അതും പറഞ്ഞവൾ നോട്ടം മറ്റെങ്ങോട്ടോ മാറ്റി, ഒപ്പം അവളുടെ പതുങ്ങി ചിരിയും കേൾകാം..
ഓഹ്… തമാശ….!
“” ആഹ്ഹ് ഹാ… പിന്നെന്താവാണോ അവരങ്ങനെ
പറഞ്ഞിട്ട് പോയെ…?? “”
എന്റെയാ ചോദ്യത്തിന് സാമാന്യം ബോധമുള്ള ആരും മറുപടി തരില്ല.. പക്ഷെ ഇവിടെ ആ പ്രശ്നം ഇല്ല..
അതുകൊണ്ടാണല്ലോ അവളെന്നോട് തിരക്കിയത്
“” ആരെന്ത് പറഞ്ഞുന്ന്…..? “”
“”അല്ല അവര് പറയാണ് കുരിശിൽ കർത്താവിന് പകരം നിന്റെ തന്ത യാ.. ജോസഫ് ആണ് കേറികിടക്കണെന്ന്… പക്ഷെ ഞാൻ വിശ്വസിച്ചില്ല കേട്ടാ… പുള്ളിടെ സ്വഭാവം വെച്ച് പുള്ളി യൂദാസായിന്റെ കമ്പനി ക്കെ പോവു…””
ഞനത് പറഞ്ഞതും അവളെന്റെ തോളിൽ പിച്ചി, മുഖവും വീർപ്പിച്ചോറ്റയിരിപ്പ്. പിന്നെ വീടെത്തുന്ന വരെ അവളൊന്നും മിണ്ടില്ല. വീട്ടിലേക്ക് വണ്ടി നിർത്തുമ്പോൾ ഒരു പരിചയക്കാരന്റെ മുഖഭാവം പോലും തരാതെ കയറി പോകുന്നവളെ ഞാൻ നോക്കി പൊയ്.
“” അതെ… പിണക്കം എത്ര വരെ പോകുന്ന് ഒന്ന് പറഞ്ഞായിരുന്നേൽ കൊള്ളായിരുന്നു… ഉച്ചക്കത്തെ അരി അതി കുറച്ചിട്ടാ മതിയല്ലോ…’”
അവള് പോയ പുറകെ ഞാൻ വിളിച്ചു പറഞ്ഞതും ഉമ്മറത്തേക്ക് കയറിയവൾ ഒന്ന് നിന്ന് പിറകിലേക്ക് തിരിഞ്ഞ് നോക്കി.
“” നീ പോടാ എരപ്പെ…”” ന്നൊന്ന് ആട്ടി അവളകത്തേക്ക് കയറി, ഒന്ന് ചിരിച്ചു ഞാനും പുറകെ.. തിണ്ണയിലേക്ക് കയറുമ്പോ കേൾകാം..
പാത്രങ്ങളുടെമേലുള്ള സംഗീതം കച്ചേരി, ഓഹ് ആള് നല്ല കലിപ്പിലാണ്.
“” ന്താടി ഇവിടെ ബഹളം… ഏഏഹ്…””
വല്യകാര്യത്തിൽ മാറിയിട്ട കൈലിയും മടക്കി കുത്തി അടുക്കളയിലേക്ക് കയറിയതും പുട്ടിന്റെ കുറ്റി പറന്നെന്റെ തലയിലേക്ക് വന്നിടിച്ചു.
“” ട..ങ്ങ്……””
ന്നൊരു ശബ്ദത്തോടെ അത് വന്നെന്റെ തലയെ പ്രണയിച്ചു താഴേക്ക് വീണു, ഞനൊന്ന് തലക്കുടഞ്ഞു,
“” പുട്ടുകുറ്റിക്ക് എറിഞ്ഞു കൊല്ലാൻ… കൊല്ലാൻ നോക്കുന്നോടി പട്ടി… “”
ന്നെ നോക്കി എളിയിൽ കയ്യും കുത്തി പല്ല് കടിച്ചു നിന്നവളുടെ നേരെ ഞാൻ പാഞ്ഞടുത്തു, ഞാൻ ചെല്ലുന്നത് കണ്ടതും അവളോടി..
ഞാൻ വീടോ… പുറകെ ഓടി..
ആ വീട് മുഴുവനും ന്നെ അവളിട്ട് ഓടിച്ചെങ്കിലും, അടുക്കള പുറകിലെ മിറ്റത്തു നിന്നെനിക്കവളെ കിട്ടി…
ഓടി തളർന്നു കൈ മുട്ടിൽ കുത്തി അണച്ചു കൊണ്ടിരുന്നവളുടെ അടുത്തേക്ക് ചെന്ന് എടുത്ത് പൊക്കി തോളിലേക്ക് ഇടുമ്പോ, ഒന്നെതിർക്കാൻ പോലുമുള്ള ആരോഗ്യം അതിനില്ലായിരുന്നു.
പകരം വീട്ടൽ ഏറ്റു വാങ്ങാൻ ഉള്ള തയാറെടുപ്പോടെ ന്റെ തോളിൽ കിടക്കുന്നവളെ കൊണ്ട് ഞാൻ നേരെ അടുക്കളയിലേക്ക് കയറി.
അവളെ ആ സ്ലാബിലേക്ക് ഇരുത്തി, ഫ്രിഡ്ജ് തുറന്ന് പച്ചക്കറി വാങ്ങിയ കൂട്ടത്തിൽ വന്ന നാരങ്ങയിൽ രണ്ടെണ്ണം കയ്യിലെടുത്തു,
ഞാൻ ന്താണ് ചെയ്യുന്നത് ന്ന് നോക്കി അവളാ സ്ലാബിൽ തന്നെ ഇരിപ്പുണ്ട്.
ഞാനാ നാരങ്ങ മുറിച്ചു പിഴിഞ്ഞ് ഉപ്പും അല്പം പഞ്ചാരയും ഇച്ചിരി ഇഞ്ചി ചതച്ചതും ചേർത്തൊരു നാരങ്ങ വെള്ളം ഉണ്ടാക്കി, ഗ്ലാസ്സിലേക്ക് ആക്കി അവൾക്ക് നേരെ നീട്ടി,
” കുടിച്ചോ… “” ന്ന് ചുണ്ടനക്കുമ്പോ അവളത് വാങ്ങി ചുണ്ടോട് ചേർത്തു ഒപ്പം കുടിക്കുന്ന കൂട്ടത്തിൽ ഒളിക്കണ്ണിട്ട് ന്നെ നോക്കി ചിരിക്കൂന്നുമുണ്ട്.
“” മതിയോ…?? “‘ ഗ്ലാസ്സിലെ അവസാന വറ്റും ഇറക്കി ചുണ്ടിന് മീതെ പറ്റിയ ശകലവും നാവ് കൊണ്ട് തൂത്തെടുക്കുന്നത് കണ്ടു ഞാൻ ചോദിച്ചതും, അവള് വേണം ന്ന് പറഞ്ഞു.. ഞാൻ ബാക്കി കൂടെ അതിലേക്ക് ഒഴിച്ച് കൊടുത്തു, അതും കുടിച്ചു ന്നെ നോക്കി ചിരിയോടെ നിന്നവളുടെ കഷത്തിലൂടെ കയ്യിട്ട് ഞാനവളെ താഴെയിറക്കി.
“” പട്ങ്ങ്….. “” അവള് താഴെ ഇറങ്ങി ഓക്കേ ആയെന്ന് കണ്ടതും, സൈഡിലെ ചോറുണ്ണുന്ന സ്റ്റീൽ പാത്രം ഞാൻ കയ്യിലെടുത്ത് ആ തല നോക്കിയൊന്ന് കൊടുത്തു.