ഞാൻ അതേയെന്ന് തല കുനുക്കി
‘പക്ഷെ എനിക്ക് ഉണ്ടായ ഒരു ബുദ്ധിമുട്ട് ആർക്കും മനസിലാവില്ലായിരുന്നു. അച്ഛന്റെ മരണം അമ്മ കാരണം ആണെന്നത് കൊണ്ട് അച്ഛന്റെ കുടുംബക്കാർക്ക് ഒക്കെ അമ്മയോട് വെറുപ്പായി. ഒളിഞ്ഞും തെളിഞ്ഞും ഒക്കെ അവരെല്ലാം എന്റെ അമ്മയെ പറ്റി മോശം പറഞ്ഞു കൊണ്ടിരുന്നു.. അന്ന് ഞാൻ ചെറിയ കുട്ടിയാണ് ഹിന്ദി മാത്രമേ അറിയുള്ളു എന്നൊക്കെ കരുതി ആവും പലരും സംസാരിച്ചത്.. പക്ഷെ എനിക്ക് എല്ലാം മനസിലാകുന്നുണ്ടായിരുന്നു.. അവർ എല്ലാം പറഞ്ഞത് ഉള്ളത് തന്നെ ആയിരുന്നു. പക്ഷെ എനിക്ക് അത് ഇൻസൾട്ട് ആയിരുന്നു. എല്ലാവർക്കും സ്വന്തം അമ്മ നല്ല അമ്മ ആകണം എന്നാണ് ആഗ്രഹം. ഇനിയിപ്പോ അവര് ചീത്ത ആയാൽ പോലും മറ്റുള്ളവർ അവരെ മോശം പറയുന്നത് നമുക്ക് കേട്ട് നിൽക്കാൻ പറ്റില്ല. ഭയങ്കര വിഷമം വരും.. എല്ലാവരും സ്വന്തം അമ്മയെ പുകഴ്ത്തി പറയുമ്പോ എനിക്ക് കിട്ടിയത് ഒരു മോശം അമ്മയെ ആണ്. അതൊക്കെ ഓർക്കുമ്പോ വിഷമം വരും.. പിന്നെ പിന്നെ എനിക്ക് അത് ശീലമായി.. അവരെ എന്ത് പറഞ്ഞാലും എനിക്ക് ഒന്നുമില്ല.. അവരെന്റെ ആരുമല്ല എന്നൊക്കെ തോന്നാൻ തുടങ്ങി..അത്രക്ക് എനിക്ക് അവര് അപരിചിതയായി.. എന്റെ കഥ നിനക്ക് ബോർ അടിക്കുന്നുണ്ടോ..?
‘ഇല്ല..’
ഞാൻ പറഞ്ഞു
‘എനിക്ക് തന്നെ ബോർ അടിക്കും എന്റെ കഥ. പിന്നല്ലേ നിനക്ക്… അതോണ്ട് ആണ് ഞാൻ ഇതൊന്നും ആരോടും പറയാത്തത്.. എന്റെ കഥയും ബോറായി ഞാനും ബോറത്തി ആയി.. രവിയച്ഛന്റെ വീട്ടിൽ നിൽക്കാൻ തുടങ്ങി ഒരുപാട് നാൾ കഴിഞ്ഞാണ് ഞാൻ ശരിക്കും മലയാളം സംസാരിക്കാൻ ഒക്കെ തുടങ്ങിയത്.. മലയാളം എനിക്ക് അറിയാമായിരുന്നു എങ്കിലും ഞാൻ ഹിന്ദി പോലും സംസാരിക്കില്ലായിരുന്നു ഇവിടെ വന്നു കഴിഞ്ഞു. പിന്നല്ലേ മലയാളം. അങ്ങനെ കുറെ നാൾ കഴിഞ്ഞാണ് ഞാൻ ശരിക്കും നല്ലപോലെ സംസാരിക്കാൻ ഒക്കെ തുടങ്ങിയത്. പക്ഷെ ഇപ്പോളും അതൊക്കെ കൊണ്ട് എന്റെ മലയാളം വല്ലാത്തൊരു സ്ലാങ് ആണ്..’
അവൾ ചെറിയ ചിരിയോടെ പറഞ്ഞു
‘യെസ്.. പക്ഷെ രസമുണ്ട് നിന്റെ സ്ലാങ്..’
ഞാൻ പറഞ്ഞു
‘പിന്നെ ഭയങ്കര രസം ആയിട്ടല്ലേ നീയൊക്കെ എന്നെ നോർത്ത് ഇന്ത്യനും കൊറിയനും ഒക്കെ ആണെന്ന് പറഞ്ഞു കളിയാക്കി കൊണ്ടിരുന്നെ.. എനിക്ക് ആണേൽ അതൊക്കെ കേൾക്കുമ്പോ ഞാൻ അമ്മയെ പോലെ ആണെന്ന് ഓർമ വരും.. നിനക്കറിയോ എല്ലാവർക്കും ലൈഫിൽ എന്തെങ്കിലും ആയി തീരണം എന്ന് ഒക്കെ ആഗ്രഹം കാണില്ലേ..? എനിക്ക് അത് എന്താണെന്ന് അറിയോ..? എന്റെ അമ്മയെ പോലെ ആവാതെ ഇരിക്കുക.. അത് മാത്രം ആയിരുന്നു എനിക്ക് ചെറുപ്പം മുതൽ ഉള്ള ആഗ്രഹം. വാശി എന്ന് തന്നെ പറയാം..’
അവൾ തുടർന്നു
‘ അമ്മയെ പോലെ മോശം അല്ല എന്ന് ഞാൻ എന്ന് തന്നെ ഞാൻ വിശ്വസിച്ചു. എല്ലാവരെ കൊണ്ടും നല്ല കുട്ടി എന്നെ ഞാൻ പറയിച്ചുള്ളൂ.. പക്ഷെ ഇവിടെ വന്നു കഴിഞ്ഞു എല്ലാവരും എന്നെ മോശക്കാരി ആയി കാണാൻ തുടങ്ങി.. എന്റെ അടുത്ത് തെറ്റ് ഇല്ലാഞ്ഞിട്ട് പോലും എല്ലാവർക്കും ചീത്ത ആയി. സത്യം പറയാമല്ലോ എനിക്ക് ഇവിടെ പഠിക്കാൻ വരാൻ തന്നെ പേടിയും വെറുപ്പും ആയിരുന്നു. വേറെ മാർഗം ഇല്ലാത്തത് കൊണ്ട് ഞാൻ പിന്നെയും ഇവിടെ പഠിക്കാൻ വന്നു. എല്ലാ ദിവസവും ആരുടെയെങ്കിലും കളിയാക്കലും കമന്റടിയും ഒക്കെ കേൾക്കണം. എല്ലാം ചേഞ്ച്‌ ആയതു നീ വന്നതോടെ ആണ്..’
അത് പറയുമ്പോ അവളെന്നെ നന്ദിയോടെയും ഇഷ്ടത്തോടെയും ഒക്കെ നോക്കി.. അത്രയും നേരം പറഞ്ഞിട്ടും നിറയാത്ത മിഴികളിൽ ഒരു നനവ് പടർന്നു. കരച്ചിലിന് ഇട വരുത്താതെ അവൾ തുടർന്നു
‘നീ വന്നു കഴിഞ്ഞു ആണ് ഇവിടെ വരാൻ എനിക്കൊരു താല്പര്യം തോന്നിയത്. അവിടെ എനിക്ക് കിട്ടിയ ഫ്രണ്ട്.. പതിയെ പതിയെ ആൾക്കാരുടെ കളിയാക്കൽ ഒക്കെ കുറഞ്ഞു. ഞാൻ ഇല്ലാത്തപ്പോൾ കളിയാക്കുമായിരിക്കും എങ്കിലും എന്റെ മുന്നിൽ വന്നു ആരും കളിയാക്കുകയോ മോശം പറയുകയോ ഇരട്ടപ്പേര് വിളിക്കുകയോ ചെയ്യാറില്ല.. അതൊക്കെ നീ കാരണം ആണ്..’
ഒരു നിമിഷത്തെ മൗനത്തിനു ശേഷം അവൾ വീണ്ടും സംസാരിച്ചു
‘എല്ലാം ഓക്കേ ആയി പോയതാണ്. നമ്മൾ അന്ന് നൈറ്റ്‌ ഇവിടെ വന്നു കുടിക്കുന്ന അന്ന് വരെ.. അന്ന് കുറച്ചു കുടിച്ചപ്പോ തന്നെ ഞാൻ വേറെ ആരെയോ പോലെ പെരുമാറി. എനിക്ക് ഓർമയുണ്ട് ഞാനാണ് നിന്നോട് കിസ്സ് ചോദിച്ചത്. നിന്റെ ഭാഗത്തു ഒരു തെറ്റും ഇല്ല. പക്ഷെ രാവിലെ എണീറ്റ് ബോധം വന്നപ്പോ ആണ് എനിക്ക് എന്നോട് തന്നെ പുച്ഛം തോന്നിയത്. ഞാൻ ഇന്നേ വരെ ചിന്തിക്കാത്ത പോലെയും പെരുമാറാത്ത പോലെയുമൊക്കെ പെരുമാറി.. ആ തോട്ട്സ് ഒക്കെ എങ്ങനെ എന്റെ ഉള്ളിൽ ഉണ്ടായി എന്ന് പോലും എനിക്കറിയില്ല.. എനിക്ക് അപ്പോൾ തോന്നി ഞാനും എന്റെ അമ്മയെ പോലെ ആണ് എന്ന്.. എന്റെ മനസിലും ദുഷിച്ച ചിന്തകൾ ഒക്കെ ഉണ്ടെന്ന് എനിക്ക് തോന്നി. ഞാനെത്ര മൂടി വച്ചാലും എന്റെ ഉള്ളിലെ അമ്മയുടെ സ്വഭാവം എന്നിൽ തന്നെ ഉണ്ടെന്നൊക്കെ എനിക്ക് തോന്നി..’
അത് പറഞ്ഞു അവൾ നെടുവീർപ്പിട്ടു. അവളുടെ മുഖം ആകെ കലങ്ങിയ പോലെ ഉണ്ടായിരുന്നു..
‘എനിക്ക് ഇതൊന്നും അറിയില്ലായിരുന്നെടി.. ഇത്രക്ക് ഒന്നും ഞാൻ ചിന്തിച്ചില്ല. പക്ഷെ ഒരു കാര്യം പറയട്ടെ നിന്റെ അമ്മ ചെയ്തതും നീ ചെയ്തതും ആയി യാതൊരു സാമ്യവും ഇല്ല. അതൊന്നും കമ്പയർ പോലും ചെയ്യാൻ കഴിയില്ല.. നിന്റെ അമ്മ നിങ്ങളോട് ചെയ്തത് ചതി ആണ്.. നിന്റേതു പക്ഷെ ആർക്കായാലും തോന്നുന്നത് ആണ്. അതൊരു വലിയ കുറ്റം ആയി എനിക്ക് തോന്നുന്നില്ല…’
‘ഞാനും അങ്ങനെ ഒക്കെ ചിന്തിച്ചു നോക്കിയെടാ.. പക്ഷെ മനസ്സ് പൊരുത്തപ്പെടണ്ടേ.. അന്ന് നീ ആ സിറ്റുവേഷൻ മര്യാദക്ക് ഹാൻഡിൽ ചെയ്ത കൊണ്ടാണ്, അല്ലേൽ ഞാൻ എത് വരെ പോയിരിക്കും എന്ന് എനിക്ക് പോലും അറിയില്ല. അതൊക്കെ ഓർക്കുമ്പോ എനിക്ക് തല പൊളിയും..’
അവൾ തലയിൽ കൈ വച്ചു കൊണ്ട് പറഞ്ഞു
‘ഞാൻ പറഞ്ഞല്ലോ അത് വലിയ കാര്യം ആയി കാണണ്ട. ഞാൻ ഒരുപാട് പെണ്ണുങ്ങളെ കണ്ടിട്ടുണ്ട്. അവരിൽ എല്ലാം വച്ചു ഏറ്റവും ബെറ്റർ പേഴ്സണാലിറ്റി നീ തന്നെ ആണ്. ഞാൻ ഇത് ഇഷ്ടം കൊണ്ട് പറയുന്നത് അല്ല. സത്യസന്ധമായി പറയുവാ..’
അത് കേട്ടപ്പോൾ അവൾ മുഖത്തൊരു ചിരി വരുത്തി
‘നീ ഇത്രയും സ്നേഹിച്ചിട്ടും ഞാൻ നിന്നെ കാരണം പോലും പറയാതെ അകറ്റി. അതാണോ നീ കണ്ട പേഴ്സണാലിറ്റി..? അന്ന് നൈറ്റ്‌ പറഞ്ഞത് ഒക്കെ എനിക്ക് ഓർമ ഉണ്ട്. അതൊന്നും കള്ളം അല്ലായിരുന്നു. എന്റെ ഫീലിംഗ്സ് നേ കുറിച്ച് പറഞ്ഞതൊക്കെ സത്യം ആണ്. പക്ഷെ അതിന് ശേഷം എനിക്ക് നിന്നെ കാണുമ്പോളും അതെല്ലാം ഓർമ വരുമ്പോളും ഈ നശിച്ച ചിന്ത എല്ലാം കയറി വരും. എന്നെ എല്ലാവരും ചീത്ത ആക്കി കളിയാക്കി നടന്നപ്പോ പോലും എനിക്ക് സ്വയം എന്നെ വിശ്വാസം ഉണ്ടായിരുന്നു. പക്ഷെ അന്നത്തെ സംഭവം എന്നെയും തോൽപ്പിച്ചു. ഞാൻ നിന്നെ അവോയ്ഡ് ചെയ്യാൻ തുടങ്ങിയത് ഒക്കെ അത് കൊണ്ടാണ്. നിന്നെ കാണുമ്പോൾ ആ തോട്ട്സ് എല്ലാം വരുന്ന കൊണ്ട്, നീയും ആയി പിന്നെയും അടുത്താൽ ഞാൻ പിന്നെയും എന്തെങ്കിലും അബദ്ധം കാണിക്കുമോ എന്നൊക്കെ ഓർത്ത്.. അർജുൻ….! റിയലി അന്ന് നടന്നത് എല്ലാം എന്റെ മിസ്റ്റേക്ക് ആണ്. എന്റെ മാത്രം. അത് കാരണം നീ കൂടി ഹെർട്ട് ആയതിൽ എനിക്ക് ശരിക്കും വിഷമം ഉണ്ട്.. ‘