ഞാൻ വേണ്ടെന്ന് പറഞ്ഞെങ്കിലും ചേട്ടൻ നിര്ബന്ധിച്ചു വണ്ടി തന്നു വിട്ടു…
“നിനക്ക് അത്ര ബുദ്ധിമുട്ടാണ്, എങ്കിൽ നീയൊരു വിലയിട്ട്… അങ്ങ് തന്നാൽ മതി… ഇപ്പോ വേണ്ട പിന്നെ…”
അത് ഞാൻ സമ്മതിച്ചു, ഏതായാലും ഒരു വണ്ടി വേണം, ഇവൻ ആകുമ്പോൾ ഞാൻ ഓടിച്ചിട്ടും ഉണ്ട്, ആകെ 2 കൊല്ലത്തെ പഴക്കമേ ഉള്ളൂ താനും….
ചേട്ടൻ ചേടത്തിയോട് മേരിച്ചേചി എഴുന്നേൽക്കുമ്പോൾ പറയാൻ പറഞ്ഞു.. അല്ലേൽ ചേച്ചി വിചാരിക്കും SI ടെ വീട്ടിൽ നിന്ന് വണ്ടി ആരോ അടിച്ചോണ്ട് പോയി എന്ന്..
വണ്ടി ഓടിക്കുമ്പോൾ ഞാൻ ജോണേട്ടനെ കുറിച്ചും ബാക്കി ഉള്ളവരെ കുറിച്ചും ഒക്കെ ഓർത്ത്
‘ശത്രുക്കൾ ഒരിക്കൽ ബൈക്കിൽ പോകുമ്പോൾ ജോൺ ഏട്ടനെ വണ്ടി ഇടിപ്പിച്ച് കൊല്ലാൻ നോക്കിയിട്ടുണ്ട്, പുള്ളിയെ അല്ലാതെ അടിച്ച് ഒന്നും ആർക്കും തോൽപ്പിക്കാൻ പറ്റില്ല, 40 വയസ്സ് കഴിഞ്ഞിട്ടും ഒരു മാജിക്കും ഇല്ലാതെ തന്നെ അയ്യപ്പനെ പോലത്തെ 4 ഓ 5 പേരെ പുള്ളി അടിച്ച് ഇടും അത്രക്ക് കരുത്തൻ ആണ് പുള്ളി, ആ സംഭവത്തോടെ ചേച്ചി പിന്നെ മൂപ്പരെ ബൈക്ക് ഓടിക്കാൻ സമ്മതിച്ചിട്ടില്ല, രണ്ട് പേരും തമ്മിൽ അത്ര സ്നേഹം ആണ്… പീറ്ററിൻ്റെ ചെറുപ്പത്തിലെ അപ്പനും അമ്മയും മരിച്ചപ്പോൾ മൂപ്പരാണ് പീറ്ററിനെ അപ്പൻ്റെ സ്ഥാനത്ത് നിന്ന് വളർത്തിയത്…. മേരിച്ചേചിക്കും അവൻ മൂത്തമോനെ പോലെ ആണ്….’
………………………………………………………………………..
വൈകീട്ടോടെ ഞാൻ നാട്ടിൽ എത്തി. തറവാട്ടിലേക്ക് ഞാൻ ബൈക്ക് ഓടിച്ച് കയറ്റിയപ്പോൾ ഉമ്മറത്ത് എല്ലാവരും ഉണ്ടായിരുന്നു. എല്ലാവർക്കും ആശ്ചര്യം ആയി…
“എവിടുന്നാ കുട്ടി വണ്ടി…” അച്ഛമ്മ തന്നെ ചോദിച്ചു.
“ഞാൻ വാങ്ങിയത്, ഒരു കൂട്ടുകാരൻ്റെ ആയിരുന്നു അവൻ ഇപ്പോ ബോംബെ ആണ്… അവൻ്റെ വീട്ടുകാർ കുറേ നിർബന്ധിച്ചു ഇത് എടുത്തോളാൻ…. വെറുതെ എങ്ങനാ അപ്പൊ ഞാൻ അങ്ങ് വാങ്ങി, ഇനി ടൗണിൽ പോകുമ്പോൾ ചെക്ക് കൊടുക്കണം…”
“അതെന്തായാലും നന്നായി, ഇവിടെ
ആകെ ഒരു വണ്ടി അല്ലേ ഉള്ളൂ…” അച്ഛമ്മ ശരി വച്ചു.
എല്ലാവരും അകത്ത് പോയപ്പോൾ അമ്മുവും മീരയും ഉഷമ്മയും വണ്ടിയുടെ അടുത്തേക്ക് വന്നു.
“കൊള്ളാം ശ്രീ… ഇനി ഇപ്പൊ എവിടെയും പെട്ടെന്ന് പോയി വരാല്ലോ… ഞാൻ ഇതിൻ്റെ പുറത്ത് കയറിയിട്ടില്ല ഇതുവരെ..”
“അതിനെന്താ ഉഷമ്മ കേറിയ്ക്കേ നമുക്ക് ഒന്ന് കറങ്ങി വരാം…”
“ആ നന്നാകും. പിന്നെ അതുമതി നിൻ്റെ അച്ഛമ്മക്ക്…”
“എടി ഉഷേ…” പറഞ്ഞു നാക്ക് അകത്തിട്ടില്ല പരട്ട കിളവിയുടെ വിളി എത്തി…
ഉഷമ്മ പതിയെ അകത്തേക്ക് വലിഞ്ഞു.
“അമ്മു വരുന്നോ !”
“ഞാൻ എൻ്റെ അച്ഛൻ്റെ കൂടെ കുറെ ഓടിച്ചിട്ടുണ്ടല്ലോ… മീരചേച്ചിയാ ഇതുവരെ ബുള്ളറ്റിൽ കയറാത്തത്…” അമ്മു ഒറ്റയടിക്ക് എനിക്കിട്ടും മീരക്കിട്ടും അടിച്ചു തന്നു.
“ആഹാ, നീ എൻ്റെ അച്ഛൻ്റെ മുന്നിൽ അല്ലേ ഇരുന്നിട്ടുള്ളൂ… സഞ്ചി വക്കുന്നപോലെ നിന്നെ വയ്ക്കുന്നു അത്രേ ഉള്ളൂ..” മീര അമ്മുവുമായി തല്ല് പിടിക്കാൻ ഉള്ള വട്ടം കൂട്ടി..
“മീരചേച്ചി അതുപോലും കയറിയിട്ടില്ലല്ല, കൊച്ചച്ചൻ വണ്ടിയിൽ കേറുന്നോ പോലും ചോദിച്ചില്ല..” അത് ശരിക്കും മീരയുടെ അഭിമാനത്തെ തൊട്ടെന്ന് തോന്നുന്നു..
“ഓ… ഞാൻ ഒന്ന് മൂളിയാൽ നിൻ്റെ കൊച്ചച്ചൻ എന്നെ കൊണ്ട് എത്ര റൗണ്ട് വേണേൽ അടിക്കും…”
“ഓ… പിന്നെ ചുമ്മാ… മീരചേച്ചിക്ക് അതിന് വണ്ടിയിൽ കയറാൻ പോലും അറിയില്ലല്ലോ..”
ഞാൻ അമ്മുവിന് മനസ്സിൽ നന്ദി പറഞ്ഞു..
മീര പെട്ടെന്ന് എൻ്റെ കയ്യിൽ പിടിച്ചു, ശ്രീ വണ്ടി പുറത്തേക്ക് ഇറക്കിക്കെ, ഇവളുടെ കൃമികടി ഇപ്പൊ തന്നെ തീർക്കണം….
അതും പറഞ്ഞു അവൾ പുറത്തേക്ക് നടന്നു, കളഞ്ഞു കിട്ടിയ ലോട്ടറിക്ക് ഫസ്റ്റ് അടിച്ച പോലെ ആയിരുന്നു എൻ്റെ അവസ്ഥ..
ഉഷമ്മേ ഞങ്ങൾ ഒന്ന് കറങ്ങി വരാമേ, ഞാൻ ആരോടെന്നില്ലാതെ അകത്തോട്ട് വിളിച്ചു പറഞ്ഞു. വണ്ടിയിൽ കേറി ഇരുന്നു, അമ്മുമോളെ എടുത്തു മുന്നിൽ ഇരുത്തി..
“ഞാൻ എന്തിനാ കൊച്ചച്ചാ…” അവൾ നിഷ്കളങ്കം ആയി ചോദിച്ചു.