“ചെറുതായി അല്ലെ….., ആട്ടെ ഇവരൊക്കെ..” ഉഷയെയും മീരയെയും നോക്കി ജോൺ ചോദിച്ചു.
“ഇത് ഉഷമ്മ, അച്ഛൻ്റെ…” ഞാൻ ഒന്ന് നിന്നു
“ആ മനസ്സിലായി… അപ്പൊ ഈ കുട്ടി…”
“ഇത് ശ്രീയുടെ മുറപ്പെണ്ണാ….” ഉഷമ്മ ആണ് മറുപടി കൊടുത്തത്….
“ഓക്കേ…. ഇത് ഇനി ഇപ്പൊ നീ കാര്യം ആക്കണ്ട, ഇവൻ്റെ പേരിൽ പല കേസും ഉണ്ട് പോരാത്തതിന് കഴിഞ്ഞമാസം സഖാവ് R.K യെ വെട്ടിയ കേസിൽ ഇവനാണ് ഒന്നാം പ്രതി…. ഇവൻ ഒരു മാസം ആയി മുങ്ങിയതായിരുന്നു, മിനിഞ്ഞാന്ന് ഇവൻ ഇവിടെ പൊങ്ങി എന്ന ഇൻഫർമേഷൻ കിട്ടി തപ്പി വന്നതാ…. ഭരണത്തിൽ ആയോണ്ട് ഇവൻ ഇനി പുറത്ത് ഇറങ്ങുന്ന കാര്യം സംശയമാ, ഇനി ഇറങ്ങിയാൽ തന്നെ അന്ന് തീരും, കണ്ണൂർ ജയിലോട്ടാ കൊണ്ട് പോകുന്നത്….”
“സാറേ, അവന് ബോധം വന്നിട്ടുണ്ട്, തട്ടി ജീപ്പിൽ കയറ്റിയിട്ടുണ്ട്…” പിന്നിൽ വന്ന് കോൺസ്റ്റബിൾ ജോണിനോട് പറഞ്ഞു….
“ആ ശരി, നിങ്ങള് മൂന്ന് കോൺസ്റ്റബിൾമാർ ചേർന്ന് സാഹസികമായി പിടിച്ചു അങ്ങനെ എഴുതിയാൽ മതി… ഇത് നമുക്ക് വേണ്ടപ്പെട്ട പയ്യനാ, അതുകൊണ്ട് അങ്ങനെ മതി… കേട്ടോ രാഘവേട്ടാ, ഞാൻ ഇതാ വരുന്നു…”
“എടാ എങ്കിൽ ഞാൻ പോട്ടെ, നീ ഒരു കാര്യം ചെയ്യ് നാളെയോ മറ്റന്നാളോ വിളിച്ചിട്ട് ടൗണിലോട്ട് ഇറങ്ങ്….” പുള്ളി പോക്കറ്റിൽ നിന്ന് ഒരു പേപ്പർ എടുത്തു നമ്പർ എഴുതി തന്നു….
…………………………………………………………..
ഞാൻ ഉഷമ്മയെയും മീരയെയും വണ്ടിയിൽ കയറ്റി, തറവാട്ടിലേക്ക് തിരിച്ചു…
“എന്നാലും ശ്രീ, നീ എന്ത് അടിയാ അവന്മാരെ അടിച്ചത്, അന്ന് അപ്പൊ എന്താ പറ്റിയത്…” ഉഷമ്മ ചോദിച്ചു..
“അന്ന് മുണ്ട് ഊരിപ്പോയില്ലേ, പോരാത്തതിന് ഞാൻ ഒന്നിനും തയ്യാറും അല്ലായിരുന്നല്ലോ….”
“ആ പൊലീസ് കാരനെ എങ്ങനാ പരിചയം, നീ കൊച്ചിയിൽ സ്റ്റേഷനിൽ കുറേ കേറിയിട്ടുണ്ടോ ?”
“ഏയ് അതേ എൻ്റെ കൂട്ടുകാരൻ്റെ ചേട്ടനാ… ഞങ്ങൾ 4 പേര് ആയിരുന്നു, ഞാൻ പുള്ളീടെ അനിയൻ പീറ്റർ പിന്നെ സിദ്ധുവും അലനും പ്രീഡിഗ്രിക്കും ഡിഗ്രിയും ഞങ്ങൾ ഒരുമിച്ചായിരുന്നു, അന്ന് മുതൽ ഉള്ള ബന്ധമാ…..”
“എന്തായാലും നന്നായി, ഇനി അവനെ കൊണ്ട് ഉള്ള ശല്യം
ഉണ്ടാകില്ല…”
“അല്ല… ഉഷമ്മ എന്തിനാ ഇവൾ മുറപ്പെണ്ണ് ആണെന്നൊക്കെ പറയാൻ പോയേ…”
“എന്തേ നിനക്ക് ഇഷ്ടം ആയില്ലേ,…”
“എനിക്ക് എന്താ ഇഷ്ട്ടക്കുറവ്… മീരയ്ക്ക് ഇഷ്ടായിട്ടുണ്ടാകില്ല….”
“അതിന് ഞാൻ നുണ ഒന്നും പറഞ്ഞില്ലല്ലോ, അല്ലെ മീരമോളെ…”
മീര എന്തോ ആലോചിച്ചു ഇരിക്കുകയായിരുന്നു, ഞങ്ങൾ പറയുന്നത് ഒന്നും കേൾക്കുന്നുണ്ടായിരുന്നില്ല…
“എന്താ അമ്മായി പറഞ്ഞേ…” മീര ചോദിച്ചു.
“ഏയ് ഒന്നുമില്ല, വൈകാതെ നിന്നെ കെട്ടിച്ചു വിടണം എന്ന് പറയുവാരുന്നു… എപ്പോളും ശ്രീ ഉണ്ടാകില്ലല്ലോ അടികൂടാൻ…”
“എന്നെ ആർക്കും കെട്ടിച്ചു കൊടുക്കാൻ ഒന്നും പറ്റില്ല. നിക്ക് ഇഷ്ടല്ല. അമ്മായി ഒന്ന് മിണ്ടാതിരിക്കുന്നുണ്ടോ ?”
“ചാടാതെ പെണ്ണെ…” ഉഷമ്മ അവളെ കളിയാക്കി ചിരിച്ചു, ഞാനും കൂടെ കൂടി…
………………………………………………………………………………….
ഞങ്ങൾ തറവാട്ടിൽ എത്തുമ്പോൾ അവിടെ എല്ലാരും ഉമ്മറത്തുണ്ടായിരുന്നു… ഞങ്ങൾ അകത്തേക്ക് കയറിയ പാടെ അച്ഛമ്മ ഓടി വന്നു…. അവിടെ വിവരം എത്തിയിട്ടുണ്ട്….
“ൻ്റെ ഈശ്വരാ, തറവാട്ടിൽ ആകെ ഉള്ള ഒരു ആൺ തരിയാ…. നിനക്ക് എന്തേലും പറ്റിയോ കുട്ടീ…. എന്തിനാ ഇവൾക്ക് വേണ്ടി അടി കൂടാൻ ഒക്കെ പോയത്…”
“അന്ന് കിട്ടിയത് ഒക്കെ പലിശയടക്കം തിരിച്ചു കൊടുത്തു, ഇല്ലേൽ തറവാടിന് തന്നെ അല്ലെ അച്ഛമ്മേ അതിൻ്റെ മോശം…” ഞാൻ ചിരിച്ചു കൊണ്ട് പറഞ്ഞു…
“മോനെ അവൻ ഇനി കൂടുതൽ ആൾക്കാരെ കൂട്ടി വരില്ലേ…” രാജൻ വല്യച്ഛന് സംശയം…
“ഇനി അവൻ ഒന്നും വരാൻ പോണില്ല, SI എനിക്ക് ചെറിയ പരിചയം ഉള്ള ആളാ, അവനേതോ രാഷ്ട്രീയക്കാരനെ വെട്ടിയത്രെ കഴിഞ്ഞ മാസം, ഇനി പുറത്തേക്ക് വരുന്നത് സംശയം ആണെന്നാണ് പറഞ്ഞത്… ഇറങ്ങിയാലും പാർട്ടിക്കാർ തീർക്കുമത്രേ….”
അത് കേട്ടപ്പോൾ ബാലൻ്റെയും രാജൻ്റെയും മുഖത്തെ നിരാശ ഞാൻ ആസ്വദിച്ചു…