‘എന്താ ആലോചിക്കണേ..?
എന്റെ ആലോചന കണ്ടു അവൾ ചോദിച്ചു
‘ഒന്നുമില്ല.. ഞാൻ വെറുതെ…’
‘ഒന്നുമില്ലേൽ കിടന്നു ഉറങ്ങാൻ നോക്ക്..’
അവൾ അത് പറഞ്ഞിട്ട് കണ്ണടച്ചു കിടന്നു.
ഇത്രേ ഉള്ളായിരുന്നോ..? ഞാൻ കരുതി അവൾ എന്നോട് എന്തെങ്കിലും ഒക്കെ മിണ്ടുമെന്ന്.. വെറുതെ മനക്കോട്ടെ കെട്ടി. ഞാൻ ഉറങ്ങിയില്ല എന്ന് അവൾക്ക് അറിയാമായിരുന്നു
‘ഉറങ്ങുന്നില്ലേ…?
അവൾ ചോദിച്ചു
‘ഉറക്കം വരുന്നില്ല…’
ഞാൻ പറഞ്ഞു
‘അതെന്താ ഉറക്കം വരാത്തെ…?
പതിഞ്ഞ, വളരെ സെക്സി ആയ ശബ്ദത്തിൽ അവൾ ചോദിച്ചു. ഇവൾക്ക് ഇത്ര സെക്സി ആയ സൗണ്ട് ഉണ്ടായിരുന്നോ..? എന്റെ വികാരങ്ങൾ എല്ലാം പതിയെ മുളച്ചു പൊന്താൻ തുടങ്ങിയിരിക്കുന്നു
‘ആവൊ.. വല്ലാത്ത തണുപ്പ്.. അതാവും..’
ഞാൻ വെറുതെ തണുപ്പ് അഭിനയിച്ചു പറഞ്ഞു
‘ഫാൻ എന്നാൽ ഓഫ് ആക്കട്ടെ..?
അവൾ ചോദിച്ചു
‘വേണ്ട. ഫാൻ കിടന്നോട്ടെ..’
ഞാൻ പറഞ്ഞു.
‘പിന്നെന്ത് ചെയ്യും തണുപ്പിന്….?
അവൾ പിന്നെയും ചോദിച്ചു
‘എന്ത് ചെയ്യും…?
ഞാൻ തിരിച്ചു ചോദിച്ചു
‘എനിക്ക് അറിയില്ല.. നീ പറ.. എന്ത് ചെയ്യും..?
പതിഞ്ഞ സ്വരത്തിൽ അവൾ പറഞ്ഞു
‘ഒരു വഴിയുണ്ട്…’
ഞാൻ പറഞ്ഞു
‘എന്താ..?
‘അത് ശരിയാകുമോ എന്നറിയില്ല.. ‘
ഞാൻ പറഞ്ഞു
‘എന്താണെന്ന് പറ….’
അവൾ നിർബന്ധിച്ചു
‘പറഞ്ഞാൽ കുഴപ്പം ആകുമോ..?
‘ഇല്ല.. നീ പറഞ്ഞോ..’
‘എന്നാൽ പറയാം..’
ഞാൻ പറയാൻ വേണ്ടി തയ്യാറെടുത്തു…
‘മ്മ്… പറ….’
‘തണുപ്പ് പോകാൻ ഇല്ലേ…..’
‘തണുപ്പ് പോകാൻ….?
‘നമ്മൾ രണ്ട് പേരും ഇല്ലേ…..’
‘നമ്മൾ രണ്ട് പേരും…..?
‘കെട്ടിപിടിച്ചു കിടന്നാൽ മതി…’
അവൾ എന്ത് തിരിച്ചു പറയും എന്നൊരു ഭീതി എനിക്ക് ഉണ്ടായിരുന്നു. അഥവാ അവൾ എതിർത്താൽ തമാശ പോലെ ഇത് അവസാനിപ്പിക്കാം എന്ന് ഞാൻ കരുതി
‘എന്നാരു പറഞ്ഞു….?
അവൾ തിരിച്ചു ചോദിച്ചു
‘അങ്ങനെ ആണ്…’
ഞാൻ പറഞ്ഞു
‘എന്നാൽ നോക്കാം തണുപ്പ് പോകുമോ എന്ന്…’
അവൾ ഒരല്പം എന്നോട് നീങ്ങി കിടന്ന് ഒരു കൈ എന്റെ മേലെ വച്ചു കൊണ്ട് ചോദിച്ചു
‘ഇപ്പോൾ തണുപ്പ് പോയോ..?
‘കുറച്ചു…’
ഞാൻ പറഞ്ഞു
അവൾ അല്പം കൂടി അടുത്ത് കിടന്നു
‘ഇപ്പോളോ..?
അവൾ പിന്നെയും ചോദിച്ചു
‘കുറച്ചു കൂടി വേണം..’
ഞാൻ പറഞ്ഞു
‘അശോ..’
അവൾ ശരിക്കും എന്നോട് ഒട്ടിച്ചേർന്നു കൈ എന്നെ മുറുക്കെ കെട്ടിപിടിച്ചു കൊണ്ട് എന്നിലേക്ക് ചേർന്നു കിടന്നു..
‘ഇപ്പോൾ തണുപ്പ് പോയോ..?
അവൾ ചോദിച്ചു
‘പോയി…’
ഞാൻ ചിരിച്ചു കൊണ്ട് പറഞ്ഞു..
‘എനിക്കും തണുക്കുന്നുണ്ട്..’
അവൾ മെല്ലെ എന്റെ ചെവിയിൽ പറഞ്ഞു. തിരിച്ചു കെട്ടിപ്പിടിക്കാൻ അവൾ പറഞ്ഞതാണ് അങ്ങനെ. ഞാൻ കൈ വിടർത്തി അവളെ എന്റെ കൈക്കുള്ളിൽ എന്നപോലെ ആക്കി. ഞങ്ങൾ രണ്ടും തൊട്ടുരുമ്മി കെട്ടിപിടിച്ചു കിടന്നു. അവളുടെ നിശ്വാസം എനിക്ക് അനുഭവിക്കാൻ പറ്റുന്നുണ്ട്.. അതിന്റെ മത്തു പിടിപ്പിക്കുന്ന ഗന്ധം എന്റെ നിയന്ത്രണങ്ങൾ പതിയെ നഷ്ടപ്പെടുത്തുന്ന പോലെ തോന്നിച്ചു. ഞാൻ മെല്ലെ മുഖം അവളുടെ മുഖത്തോട് അടുപ്പിച്ചപ്പോൾ അവൾ കൈ എന്റെ മുഖത്ത് ഒരു തട പോലെ വച്ചു
‘കുറച്ചു മുന്നേ കിട്ടിയത് പോരാരുന്നോ…?
അവൾ ചോദിച്ചു
‘പോരായിരുന്നു എന്ന് തോന്നുന്നു..’
ഞാൻ പറഞ്ഞു
‘ഗിഫ്റ്റ് എപ്പോളും ഒന്നും കൊടുക്കാൻ പറ്റില്ല കേട്ടല്ലോ. ഫസ്റ്റ് ഡേയ് ആയത് കൊണ്ട് ഇന്നൊരു ഡിസ്കൗണ്ട് തന്നേക്കാം..’
അവൾ തമാശ പോലെ പറഞ്ഞിട്ട് കൈ മാറ്റി പെട്ടന്നൊരു ഉമ്മ എന്റെ ചുണ്ടിൽ വച്ചു. ഒരു നിമിഷമേ ആ ചുംബനം നീണ്ടു നിന്നുള്ളു എങ്കിലും എന്നിൽ ഒരു തീപ്പൊരി വീണ പ്രതീതി ആയിരുന്നു അപ്പോൾ.അവൾ തല മെല്ലെ എന്റെ നെഞ്ചിലേക്ക് വച്ചു കിടന്നു.. ഞാൻ അവളുടെ കൈകളിൽ മെല്ലെ തലോടി
‘എന്ത് ശക്തിയിൽ ആട നെഞ്ച് ഇടിക്കുന്നത്..?
എന്റെ നെഞ്ചിൽ തല വച്ചത് കൊണ്ട് അവൾക്ക് എന്റെ നെഞ്ചിടിപ്പ് അറിയാൻ കഴിയും
‘അതങ്ങനാ..’
ഞാൻ പറഞ്ഞു
‘എങ്ങനെ..? ഒരുമ്മ തന്നതിന്റെ ആണോ ഇത്..?
അവൾ കൗതുകത്തോടെ ചോദിച്ചു
‘അശോ എന്റെ ഉമ്മക്കു ഇത്രയും പവർ ഉണ്ടായിരുന്നോ..?
‘പിന്നില്ലാതെ… ‘
‘എനിക്ക് പക്ഷെ അങ്ങനെ നെഞ്ച് ഒന്നും ഇടിക്കുന്നില്ല..’
അവൾ പറഞ്ഞു. ഒരുപക്ഷെ എനിക്ക് ആദ്യം ഉണ്ടായത് പോലെ ഒരു മരവിപ്പ് ആയിരിക്കും അവൾക്ക് ഇപ്പോളും. ഞാൻ കരുതി.
‘എനിക്ക് ഇപ്പോളും ഇത് വിശ്വസിക്കാൻ പറ്റണില്ലടി..’
ഞാൻ പറഞ്ഞു
‘നമ്മൾ സെറ്റ് ആയതോ..?
അവൾ ചോദിച്ചു
‘അതെ.. നീ ഇങ്ങനെ ഒക്കെ പെരുമാറുന്നത് എനിക്ക് ഭയങ്കര വണ്ടർ ആണ്..’
‘ഞാനും ചിന്തിച്ചു. എനിക്ക് തന്നെ തോന്നി എനിക്ക് വട്ടായോ എന്ന്.. സത്യത്തിൽ നിന്നെ വന്നപ്പോ ഇവിടെ കണ്ടിരുന്നു എങ്കിൽ ഇതൊന്നും നടക്കില്ലായിരുന്നു. അങ്ങനെ ആരുന്നേൽ ഞാൻ ഇപ്പോൾ മിണ്ടാതെ കിടന്നു മോങ്ങിയേനെ, നീ നേരം വെളുക്കുമ്പോൾ പോകുകയും ചെയ്തേനെ..’
‘അപ്പോൾ നീ എന്നെ കാണാഞ്ഞത് എന്റെ ഭാഗ്യം..’
ഞാൻ പറഞ്ഞു
‘എന്റെയും ഭാഗ്യം..’
അവൾ ചിരിച്ചു കൊണ്ട് പറഞ്ഞു. ആ സന്തോഷത്തിന്റെ ഇടയിലും വരാൻ ഇരിക്കുന്ന ദുഃഖത്തിന്റെ ഒരു ചിത്രം എന്റെ മനസ്സിൽ വന്നു. ഇത് ഒരുപാട് മുന്നോട്ടു പോകുന്നതിന് മുമ്പ് തന്നെ ഇഷാനി കൃഷ്ണയുടെ കാര്യം അറിയണം.
‘എനിക്ക് നിന്നോട് ഒരു കാര്യം പറയാനുണ്ട്..’
ഞാൻ രണ്ടും കല്പ്പിച്ചു പറഞ്ഞു
‘എന്താടാ…?
അവൾ ചോദിച്ചു
‘കുറച്ചു സീരിയസ് ആയ കാര്യം ആണ്..’
‘കേട്ടാൽ വിഷമം വരുന്ന എന്തെങ്കിലും ആണോ..?
അവൾ ചോദിച്ചു
‘അതെ. വിഷമം എന്തായാലും ഉണ്ടാകും..’
‘എന്നാൽ ഇപ്പോൾ പറയണ്ട..’
അവൾ പറഞ്ഞു
‘പക്ഷെ നിന്നോട് അത് പറയാതെ ഇരിക്കാൻ വയ്യ..’
‘നീ എന്നെ പേടിപ്പിക്കല്ലേ.. ഇപ്പോൾ ഞാൻ ഭയങ്കര ഹാപ്പി ആണ്. നീ പറയുന്നത് കേട്ടാൽ അതൊക്കെ സ്പോയിൽ ആകുമെന്ന് എനിക്ക് തോന്നുന്നു..’
‘പക്ഷെ ഇത് നീ എപ്പോൾ ആയാലും അറിയണ്ടതാണ്..’
ഞാൻ പറഞ്ഞു
‘സീരിയസ് ആണോ….?
അവൾ ചോദിച്ചു
‘അതെ. കുറച്ചു സീരിയസ് ആണ്…’
‘എന്നാൽ നീ പിന്നെ എപ്പോളെലും പറഞ്ഞാൽ മതി.. ഞാൻ കുറച്ചു ദിവസം കൂടി ഇവിടെ ഉണ്ടല്ലോ.. പോകുന്നെന് മുന്നേ എപ്പോളെങ്കിലും പറഞ്ഞാൽ മതി.. ഇന്ന് വേണ്ട.. പ്ലീസ്…..’
അവൾ എന്റെ താടിയിൽ തടവി കൊണ്ട് പറഞ്ഞു
‘അല്ല.. നീ ഇനി കുറച്ചു ദിവസം കൂടിയേ ഇവിടെ ഉള്ളു…? അപ്പോൾ വെക്കേഷൻ കഴിഞ്ഞാൽ നീ അങ്ങോട്ട് മാറുമോ…?
‘പിന്നെ ഞാൻ ഇവിടെ നിക്കാനോ…?
‘ഇത്രയും ദിവസം നിന്നില്ലേ..? ഇനിയിപ്പോ രണ്ട് മൂന്ന് മാസം കൂടി അല്ലേ ക്ലാസും ഉള്ളു. പിന്നെ നീ തന്നെ അല്ലേ പറഞ്ഞത് എന്നെ വിട്ടു നിക്കാൻ പറ്റില്ല എന്നൊക്കെ..’