ഭക്ഷണം കഴിച്ച് കഴിഞ്ഞു പുറത്തെ സ്റ്റെപ്പിൽ ഇരിക്കുമ്പോഴും എന്റെ ചിന്ത തമിഴ്നെ പറ്റി ആയിരുന്നു അവൾക്ക് എന്ത് പറ്റി എന്നറിയില്ല കുറച്ച് നാളുകളായി എന്നെ ശത്രുവിനെ പോലെയാണവൾ കാണുന്നത് ഞാനെന്ത് ചെയ്തിട്ടാ
ഒരോന്ന് ചിന്തിച്ചിരിക്കെ അക്ക അടുത്തു വന്നിരുന്നു
എന്താ ആലോചിക്കുന്നെ
ഒന്നൂല്ലക്കാ
കണ്ണേ… ഞാൻ പറഞ്ഞില്ലേ നീ അവരെ പറ്റി മാത്രം ആലോചിക്കല്ലേ നിന്നെ പറ്റിയും ആലോചിക്ക് അല്ലെങ്കിൽ അവസാനം നീ ഒറ്റയ്ക്കായിപ്പോകും നീ ഇപ്പൊ തെണ്ടി തിന്നു കറവ നേരത്ത് വീട്ടിൽ വന്ന് പാല് കൊടുത്ത് പോവുന്ന പശുവിനെ പോലെയാ പാല് നിൽക്കും വരെ എല്ലാർക്കും നിന്നെ വേണ്ടിവരും അത് കഴിഞ്ഞാൽ കറിവേപ്പില പോലെ കളയും
അക്കയോട് ഒന്നും പറയാതെ അകത്തേക്ക് കയറി കിടന്നപ്പോഴും എന്റെ ചിന്തയിൽ അക്ക പറഞ്ഞത് തന്നെ ആയിരുന്നു
എന്തേലും ആവട്ടെ അവര് എങ്ങനെ വേണമെങ്കിലും കണ്ടോട്ടെ അപ്പ എന്നോട് പറഞ്ഞത് അവരെ നോക്കാനാണ് അത് ഞാൻ ചെയ്യും മനസിൽ തീരുമാനമെടുത്ത് കണ്ണടച്ചു കിടന്നൽപ്പം കഴിഞ്ഞ് മാങ്കനി കട്ടിലിൽ വന്നിരുന്നു
എന്റെ കൈയിൽ പിടിച്ചു
നീ ഉറങ്ങിയില്ലേ
ഇല്ല ചേച്ചി ഉറങ്ങിയില്ലേ
അവൾ എന്റെ സൈഡിൽ കിടന്നു
ചേച്ചീ അവൾ പറഞ്ഞത് ആലോചിച്ചു കിടക്കുവാണോ അവൾക്കിത്തിരി എടുത്തുചാട്ടം കൂടുതലാണെന്നു ചേച്ചിക്കറിയാലോ അതാലോചിച്ചു വിഷമിക്കണ്ട
പിന്നെ നിങ്ങൾ പറയുന്നതും ആലോചിച്ചു വിഷമിക്കലല്ലേ എന്റെ പണി എണീറ്റു പോടീ
എനിക്കറിയാം ഞാൻ കണ്ടു അവളെങ്ങനെ പറഞ്ഞപ്പോ ചേച്ചീടെ മുഖം മാറിയത് ഞങ്ങൾക്കും വേണ്ടി ഇങ്ങനെ കഷ്ടപ്പെടുന്ന ചേച്ചിയോട് അവളെങ്ങനെ പറയരുതായിരുന്നു സോറി ചേച്ചീ
നിനക്കെന്താ പെണ്ണേ എനിക്ക് സങ്കടമൊന്നുമില്ല നീ പോയി കിടക്കാൻ നോക്ക്
ഞാനിന്നിവിടെയാ കിടക്കുന്നെ
പോടീ എനിക്ക് ഒറ്റയ്ക്ക് കിടന്നില്ലേൽ ശെരിയാവില്ല എന്റെ ഉറക്കം കളയാതെ പോയേ
പിന്നെ അപ്പാ ഉള്ളപ്പോ നമ്മള് കെട്ടിപിടിച്ചല്ലേ കിടക്കാറ് ഇന്നുമങ്ങനെ മതി
അവളെനെ കെട്ടിപിടിച്ചുകിടന്നു
അടുത്ത ഞായറാഴ്ച അവളെ പെണ്ണുകാണാൻ വന്നു അവൾക്കും വീട്ടുകാർക്കും ശിവയെ ഇഷ്ടമായി അപ്പോഴും തമിഴ്ന് മാത്രം താല്പര്യമില്ലാത്തപോലെ
വീട് പണിയും കഴിഞ്ഞു അവരുടെ കല്യാണം നിശ്ചയിച്ചു സ്വന്തക്കരെയെല്ലാം വിളിച്ചു ആഘോഷമായി കല്യാണ പന്തലും വീടുമൊരുങ്ങി ഓരോരുത്തർക്കും നൂറ്റൊന്ന് പവൻ വീതം നൽകി കല്യാണത്തിനു തലേ ദിവസം മാലിനി(ഓടിപ്പോയ ചേച്ചി) കയറിവരുന്നത് കണ്ട് എന്റെ കൺട്രോളു പോയി
ആരോട് ചോദിച്ചിട്ടാ നീ ഇങ്ങോട്ട് കയറി വന്നേ… ഇറങ്ങെടീ… (അവളെ നോക്കി അലറി)
ശബ്ദം കേട്ട് എല്ലാരും ചുറ്റും കൂടി
ഇങ്ങോട്ട് വരാൻ എനിക്കാരേം സമ്മതം വേണ്ട നീ ആരാ എന്നെ ചോദ്യം ചെയ്യാൻ ഞാനാ നിനെക്കാളും മൂത്തത്
തമിഴ് : ചേച്ചിയെന്ത്‌ തെറ്റാ ചെയ്തേ ഇഷ്ടമുള്ള ആളോടൊപ്പം ഇറങ്ങിപോയതാണോ ചേച്ചി ചെയ്ത തെറ്റ്
തമിഴ് നീ മിണ്ടരുത്
മാലിനി : നീ ആരാ എല്ലാരേം അടക്കി ഭരിക്കാൻ നീ മിണ്ടരുത് ഈ വീട് എന്റെ അപ്പന്റെ സ്ഥലത്താണ് എനിക്ക് തോന്നുമ്പോ ഞാൻ വരും അത് ചോദിക്കാൻ നീയാരാ
നിന്റെ അപ്പൻ ഇനി അതും പറഞ്ഞു നീ ഈ പടി ചവിട്ടിയാൽ അപ്പനാണ് സത്യം കൊന്നുകളയും നിന്നെ… എവിടുന്ന് വന്നെടീ നിനക്കിപ്പോ അപ്പനോട് സ്നേഹം… നീ കൊന്നതല്ലെടീ ഞങ്ങളെ അപ്പനെ… നിനക്ക് ഒരുത്തനെ ഇഷ്ടമാണെന്നു പറഞ്ഞിരുന്നേൽ അപ്പൻ എതിർക്കുമായിരുന്നോ… നീ അതെല്ലാം മറച്ചുവെച്ച്… കല്യാണത്തിന്റെ സ്വർണവും സ്ത്രീധനം കൊടുക്കാൻ വെച്ചതും എല്ലാരും തന്നതുമായ പൈസയും കട്ടോണ്ട് ഓടി പോയകള്ളി അല്ലേ നീ… നീ… കട്ടോണ്ട് പോയതിന്റെ ബാധ്യത മുഴുവൻ തീർത്തത് ഞാനാ… എല്ലാം ഞാൻ പൊറുത്തേനെ ഇല്ലാത്ത കാശിന് കടം വാങ്ങിയും ലോണെടുത്തും അപ്പ നിനക്ക് വേണ്ടി ചെയ്യാൻ കഴിയുന്നത്രയും ചെയ്തിട്ടും കല്യാണത്തിന്റെ വന്ന സ്വന്തക്കാരുടേം നാട്ടുകാരുടെയും എല്ലാരുടേം മുന്നിൽ ഞങ്ങടെ അപ്പനെ നീ നാണം കെടുത്തി എന്നെ ചിതയിൽ വെക്കുമ്പോഴും ഇതിന് നിന്നോട് ഞാൻ പൊറുക്കില്ല… എന്റെ കൈയിൽ കിടന്ന് ചങ്ക് പൊട്ടി മരിക്കും മുൻപ് അപ്പനെനോട് രണ്ട് കാര്യമേ പറഞ്ഞുള്ളൂ ഇവരെ നന്നായി നോക്കണമെന്നും ഒരിക്കലും നിന്നോട് പൊറുക്കരുതെന്നും… നാളെ ഞങ്ങടെ അപ്പന് വേണ്ടി എല്ലാ സ്വന്തക്കാരെയും നാട്ടുകാരെയും വിളിച്ചുകൂട്ടി നടത്തുന്ന എന്റെ അനിയത്തിമാരെ കല്യാണമാ അത് കാണണം എന്ന് എനിക്ക് ആഗ്രഹമുള്ളതുകൊണ്ട് മാത്രം അതുകൊണ്ട് മാത്രം നിന്നെ ഞാൻ വെറുതെ വിടുന്നെ ഇനി നീ എങ്ങാനും ഞങ്ങടെ മണ്ണിൽ ചവിട്ടിയാൽ വെട്ടി കൊന്ന് ജയിലിൽ പോവും ഞാൻ
പ്ട്ടെ…(തമിഴ്ന്റെ കൈ ശക്തമായി അവളുടെ കവിളിൽ പതിഞ്ഞു) ഇറങ്ങി പോടീ
അവൾ ദേഷ്യത്തോടെ തല ഉഴർത്തി തമിഴ്നെ നോക്കി “എഡി…” വിളിച്ചുകൊണ്ട് കൈ ഉയർത്തിയതും
തമിഴ്ന്റെ കൈ പിടിച്ച് എന്റെ പുറകിലേക്ക് വലിച്ച് നിർത്തി അവളുടെ കവിളിൽ നല്ല ശക്തിയിൽ ഒന്ന് കൊടുത്തു മുടിക്ക് ചുറ്റി പിടിച്ചുകൊണ്ട് അവളെ വെളിയിലേക്ക് കൊണ്ടുപോയി റോഡിലേക്ക് തള്ളി
ഇനി ഞങ്ങളുടെ മണ്ണിൽ ചവിട്ടിയാൽ അന്ന് നിന്റെ അവസാനമാണ്
അവളെ പറ്റി ശെരിക്ക് ഒന്നുമറിയാത്ത തമിഴ്നെ അവൾ പറഞ്ഞു തെറ്റിദ്ധരിപ്പിച്ചതായിരുന്നു
പിറ്റേന്ന് അവരുടെ കല്യാണം കഴിഞ്ഞു
അച്ചാർ കമ്പനിയും കൃഷി സ്ഥലവും അഞ്ചു വർഷത്തേക്ക് നടത്തിപ്പിന് കൊടുക്കുകയും സ്ഥലത്തിന് മേൽ ബാങ്ക് ലോൺ എടുക്കുകയും കന്നുകാലികളെയും താറാവിനെയും കോഴികളെയും ഒക്കെ വിൽക്കുകയും ബാങ്കിൽ ഉള്ളതും എല്ലാം കൂട്ടി ആണ് അവരുടെ കല്യാണത്തിനു പണം ഒപ്പിച്ചത് മിച്ചം വന്നതും കല്യാണത്തിനു കിട്ടിയതുമായ തുകകൾ അനിയന്റേം അനിയത്തീടേം പഠിപ്പിനെ കരുതി അമ്മയുടെ അക്കൗണ്ടിൽഇട്ടു കല്യാണം കഴിഞ്ഞു എനിക്ക് ചെയ്യാൻ പ്രത്യേകിച്ച് ജോലികളൊന്നുമില്ല റിക്കി വർക്ക്‌ ചെയ്യുന്ന കമ്പനി ഓണറുടെ വീട്ടിൽ ജോലിക്ക് പോവാൻ റെഡിയായി നിൽക്കുകയാണ് മാസം അൻപതിനായിരം രൂപക്കടുത്ത് ശമ്പളം കിട്ടും ഫോർമാലിറ്റീസ്‌ എല്ലാം കഴിഞ്ഞു ഇനി അടുത്ത മാസം പോവാം എന്ന് കരുതി നിൽക്കുകയാ പോയി നിന്നാൽ മാസം പത്തായിരം വീട്ടുചിലവിനു എടുത്താലും നൽപ്പത്തിനായിരം ബാങ്കിൽ അടക്കാൻ പറ്റും മൂന്ന് മൂന്നര വർഷം കൊണ്ട് കടം തീരും ഒരഞ്ചു വർഷം ഒരേ നിൽപ്പ് നിന്നാൽ കൈയിൽ കുറച്ച് കാശ് മിച്ചവും കാണും തിരികെ വരുമ്പോ നടത്തിപ്പിന് കൊടുത്തതെല്ലാം തിരികെ കിട്ടും എന്നൊക്കെ പ്ലാൻ ചെയ്തു വെച്ചിരിക്കെ
കുറച്ച് ദിവസങ്ങൾക്ക് ശേഷം രാജീവും അമ്മയും വീട്ടിൽ വന്നു എസ് ഐ ടെസ്റ്റ്‌ എഴുതി നിൽക്കുന്ന രാജീവിന് ജോലിക്ക് കയറാൻവേണ്ടി പത്ത് ലക്ഷം രൂപ വേണ്ടതായുണ്ട് അഞ്ചു ലക്ഷം അവർ ഒപ്പിച്ചിട്ടുണ്ട് ബാക്കി പണത്തിനായി തമിഴ്ന്റെ സ്വർണം തല്ക്കാലം പണയം വെക്കുകയോ വിൽക്കുകയോ ചെയ്യാൻ അനുവാദം ചോദിച്ചു ആവശ്യം കഴിഞ്ഞാൽ പെട്ടന്ന് എടുത്തുകൊടുക്കാം എന്നും പറഞ്ഞു
