിലധികം തട്ടുന്നില്ലേ ആരെങ്കിലുമൊക്കെ വരാതിരിക്കുമോ സമയം കടന്ന് പോകെ
ഒരാൾ വേലി കടന്ന് അകത്തേക്ക് വരുന്നത് ആ ഇരുളിലും കണ്ട് കമ്പി പാര രണ്ട് കൈ കൊണ്ടും മുറുകെ പിടിച്ച് അയാൾ കതകിനു നേരെ നടക്കുന്നതിന് പുറകെ ചെടികളുടെ മറവു പറ്റി ഞാനും നടന്നു പമ്മി പമ്മി കതകിൽ തട്ടാൻ തുടങ്ങുന്ന അയാളുടെ പുറകിലെത്തി അയാളുടെ കാൽ മുട്ടിൽ പാര കൊണ്ട് എന്റെ സർവ്വ ശക്തിയുമെടുത്ത്ഞാൻ ആഞ്ഞടിച്ചതും അയാൾ വലിയ വായിൽ കരഞ്ഞുകൊണ്ട് അടി കിട്ടിയ ഭാഗത്ത് കൈ കൊണ്ട് പിടിച്ച് നിലത്തേക്കിരുന്നു കാൽ മടക്കി നിലത്തേക്കിരുന്ന അയാളെ കാലിൽ ഒരേ സ്ഥലത്ത് തന്നെ കൈയിലെ കമ്പിപ്പാര കൊണ്ട് കുറേ വട്ടം ആഞ്ഞടിച്ചു അയാളിൽ നിന്നും മദ്യത്തിന്റെ ഗന്ധം അകരച്ചിലിനൊപ്പം അവിടെ ആകെ വ്യാപിച്ചു
ഓടി ചെന്ന് അരിവാളെടുത്ത് തിരികെ വന്നു
മിണ്ടരുത് മിണ്ടിയാൽ കൊന്നുകളയും
അയാളെ വലിച്ച് ചെടികൾക്കപ്പുറം കൊണ്ടിട്ടു അയാളുടെ മുണ്ട് കീറി കയ്യും കാലും കെട്ടി വായിലും തിരുകിയ അടുത്തുള്ള ചെടിയിൽ ചേർത്തു കെട്ടുന്നതിനിടെ ഒരാൾ മുറ്റത്തുകൂടെ ജനലിന് നേരെ പോവുന്നത് കണ്ടു അയാൾ എന്നത്തെയും പോലെ എല്ലാ ജനലുകളിലും വാതിലുകളിലും മുട്ടി വിളിക്കുന്നതിനിടെ അയാളെ അടിക്കാൻ പുറകെ ചെല്ലാൻ നിന്ന ഞാൻ അയാളെ നിരീക്ഷിച്ചുകൊണ്ടിരുന്നു കുറേ സമയത്തിന് ശേഷം ഞങ്ങളെ തെറി പറഞ്ഞുകൊണ്ട് വേച്ചു വേച്ചു പുറത്തേക്ക് നടക്കുന്ന അയാൾ വരുന്ന വഴിയിലെ ചെടികൾ കിടയിൽ കാൽ മുട്ടുകൾ മണ്ണിൽ കുത്തി അടിക്കാൻ സൗകര്യമുള്ള രീതിയിൽ മറഞ്ഞിരുന്ന ഞാൻ അയാൾ ആടി ആടി അടുത്തേക്ക് വരുന്നത് നോക്കി അടുത്തെത്താൻ കാത്തുനിന്നു അടുത്തെത്തിയതും അയാളുടെ കാലിലേക്ക് കമ്പി കൊണ്ട് ആഞ്ഞടിച്ച ശേഷം ചെടികൾ കിടയിൽ നിന്നും പുറത്തേക്കിറങ്ങി രണ്ട് കാലിലും മാറി മാറി അടിച്ച ശേഷം അയാളെയും പഴയ പോലെ കെട്ടിയിട്ടു അടുത്ത ആളിന്റെ വരവിനു വേണ്ടി കാത്തിരിപ്പായി
ക്ഷീണം കാരണം മയങ്ങിയ ഞാൻ ഞെട്ടി ഉണർന്നപ്പോ കേൾക്കുന്നത്
വാതിൽ തുറക്കെടീ… ഇന്നലെ കിട്ടിയത് മതിയായില്ലേ നിനക്ക്… ഇന്ന് നീ എന്റെ കൂടെ കിടക്കും ഇന്നലെ ഞാനവറ്റയെ അഴിച്ചു വിട്ടേ ഉള്ളൂ ഇന്ന് നീ വാതിൽ തുറന്നില്ലേൽ അവറ്റയുടെ വെള്ളത്തിൽ വിഷം കലക്കി കൊടുക്കും
ഉറക്കമുണർന്നതിനാൽ കണ്ണ് ഇരുട്ടിനോട് പൊരുത്തപെടാനല്പം സമയമെടുത്തു കണ്ണ് ഇരുളുമായി പൊറുത്താപെട്ടപ്പോ ഞാൻ കാണുന്നത് ആവൻ തൊഴുത്തിനു നേരെ നടക്കുന്നതാണ് അവന് പുറകെ ചെന്നു ബാഗിൽ നിന്നും ഒരു പടക്കമെടുത്തു അവന് നേരെ എറിഞ്ഞുങ്കിലും അവന് കൊള്ളാതെ പടക്കം മുന്നിൽ ചെന്നുവീണു പൊട്ടി ഞെട്ടി തിരിഞ്ഞു ചുറ്റും നോക്കുമ്പോയേക്കും ഓടി അവനടുത്തെത്തി ആദ്യം മുഖത്തും മറിഞ്ഞു വീണ ശേഷം കാലിലും കമ്പിക്കൊണ്ട് അടിച്ചു അവനെയും കെട്ടിയിട്ട ശേഷം വാതിൽ തുറന്ന് അകത്തു ചെന്ന് ബാഗും സാധനങ്ങളും മേശപ്പുറത് വെച്ച് അമ്മയും പിള്ളാരും കിടക്കുന്ന മുറിയുടെ വാതിൽ തുറന്നതും പേടിച്ചിരുന്ന പിള്ളാര്‌ ചേച്ചീ എന്നും വിളിച്ചു എന്നെ വന്ന് കെട്ടിപിടിച്ചു
പേടിക്കണ്ട ഇനി ഒരുത്തനും ഈ വാതിലിൽ മുട്ടില്ല ചേച്ചി ഇല്ലേ മക്കൾ പേടിക്കണ്ട…ഇത്രേം ദിവസം മക്കളെ പേടിപ്പിച്ചത് ആരാ എന്ന് കാണണ്ടേ വാ
പുറത്തെ ലൈറ്റ് ഇട്ടശേഷം പുറത്തിറങ്ങി മൂന്നുപേരെയും വലിച്ച് കൊണ്ടുവന്നു ഉമ്മറത്തെ ലൈറ്റിനു മുനിലിട്ട ശേഷം തൂണ്കളിൽ പിടിച്ച് കെട്ടി അവരിൽ ഒരുവൻ അമ്മയുടെ അടുത്ത ബന്തു ആയിരുന്നു
പിറ്റേന്ന് മൂന്നാളെയും പോലീസിൽ ഏല്പിച്ചു സംഭവങ്ങൾ അറിഞ്ഞു അപ്പയുടെ അകന്ന ബന്തത്തിലുള്ള സരോജഅക്ക ഞങ്ങളെ വീട്ടിൽ വന്നു ഞങ്ങളെ സമാധാനിപ്പിച്ചു കൂടെ നിന്നു അമ്മയുടെ ബന്ധത്തിൽ ഉള്ള ചിലരൊക്കെ അയാൾക്കെതിരെഉള്ള പരാതി പിൻ വലിക്കണമെന്നും നമ്മളൊക്കെ ബന്തുക്കളല്ലേ അവൻ ചെയ്തതിനു അവന്റെ കാല് നിങ്ങൾ ഒടിച്ചില്ലേ എന്നുമൊക്കെ പറഞ്ഞു
അക്ക : സ്വന്തക്കാരാണ് ബന്തുക്കളാണ് എന്നൊക്കെ ഉള്ള ബോധം അവനും വേണ്ടിയിരുന്നു
കൗൺസിലറും ജാതിക്കാരും ഒക്കെ അവർക്ക് മൂന്നുപേർക്കും വേണ്ടി വീട്ടിൽ വന്നു സംസാരിച്ചപ്പോ അവർ കാരണം ഞങ്ങൾക്കുണ്ടായ സാമ്പത്തിക നഷ്ടം നികത്തിത്തരികയാണെങ്കിൽ കേസ് പിൻ വലിക്കാം എന്ന് ഞങ്ങളും പറഞ്ഞു
നഷ്ടപ്പെട്ടതിനു സമാനമായ എരുമകളെയും പശുക്കളെയും വാങ്ങി വീട്ടിൽ പുതിയ അതിഥി ആയി അക്ക ഒരു രാജപ്പാളയം നായി കുട്ടിയെ കൊണ്ടുവന്നു
ദിവസങ്ങൾ കൊണ്ട് എല്ലാം വീണ്ടും പഴയ പോലെ ആയി എങ്കിലും പിനീട് വീടിന്റെ വാതിലിൽ മുട്ടാൻ ആരും ധൈര്യം കാണിച്ചില്ല എല്ലാം ശെരിയായെന്ന് കണ്ട് അക്ക പോവാൻ ഇറങ്ങുമ്പോ ഞങ്ങളുടെ കൂടെ നിൽക്കാൻ ഞാൻ അക്കയെ നിർബന്ധിച്ചു (മോളെ കല്യാണത്തിനെക്ക് സ്വന്തം വീട് വിറ്റ അക്കക്ക് കുടുംബ വീട്ടിൽ നിൽക്കാനുള്ള മടി കൊണ്ടും എന്റെ നിർബന്ധവും കൊണ്ടാവാം അക്ക സമ്മതിച്ചു ഞാനും ആക്കയുംകൂടെ വീട്ടിൽ പോയി സാധനങ്ങൾ എല്ലാം എടുത്തു വന്നു പിനീടങ്ങോട്ട് അക്ക കൂടെ ഉള്ളത് എനിക്ക് ധൈര്യമായിരുന്നു അക്കക്ക് ഒരാണിനു മേലേ ധൈര്യമാണ് അക്കയുടെ കെട്ടിയോൻ മരിക്കുന്നത് മോൾക്ക് രണ്ട് വയസ്ങ്ങാനും ഉള്ളപ്പോഴാ അന്ന് അക്കക്ക് ഇപ്പൊ എന്റെ പ്രായം ഒക്കെ കാണും വയലിൽ പണിയെടുതാണ് അക്ക മോളെ പഠിപ്പിച്ചതൊക്കെ അന്ന്ഞാനോക്കെ ചെറുതാണ് ഒരിക്കൽ അക്ക വയലിൽ വെച്ചു അക്കെനെ പിടിക്കാൻ വന്ന ഒരുത്തനെ വെട്ടി പോലീസ് സ്റ്റേഷനിൽ ആയപ്പോ അപ്പ ആണ് കേസിനും കാര്യത്തിനും വക്കീലിനെ കണ്ടതൊക്കെ ആ സമയത്ത് ആക്കേടെ മോള് ഞങ്ങളുടെ വീട്ടിൽ ആയിരുന്നു) അതുകൊണ്ടൊക്കെ ആവും ഞങ്ങൾക്കൊരു പ്രശ്നം വന്നപ്പോ അക്ക കൂടെ നിന്നത്
കാലം എനിക്ക് അനിയത്തിമാർക്കും അനിയനും മുന്നിൽ അച്ഛന്റെ സ്ഥാനം നൽകി ചുമലിൽ ഏറ്റിയത് സഹോദരങ്ങളുടെ ഭാവി ആണെന്നത് മനസിലാക്കിയ ഗൗരവം ആയിരിക്കാം എന്റെ മുഖത്തെചിരി മായ്ച്ചതും അവർ എന്നോട് അകലാൻ തുടങ്ങിയതും ഞാൻ അറിഞ്ഞില്ല
