‘ഞങ്ങൾക്ക് എല്ലാവർക്കും അത് സഹിക്കാൻ പറ്റാവുന്നതിലും വലിയ വിടവ് ആയിരുന്നു.. അച്ഛന്റെ മാറ്റം ആയിരുന്നു എനിക്ക് വിശ്വസിക്കാൻ കഴിയാഞ്ഞത്.. അച്ഛന് പ്രായം ആയെന്ന് അപ്പോളാണ് എനിക്ക് മനസിലായത്. അച്ഛന്റെ പ്രസരിപ്പും ആരോഗ്യവും എല്ലാം നഷ്ടപ്പെട്ടു.. പക്ഷെ ഒരു കാര്യത്തിൽ അച്ഛൻ ശരിക്കും മാറി. എന്റെ പുറത്തോട്ടുള്ള പോക്കിന്റെ കാര്യത്തിൽ. വീണ്ടും പുറത്തേക്ക് പോകാൻ തയ്യാറായ എന്നോട് അച്ഛൻ നിർബന്ധപൂർവ്വം പോകരുത് എന്ന് പറഞ്ഞു. അമ്മ പോയപ്പോൾ ഞങ്ങൾ അടുത്ത് വേണെമെന്ന് തോന്നിയത് കൊണ്ടാവും.. പക്ഷെ ഒന്നും രണ്ടും പറഞ്ഞു ഞങ്ങൾ അങ്ങോട്ടും ഇങ്ങോട്ടും വഴക്ക് പിടിച്ചു. വലിയ വഴക്ക് ഒന്നുമല്ലയിരുന്നു പക്ഷെ എന്റെ വായിൽ നിന്ന് അരുതാത്ത ഒന്ന് വീണു പോയി.. അച്ഛൻ ചെയ്തു കൂട്ടിയതിന് എല്ലാം അമ്മ ആണ് അനുഭവിച്ചത് എന്ന് ഞാൻ പറഞ്ഞു.. അന്നെനിക്ക് ഈ കർമയിൽ ഒക്കെ വിശ്വാസം ഉണ്ടായിരുന്ന സമയം കൂടിയാണ്.. ആ ഒരു ഇതിലെല്ലാം പറഞ്ഞതാണ്…’
‘എന്നിട്ട് അച്ഛൻ എന്ത് പറഞ്ഞു..?
അവൾ ചോദിച്ചു
‘അച്ഛൻ ഒന്നും പറഞ്ഞില്ല.. അച്ഛൻ അത് അംഗീകരിച്ചത് പോലെ മിണ്ടാതെ ഇരുന്നു.. ആൾറെഡി ആളെ നല്ലത് പോലെ വേദനിപ്പിച്ച കൊണ്ട് ഞാൻ പുറത്തേക്ക് തല്ക്കാലം പോണില്ല എന്ന് വച്ചു.. അനി കമ്പിനി ശ്രദ്ധിക്കും ഞാൻ ഇവിടെ വീട്ടിൽ തന്നെ ഇരിപ്പും.. പക്ഷെ എല്ലാ വിഷമങ്ങൾക്കും ഇടയിൽ എനിക്ക് സന്തോഷം നൽകാൻ അന്ന് ഒരാൾ ഉണ്ടായിരുന്നു.. ഞാൻ ഇവിടെ നിന്ന് പോകാതെ ഇരിക്കാൻ അവളും ഒരു കാരണം ആയിരുന്നു.. കുറെ മോശം നാളുകൾക്ക് ശേഷം ഞാൻ പിന്നെയും സന്തോഷിക്കാൻ തുടങ്ങി..’
‘അവൾ എന്ന് വച്ചാൽ.. ആര്..?
ഇഷാനി ആകാംക്ഷയോടെ ചോദിച്ചു
‘അനാര….!
അർജുൻ ഷർട്ട് ബട്ടൺ ഒന്ന് അഴിച്ചു നെഞ്ചിൽ പച്ച കുത്തിയ പേര് അവൾക്ക് നേരെ കാണിച്ചു കൊണ്ട് പറഞ്ഞു.. ആ പേര് അവൾ മുമ്പ് കണ്ടിട്ടുണ്ട്.. അതാരാണ് എന്നും അവൾക്ക് സംശയം തോന്നിയിട്ടുണ്ട്..
‘അത് നിന്റെ ആരാ..?
ഇഷാനി പിന്നെയും ചോദിച്ചു
‘എന്റെ ഗേൾഫ്രണ്ട് ആയിരുന്നു……’
അർജുൻ ഒരു കള്ളച്ചിയോടെ പറഞ്ഞു. അത് കേട്ടപ്പോൾ മുഖത്ത് ഉണ്ടായ സങ്കോചം അവൾക്ക് മറച്ചു വയ്ക്കാൻ കഴിഞ്ഞില്ല..
‘നിനക്ക് അപ്പോൾ മുമ്പ് വേറെ ലവർ ഉണ്ടായിരുന്നോ…?
അവൾ നിരാശയോടെ ചോദിച്ചു
‘അവൾ എന്റെ ചേട്ടന്റെ മോൾ ആയിരുന്നെടി.. ‘
ഞാൻ ചിരിച്ചു കൊണ്ട് പറഞ്ഞു
‘മൂന്ന് വയസ്സ് ഉള്ളായിരുന്നു വാവയ്ക്ക്.. എന്നെ ഭയങ്കര കാര്യം ആയിരുന്നു.. എന്റെ അടുത്തൂന്ന് മാറില്ല.. മിക്കപ്പോഴും അവൾ എന്റെ റൂമിൽ ആയിരിക്കും.. അവൾ എപ്പോളും കളർ കൊണ്ടും പേന കൊണ്ടുമൊക്കെ എല്ലായിടത്തും കുത്തി വരയ്ക്കും.. അവളുടെ അമ്മയുടെ റൂമിൽ വരയ്ക്കുമ്പോ വഴക്ക് പറയുന്ന കൊണ്ട് എന്റെ മുറിയിൽ ആയിരുന്നു അവളുടെ വര മുഴുവൻ.. ഇപ്പോളും അവിടെ കാണും അത്…’
ഞാൻ ഒരല്പം വിഷാദത്തോടെ പറഞ്ഞു
‘എന്നെ ആരും തൊട്ട് നിൽക്കുന്നത് ഒന്നും അവൾക്ക് ഇഷ്ടം അല്ല. ബഹളം വയ്ക്കും അവരെ തള്ളി മാറ്റാൻ ഒക്കെ നോക്കും.. എന്നിട്ട് എന്റെ തോളിൽ കയറി ഇരിക്കും. രേണു എപ്പോളും എന്റെ അടുത്ത് ചേർന്നിരുന്നു അവളെ കരയിപ്പിക്കുമായിരുന്നു. അതോണ്ട് അവളെ കുഞ്ഞിന് ഇഷ്ടം അല്ലായിരുന്നു.. അവൾക്ക് വായിക്കാൻ ഞാൻ കുറെ കഥ പുസ്തകം വാങ്ങിക്കുമായിരുന്നു.. ബുക്കിലെ പടം കാണിച്ചു എന്നിട്ട് അവൾക്ക് കഥ മുഴുവൻ പറഞ്ഞു കൊടുക്കും.. എന്റെ പൊന്നോ എന്ത് സുന്ദരി ആരുന്നെന്നോ എന്റെ വാവ.. നീ നോക്കിയേ ഒന്ന്….’
അർജുൻ ഫോൺ എടുത്തു അതിലെ വോൾപേപ്പർ ഇഷാനിയെ കാണിച്ചു.. ഇഷാനി ഫോൺ കയ്യിലെടുത്തു കുഞ്ഞിന്റെ പിക്കിലേക്ക് നോക്കി
‘ഇതാണോ വാവ.. ഞാൻ നിന്റെ വോൾപേപ്പർ പല തവണ കണ്ടിട്ടുണ്ട്. പക്ഷെ ഈ പിക് കണ്ടിട്ട് നെറ്റിൽ ഒക്കെ കിട്ടുന്ന പിള്ളേരുടെ പിക് ആയാണ് എനിക്ക് തോന്നിയിട്ടുള്ളെ.. ഓഹ് മൈ ഗോഡ് ഷീ ഈസ്‌ സോ അഡോറബിൾ…’
കുഞ്ഞിന്റെ പിക് നോക്കി ഇഷാനി പറഞ്ഞു
‘യെസ്.. ഷീ ഈസ്‌..’
ഞാൻ പറഞ്ഞു
‘എല്ലാം പിന്നെയും കുറച്ചെങ്കിലും ഓക്കേ ആയി വന്നത് ആയിരുന്നു.. ഒരു നശിച്ച ദിവസം.. അനാരയുടെ അമ്മ അതായത് എന്റെ ഏട്ടന്റെ വൈഫ് എന്നോട് ഷോപ്പിങ് ന് കൊണ്ട് പോണം എന്ന് പറഞ്ഞിരുന്നു.. അനി ഓഫിസിൽ തിരക്ക് ആയത് കൊണ്ട് രാഖി എന്റെ കൂടെ ആണ് ഷോപ്പിങ് നൊക്കെ ഇടയ്ക്ക് പോകാറുള്ളത്.. കുഞ്ഞിനെ ആണേലും ഞാൻ മാനേജ് ചെയ്തോളും രാഖിക്ക് ഷോപ്പിങ്ങും നടക്കും. പക്ഷെ അന്ന് എങ്ങനെയോ പ്ലാൻ മാറി. അനി അവരെ ഷോപ്പിംഗ് ന് കൊണ്ട് പോകാമെന്നു പറഞ്ഞു.. ഞാൻ അവരെ ഞങ്ങളുടെ ഓഫിസിന്റെ മുന്നിൽ ഇറക്കി വിട്ടതാണ് എന്റെ ലാസ്റ്റ് ഓർമ.. അവൾ കിടന്നു കരയുന്നുണ്ടായിരുന്നു ഞാൻ വണ്ടി തിരിച്ചു ഒടിച്ചു പോയപ്പോൾ. ഇറങ്ങി അവളുടെ അടുത്ത് ചെന്നാൽ ചിലപ്പോൾ എനിക്ക് പോകാൻ പറ്റില്ല.. തിരിച്ചു വീട്ടിൽ വന്നു കഴിഞ്ഞു ഞാൻ ചെറുതായി ഒന്ന് മയങ്ങി പോയി.. മയക്കം ഉണരുന്നത് ജീവിതത്തിൽ കേട്ടിട്ടുള്ള ഏറ്റവും മോശം വാർത്ത കേട്ടാണ് ….’
‘ആക്‌സിഡന്റ് ആയിരുന്നു.. മൂന്ന് പേരും ഹോസ്പിറ്റലിൽ എത്തിക്കുന്നതിന് മുമ്പ് തന്നെ… എനിക്കറിയില്ല പിന്നെ ഒന്നും. മൊത്തം ഒരു മരവിപ്പ് ആയിരുന്നു.. ആ സത്യം ഉൾക്കൊള്ളാൻ തന്നെ എനിക്ക് ഒരുപാട് സമയം എടുത്തു..’
സംസാരത്തിന് ഇടയിൽ അവളെ നോക്കിയപ്പോൾ ആണ് അവളുടെ കണ്ണിൽ നിന്നും കണ്ണീർ ഒഴുകാൻ തുടങ്ങുന്നത് ഞാൻ കണ്ടത്. ഇപ്പോൾ പൊട്ടുമെന്ന അവസ്‌ഥയിൽ ആയിരുന്നു അവൾ
‘കൊള്ളാം.. നിന്നോട് കരയല്ലേ എന്ന് പറഞ്ഞിട്ടല്ലേ ഞാൻ തുടങ്ങിയത്.. ഇങ്ങനെ ആണേൽ ഞാൻ പറയില്ല..’
‘സോറി.. എനിക്ക് അത് കേട്ടപ്പോൾ സങ്കടം വരുന്നു.. നീ എങ്ങനെ സഹിച്ചു അതൊക്കെ. എനിക്ക് ഓർക്കാൻ കൂടി വയ്യ..’
അവൾ കരച്ചിൽ അടക്കി പിടിച്ചു കൊണ്ട് പറഞ്ഞു
‘ അതൊക്കെ സഹിച്ചല്ലേ പറ്റൂ. എന്തായാലും അതിന് ശേഷം ഞാൻ ഓക്കേ ആയില്ല. ഒരുമാതിരി ഭ്രാന്തമാരെ പോലെ ഒക്കെ ആയി ഞാൻ. എന്റെ റൂമിൽ പിന്നെ കയറാൻ എനിക്ക് പറ്റിയില്ല. അതിൽ അവളുടെ കുത്തി വര എല്ലാം ഉണ്ട്. എനിക്കത് താങ്ങാൻ പറ്റില്ല. വീട്ടിൽ പോലും നിൽക്കാൻ എനിക്ക് പറ്റാതെ ആയപ്പോൾ ആരോടും പറയാതെ ഞാൻ നാട് വിട്ടു..’
‘എങ്ങോട്ട്..?
അവൾ ചോദിച്ചു
‘എനിക്കും അറിയില്ലായിരുന്നു.. പ്രത്യേകിച്ച് ഒരു ലക്ഷ്യം ഒന്നും ഉണ്ടായിരുന്നില്ല ചെന്നെത്താൻ. എല്ലായിടത്തും നിന്നും ഒരു ഒളിച്ചോട്ടം.. ഇന്ത്യയുടെ നല്ലൊരു ഭാഗവും തെണ്ടി നടന്നു എന്ന് പറയാം. പിച്ചക്കാർക്ക് ഒപ്പവും കള്ളന്മാർക്ക് ഒപ്പവും സന്യാസിമാരുടെ കൂടെയും ഒക്കെ കഴിഞ്ഞു അതിനിടയിൽ. ലാസ്റ്റ് ഒരു മാരക പനി പിടിച്ചു ഹോസ്പിറ്റലിൽ കിടക്കുന്ന സമയത്താണ് ഒരു ഫ്രണ്ട് എന്നെ കാണുന്നത്. അവൻ വഴി ആണ് ഞാൻ വീട്ടിൽ തിരിച്ചു വരുന്നത്.. വീട് അപ്പോളേക്കും എനിക്കൊരു നെഗറ്റീവ് ആയി മാറിയിരുന്നു.. ഞാൻ എന്റെ മുറിയിൽ കിടന്നില്ല… അതിലേക്ക് ഒന്ന് കയറി നോക്കി പോലുമില്ല.. ‘