‘ഒരിക്കലും പോവില്ല.. സത്യം സത്യം സത്യം… പോരേ.. ഇനി കരച്ചിൽ നിർത്ത്..’
ഞാൻ അവളുടെ കണ്ണ് തുടച്ചു കൊണ്ട് പറഞ്ഞു
‘പറ്റുന്നില്ല..’
അവൾ എന്റെ ചുമലിലേക്ക് ചാഞ്ഞു കൊണ്ട് പറഞ്ഞു..
‘എന്നെ പെട്ടന്ന് കാണാഞ്ഞപ്പോ ആണോ നിനക്ക് എന്നെ മിസ്സ് ആയെന്ന് തോന്നിയത്..?
ഞാൻ ചോദിച്ചു
‘അല്ല.. എനിക്ക് നിന്നോട് പോകരുത് എന്ന് പറയണം എന്നുണ്ടായിരുന്നു.. പക്ഷെ അത് എങ്ങനെ പറയും എന്ന് അറിയില്ലായിരുന്നു.. പിന്നെ പെട്ടന്ന് നിന്നെ കാണാതെ ആയപ്പോൾ എനിക്ക് ശരിക്കും സങ്കടം വന്നു.. ‘
‘സങ്കടം മാത്രം അല്ല.. നല്ല ദേഷ്യവും ഉണ്ടായിരുന്നു. ഇടിച്ചു എന്റെ നെഞ്ച് പഴുപ്പിച്ചല്ലോ..’
ഞാൻ പറഞ്ഞു
‘സോറി…’
എന്റെ നെഞ്ചിൽ ഒരു കൈ കൊണ്ട് തലോടി അവൾ പറഞ്ഞു
‘ഇതെന്തുവാ ഈ വലിച്ചെറിഞ്ഞിരിക്കുന്നെ..?
അവൾ വാങ്ങി കൊണ്ട് വന്ന കവർ നിലത്തു കിടക്കുന്നത് കണ്ടു ഞാൻ ചോദിച്ചു
‘അയ്യോ അത് ഞാൻ നിനക്ക് ഗിഫ്റ്റ് കൊണ്ട് വന്നതാ.. ‘
ഇഷാനി പെട്ടന്ന് കണ്ണ് തുടച്ചു കൊണ്ട് എഴുന്നേറ്റ് ചെന്നു താഴെ നിന്നും കവർ എല്ലാം എടുത്തു വന്നു എന്റെ അരികിൽ ഇരുന്നു..
‘രണ്ട് മൂന്ന് ഡ്രസ്സ് ആയിരുന്നു. പിന്നെ എന്റെ ഗിഫ്റ്റ് ആയിട്ട് ഒരു വാച്ചും..’
അവൾ വാച്ച് എന്റെ കയ്യിൽ തന്നു
‘കൊള്ളാല്ലോ.. എന്തായാലും ഇത് ഞാൻ പോകാൻ നേരം എനിക്ക് വേണ്ടി വാങ്ങിയത് അല്ലേ.. പോകാതെ ഇരിക്കുമ്പോ വേറെ ഗിഫ്റ്റ് വേണം..’
ഞാൻ വാച്ച് കയ്യിൽ കെട്ടി നോക്കി കൊണ്ട് വെറുതെ പറഞ്ഞു
‘വേറെ ഗിഫ്റ്റ് വേണോ…?
അവൾ എന്റെ കണ്ണിൽ നോക്കി ചോദിച്ചു.. ആ ചോദ്യം അത്ര നിഷ്കളങ്കമായി എനിക്ക് തോന്നിയില്ല. അവൾ മുഖം മെല്ലെ എന്നിലേക്ക് അടുപ്പിക്കുന്നത് എനിക്ക് അറിയാൻ കഴിഞ്ഞു. ഇഷാനി ഒരു കൈ എന്റെ കവിളിൽ വച്ചു.. കണ്ണ് മെല്ലെ അടച്ചു കൊണ്ട് എന്റെ ചുണ്ടിലേക്ക് അവൾ പതിയെ അടുത്തു.. മുമ്പൊരിക്കൽ ഇവിടെ വച്ചു നടന്നത് വീണ്ടും ആവർത്തിക്കുന്നത് ഞാൻ അറിഞ്ഞു. ഇഷാനിയുടെ ചുണ്ടുകൾ എന്നെ അറിയുന്നതിന് മുമ്പ് ഞാൻ പെട്ടന്ന് എഴുന്നേറ്റു..
‘ഞാൻ.. ദാഹിക്കുന്നു.. ഞാൻ നാരങ്ങ പിഴിയാം…’
വിഷയം മാറ്റാൻ വേണ്ടി ഞാൻ പറഞ്ഞു.. എന്നാൽ ഞാൻ പോകുന്നതിന് മുമ്പ് എന്റെ കയ്യിൽ പിടിച്ചു അവൾ വലിച്ചു എന്നെ ഇരുത്തി
‘ഗിഫ്റ്റ് വേണ്ടേ….?
അവൾ സംശയത്തോടെ എന്നെ നോക്കി
‘ഇഷാനി… എനിക്ക് നിന്നോട് കുറെ കാര്യങ്ങൾ പറയാനുണ്ട്..’
‘ഇനിയും എന്താ നിനക്ക് പറയാനുള്ളത്..? എന്റെ കാര്യങ്ങൾ മുഴുവൻ ഞാൻ നിന്നോട് പറഞ്ഞതല്ലേ..?
‘അത്.. അത് വേറൊരു കാര്യം ആണ്..’
ഞാൻ കുറച്ചു അസ്വസ്ഥനായി
‘എങ്കിൽ പറ..’
അവൾ പറഞ്ഞു
‘അത്.. പറയാം…’
ഞാൻ എങ്ങനെ അവളോട് കൃഷ്ണയെ പറ്റി പറയും എന്നോർത്ത് ആകെ കുഴപ്പത്തിലായി.. ഒരു തയ്യാറെടുപ്പ് ഇല്ലാതെ എങ്ങനെ ആണ് ഇത് ഇവളോട് തുറന്നു പറയുക..
‘നിനക്ക് ഒന്നും പറയാൻ ഇല്ലെന്ന് എനിക്ക് അറിയാം.. ഞാൻ കിസ്സ് ചെയ്യാൻ വന്ന കൊണ്ടല്ലേ നീ എണീറ്റ് പോയത്…?
അവൾ കുറച്ചു പരിഭവത്തോടെ ചോദിച്ചു
‘അ.. അല്ല.. അതെ..’
അല്ല എന്ന് പറഞ്ഞിട്ട് ഒടുവിൽ ഞാൻ അത് സമ്മതിച്ചു.
‘നിനക്ക് ഞാൻ പറഞ്ഞത് ഒന്നും തലയിൽ കയറി ഇല്ലേ..? അതോ ഇനിയും ക്ലിയർ ആയിട്ട് ഞാൻ പറയണോ എനിക്ക് നിന്നെ ഇഷ്ടം ആണെന്ന്..?
‘എനിക്ക് അത് മനസിലായി…’
ഞാൻ പറഞ്ഞു.
‘പിന്നെ എന്താ നിന്റെ പ്രോബ്ലം.. എനിക്ക് നിന്നെ കിസ്സ് ചെയ്യാൻ പറ്റില്ലേ അപ്പോൾ..?
അപ്പോൾ അവളുടെ മുഖത്ത് ഒരു നിഷ്കളങ്കത ഉണ്ടായിരുന്നു
‘ഇഷാനി അതല്ല.. അന്നത്തെ മിസ്റ്റേക്ക് ഇനിയും ആവർത്തിക്കണോ..?
അന്ന് ഇവിടെ വച്ചു നടന്ന ചുംബനം ആണ് ഞങ്ങൾക്കിടയിൽ ഉണ്ടായ എല്ലാ പ്രശ്നങ്ങളുടേയും തുടക്കം.. അവൾ അവളുടെ അമ്മയുടെ കഥയും എല്ലാം എന്നോട് പറഞ്ഞതാണ്.. അത് കൊണ്ട് തന്നെ ഞാൻ ഒരുപാട് ആഗ്രഹിച്ച ഈ ചുണ്ടുകൾ സ്വന്തം ആക്കാൻ ഞാൻ ഒന്ന് മടിച്ചു
‘അപ്പോൾ ഞാൻ ഫിറ്റ് അല്ലായിരുന്നോ.? ഇപ്പോൾ അങ്ങനെ അല്ലല്ലോ..?
അവൾ ചോദിച്ചു
‘പക്ഷെ നീ അന്ന് പറഞ്ഞ……-
ഞാൻ പറഞ്ഞു മുഴുവിപ്പിക്കുന്നതിന് മുമ്പ് ഇഷാനി പെട്ടന്ന് എന്റെ മുഖത്തോട് മുഖം ചേർത്ത് കഴിഞ്ഞിരുന്നു.. അവളുടെ ചുണ്ടുകൾ എന്റെ ചുണ്ടിൽ സ്പർശിച്ചു. അവളുടെ കണ്ണുകൾ അടഞ്ഞിരുന്നു.. ഞാൻ മനസിലെ മറ്റു ചിന്തകൾ എല്ലാം മറന്നു.. എന്റെ കൈകൾ അവളുടെ തലയുടെ പിന്നിലൂടെ മുടികളിൽ തഴുകാൻ തുടങ്ങി.. ഇഷാനി അനക്കം ഒന്നും ഇല്ലാതെ ചുണ്ട് എന്റെ ചുണ്ടിൽ മുട്ടിച്ചു വച്ചു കൊണ്ട് ഇരിക്കുകയാണ്. മെല്ലെ അവളുടെ കണ്ണുകൾ തുറന്നു..
‘ഇനി എന്നെ ഒറ്റക്കാക്കി പോയാൽ കൊല്ലും ഞാൻ…’
അത് പറഞ്ഞിട്ട് അവൾ കൈകൾ കൊണ്ട് എന്നെ ചുറ്റി, എന്റെ മേലെ അല്പം കൂടി ചേർന്നിരുന്നു കൊണ്ട് അവൾ അമർത്തി ചുംബിച്ചു. ചുണ്ടുകളിൽ നിന്ന് കവിളിലേക്കും കണ്ണുകളിലേക്കും എല്ലാം അവളുടെ ചുംബനസമ്മാനം കടന്നു ചെന്നു.. ചുംബിക്കുമ്പോൾ എല്ലാം അവൾ ചുണ്ട് കൂട്ടിപ്പിടിച്ചിരുന്നു. അത് കൊണ്ട് തന്നെ അവളുടെ രുചി എനിക്ക് അപ്പോൾ അറിയാൻ കഴിഞ്ഞില്ല.. പക്ഷെ അവളുടെ ഗന്ധം എനിക്ക് കിട്ടി. മെല്ലെ അവളുടെ കവിളിലും ചെവിയിലും ഒക്കെ ഞാൻ ചുംബിച്ചു.. കഴുത്തിലേക്ക് ഞാൻ മുഖം കൊണ്ട് പോയപ്പോൾ ഇക്കിളി കൊണ്ട് ആവണം അവൾ എന്റെ മുഖം പിടിച്ചു മാറ്റി. തലമുടിയിൽ തഴുകിയും താടിയിൽ പിടിച്ചു വലിച്ചുമെല്ലാം അറിയാവുന്ന പോലെ അവൾ എനിക്ക് മുത്തം തന്നു..
എന്റെ മനസ്സ് കുറെ നേരത്തേക്ക് എങ്കിലും നിലച്ചത് പോലെ ആയിരുന്നു. ഒരു തരം വികാരങ്ങളും എന്നിലൂടെ കടന്നു പോകാത്തത് പോലെ എനിക്ക് തോന്നി. ശരിക്കും ഒരു ഷോക്ക് കിട്ടിയത് പോലെ. എന്നാലും അവളുടെ ചുംബനത്തിന്റെ രസം എനിക്ക് കിട്ടുന്നുണ്ടായിരിന്നു.. എത്ര നേരം ഞങ്ങൾ സോഫയിൽ ഇരുന്നു ചുംബിച്ചു എന്ന് എനിക്ക് ഓർമയില്ല. സന്ധ്യ വരെ ആ ഇരിപ്പ് പരസ്പരം തലോടി ഞങ്ങൾ ഇരുന്നത് പോലെ ഇപ്പോൾ ഓർമ്മ കിട്ടുന്നു.
ശരിക്കും ഞാൻ ഭൂമിയിലേക്ക് എത്തുന്നത് രാത്രി കിടക്കാൻ പോകുന്നതിന് മുമ്പാണ്. അപ്പോളാണ് നടന്നതിന്റെ ഒക്കെ ശരിക്കുമുള്ള എക്സൈറ്റ്മെന്റ് എനിക്ക് കിട്ടിയത്. കുറച്ചു മണിക്കൂറുകൾക്ക് ഇടയിൽ സംഭവിച്ചത് ആണ് എന്റെ ലൈഫിലെ ഏറ്റവും സുന്ദരമായ നിമിഷങ്ങളിൽ ഒന്നെന്നു അപ്പോൾ മാത്രം ഞാൻ തിരിച്ചറിഞ്ഞു.. ഇഷാനിക്ക് എന്നോട് പ്രണയം ആണെന്ന് അവളുടെ നാവിൽ നിന്ന് കേട്ടത് ഓർത്തപ്പോൾ ഏറെ വൈകി എന്നിൽ ഒരു രോമാഞ്ചം ഉണ്ടായി. അവൾ കിച്ചണിൽ ആണ്. ഇപ്പോൾ ഇവിടേക്ക് കിടക്കാൻ വരും.. അതോർത്തപ്പോൾ എന്റെ നെഞ്ച് വല്ലാതെ ഇടിക്കാൻ തുടങ്ങി. ഇത്രയും ദിവസം കിടന്നത് പോലെ അല്ല. പരസ്പരം ഇഷ്ടപ്പെടുന്ന രണ്ട് പേരാണ് അടുത്തടുത്തു കിടക്കാൻ പോകുന്നത്. അവൾ അടുത്ത് വന്നു കിടക്കുമ്പോൾ എപ്പോളത്തെയും പോലെ മാന്യൻ ആകണോ അതോ മുമ്പത്തെ പോലെ റൊമാന്റിക് ആകണോ..? എനിക്ക് കൃത്യമായ ഒരുത്തരം കിട്ടുന്നതിന് മുമ്പ് തന്നെ അവൾ ലൈറ്റുകൾ ഓരോന്നായി അണച്ചു പതിയെ കട്ടിലിലേക്ക് കയറി എന്റെ അരികിലായ് കിടന്നു