ഞാൻ ആ കണ്ണുകളിലേക്ക് നോക്കി,
“” ന്നെ ഒറ്റക്കാക്കി എങ്ങും പോവല്ലെ… “”
അങ്ങനെ കൂടെ ഞാൻ പറഞ്ഞതും അവളെന്നെ വാരി പുണർന്നു നെറുകിൽ ചുണ്ട് ചേർത്തു , ഇല്ലെന്ന് മൗനമായി വിതുമ്പാൻ നിൽക്കുന്ന ചുണ്ടുകൾ കടിച്ചുപിടിച്ചെനിക് വാക്ക് തന്നു.
“” നിക്ക് ഉറക്കം വരണ് വാവേ.. “” ഞാൻ അവളെ നോക്കാതെ തന്നെ പറഞ്ഞതും അവൾ ന്നെ പിടിച്ചാ മടിയിലേക്ക് കിടത്തി, കൂടെ അവളും ക്രോസായിലേക്ക് ചാരി കിടന്നു,
“” ന്റെ മോനോറങ്ങിക്കോ…. “” അവളുടെ വിരലുകൾ ന്റെ മുടിയിലൂടെ അനുസരണയില്ലാതെ ഇഴഞ്ഞു നടന്നു.
✨✨✨✨✨✨✨✨✨✨✨✨✨✨✨✨✨✨
“” മ്മ്… ന്താടി നോക്കി ചിരിക്കണേ…..?? “”
ഞാനുറങ്ങിയെന്ന് കണ്ടതും അവരുടെ സംസാരവും കൂടി,
“” അല്ല ചേച്ചീടേം മോന്റേം സ്നേഹം കണ്ട് ചിരിച്ചോയതാ… “”
അക്ഷര അതിനെ കളിയാക്കി ചിരിച്ചു, അവളുമാ ബെഡിലേക്കിരുന്നു,
“” ഇച്ചിരി കള്ളത്തരവും, കുറുമ്പും ഉണ്ടന്നെയുള്ളൂ ആള് പാവാ….!! ന്റെ ഭാഗ്യ ഇവൻ…… “”
പറയുന്നതിനൊപ്പം ഒരു നനുത്ത സ്പർശം നെറ്റിയിൽ ആഴ്ന്നു.
“” ഇവനെയാദ്യം കണ്ടപ്പോ ഞാങ്കരുതിയത്,
ഇവനാള് ലോക ഉടായിപ്പാണെന്നാണ്…പിന്നെയല്ലേ മനസിലായെ ആളൊരു പാവാണെന്ന്… “”
അക്ഷരയുടെ ശബ്ദം വീണതും ന്റെ തലയിലുള്ള തഴുകൽ പിന്നെ വാത്സല്യമായി,
പിന്നെ കുറച്ച് നേരം മൗനം വീണു.
“” നീയിവനെ,
കണ്ടില്ലായിരുന്നെങ്കിലോ സ്റ്റെഫി…?? “”
മൗനം നിറഞ്ഞ മുറിയിൽ അക്ഷരയുടെ സ്വരം വീണതും അവളുടെ കൈകളുടെ ചലനവും നിന്നു,
മറുപടി അവളൊന്ന് ചിരിക്കുക മാത്രം ചെയ്തു. വീണ്ടും ന്നെ ചേർത്തു പിടിച്ചു,
✨✨✨✨✨✨✨✨✨✨✨✨✨✨✨✨✨✨
ഇടക്കെപ്പോളോ പരതിയ കണ്ണുകൾ ദൂരെയുള്ള ആരിലോ ഉടക്കി,
“” സമയം ഒരുപാടായി നമ്മക് പോവാം.. “”
കഥ പെട്ടന്ന് നിർത്തിയത് പറഞ്ഞത് കൊണ്ടാകാം രണ്ടാൾക്കും ഒരു വ്യക്തകുറവ്… ന്നാൽ അപ്പോളും ഞങ്ങളെ നോക്കി നിൽക്കുന്ന കുറച്ചാളുകളിലേക്കായിരുന്നു ന്റെ നോട്ടം.
ഞാൻ ഒറ്റയ്ക്ക് ആയിരുനെകിൽ കുഴപ്പമില്ലായിരുന്നു ഇതിപ്പോ ഇവരെ കൂടെ ഇതിലേക്ക് വലിച്ചിടാൻ എനിക്ക് പറ്റില്ല.
അവരുടെ വാക്കുകൾക്ക് കാത്ത് നില്കാതെ ഞാൻ നേരെ അവരുമായി കാറിലേക്ക് നടന്നു,
“” എന്താ സിദ്ധു… ന്തെങ്കിലും പ്രശ്നമുണ്ടോ..?? “”
അവരെ മുന്നിലാക്കി നടന്ന എന്നോട് മീനാക്ഷി ചോദിച്ചതിന്
“” ഏയ്യ് എന്ത് പ്രശ്നം…ഒന്നുല്ല “”
അവരോട് ഒന്നുമില്ലെന്ന് പറഞ്ഞു ഞാൻ രണ്ടാളേം കാറിലേക്ക് കയറ്റി, അപ്പോളും പിന്നിൽ നിന്നും എന്റെ അടുത്തേക്ക് വരുന്ന ആളുകളിലക്കായിരുന്നു ന്റെ ശ്രദ്ധ.
“” Sir…, Do you know where the next Golder Emporium is here…? “”
അവരെ കയറ്റി ഒന്ന് തിരിഞ്ഞ നിക്ക് നേരെ അയാൾ ഒരു ചിരിയോടെ ചോദിച്ചതും, ന്നിൽ നിന്നും വീണ ദീർഘനിസ്വാസവും, സമാധാനത്തിന്റെ ചിരിയും കണ്ടയാൾ നിക്ക് നേരെ മുഖം ചുളിച്ചു,
“” ohh sorry dude,
You go straight from there and turn left to the third building..!””
ഞാൻ ചുറ്റുമോന്ന് നോക്കി കാറിലേക്ക് കയറി, കയറിയത് മുതൽ ന്റെ ശ്രദ്ധ റോഡിലേക്കായിരുന്നു. ഇടതും വലതും വരുന്ന കാറുകളെ നീരിക്ഷിച്ചു ഞാൻ ഫ്ലാറ്റിലേക്ക് വണ്ടി കയറ്റി.. അപ്പോളോന്നും അവരാരും ഒരക്ഷരവും ന്നോട് മിണ്ടില്ല.. ന്നെ ബുദ്ധിമുട്ടിപ്പിച്ചില്ല.
“” കാർ വേണമെങ്കിൽ കൊണ്ടൊക്കോ നിങ്ങള്, ഞാൻ ഓഫീസിലേക്ക് ക്യാബ് വിളിച്ചോളാം… “”
ഡ്രൈവിംഗ് സീറ്റിൽ നിന്നും ഇറങ്ങി ഞാൻ പറഞ്ഞതും അവർ രണ്ടാളും ന്നെ മിഴിച്ചു നോക്കി,