നോക്കുമ്പോൾ HR ബ്ലോക്കിലെ മാനേജർ വീര സിഗ് ആണ്, അതിന് ഒരു നന്ദിയും പറഞ്ഞു ഞാൻ അവിടുന്ന് തിരിഞ്ഞു നടന്നു.
ഓഫീസിലേക്ക് കയറിയതും പലരും ന്റെ അടുത്തേക്ക് വന്ന് കൊള്ളാം ന്നൊക്കെ പറഞ്ഞെങ്കിലും ഞാൻ എല്ലാത്തിനുമൊന്ന് ചിരിച്ചതെ ഉള്ളു.. കാരണം ഞാനിവിടെ അധികമാരോടും മിണ്ടാറൊന്നുമില്ല, അതിന് വേറൊരു കാരണമുണ്ട്, അധികം ആളുകളുമായി ഇടപെട്ടാൽ കൂടുതൽ ആളുകൾ ഇവരുമായി നമ്മളെ കണക്ട് ആകും അത് ലക്ഷ്യത്തെ സാരമായി ബാധിക്കും.
അങ്ങനെ ടേബിളിലേക്ക് ഇരിക്കുമ്പോളാണ് മീനാക്ഷിയുടെ കാൾ വരുന്നത്,
“” നീയെവിടുണ്ട്… ഓഫീസിലെത്തിയോ…?? “”
“” ഹാ ഞാൻ ഓഫീസിലുണ്ട്.. നീ എനിക്കൊരു ഹെല്പ് ചെയ്യോ…? “”
“” ന്താടാ…. പറയ്…!””
അവൾ കാര്യമായി ന്നോട് തിരക്കി, അതിന്
“” നീ വരുമ്പോ കഴിക്കാനെന്തേങ്കിലൂടെ വാങ്ങോ…?? വിശന്നിട്ട് വയ്യ….””
അതെന്താ വാങ്ങാല്ലോ ന്നും പറഞ്ഞവൾ ഫോൺ വെച്ചു, ഓഫീസിൽ അധികം വർക്ക് ലോഡ് ഒന്നും ഉണ്ടായിരുന്നില്ല.. പിന്നെ എന്തിനാണോ ഈ ഉറക്കളച്ചു ഇവിടെ വന്നിരിക്കുന്നത് ന്ന് ചോദിച്ചാ ആ എനിക്കുമറിയില്ല.
ഒരു പത്തു മിനിറ്റ് കഴിഞ്ഞു അവൾ ഓഫീസിലേക്ക് കയറി. ന്നെ വിളിക്കാനായി വന്നവൾ ഒന്ന് സ്ഭിച്ചു നിന്നു. കൂടെ പതിയെ ചുവടു വെച്ചെന്റെ അടുക്കലേക്ക് നടന്നു, വിശന്നിട്ട് വയറിൽ കയ്യും വെച്ചിരുന്ന ഞാൻ ഒന്ന് തിരിഞ്ഞപ്പോ കണ്ടത് അവളുടെ ബ്ലാക്ക് ആൻഡ് വൈറ്റ് സിനിമ.. ഞാൻ തന്നെ മുന്നേ നടന്ന് അവളേം വിളിച്ചോണ്ട് വെളിയിലേക്ക് ഇറങ്ങുമ്പോൾ ഓഫീസിലെ പലരുടേം കണ്ണുകൾ ഞങ്ങളുടെ മേലെ ആയിരുന്നു.. ഇനി അടുത്ത പരദൂഷണത്തിനുള്ളതായി.
“”ഓഹ് വിശന്നിട്ട് വയ്യ…
അല്ല നീ കഴിച്ചോ…??”‘
വന്നപാടെ കയ്യും കഴുകി അവളേം അവിടിരുത്തി ഞാൻ കൊണ്ട് വന്ന പൊതി തുറന്നു , ചോദിച്ചതിന് മറുപടി ഇല്ലാതെ നിന്ന മീനാക്ഷിയേ ഞാൻ തട്ടി വിളിച്ചു.
അവളൊന്ന് ഞെട്ടി ന്നെ നോക്കാതെ നോക്കി,
“” നീ…. നീയെന്താ ട്രിമ് ചെയ്യ്തെ…””
ഒന്ന് വിക്കിയവൾ ചോദിച്ചതിന് ഞാൻ കഴിപ്പ് നിർത്തി,
“” ന്താടി കൊള്ളത്തില്ലേ… ഇവിടുള്ളൊരു പറഞ്ഞല്ലോ നല്ലതാന്ന്… “”
ഒരു അഭിപ്രായത്തിനായി ഞാൻ അവളുടെ മുഖത്തേക്ക് നോക്കി, ന്നാൽ അവളിപ്പോളും ന്റെ മുഖത്തേക്ക് തന്നെ നോക്കി നിക്കാ..
“” ടി…. “” ഞാൻ ഒന്ന് തട്ടി വിളിച്ചതും,
“” i love you….! “”
“” ഏഹ്….!!”‘ ഞാൻ പുരികം വളച്ചതും, അവളുടനെ പെട്ടന്ന് അടി കൊണ്ടത് പോലായി, പിന്നെ ഒന്നുല്ലെന്ന് പറഞ്ഞവൾ നിക്കൊപ്പം അവിടിരുന്നു,
“” നിനക്കിത്രെ വിശപ്പുണ്ടായിരുന്നേൽ താഴേന്നു കഴിച്ചിട്ട് വന്നാ പോരായിരുന്നോ…?? “”
അവളെന്നോട് ചോദിച്ചതിന്, താഴെ നടന്ന കാര്യം ഞാൻ വ്യക്തമാക്കി കൊടുത്തു. ഉടനെ പിന്നെ അതിനായി വഴക്ക്.. ന്റെ പുറത്തൊരു അടിയും തന്നവൾ മുഖം വീർപ്പിച്ചു, നിക്ക് ചിരി വന്നുപോയി.
✨✨✨✨✨✨✨✨✨✨✨✨✨✨✨✨✨✨
“” സിദ്ധു…. ബാക്കി ന്താന്ന് പറഞ്ഞില്ല…””
ഉച്ചക്കത്തെ ലഞ്ച് ബ്രേക്കിന് ഇരിക്കുമ്പോളാണ് മീനാക്ഷി ന്റെ അടുത്തേക്ക് വരുന്നത്.
“” അപർണ്ണയിന്ന് വന്നില്ലാലോ…?? “”
അവള് ചോദിച്ചതിന് നേരെ വിപരീതമായ മറുപടി കൊടുത്തത് കൊണ്ടാകാം അവളെന്നെ നോക്കിയത്..
“” ഉറക്ക ഷീണം ഉണ്ടെന്ന് പറഞ്ഞു… അതോണ്ട് വൈകിട്ട് ഫ്ലാറ്റിലേക്ക് വരാന്ന് പറഞ്ഞു… “”
“” ഓഹ് അപ്പോ ഇന്നും രണ്ടും അവിടെ കാണുന്ന് സാരം ഇല്ലേ.. “”
ഞനൊട്ടും താല്പര്യമില്ലാത്ത രീതിയിൽ സംസാരിച്ചു നിർത്തിയതും അവളെന്റെ തോളിൽ പിടിച്ചൊരു കറക്ക്.
“” അതെന്താടാ നീ അങ്ങനെ പറഞ്ഞെ… ന്തേ ഞങ്ങള് വരുന്നോണ്ട് നിനക്ക് വല്ല ബുദ്ധിമുട്ടുമുണ്ടോ..?? “”