കൂടെ നന്ദനും ഉണ്ട്…..
അച്ഛനെ കണ്ടതും അമ്മു നിന്നു…
എന്ത് പറയണം ചെയ്യണം എന്നറിയാതെ അച്ഛനെ തന്നെ നോക്കിനിന്നു….
തിരികെക്കിട്ടിയത് പക്ഷേ പുച്ഛത്തോടെയൊരു മുഖം തിരിക്കലായിരുന്നു…..
പ്രതീക്ഷിച്ചതാണെങ്കിലും കണ്ണ് നിറഞ്ഞുതൂവി…..
ആശ്രയതിനെന്നോണം അവന്റെ കയ്യിൽ മുറുകെപിടിച്ചു…..
ഹരിക്ക് ചങ്കുപൊള്ളി…..
അവളുടെ നോവിന് കാരണക്കാരൻ ആണല്ലോന്നോർത്തിട്ട്……
ഒന്നു ശ്വാസമെടുത്തു ഹരി അവളെ എടുത്തുപൊക്കി അമ്മു കുതറിയിട്ടും വിടാതെ തോളിലേക്ക് ചായ്ച്ചു വലതു കൈ കൊണ്ട് അവളുടെ മുഖം കഴുത്തിടുക്കിലേക്ക് ഒളിപ്പിച്ചുവച്ച് അവർക്കു മുന്നിലൂടെ തന്നെ നടന്നു ബൈക്കിനടുത്തേക്ക് നീങ്ങി…..
എന്ത് ചെയ്താലും നീതികരിക്കാൻ ആവാത്തതാണ് താൻ കാണിച്ചുകൂട്ടിയത്…
നിലത്തുനിർത്തിയിട്ട് കണ്ണും മുഖവും തുടച്ചുകൊടുത്തു…
“വീട് പണി നടക്കുന്നിടത്തു പോകാം…..”
അവൾക്കൊരുപാടിഷ്ടമാണ് അവിടെ പോകാൻ…മൂഡ് മാറ്റാൻ ഇനി അതേ ഉള്ളൊരു വഴി…..
അമ്മു തലയാട്ടി…..
“പൊന്നുപോലെ നോക്കി വളർത്തിയതാ ഞാൻ….ഒന്നിനും ഒരു
കുറവും ഇല്ലാണ്ട്…
എന്നിട്ടാ എന്റെ മുഖത്ത് കരിവാരി തേച്ചവൾ ഇറങ്ങിപ്പോയത്….”
രോഷത്തോടെ ആരോടെന്നില്ലാതെ പറഞ്ഞുകൊണ്ട് നന്ദനൊപ്പം നടന്നു അനിൽ…..
നാല് നേരം തിന്നാൻ കൊടുത്ത് സ്വർണക്കൂട്ടിൽ ഇട്ടു വളർത്തിയാൽ എല്ലാം തികയില്ലെന്ന് പറയാൻ നാവുതരിച്ചതാണ് നന്ദന്….
അതുപോലും തന്റെ മകന് താൻ കൊടുത്തിട്ടില്ലല്ലോ എന്ന ബോധ്യത്തിൽ മിണ്ടാതെ നടന്നു….
“കാലിൽ മണ്ണ് തൊടീയ്ച്ചിട്ടില്ല ഞാൻ….അവൾക്കു വേണ്ടി മാത്രം വാങ്ങിച്ചു കൊടുത്തിട്ടുണ്ടൊരു വണ്ടിയും അതിന് ഡ്രൈവറും….
എന്നിട്ടിപ്പോളാ തുരുമ്പിന്റെ പിന്നിൽ പോകുന്നത് കണ്ടാൽ മതി……”
ഹരിയുടെ ബൈക്കിനു പിന്നിൽ അവന്റെ പുറത്തേക്ക് ചാരി ഇരുന്നു പോകുന്ന അമ്മുവിനെ നന്ദൻ ഒന്ന് തിരിഞ്ഞുനോക്കി…
“അരപ്പട്ടിണീം സർക്കാരാശുപത്രിയും ആയിട്ട് നടക്കുമ്പോൾ അറിഞ്ഞോളും അച്ഛന്റെ വില….”
“നിങ്ങളിതേത് നൂറ്റാണ്ടിലാ അനീ….ആ ചെറുക്കന്റെ കൈക്ക് എല്ലുള്ള കാലത്തോളം നിങ്ങളീ പറഞ്ഞ അരപ്പട്ടിണീം മുഴുപ്പട്ടിണീം ഒന്നും അവൾ അറിയാൻ പോണില്ല…അവനറിയിക്കുകേം ഇല്ല….
ഇക്കാലത്തും മടിശീലയുടെ കനം നോക്കി ആളുകളെ വിലയിരിത്തുന്നതിൽ നിന്നും ഒന്ന് മാറി ചിന്തിക്കെടോ…..“
”ജനിപ്പിച്ച തന്തേടെ വിഷമം നിനക്ക് മനസ്സിലാവില്ല നന്ദാ….
എന്ത് യോഗ്യത ഉണ്ടാ തെണ്ടി ചെറുക്കന് എന്റെ മോൾടെ മുടിത്തുമ്പിൽ പോലും തൊടാൻ……“
”എല്ലാം കഴിഞ്ഞിട്ട് വർഷമൊന്ന് കഴിഞ്ഞു……
നിങ്ങളിപ്പോഴും ഇതും ചിന്തിച്ചിരുന്നോ…
പിന്നവന്റെ യോഗ്യത….
മുകളിൽ ഒരാൾക്കൊരു തീരുമാനം ഉണ്ട്…വിധി…
അതനുസരിച്ചേ എല്ലാം നടക്കു…
അവളെ കെട്ടാൻ യോഗ്യത ഉള്ളൊരുത്തന്റെ കയ്യിൽ തന്നെയാ ഭഗവാൻ അവളെ കയ്യെല്പിച്ചത്…..
അതിന് മാറ്റാരേക്കാളും അർഹതയുള്ളവന്റെ…..“
അത്രയെങ്കിലും പറയണമെന്ന് നന്ദന് തോന്നി…..
”അർഹത….കള്ളും കുടിച്ചു അടിയുണ്ടാക്കി നടക്കുന്നതാവും യോഗ്യത…“ പരമപുച്ഛമായിരുന്നു സ്വരത്തിൽ….
ഇനി തനിക്കൊന്നും പറയാനില്ലെന്ന ഭാവത്തിൽ ദേഷ്യം കൊണ്ട് ചുവന്ന മുഖവുമായി നന്ദൻ കമ്മിറ്റിയോഫീസിനുള്ളിലേക്ക് കയറിപ്പോയി…
ആ പോക്ക് നോക്കി ചുണ്ടിലൂറിയ ചിരിയോടെ അനിലും നിന്നു….
റോഡരികിലായി പണി നടന്നുകൊണ്ടിരിക്കുന്ന വീടിന്റെ മുറ്റത്തേക്ക് ഹരി ബൈക്ക് കയ്യറ്റിനിർത്തി….
അടുത്തുള്ള വീടുകളുടെയും വഴിവിളക്കിന്റെയും വെളിച്ചത്തിൽ നല്ല തെളിഞ്ഞു കിടപ്പുണ്ട്….
അമ്മു ആകെ ഒന്ന് കണ്ണോടിച്ചു….
ഭിത്തി എല്ലാം പണിതു കഴിഞ്ഞിട്ടുണ്ട്….
വാർക്കയാണ് രണ്ടു ദിവസം കഴിഞ്ഞാൽ…അതിനായ് തട്ടടിച്ചു വച്ചിട്ടുണ്ട്….
ഇടയ്ക്ക് കിണർ പണി കയറി വന്നതിനാൽ കുറച്ച് ഡിലേ ആയിരുന്നു…
ആദ്യമേ കിണർ പണി നടത്തേണ്ടത് ആയിരുന്നു പക്ഷേ അമ്മ കണ്ട ഏതോ ജ്യോൽസ്യൻ ഇന്ന സമയത്തേക്ക് നടത്തിയാൽ മതി ഇല്ലെങ്കിൽ അവന് ദോഷമാണെന്ന് പറഞ്ഞതിന് പുറത്ത് ഇടയിലേക്കാക്കിവച്ചു…
അതിന്റെ പേരില് തുടക്കസമയത്ത് വെള്ളത്തിന് കുറച്ച് ബുദ്ധിമുട്ടിയെങ്കിലും ഹരി അമ്മയുടെ വിശ്വാസം അല്ലെ എന്തെങ്കിലും ആകട്ടെയെന്ന് വച്ചു….
Adutha part ennan