വാക്കുകളിൽ ശ്രദ്ധിക്കാതെ ഞാൻ വീണ്ടും അവളെ നോക്കി,
അവളിപ്പോ എനിക്ക് അപ്പുറം തൊഴു കയ്യോടെ നിറഞ്ഞ പുഞ്ചിരിയിൽ ഇരിക്കുകയാണ്.
“” അഹ്.. ഇനി മതി… ബാക്കിയൊക്കെ വീട്ടിചെന്നിട്ട് സൗകര്യപൂർവ്വം നോക്കാം… ടാ…. “”
വീണ്ടും ന്നെ തട്ടി വിളിച്ചപ്പോ ഞനൊന്ന് ഞെടുങ്ങി,
കൂടെ ഒന്ന് ചിരിക്കാനും മറന്നില്ല.
അവളെന്നെ തലച്ചേരിച്ചൊന്ന് നോക്കി, ഞാൻ അവളെയും,
അവൾ അത്രെയേറെ സന്തോഷവധിയായി ഞാനിന്ന് വരെ കണ്ടിട്ടില്ല… അവളിൽ അത്രയും പ്രസരിപ്പ്.
ന്നെ നോക്കിയോന്ന് ചിരിച്ചവൾ കണ്ണ് ചിമ്മുമ്പോൾ ഞാൻ വേറെയെതോ ലോകത്തായിരുന്നു.
പിന്നെ ന്തൊക്കെ മന്ത്രങ്ങളും കാര്യങ്ങളും കഴിഞ്ഞു, ഒരു താലത്തിൽ താലിയെടുത്തു നിക്ക് നേരെ നീട്ടി, ന്റെ കണ്ണുകൾ നിറഞ്ഞു..
കാരണം സ്വപ്നം കണ്ട നിമിഷത്തെ ഉള്ളങ്കയ്യിലേക്ക് വാങ്ങുമ്പോൾ നെഞ്ച് വല്ലാതെ മിടിക്കുന്നുണ്ടായിരുന്നു.
പിന്നെ വൈകാതെ,
ഞാനത്തെടുത്തു അവളിലേക്ക് തിരിയുമ്പോൾ അവളിലും അവസ്ഥക്ക് മാറ്റമൊന്നുമില്ല.
“” കെട്ടട്ടെ…… “” ന്ന് മിഴികൾ കൊണ്ട് അവളോട് സമ്മതം ചോദിക്കുമ്പോൾ നിറഞ്ഞ ആ മിഴികളോടെ അവളെനിക്ക് അനുവാദവും തന്നിരുന്നു.
ഞാനാ കഴുത്തിലേക്ക് കൈ നീട്ടിയതും, ഇഴെഴു പതിനാല് ദേവി ദേവമ്മാരെയും സാക്ഷിനിർത്തി അണയാത്ത അഗ്നിക്ക് മുന്നിൽ വാദ്യകോശങ്ങളുടെ അകമ്പടിയോടെ അവളെ ഞാനെന്റെ സ്വന്തമാക്കി,
കളിവാക്കിനാൽ തുടങ്ങിയ അടുപ്പം ഇന്നിവിടെ വരെ എത്തി നിൽക്കുന്നുണ്ട് ങ്കിൽ അതവളുടെ മാത്രം വിജയമാണ്. ഒരു പെണ്ണിന്റെ വിജയം….
അല്ലെങ്കിലും സ്നേഹിക്കുന്നവരെ തന്നെ വിവാഹം കഴിക്കുക ന്നതല്ലേ വല്യ ഭാഗ്യം…!
ഞങ്ങളെ രണ്ടാളേം ഒരു താലി ചരടിൽ ഒന്നാക്കുമ്പോൾ അവൾ നെഞ്ചോട് കൈ കൂപ്പി കണ്ണുകളടച്ചു പ്രാത്ഥിച്ചു, താലി ഇരു കണ്ണുകളേക്കും ചേർത്ത് ചുണ്ടോട് ചേർത്തൊന്ന് മുത്തി., നെറുകിൽ ചാർത്തിയ സിന്ദൂരത്തിന് പുറമെ ന്റെ സ്നേഹത്തിന്റെ ചുംബനവും നൽകി ഞാൻ അകലുമ്പോൾ അവളത് കണ്ണുകളടച്ചു സ്വീകരിച്ചു., കൂടെ നിന്നവരിൽ പലർക്കും ചിരി പടർന്നെങ്കിലും ഞങ്ങളിൽ ആ ചുംബനത്തിന് ഒരു ആയുസ്സൊളം വിലയുണ്ടായിരുന്നു.
ന്റെ കയ്യും പിടിച്ചു മണ്ഡപത്തിന് ചുറ്റും വലം വെക്കുമ്പോൾ അവളുടെ മുഖത്തെ സന്തോഷം ന്നിലേക്കും നീണ്ടിരുന്നു.
പിന്നെ അങ്ങോട്ട് ബഹളം തന്നെ ബഹളം… ഫോട്ടോ എടുത്ത്… എടുത്ത് മനുഷ്യൻ ഇല്ലാണ്ടായി..
കഴിക്കാൻ പോകാം ന്ന് പറഞ്ഞപോളാണ് ഞങ്ങളെ അവരൊന്ന് വെറുതെ വിട്ടത്.
ഇന്നലെ വരെ സ്വന്തം ന്ന് പറയാൻ പറ്റാത്തിരുന്ന ബന്ധം ഇന്നെന്റെ ജീവൻ ആയി തീർന്നു.. ഞാനാ ജീവന്റെ കയ്യും പിടിച്ചു ഓഡിറ്റോറിയത്തിലേക്ക് കയറി.
ഓഡിറ്റോറിയത്തിലേക്ക് കയറിയതും കുറെ എണ്ണം ന്നെ വന്നങ്ങ് പൊതിഞ്ഞു,
“” ചേച്ചി ഇപ്പോ വിട്ടേക്കാവേ… “”
ന്ന് അമൽ പറഞ്ഞതും അവള് ഒന്ന് സൂക്ഷിച്ചു നോക്കി തലയനക്കി, അവളുടെ മറുപടി കിട്ടിതും അവനെന്നേം വലിച്ചോണ്ട് ദൂരേക്ക് നടന്നു,
“” ടെൻഷണുണ്ടോ…?? “” ന്ന് ചോദിച്ചതിന് ഞാൻ ഉണ്ടെന്ന് പറഞ്ഞതും അവൻ അരയിൽ നിന്നൊരു ബെകാടി പുറത്തെടുത്തു.
“” സിദ്ധു…. “” ന്ന് വിശാലിന്റെ വിളി വന്നതും ഞാൻ അങ്ങോട്ടേക്ക് നോക്കി…
“” നീയടിക്കാൻ പോവാണോ…?? ” ” അവന്റെ അപ്പോളത്തെ മുഖം കണ്ട് അല്ലെന്ന് ഞാൻ പറഞ്ഞു പൊയ്.
“” ആഹ്ഹ്… ന്നാ അടിക്കണ്ട.. നീ ചെല്ല്… അവിടെ തിരക്കും… “”
അവനെന്നെ പറഞ്ഞു അകത്തേക്ക് വിട്ടു. കൂടെ അമലിനോട് ചൂടാവുന്നതും കണ്ടു.
ഞാൻ തിരികെ വരുമ്പോൾ അവൾ കയറിയില്ലായിരുന്നു ഏതോ ബന്തുകളോട് സംസാരിച്ചു നിൽക്കായിരുന്നു.
ഞാൻ അടുത്തേക്ക് ചെന്നതും അവരോട് ശെരിയെന്നും പറഞ്ഞു ന്റെ കയ്യിൽ കൈ കോർത്തു അകത്തേക്ക് നടന്നു.
ടേബിളിലേക്ക് കഴിക്കാനായി ഇരിക്കുമ്പോ അവൾ സാരീയുടെ മുന്താണി കൊണ്ട് ന്റെ മുഖമാകെയൊന്ന് ഒഴിഞ്ഞു. നെറ്റി തടത്തിലെ വിയർപ്പ് തുള്ളിയെയും തുടച്ചവൾ സ്വന്തം മുഖവും ഒന്നുഴിഞ്ഞു.