‘ഓ.. നീ എന്ന് ലാൻഡ് ചെയ്യും..?
അധികം നീട്ടാതെ ഞാൻ കാര്യത്തിലേക്ക് ചെന്നു
‘ഞാൻ കുറച്ചു ഡേയ്‌സ് കൂടി കഴിയുമെടാ.. വെക്കേഷൻ തീരുന്നേനു മുന്നേ വരണം എന്നുണ്ടായിരുന്നു. ബട്ട്‌ താമസിക്കും..’
അവൾ പറഞ്ഞു. അപ്പോൾ എനിക്ക് സമയം ഉണ്ട്. വെക്കേഷൻ തീരുമ്പോ ആണ് ഇഷാനി പോകുന്നത്. അപ്പോളൊന്നും കൃഷ്ണ ഇവിടേക്ക് ലാൻഡ് ചെയ്യില്ല. എനിക്ക് കാര്യം അവതരിപ്പിക്കാനും സമാധാനം ഉണ്ടാക്കാനും ഒക്കെ കുറച്ചു സമയം കൂടി കിട്ടും.. ആശ്വാസം.. കിട്ടേണ്ട കാര്യം അറിഞ്ഞതോടെ ഞാൻ കോൾ അധികം നീട്ടിയില്ല. അവളുടെ കുറച്ചു വിശേഷങ്ങൾ ഒക്കെ തിരക്കി ഞാൻ കോൾ കട്ട് ചെയ്തു.. ഇഷാനിയോട് എല്ലാം പറഞ്ഞു കഴിഞ്ഞു വേണം ഇവളോട് എല്ലാം പറയാൻ. രണ്ട് പേരുടെയും പ്രതികരണം എങ്ങനെ ആയിരിക്കും എന്നോർത്തു എന്റെ തല പെരുത്തു. കൂടുതൽ അതിനെ പറ്റി ആലോചിക്കാതെ ഇരിക്കുന്നത് ആണ് നല്ലതെന്ന് എനിക്ക് തോന്നി
തിരികെ വീട്ടിൽ എത്തിയപ്പോളും അവൾ അടുക്കളയിൽ തന്നെ ആയിരുന്നു..
‘നിന്റെ പണി എപ്പോളെങ്കിലും കഴിയുമോ..? ഏത് നേരവും പണി..’
ഞാൻ സ്നേഹത്തോടെ അവളെ ശകാരിച്ചു
‘ഇന്നത്തെ കാലത്തു പണി എടുക്കാൻ മടി ഇല്ലാത്ത ഒരു കൊച്ചിനെ കിട്ടിയത് നിന്റെ ഭാഗ്യം ആണ് മോനെ..’
‘നീ ഭയങ്കര വൃത്തിക്കാരി ആണ്. എന്തെങ്കിലും പണി എടുത്താൽ അവിടെ എല്ലാം അപ്പോൾ വൃത്തി ആക്കി ഇടും. ഞാനൊക്കെ ആഴ്ചയിൽ ഒരിക്കൽ ആണ് തൂപ്പും തുടയും ഒക്കെ..’
‘മനുഷ്യന്മാർ ആയാൽ നല്ല വൃത്തി വേണം..’
‘ഇനി എന്നോട് ഡെയിലി പത്തു വട്ടം കുളിക്കാൻ പറയരുത്..’
‘ഒന്ന് പോടാ.. നീ ഈ കുക്കർ ഒന്ന് നോക്കണേ വിസിൽ അടിക്കുന്നുണ്ടോന്ന്.. ഞാൻ തുണി ഒന്ന് മുക്കി ഇട്ടിട്ട് വരാം..’
എന്നെ കുക്കർ ഏൽപ്പിച്ചിട്ട് പുറത്തേക്ക് പോകാൻ തിരിഞ്ഞ അവളെ ഞാൻ കടന്നു പിടിച്ചു..
‘തുണിയും മണിയും ഒക്കെ പിന്നെ കഴുകാം..’
‘എന്താടാ…’
അവൾ ആശ്ചര്യത്തിൽ ചോദിച്ചു
‘ഇവിടെ ഇരിക്ക്..’
ഞാൻ അവളുടെ അരയിൽ പിടിച്ചു പൊന്തിച്ചു അവളെ ഗ്യാസ് ഇരിക്കുന്ന പാതകത്തിൽ ഇരുത്തി
‘എന്തിനാ…..?
ഒന്നും അറിഞ്ഞു കൂടാത്ത ഭാവത്തിൽ അവൾ ചോദിച്ചു
‘ ചുമ്മാ.. നിന്നെ ഒന്ന് കാണാൻ..’
ഞാൻ പാതകത്തിൽ കൈ കുത്തി അവളോട് ചേർന്നു നിന്നോണ്ട് പറഞ്ഞു
‘ എന്നെ എന്താ ആദ്യമായാണോ കാണുന്നെ..?
മെല്ലെ അവൾ ചോദിച്ചു
‘ഇങ്ങനെ ഒക്കെ ആദ്യം ആണ്..’
ഞാൻ കൈ അവളുടെ ചുണ്ടിൽ തൊട്ട് കൊണ്ട് പറഞ്ഞു. ഞാൻ ചുംബിക്കാൻ പോകുകയാണ് എന്ന് മനസിലാക്കി അവൾ പെട്ടന്ന് പറഞ്ഞു
‘ ഇന്നലെ തന്നതല്ലേ.. എപ്പോളും വേണോ ഇങ്ങനെ..?
‘നീ ഇതിന് ഒക്കെ ഇങ്ങനെ കണക്ക് പറയല്ലേ ഇഷാനി..’
ഞാൻ രണ്ട് കൈകൾ കൊണ്ടും അവളുടെ മുഖത്ത് പിടിച്ചു. എന്നിട്ട് അവളുടെ മുഖം എന്നിലേക്ക് ചേർത്തു.. പെട്ടന്ന് അവൾ മുഖം പുറകിലേക്ക് മാറ്റി അവളുടെ എതിർപ്പ് അറിയിച്ചു
‘ഇപ്പോൾ വേണ്ട..’
അവൾ പറഞ്ഞു
‘അതെന്താ..?
ഞാൻ ചോദിച്ചു
‘എനിക്ക് നാണം വരുന്നു..’
അവൾ നാണത്തോടെ ചിരിച്ചു കൊണ്ട് പറഞ്ഞു
‘അയ്യോ ഒരു നാണക്കാരി.. ഇത് നമ്മുടെ ആദ്യത്തെ കിസ്സ് ഒന്നും അല്ലല്ലോ ഇത്ര നാണിക്കാൻ…’
‘അപ്പോളത്തെ പോലെ അല്ലല്ലോ ഇപ്പോൾ..’
‘ഇപ്പോൾ എന്താ പ്രത്യേകത..?
ഞാൻ സംശയത്തോടെ ചോദിച്ചു
‘അന്ന് ഞാൻ പൂസ് അല്ലായിരുന്നോ..? ആ ധൈര്യം ഉണ്ടായിരുന്നു. പിന്നെ ഇന്നലെ ആണേൽ എനിക്ക് അത്രയും വിഷമം ഉണ്ടായിരുന്നു.. അതോണ്ട് നാണം തോന്നിയില്ല. പക്ഷെ ഇപ്പോൾ ഭയങ്കര നാണം തോന്നുന്നു..’
അവൾ പറഞ്ഞു
‘ഓ അപ്പോൾ അതെല്ലാം ഇഷ്ടത്തോടെ ഒന്നും അല്ലായിരുന്നു തന്നത് അല്ലേ..?
ഞാൻ പിണക്കത്തിൽ കൈ മാറ്റി കൊണ്ട് പറഞ്ഞു
‘അങ്ങനെ അല്ലടാ.. അപ്പോൾ എനിക്ക് ഈ നാണം ഒന്നും തോന്നിയില്ല. ഇപ്പോൾ നീ അടുത്ത് വരുമ്പോ തന്നെ വിറയൽ ആണ്.. നോക്ക് എന്റെ കയ്യൊക്കെ വിറയ്ക്കുന്നു..’
അവൾ കൈ വിറയ്ക്കുന്നത് എന്നെ കാണിച്ചു.
‘നാണം ആണേൽ നീ കണ്ണടച്ചാൽ മതി. ഞാൻ ഉമ്മ വച്ചോളാം.. ‘
ഞാൻ വീണ്ടും കൈകൾ എടുത്തു അവളുടെ ചുമലിലൂടെ ഇട്ടു. ഞാൻ മുഖം അവളിലേക്ക് അടുപ്പിച്ചപ്പോൾ അവളുടെ കണ്ണുകൾ മെല്ലെ അടഞ്ഞു. ആദ്യം മുട്ടിയത് ഞങ്ങളുടെ മൂക്കുകൾ തമ്മിലാണ്. അവൾക്ക് ഉമ്മ വച്ചു അത്ര എക്സ്പീരിയൻസ് ഇല്ലാത്തത് കൊണ്ട് ഞാൻ മുഖം അല്പം ചെരിച്ചു ഞങ്ങളുടെ ചുണ്ടുകൾ തമ്മിൽ കൂട്ടി മുട്ടിച്ചു.. അവൾ വാ മുറുക്കി വച്ചിരിക്കുകയാണ്. ഞാൻ അമർത്തി അവളുടെ ചുണ്ടുകളിൽ ഉരുമ്മി. അവളുടെ മൂക്കിലൂടെ അവൾ വളരെ ശക്തിയിൽ ശ്വാസം എടുക്കുന്നതും വിടുന്നതും എനിക്ക് അറിയാമിപ്പോൾ.. ഞാൻ അവളുടെ തലമുടിയിൽ കൂടി കൈകളോടിച്ചു വീണ്ടും അമർത്തി ചുംബിച്ചു. അവളാ ചുണ്ടുകൾ ഒന്ന് വിടർത്തിയിരുന്നു എങ്കിൽ എനിക്ക് അത് കുറച്ചു കൂടി നന്നായി രുചിക്കാമായിരുന്നു.. പക്ഷെ അവൾ ചുണ്ട് കൂട്ടി തന്നെ പിടിച്ചു.. ഞാൻ ചുംബനം മുറുക്കിയപ്പോൾ അവൾ പെട്ടന്ന് ബലം പ്രയോഗിച്ചു പിന്നിലേക്ക് വീണ്ടും മുഖം മാറ്റി.. എന്തോ ഇഷ്ടക്കേട് പോലെ..?
‘മീശ….’
അവൾ മെല്ലെ പറഞ്ഞു.
‘മീശ…?
എനിക്ക് കാര്യം മനസിലായില്ല. മീശയിൽ എന്താണ്..?
‘മീശ കുത്തിക്കൊള്ളുന്നു..’
അവൾ കൗതുകത്തോടെ പറഞ്ഞു. അതാണോ കാര്യം..
‘അതിന് എന്താ.. ഉമ്മ വയ്ക്കുമ്പോ മീശ കൊള്ളില്ലേ പിന്നെ..?
‘ആണോ..?
അവൾ അറിയാത്ത മട്ടിൽ ചോദിച്ചു
‘പിന്നെ ഇന്നലെ ഒക്കെ എനിക്ക് മീശ ഇല്ലായിരുന്നോ..? ഇനി ഇഷ്ടം അല്ലേൽ ഇത് വടിച്ചേക്കാം ഞാൻ..’
‘വടിച്ചാൽ നിന്നെ കൊല്ലും ഞാൻ..’
എന്റെ താടിയിൽ പിടിച്ചു വലിച്ചു എന്നെ അവളുടെ മുഖത്തേക്ക് അടുപ്പിച്ചു കൊണ്ട് ഇഷാനി പറഞ്ഞു
‘ഇഷ്ടവും അല്ല, വടിക്കാനും സമ്മതിക്കില്ല..? ഞാൻ ഇപ്പോൾ എന്ത് വേണം..?
‘ഇഷ്ടം അല്ലെന്ന് ഞാൻ പറഞ്ഞോ..?
‘പിന്നെ എന്തിനാ മുഖം മാറ്റിയത്..?
ഞാൻ ചോദിച്ചു
‘അത്.. അത് എനിക്ക് ഇക്കിളി എടുത്തിട്ടാ..’
അവൾ നാണം കൊണ്ട് തുടുത്ത മുഖത്തോടെ പറഞ്ഞു
‘അങ്ങനെ ഒക്കെ ഫീൽ ചെയ്യാൻ അല്ലേടി കിസ്സ് ചെയ്യുന്നേ..’
അവളുടെ മുഖത്തോട് അടുപ്പിച്ചു പരസ്പരം മൂക്കുകൾ ഉരുമ്മി കൊണ്ട് ഞാൻ പറഞ്ഞു
‘ആണോ…?
വശ്യതയുടെ ഒരു മാധുര്യത്തിൽ അവൾ ചോദിച്ചു
‘യെസ്…’
അത് പറഞ്ഞു അടുത്തൊരു ചോദ്യത്തിന് വായ തുറക്കാൻ അവസരം കൊടുക്കാതെ ഞാൻ അവളെ ചുംബിച്ചു. ഇഷാനി വീണ്ടും ചുണ്ടുകൾ മുറുക്കെ കൂട്ടിപ്പിടിച്ചു. അവളുടെ മേൽചുണ്ടിലും കീഴ് ചുണ്ടിലും കവിളിലും എല്ലാം ഞാൻ മാറി മാറി മുത്തി. നാണം കൊണ്ട് അവൾ കണ്ണുകൾ മുറുക്കി അടച്ചിരുന്നു.. ഏറെ നേരം അങ്ങനെ മുത്തി കൊണ്ട് ഇരിക്കാൻ എനിക്ക് കഴിഞ്ഞില്ല. അവളുടെ ചോര ചുണ്ടുകൾ എനിക്ക് മുന്നിൽ പകൽ വെളിച്ചത്തിൽ മലർന്നു കിടക്കുമ്പോ അത് നുണയാതെ ഇരിക്കാൻ മാത്രം നിയന്ത്രണം എനിക്ക് എന്റെ മേലെ ഇല്ലായിരുന്നു. ഞാൻ ചുണ്ട് കൊണ്ട് തന്നെ അവളുടെ കീഴ്ചുണ്ട് വിടർത്തി.. എന്നിട്ട് ആ ചുണ്ടുകൾ ഞാൻ എന്റെ ചുണ്ടുകൾക്ക് ഇടയിലേക്ക് കൊണ്ട് വന്നു.. അത് ശരിക്കും നുകരാൻ കഴിയുന്നതിനു മുമ്പ് തന്നെ ഇഷാനി പിന്നെയും പിൻവാങ്ങി..