റോക്കി – 5 29അടിപൊളി  

അടുത്ത അടവ് എന്റെ കൈ ഒരല്പം ബലം പ്രയോഗിച്ചു അഴിപ്പിച്ചു മാറാനായിരുന്നു.. അധികം ബലത്തിൽ അല്ലെങ്കിലും അവൾ എന്റെ കൈകൾ ഉയർത്താൻ ഒരു ശ്രമം നടത്തി. ഞാൻ ബലം പിടിക്കാതെ ഇരുന്നിട്ട് പോലും അവൾക്ക് എന്റെ കൈകളെ ഉയർത്താൻ സാധിച്ചില്ല. ഒടുവിൽ ഗത്യന്തരം ഇല്ലാതെ ഇഷാനി എന്റെ കൈകൾക്ക് മേലെ ബലം പ്രയോഗിച്ചു. ഉറക്കത്തിൽ ഞാനും കൈകൾക്ക് ബലം കൊടുത്തു. അവൾ എന്റെ കൈകൾക്ക് ഇടയിൽ കിടന്നു ഞെരുങ്ങി. എന്റെ കൈകൾക്ക് ബലം കൂടിയപ്പോൾ ഞാൻ ഉണർന്ന് കിടപ്പാണ് എന്ന് അവൾക്ക് തോന്നി.. അവൾ മെല്ലെ എന്നെ ഒന്ന് വിളിച്ചു നോക്കി

‘അർജുൻ.. അർജുൻ…’

ഞാൻ അത് കേൾക്കാത്ത ഭാവത്തിൽ ഉറക്കം നടിച്ചു കിടന്നു.. അവൾ അപ്പോൾ കുറച്ചു കൂടി ഉറക്കെ എന്നെ വിളിച്ചു
‘എടാ കൈ ഒന്ന് മാറ്റിയെ എനിക്ക് എണീക്കണം..’
ഞാൻ പക്ഷെ അനങ്ങിയില്ല.. കേൾക്കാത്ത പോലെ തന്നെ കിടന്നു

‘ഡാ.. ഡാ…’
ഞാൻ ഉണരുന്നില്ല എന്ന് കണ്ട് അവൾ എന്നെ തട്ടി വിളിച്ചു. ഞാൻ മെല്ലെ കള്ളത്തരത്തിൽ കണ്ണ് തുറന്നു. ഉറക്കം വിട്ട് മാറുന്ന പോലെ ഞാൻ അഭിനയിച്ചു
‘ കൈ മാറ്റ്.. ഞാൻ എണീക്കട്ടെ..’
അവൾ പറഞ്ഞു

‘ഹാഹ്…’
ഉറക്കച്ചടവിൽ എന്തൊ പറയുന്ന പോലെ ഞാൻ ശബ്ദം വച്ചു. അവളുടെ ശബ്ദം കുറച്ചു ദേഷ്യത്തിൽ ആയി

‘എടാ ഒന്ന് മാറിയേ.. എനിക്ക് എണീക്കണം..’

‘നേരം വെളുത്തു വരുന്നേ ഉള്ളു. നീ എവിടെ പോകുവാ ഇപ്പോളെ എണീറ്റ്..?
കണ്ണ് തുറക്കാതെ തന്നെ ഞാൻ മറുപടി കൊടുത്തു

‘ദേഹത്തു നിന്ന് കയ്യെടുക്ക്..’
അവൾ ഒരു ഓർഡർ പോലെ പറഞ്ഞു. ഞാൻ അത് മൈൻഡ് ആക്കാതെ കിടന്നു
‘അർജുൻ കളിക്കല്ലേ. കൈ വിട്ടേ…’
അവൾ ശരിക്കും എന്റെ ദേഹത്ത് നിന്നും എഴുന്നേൽക്കാൻ കുതറിച്ചു.. പക്ഷെ ഞാൻ കൈകൾ കുറച്ചു കൂടി മുറുക്കിയതോടെ അവൾക്ക് അനങ്ങാൻ പറ്റാതെ ആയി
‘അർജുൻ ഒന്ന് കൈ വിട്ടേ.. എനിക്ക് ശ്വാസം മുട്ടുന്നു…’
അവൾ ദേഷ്യത്തിൽ പറഞ്ഞു

‘ഇത്രയും നേരം ഒരു കുഴപ്പവും ഇല്ലാരുന്നല്ലോ..’
ഞാൻ മെല്ലെ കണ്ണ് തുറന്നു കൊണ്ട് പറഞ്ഞു

‘ഓ അപ്പോൾ അറിഞ്ഞോണ്ട് ആണോ മോൻ കെട്ടിപ്പിടിച്ചത്.. എന്റെ വായിൽ നിന്ന് നല്ലത് കേൾക്കണ്ട എങ്കിൽ മര്യാദക്ക് മാറിയേ..’

‘അറിഞ്ഞോണ്ട് തന്നെയാ.. എന്തെ..?
അവളെ ഒന്ന് ദേഷ്യം പിടിപ്പിക്കാൻ ഞാൻ ചോദിച്ചു

‘നിന്നെ വിശ്വസിച്ചു കൂടെ കിടത്തിയിട്ട് നീ ഇങ്ങനെ ആണോ എന്നോട് ബീഹെവ് ചെയ്യുന്നത്..?
എന്റെ പ്രതികരണത്തിൽ അമ്പരപ്പ് തോന്നി അവൾ ഒരു മയത്തിൽ പറഞ്ഞു

‘ആഹാ ഇപ്പോൾ എന്റെ മാത്രം കുറ്റം ആയോ..? ആദ്യം വന്നു കെട്ടിപ്പിടിച്ചത് ആരാ..? ഞാൻ രണ്ടും മൂന്നും പ്രാവശ്യം നീക്കി കിടത്തി. നീയാണ് പിന്നെയും പിന്നെയും കീഴേക്ക് വന്നത്..’

‘അർജുൻ തോന്നിവാസം പറഞ്ഞാൽ എന്റെ കയ്യിൽ നിന്ന് നീ വാങ്ങിക്കും..’
ഞാൻ പറഞ്ഞത് അവൾക്ക് ശരിക്കും കൊണ്ടു. എന്നെ തല്ലാൻ എന്ന പോലെ അവൾ സംസാരിച്ചു

‘ഇപ്പോൾ ഞാൻ പറഞ്ഞത് തോന്നിവാസം ആയല്ലേ. എനിക്ക് കള്ളം പറയണ്ട കാര്യമില്ല. അല്ലേലും പണ്ടും നീ തുടങ്ങി വച്ചിട്ട് പഴി എനിക്ക് ആണല്ലോ..’
പഴയ ഉമ്മ കേസ് കൊള്ളിച്ചു കൊണ്ട് ഞാൻ പറഞ്ഞത് അവൾക്ക് ഫീലായ്..

‘കയ്യൊന്ന് എടുത്തു മാറ്റുമോ..?
എന്നോട് കൂടുതൽ തർക്കിക്കാൻ നിൽക്കാതെ അവൾ ചോദിച്ചു

‘നീ തല്ലും എന്നല്ലേ പറഞ്ഞത്. തല്ല്.. ഞാൻ ആണ് നിന്നെ കെട്ടിപ്പിടിച്ചത് എന്ന് നിനക്ക് ഉറപ്പ് ഉണ്ടേൽ നീ തല്ലിക്കോ. ഞാൻ കൈ വിടാം..’
ഞാൻ ആത്മവിശ്വാസത്തിൽ പറഞ്ഞപ്പോ അവൾ ധർമ്മസങ്കടത്തിൽ ആയി. അർജുൻ ഇത്രയും കോൺഫിഡന്റ് ആയി പറയുന്നു എങ്കിൽ അത് തമാശ ആവില്ല. ഇഷാനിയുടെ മങ്ങിയ ഓർമ്മയിൽ എവിടെയോ അവനെ കെട്ടിപിടിച്ചു കിടക്കുന്നത് വരികയും ചെയ്തു. അവൻ പറയുന്നത് സത്യം തന്നെ ആവണം. അപ്പോൾ താൻ അവനെ തല്ലിയാൽ അത് വലിയ തെറ്റാണ്. ആ പഴയ തെറ്റ് തനിക്ക് വീണ്ടും ആവർത്തിക്കാൻ വയ്യാതെ നിസ്സഹായയായ ഇഷാനി അർജുനോട് അപേക്ഷയുടെ സ്വരത്തിൽ പറഞ്ഞു

‘പ്ലീസ് ഈ കയ്യൊന്ന് മാറ്റുമോ..?

‘നീയാണോ എന്നെ കെട്ടിപ്പിടിച്ചത്.. അത് പറ..?
ഞാൻ വാശി കളയാതെ ചോദിച്ചു

‘ഞാൻ അല്ല..’
അവൾ ദുർബലമായ ഒരു കള്ളം പറഞ്ഞു. അത് പൊളിക്കാൻ വളരെ എളുപ്പം ആണെന്ന് എനിക്ക് തോന്നി

‘എങ്കിൽ കള്ളം പറഞ്ഞു നിന്നെ കെട്ടിപ്പിടിച്ച എന്നെ രണ്ട് പൊട്ടിക്ക്.. അപ്പോൾ കൈ വിടാം..’

‘എടാ പ്ലീസ്….’
അവൾ വീണ്ടും അപേക്ഷയുടെ സ്വരത്തിൽ കേണു

‘എന്ത് സ്വപ്നം ആയിരുന്നു മോൾ കണ്ടത്..?
ഞാൻ ചോദിച്ചു

‘സ്വപ്നമോ..?
കാര്യം മനസിലാകാതെ അവൾ ചോദിച്ചു

‘ആ.. നേരം വെളുത്തപ്പോൾ നീ സ്വപ്നത്തിൽ എന്തൊക്കെയോ പറയുന്നുണ്ടായിരുന്നു. എന്റെ പേരൊക്കെ പറയുന്നുണ്ടായിരുന്നു.. എന്താ കണ്ടത്..?

അത് കേട്ടതും ഇഷാനിക്ക് ഭൂമി പിളർന്നു താഴേക്ക് പോയിരുന്നു എങ്കിൽ എന്ന് തോന്നി പോയി. കാരണം അവൻ അത് പറഞ്ഞപ്പോൾ തന്നെ അവൾക്ക് സ്വപ്നത്തിന്റെ ഓർമ കിട്ടിയിരുന്നു. ഈശ്വരാ അതെങ്ങാനും ഇവൻ കേട്ടോ..? എങ്കിൽ പിന്നെ ജീവിച്ചിരുന്നിട്ട് കാര്യമില്ല..

‘ഞാൻ… ഞാൻ.. സ്വപ്നം ഒന്നും കണ്ടില്ല..’
അവൾ വിക്കി പറഞ്ഞു

‘ഓർമ ഇല്ലെങ്കിൽ സ്വപ്നത്തിൽ പറഞ്ഞ ചില ഡയലോഗ് ഒക്കെ ഞാൻ പറഞ്ഞു തരാം. അപ്പോൾ ഓർമ വരുമോ എന്ന് നോക്കാമല്ലോ..’
അത് കേട്ടതും ഇഷാനിക്ക് നാണക്കേട് കൊണ്ട് തുണിയില്ലാതെ അവന്റെ മുന്നിൽ നിക്കുന്ന പോലെ തോന്നി.

‘അയ്യേ പോ..’
ഇഷാനി അവന്റെ വായ പൊത്തി കൊണ്ട് പറഞ്ഞു

‘കണ്ടോ അപ്പോൾ നിനക്ക് ഓർമ ഉണ്ട്. അപ്പോൾ പറ ആരാണ് കെട്ടിപ്പിടിച്ചത്..?

‘ഞാൻ….’
അവൾ എന്നെ നോക്കാതെ കുറ്റം സമ്മതിക്കുന്ന പോലെ പറഞ്ഞു

‘ഞാൻ അല്ലല്ലോ തുടക്കം ഇട്ടത്..?
ഞാൻ വീണ്ടും ചോദിച്ചു

‘അല്ല..’

‘അത്രയും കേട്ടാൽ മതി..’
ഞാൻ പറഞ്ഞു

‘ഞാൻ ആണെന്ന് സമ്മതിച്ചല്ലോ.. ഇനി മാറ്..’
അവൾ പറഞ്ഞു

‘കുറച്ചു നേരം കൂടി ഇങ്ങനെ കിടക്കാം.. നല്ല തണുപ്പ് ആണ് ഇന്ന്.. ഇങ്ങനെ കിടക്കാൻ നല്ല ചുഗം..’
ഞാൻ അവളെ ഒന്ന് കൂടി കെട്ടിപിടിച്ചു കൊണ്ട് പറഞ്ഞു

‘ഫ… മാറെടാ തെണ്ടി.. എനിക്ക് ബാത്‌റൂമിൽ പോണം..’
അവൾ ഒരു അടവ് ഇറക്കി നോക്കി

‘ഒരു പത്തു മിനിറ്റ് കഴിഞ്ഞു പൊക്കോ.. ഇത്രയും നേരം നീ അല്ലേ കെട്ടിപ്പിടിച്ചത്.. ഇപ്പോൾ ഞാൻ ഒന്ന് കെട്ടിപ്പിടിക്കട്ടെ..’

‘ നീ ഇങ്ങനെ ഒക്കെ എന്നോട് കാണിക്കും എന്ന് ഞാൻ ഒരിക്കലും കരുതിയില്ല.. എന്റെ ഭാഗത്തു മിസ്റ്റേക്ക് ഉണ്ട്. ഞാൻ ഉറക്കത്തിൽ ആയിരുന്നു. പക്ഷെ നീ ഇപ്പോൾ കാണിക്കുന്നത് എന്റെ അനുവാദം ഇല്ലാതെ ആണ്. അത് ശരിയാണോ അർജുൻ…?

‘ രണ്ട് പേര് കെട്ടിപ്പിടക്കുന്നത് അത്ര മോശം കാര്യം ആണോ..? നമ്മൾ മുമ്പും ഹഗ് ചെയ്തിട്ടില്ലേ..? അപ്പോളൊന്നും ഈ പ്രശ്നം ഇല്ലാരുന്നല്ലോ..? അതും അന്ന് ബർത്ത്ഡേയുടെ അന്ന് എന്നോട് അനുവാദം ചോദിക്കാതെ അല്ലേ നീ എന്നെ കെട്ടിപ്പിടിച്ചു ഇരുന്നത്.. ഞാൻ അന്ന് ഇത് പോലെ നിന്നോട് തിരിച്ചു ചോദിച്ചിരുന്നു എങ്കിലോ..?