‘എടാ അന്ന് ഞാൻ വിഷമത്തിൽ അങ്ങനെ ചെയ്ത പോലെ ആണോ ഇത്…? അഥവാ നിനക്ക് അത് കംഫർട്ടബിൾ അല്ലായിരുന്നു എങ്കിൽ നീ പറയണം ആയിരുന്നു. ഞാൻ മാറിയേനെ. ഇപ്പോൾ എനിക്ക് കംഫർട്ടബിൾ അല്ല. ‘
‘നിനക്ക് എന്ത് ചെയ്താലും ന്യായം ഉണ്ടല്ലോ. ഉറക്കത്തിൽ ആയിരുന്നു, വിഷമത്തിൽ ആയിരുന്നു.. ഞാൻ ചെയ്യുന്നത് ഒക്കെ പ്രെവേർട്ടും അല്ലേ..?
‘ഇപ്പോളും ഞാൻ നീ തമാശ ചെയ്യുന്നത് ആയെ കരുതിയിട്ടുള്ളു. നീ മോശം ഇന്റെൻഷൻ ആണെന്ന് എനിക്ക് തോന്നിയിരുന്നു എങ്കിൽ ഞാൻ ഇങ്ങനെ ഒന്നും ആയിരിക്കില്ലല്ലോ നിന്നോട് പെരുമാറുന്നത്..?
അവൾ ചോദിച്ചു
‘മോശം ഇന്റെൻഷൻ അല്ലല്ലോ. പിന്നെ എന്താ കുറച്ചു നേരം ഇങ്ങനെ കിടന്നാൽ..?
ഞാൻ ഒരു വഷളത്തരത്തോടെ ചോദിച്ചു
‘നീ എന്താ ഇങ്ങനെ ഒക്കെ പറയുന്നെ..?
‘നീ വെളുപ്പിനെ കണ്ട സ്വപ്നം എന്തായിരുന്നു എന്ന് പറ.. ഞാൻ കൈ വിടാം..’
ഞാൻ അവൾക്ക് ഉറപ്പ് കൊടുത്തു
‘എനിക്ക് ഓർമ ഇല്ല..’
അവൾ പറഞ്ഞു
‘അത് ചുമ്മാ.. നിനക്ക് ഓർമ ഒക്കെ ഉണ്ട്. ഞാൻ ഉണ്ടല്ലോ സ്വപ്നത്തിൽ.. നമ്മൾ എന്ത് ചെയ്യുവായിരുന്നു..?
ഞാൻ കൗതുകത്തോടെ ചോദിച്ചു
‘എടാ എനിക്ക് സത്യമായും ഓർമ ഇല്ല.. പ്ലീസ് കൈ വിട്..’
അവൾ പിന്നെയും നുണ പറഞ്ഞു
‘കള്ളം പറയണ്ട. സ്വപ്നം പറയാതെ നീ എണീക്കില്ല ഇന്ന്..’
ഞാൻ വാശി പിടിച്ചു
‘എനിക്ക് ഓർമ ഇല്ലാത്തത് ഞാൻ എങ്ങനെ പറയും..?
‘നീ പറഞ്ഞത് ഒക്കെ ഞാൻ പറഞ്ഞു തരാം. അപ്പോൾ ഓർമ വരുമല്ലോ..’
ഞാൻ അടുത്തത് പറയാൻ വാ തുറന്നതും അവൾ എന്റെ വായ പിന്നെയും പൊത്തി പിടിച്ചു
‘അപ്പോൾ മോൾക്ക് അറിയാം എന്തായിരുന്നു സ്വപ്നം എന്ന്.. അല്ലേ..?
‘അതിപ്പോ നിന്നോട് പറയാൻ പറ്റില്ല.. ഞാൻ പിന്നെ പറയാം..’
‘എനിക്ക് ഇപ്പോൾ കേൾക്കണം..’
ഞാൻ വിട്ട് കൊടുത്തില്ല..
‘കൈ വിട്ടാൽ പറയാം..’
‘പറഞ്ഞാൽ കൈ വിടാം..’
‘എന്ത് കഷ്ടം ഉണ്ട്..’
അവൾ ചിണുങ്ങി കൊണ്ട് പറഞ്ഞു
‘ഒരു കഷ്ടവും ഇല്ല..’
‘നീ ഇനി എന്നെ വിട്ടില്ല എങ്കിൽ ഞാൻ ശരിക്കും പിണങ്ങും..’
അവൾ മുഖം കറുപ്പിച്ചു കൊണ്ട് പറഞ്ഞു
‘ഓഹോ എന്നിട്ട്..?
ഞാൻ ചോദിച്ചു
‘ഞാൻ വീട്ടിൽ പോകും..’
‘ഞാൻ വിട്ടാൽ അല്ലേ നീ ഇവിടെ നിന്ന് എഴുന്നേൽക്കുക എങ്കിലും ചെയ്യൂ..’
ഞാൻ ചിരിച്ചു കൊണ്ട് ചോദിച്ചു
‘അർജുൻ പ്ലീസ്..’
അവൾ കരയുന്ന പോലെ ചോദിച്ചു
‘ഒരു പ്ലീസും ഇല്ല മോളെ.. സ്വപ്നം പറഞ്ഞാൽ വിടാം..’
‘പ്ലീസ് ഞാൻ പൊക്കോട്ടെ..’
അവൾ ശരിക്കും കരയുന്ന പോലെ ആയി
‘തനിക്ക് പോകാൻ അനുവാദം ഇല്ല…’
ഞാൻ ചുമ്മാ അലറി ചിരിച്ചു കൊണ്ട് തമാശയിൽ പറഞ്ഞു
അവൾ കണ്ണ് കൈ കൊണ്ട് പൊത്തി മുഖം നെഞ്ചിൽ ചേർത്ത് കിടന്നു. കുറച്ചു നേരം അവളിൽ നിന്ന് അനക്കം ഒന്നും ഉണ്ടായില്ല. പിന്നെ പതിയെ അവളുടെ കരച്ചിലിന്റെ ശബ്ദം ഞാൻ കേട്ടു.. മുഖം കൊണ്ട് കൈ പൊത്തി അവൾ കരയുകയാണ്.. ഞാൻ ഒരു കൈ അയച്ചു അവളുടെ മുഖത്ത് നിന്ന് കൈ മാറ്റാൻ ശ്രമിച്ചെങ്കിലും അവൾ മുഖം പൊത്തി കരഞ്ഞു കൊണ്ടിരുന്നു.. ഞാൻ മെല്ലെ എഴുന്നേറ്റ് ഇരുന്നു അവളെ എഴുന്നേൽപ്പിച്ചു ഇരുത്തി. ശോ കരയാൻ മാത്രം ഒക്കെ ഉണ്ടായിരുന്നോ, അവളും അത്രക്ക് ഗൗരവത്തിൽ ആണ് ഇത് കണ്ടത് എന്ന് എനിക്ക് തോന്നിയിരുന്നില്ല. അതാണ് ഞാൻ കളി കുറച്ചു നീട്ടിക്കൊണ്ട് പോയത്..
‘ഡീ ഞാനൊരു തമാശ കാണിച്ചതല്ലേ.. ഇതിന് കിടന്നു കരയുവാണോ..? അയ്യേ..’
ഞാൻ അവളുടെ കൈകൾ രണ്ടും മുഖത്ത് നിന്ന് എടുത്തു മാറ്റി. കരഞ്ഞ ഭാവം ഒന്നും കണ്ണുകളിൽ ഇല്ല. മുഖത്ത് ഒരു ഗൗരവഭാവം ഉണ്ട്. ഞാൻ എന്തോ പറയാൻ വാ തുറക്കുന്നതിന് മുമ്പേ അവൾ കട്ടിലിൽ കിടന്ന തലയിണ എടുത്തു എന്റെ തലക്കിട്ടു ഒറ്റയടി.. ഞാൻ അടുത്ത അടി തടയാൻ കൈ തലയ്ക്കു ക്രോസ് ചെയ്തപ്പോളേക്കും അവൾ കട്ടിലിൽ നിന്ന് ചാടി ഇറങ്ങി വീണ്ടും എന്റെ തലയ്ക്കിട്ട് തലയിണ വച്ചു കീച്ചി
‘വെളുപ്പാൻകാലത്ത് പെമ്പിള്ളേരെ കെട്ടിപിടിച്ചു കിടക്കണം അല്ലേ നിനക്ക്. നിന്റെ മറ്റവളെ പോയി കെട്ടിപ്പിടിക്കെടാ..’
അവൾ കരച്ചിൽ അഭിനയിച്ചത് ആയിരുന്നു. ഞാൻ കൈ അയച്ചപ്പോൾ അവൾ കട്ടിലിൽ നിന്ന് ചാടി ഇറങ്ങുകയും എനിക്കിട്ട് തലയിണ വച്ചു തമാശക്ക് മൂന്നാല് അടി തരുകയും ചെയ്തു. ഭാഗ്യം അവൾ സീരിയസ് ആയിരുന്നില്ല..
‘എനിക്കിപ്പോ മറ്റവൾ വേണമെന്നൊന്നും ഇല്ല. നീ ആയാലും മതി..’
ഞാൻ അടി തടഞ്ഞു തലയിണയിൽ കയറി പിടിച്ചു കൊണ്ട് പറഞ്ഞു
‘കഴിഞ്ഞു എന്ന് കരുതണ്ട.. മോന് പുറകെ വരും സമ്മാനം..’
ഞാൻ തലയിണ അവളുടെ കയ്യിൽ നിന്നും വാങ്ങിയപ്പോൾ അവൾ അത് പറഞ്ഞു എന്റെ അടുത്ത് നിന്നും മാറി കൊണ്ട് പറഞ്ഞു
കെട്ടിപ്പിടുത്തം വിഷയം അവൾ ഇത്രയും സില്ലി ആയി എടുക്കുമെന്ന് ഞാൻ കരുതിയില്ല. അവളെ കെട്ടിപിടിച്ചു കുറച്ചു നേരം കിടക്കാനും പറ്റി അവളത് സീരിയസ് ആയി കണ്ടുമില്ല. വല്ലാത്തൊരു ഭാഗ്യം തന്നെ.. ഞാൻ ചിന്തിച്ചു.. എന്നാലും ഞാൻ കെട്ടിപ്പിടിച്ചു കുറച്ചു നേരം കിടത്തിയതിന്റെ ദേഷ്യം തീർക്കാൻ ഇഷാനി ഇടയ്ക്ക് എനിക്ക് ഒരു അടിയും പിച്ചും ഒക്കെ വീതം തന്നോണ്ട് ഇരുന്നു.. പോരാത്തതിന് റൂമിൽ കിടന്ന ഫുട്ബോൾ വച്ചു ഇടയ്ക്ക് എനിക്കിട്ട് പെരുക്കി കൊണ്ടും ഇരുന്നു. വയ്യാത്ത കാല് വച്ചൊന്നും ഒരു നോട്ടവും ഇല്ലാതെ അവൾ എനിക്കിട്ട് പെരുക്കി. ഗോൾ പോസ്റ്റ് ഞാൻ ആണെന്ന രീതിയിൽ ആണ് അവൾ കിക്ക് ചെയ്തോണ്ട് ഇരുന്നത്. അതും ഞാൻ ശ്രദ്ധിക്കാതെ എന്തെങ്കിലും പണി ചെയ്യുമ്പോളോ തിരിഞ്ഞു നിക്കുമ്പോളോ ഒക്കെ.. രണ്ട് മൂന്ന് കിക്ക് എനിക്ക് ശരിക്ക് നൊന്തു. പക്ഷെ ഞാൻ അത് പുറത്ത് കാണിച്ചില്ല. അവൾ നല്ല വൈബിൽ ആയിരുന്നു. ഞാൻ ആയിട്ട് അത് സ്റ്റോപ്പ് ചെയ്യാൻ പോയില്ല. അത് കൊണ്ട് തന്നെ ഗ്യാപ് ഇട്ടു അവൾ എന്റെ നെഞ്ചത്ത് ഗോൾ അടിച്ചു കൊണ്ടിരുന്നു
നാല് മണിക്ക് പെട്ടന്ന് റൂമിലേക്ക് കയറിയ വഴിക്ക് അവൾ അടിച്ച ബോൾ പക്ഷെ എന്റെ ബോളിൽ ആണ് കൊണ്ടത്. എന്റെ വൃഷ്ണ സഞ്ചിയിൽ ചെറുതായ് ഒന്ന് ഉരസിയപ്പോൾ പെട്ടന്ന് എനിക്ക് നൊന്തു.. ഞാൻ അയ്യോ എന്ന് വച്ചു മുട്ട് കുത്തി നിലത്ത് ഇരുന്നു.. അവൾ അടിച്ചത് വലിയ ഫോഴ്സിൽ അല്ലാഞ്ഞത് ഭാഗ്യം. ആരുന്നേൽ എന്റെ ഉണ്ട ഇപ്പോൾ അണ്ണാക്കിൽ വന്നേനെ.. ചെറിയ കിക്ക് ആയത് കൊണ്ട് ജസ്റ്റ് ബോൾ ടച് ചെയ്തപ്പോ ഉള്ള നോവ് മാത്രമേ എനിക്ക് തോന്നിയുള്ളു. സാധാരണ ബോൾ കൊണ്ട് അടി കിട്ടുമ്പോ വേദന കാണിക്കാതെ നിന്ന ഞാൻ പെട്ടന്ന് വേദനിച്ചു മുട്ട് കുത്തി നിക്കുന്ന കണ്ട് ഇഷാനി ഒന്ന് അമ്പരന്നു..
‘എന്താടാ.. എന്ത് പറ്റി..?
അവൾ തെല്ലൊരു പേടിയോടെ ചോദിച്ചു
‘എന്ത് അടിയാടി അടിച്ചത്…?
ഞാൻ വേദനിക്കുന്നത് പോലെ അഭിനയിച്ചു കൊണ്ട് ചോദിച്ചു
‘ഞാൻ.. ഞാൻ മുന്നേ അടിച്ച പോലെ ഒക്കെ അടിച്ചതാ..’