“ജാസൂമ്മ കള്ളിയാ …. പഠിച്ച കള്ളി ….” അവൻ സ്വരം താഴ്ത്തി അവളുടെ ചെവിക്കരികിലേക്ക് നിന്ന് പറഞ്ഞു … കാര്യം മനസ്സിലായെങ്കിലും അവളൊന്നും മിണ്ടിയില്ല. അവളത് ശ്രദ്ധിച്ചില്ല എന്നറിഞ്ഞ് അവൻ തുടർന്നു …
” ന്റെ ചെവി ഒന്ന് ഡോക്ടറെ കാണിക്കണമുമ്മാ ….”
“ന്താപ്പോ അന്റെ ചെവിക്ക് പ്രശ്നം ….?” അവൾ തിരിഞ്ഞു …
“പ്രശ്നമെന്താന്നു വെച്ചാൽ ഇങ്ങള് വിളിക്കണതൊന്നും കേൾക്കാൻ പറ്റുന്നില്ല … ” ചിരിയോടെ അവൻ പറഞ്ഞു …
അവൾക്ക് അപ്പോഴാണ് കാര്യം മനസ്സിലായത് .. ” അനക്ക് ചെവിക്കല്ല കുഴപ്പം ….” അവൾ ചെറിയ ചിരിയോടെ ശബ്ദം താഴ്ത്തിപ്പറഞ്ഞു …
“പിന്നെന്തിനാ …?”
“അനക്കറിഞ്ഞൂടാ ….?”
” ഹൂ ഹും ….” അവൻ അറിയില്ലാന്നർത്ഥത്തിൽ തലയിളക്കി …
” എന്നാലറിയണ്ട ..” പറഞ്ഞിട്ട് അവൾ ചായപ്പൊടിയിരുന്ന ടിൻ എടുത്തു …
“ന്നാലും ന്തായിരുന്നു അഭിനയം … ?” ഷാനു വിടാനുള്ള ഭാവമില്ലായിരുന്നു ..
“നിക്കൊരു ഉമ്മക്കുട്ടിയുണ്ട് … അവനിങ്ങനെ കരഞ്ഞു കണ്ണീരൊലിപ്പിച്ചു കെട്ടിപ്പിടിച്ചു നിൽക്കുകയായിരുന്നു എന്ന് ജമീലാത്തയോട് ഞാൻ പറയണായിരുന്നോ …?”
ഷാനു ഒരു നിമിഷം ചമ്മി…
“അങ്ങനെ പറഞ്ഞൂടായിരുന്നോ …?” ചമ്മൽ മറയ്ക്കാൻ അവൻ ചോദിച്ചു ..
” ന്നിട്ടോ ….?” അവൾ ഗ്യാസ് ഓഫ് ചെയ്തുകൊണ്ട് തിരിഞ്ഞു …
” ന്നിട്ടെന്താ…?”
“പൊട്ടനാ ഇയ്യ് ….?” അവൾ തിരിച്ചു ചോദിച്ചു …
” എന്നിട്ടു വേണം ഓലതുമിതും പറയാൻ … ”
” എന്തു പറയാനുമ്മാ …?” കാര്യം അറിയാമെങ്കിലും ഷാനു ഉള്ളിൽ ചിരിയോടെ ചോദിച്ചു …
” ഒന്നുമില്ല … ” അവൾ ഗ്ലാസ് വെച്ചിരിക്കുന്ന സ്റ്റാൻഡിനടുത്തേക്ക് നീങ്ങി …
“പറയുമ്മാ …” അവൻ അവളുടെ പിന്നാലെ നീങ്ങി ..
” കുറച്ചു സാധനങ്ങൾ വാങ്ങാനുണ്ട്.. ചായ കുടി കഴിഞ്ഞ് പോയി വാ..”
ഉമ്മ മനപ്പൂർവ്വം ആ സംസാരത്തിന് തടയിട്ടതാണെന്ന് മനസ്സിലാക്കിയ ഷാനു പിന്നീടൊന്നും മിണ്ടിയില്ല .. ചായ കുടി കഴിഞ്ഞ് അവൻ കുറച്ചു നേരം തന്റെ ചെടികളുടെയടുത്ത് പോയി നിന്നു … അപ്പോഴാണ് ജാസ്മിൻ വിളിക്കുന്നത് അവൻ കേട്ടത് … ശരവേഗത്തിൽ അവൻ ഹാളിലേക്ക് ചെന്നു… “ന്താ മ്മാ ..?”
” ന്നാ …” അവൾ കയ്യിലിരുന്ന കുറിപ്പ് അവനു നേരെ നീട്ടി … ” പോയി വാങ്ങി വാ…” ഷാനുവിന്റെ മുഖം ഒന്ന് വാടിയത് അവൾ കണ്ടു .. എന്നാലും അവൻ കുറിപ്പ് വാങ്ങി മുറിയിലേക്ക് പോകാനൊരുങ്ങി ..
“ഡോക്ടറെ കാണേണ്ട കാര്യമൊന്നുമില്ല … വിളിക്കുമ്പോൾ കേൾക്കുന്നുണ്ട് … ” അർത്ഥം വെച്ച് പറഞ്ഞിട്ട് അവൾ തിരിഞ്ഞു .. വാതിൽപ്പടിയിൽ എത്തിയ ഷാനു അതു കേട്ട് തിരിഞ്ഞു നോക്കിയപ്പോഴേക്കും ജാസ്മിൻ ഹാളിൽ നിന്ന് റൂമിലേക്ക് പോയിരുന്നു ..
വസ്ത്രം മാറി ഷാനു തരുവണയിലേക്ക് പോയി. പനി വിട്ടിറങ്ങിയ മോളി ജാസ്മിനോട് ചോദിച്ചു മേടിച്ച് ഒരു കപ്പ് ചായയുമായി നേരെ ടി.വിയ്ക്കു മുൻപിലേക്കു വന്നു… ഡോറ കളി തുടങ്ങി. ഒരു പനിയിൽ മോളിയുടെ വിസ്മൃതിയിലാണ്ടു പോയ പാവക്കുട്ടി, സെറ്റിയുടെ അടിവശത്തിരുന്ന് ഡോറയെ ആദ്യമായി കണ്ടു. ജാസ്മിൻ ബണ്ണും റസ്ക്കുമായി മോളിക്കടുത്തേക്ക് വന്നു. ടി.വി കാണുമ്പോൾ മാത്രമേ വല്ലതും അവൾ കഴിക്കൂ എന്നറിയാവുന്ന ജാസ്മിൻ ചായയിലും, ചൂടുവെള്ളത്തിലും മുക്കി അവൾക്ക് റസ്ക്കും ബണ്ണും കൊടുത്തുകൊണ്ടിരുന്നു … അപ്പോഴേക്കും ഷാനു എത്തി .. അവൻ പെട്ടെന്ന് എത്തിയല്ലോ എന്ന് അവളോർത്തു.
രണ്ട് ചെറിയ സഞ്ചിയിലുള്ള സാധനങ്ങളുമായി ഹാൾ കടന്ന് അവൻ അടുക്കളയിലേക്ക് പോയി .. മോളി മതിയെന്നു പറഞ്ഞപ്പോൾ ജാസ്മിൻ എഴുന്നേറ്റു .. അവൾ അടുക്കളയിലേക്ക് ചെന്നു.. പൊടികളൊക്കെ ശ്രദ്ധയോടെ അതാതിന്റെ ഡപ്പകളിലേക്ക് പകർത്തുകയായിരുന്നു അവനപ്പോൾ …
” അപ്പോൾ നേരത്തെ വരാനും അറിയാം … ” അവനെ കടന്ന് ബാക്കി വന്ന റസ്ക്കും ബണ്ണും അടച്ചു വെക്കുന്നതിനിടയിൽ അവൾ , അവന് മുഖം കൊടുക്കാതെ പറഞ്ഞു …
” പോന്ന വഴിക്ക് ഡോക്ടറെ കാണിച്ചുമ്മാ , ചെവിക്ക് നോ പ്രോബ്ലം … മാത്രമല്ല, കേൾവിശക്തി കൂടുതലാന്ന് … ”
അവൾ മനസ്സിലാകാതെ അവനെ നോക്കി തിരിഞ്ഞു ..