അപ്പോളാണ് മുന്നിലേക്ക് ന്റെ കണ്ണ് പോയത്..
“” ഓഹ്….. ഷിറ്റ്…!!
മീനു.. വാ… വാ എണ്ണിക്ക്….ണ്ണിക്ക്…..പോവാം…. പോവാം….. “”
ഞാൻ ടേബിളിൽ വച്ചിരുന്ന കാറിന്റെ കീയും കയ്യിലെടുത്ത് അവളുടെ കയ്യിൽ മുറുകെ പിടിച്ചു കൊണ്ട് വേഗത്തിൽ അവിടുന്ന് ഇറങ്ങി ഓടി,
“” സിദ്ധു…. ന്താ… ന്താടാ കാര്യം…ഏഹ്.. കാര്യം പറ… “”
ന്റെ പിന്നാലെ ഓടി വരുന്നവൾ കാര്യം ഒരു കിതപ്പോടെയും പേടിയോടെയും ചോദിക്കുന്നത്,
“” പറയാം… നീയിപ്പോ വാ.. “”
ഞനൊന്ന് തിരിഞ്ഞു നോക്കി, പിന്നിലായി ഓടി അടുക്കുന്ന നാലഞ്ചു പേർ… അവരുടെ കയ്യിൽ എന്തൊക്കെയോ ഉണ്ട്… നേരെ അവളെ കാറിലേക്ക് കയറ്റി ഞാൻ വണ്ടി മുന്നോട്ടേക്ക് എടുത്തു.
ന്റെ കാട്ടിക്കൂട്ടളുകൾ കണ്ടു വിരണ്ടവൾ ന്നെ നോക്കുമ്പോ, ഞാൻ ന്റെ പറ്റാവുന്ന മാക്സിമം വേഗത ആ ആക്സിസിലേട്ടറിൽ കൊടുത്തു.
“”മീനാക്ഷി… അപർണ്ണയോട് വിളിച്ചിട്ട് പറ.. നിങ്ങള്ടെ രണ്ടാളുടേം ഡ്രെസ്സെല്ലാം പാക്ക് ചെയ്ത് ഹോസ്റ്റലിന്റെ
വെളിയിലേക്ക് വരാമ്പറ…പെട്ടന്ന്…!! “”
ഞാൻ പിന്നിലെ കാറുകളെ മുന്നിലെ മീറ്ററിലൂടെ വീക്ഷിച്ചുകൊണ്ട് പറഞ്ഞതും
“” നമ്മളെങ്ങോട്ടാടാ…!!
നീയെന്തിനാ ഓടിയെ…?? “”
അവളുടെ സംശയം വീണ്ടും ഉന്നയിച്ചു.
“” ഒക്കെ ഞാമ്പറയാം….!! നീയിപ്പോ അവളോട് ഞാൻ പറഞ്ഞപോലെ ചെയ്യാൻ വിളിച്ചു പറയെന്റെ മീനു…. “”
ഞാൻ ആക്സിലേറ്ററിലേക്ക് ആഞ്ഞു ചവിട്ടി, പിന്നവൾ ഒന്നും മിണ്ടാതെ അവളെ വിളിച്ചു പറഞ്ഞു, പിന്നെ ന്നെ നോക്കി ഇരുന്നതല്ലാതെ ഒന്നും മിണ്ടില്ല.
“” ഇനിപറ ന്താ പ്രശ്നം….?? “” ന്റെ ഫ്ലാറ്റിന്റെ ലിഫ്റ്റിൽ നിൽകുമ്പോളാണ് അവളുടെ ചോദ്യം വീണ്ടും. ഞനവളെയൊന്ന് നോക്കി, കാര്യം അറിഞ്ഞേ തീരു ന്നൊരു ഭാവം.
“” അത്… അത് ഞാമ്പറയാം പക്ഷെ
നീ പാനിക് ആകരുത്….!!
ഇന്നലെ വന്നവരുടെ ആളുകൾ അവിടെ… ആ പാർക്കിൽ ഉണ്ടായിരുന്നു… അവര് നമ്മളെ തേടി തന്നെ വന്നതാ… “”
ഞാൻ ഉള്ള ദേഷ്യം സൈഡിലേക്ക് അടിച്ച് തീർത്തു.
അവളും കാര്യം അറിഞ്ഞപ്പോ ഒന്ന് വിരണ്ടു. ഏത് നേരത്താണോ ഈ കാലമാടന്റെ കൂടെയൊക്കെ ചായ കുടിക്കാൻ പോകാൻ തോന്നിയെ എന്നാവും അവളുടെ മനസ്സിൽ…
“” അവർക്കെങ്ങ്നെ മനസിലായി നമ്മളുള്ള സ്ഥലം..”” അവളൊരു സംശയം പറഞ്ഞു.
“” ആ…. അറില്ല… ഇനിയെന്തായാലും ഇവിടെ നിക്കുന്ന സേഫല്ല… നമ്മക്കിവിടുന്ന് എത്രയും പെട്ടന്ന് പോണം…””
ഞാൻ പറഞ്ഞു നിർത്തിയതും ലിഫ്റ്റ് തുറന്നതും ഒന്നിച്ചു.ഞാൻ വേഗന്ന് ഇറങ്ങി ഫ്ലാറ്റിലേക്ക് നടന്നു..
“” പക്ഷെ എങ്ങോട്ട്…?? പോയാലും ഓഫീസിലെന്ത് പറയും.. അവര് ലീവ് തരൂന്ന് തോന്നണ്ണ്ണ്ടോ നിനക്ക്…..?? “‘”
“” ഓഫീസിലെ കാര്യമോർത്ത് നിങ്ങള് ടെൻഷനാവണ്ട.. അതൊക്കെ ഞാൻ നോക്കിക്കോളാം… നിങ്ങടെ ജോലിയൊന്നും പോവില്ല… പോരെ…!! “”
ഞാനതും പറഞ്ഞു ഡോർ തുറന്നകത്തേക്ക് കയറി, നേരെ റൂമിലേക്ക്നടന്നു, പുറകെ അവളും, വന്ന പാടെ ഞാൻ ഷർട്ട് അഴിച്ചു മാറ്റി ഒരു വൈറ്റ് ടി ഷർട്ട് എടുത്തിട്ടു..
ഒരു ഫ്ളോക്ക് കയറി വന്നതാണെങ്കിലും ഞാൻ വന്ന പാടെ ഡ്രെസ്സ് ഉരുമെന്ന് പുള്ളിക്കാരി കരുതില്ല.. അതിന്റെ ന്നോണം വായും പൊളിച്ചു നിന്നവളെ ഒരു ചിരിയോടെ ഞാൻ തട്ടി വിളിച്ചു.
“” നീ ഡ്രെസ്സ് ചേഞ്ച് ചെയ്യുന്നുണ്ടോ…?? ”
അവളിട്ടിരിക്കുന്ന ചുരിദാർ നോക്കി ഞാൻ പറഞ്ഞതും അവളിലെന്ന് തലയനക്കി,
“” ഒക്കെ… ന്നാ നീ ഒന്ന് തിരിഞ്ഞേ… ഞാനി പാന്റോന്ന് മാറട്ടെ… “”
പറഞ്ഞതും അവളോരൊറ്റ വെട്ടോടെ തിരിഞ്ഞു.