‘കുറെ നേരം ആയല്ലോ മേലെ ഇരിക്കുന്നു.. താഴോട്ട് വരുന്നില്ലേ..?
അവൾ സൗഹൃദത്തോടെ ആണ് ചോദിച്ചത്.
‘കുറച്ചു കഴിഞ്ഞു വരാമെന്ന് കരുതി..’
ഞാൻ പറഞ്ഞു
‘എന്നാൽ ഞാനും ഇവിടെ തന്നെ ഇരിക്കാം..’
അവൾ ടാങ്ക് ഇരിക്കുന്ന ചിമ്മിനിയുടെ മേലെ കയറി എന്റെ ഒപ്പം ഇരുന്നു..
‘നിനക്ക് എന്നോട് ദേഷ്യം ഉണ്ടോ..?
ഞാൻ ചോദിച്ചു
‘കൊറച്ചു.. എന്നോട് ചോദിക്കാതെയും പറയാതെയും അങ്ങനെ ഒക്കെ ചെയ്ത കൊണ്ട്.. എന്ന് വച്ചു നീ കരുതുന്ന പോലെ അത്ര ദേഷ്യം ഒന്നുമില്ലായിരുന്നു.. ഉണ്ടായിരുന്നേൽ ഞാൻ അത്ര പെട്ടന്ന് ക്ഷമിക്കുമോ..?
അവൾ വളരെ കൂളായി പറഞ്ഞു
‘ഞാൻ അത് ശരിക്കും അറിഞ്ഞോണ്ട് ചെയ്തത് അല്ല. കിസ്സ് ചെയ്തോണ്ട് ഇരുന്നപ്പോ അറിയാതെ കൈ അവിടെ വന്നതാ… ഐ ആം റിയലി സോറി..’
ഞാൻ പിന്നെയും ക്ഷമാപണം നടത്തി
‘ഇത് നീ കുറെ പറഞ്ഞല്ലോ.. പിന്നെയും പിന്നെയും എന്തിനാണ് പറയുന്നേ..?
‘നിനക്ക് അത് വിശ്വാസം ആയിട്ടില്ല എന്ന് തോന്നി..’
‘ എനിക്ക് നിന്നെ വിശ്വാസം ആണ്.. അത് വിടടാ.. ഇങ്ങനെ ഗ്ലൂമി ആയി ഇരിക്കാതെ..’
‘ഞാൻ.. ഞാൻ ശരിക്കും പേടിച്ചു പോയി.. നീ എന്നോട് ശരിക്കും പിണങ്ങും എന്ന് ഞാൻ ഓർത്തു.. എപ്പോളും എന്റെ കയ്യിലിരിപ്പ് കാരണം ആണ് നമ്മൾ വഴക്ക് ആകുന്നത് ഒക്കെ..’
‘അങ്ങനെ ഒന്നും പറയണ്ട. ഞാൻ ഇനി നിന്റെ അടുത്ത് പഴയ പോലെ ഒന്നും പിണങ്ങി ഇരിക്കില്ല.. അന്നത്തെ പോലെ അല്ലല്ലോ നമ്മൾ ഇപ്പൊ..’
അവൾ എന്റെ തോളിൽ കൈ മുട്ട് വച്ചു കൊണ്ട് അടുപ്പത്തോടെ പറഞ്ഞു..
‘അപ്പോൾ നീയെന്നെ വേറെ ഒരു രീതിയിൽ കണ്ടിട്ടില്ലേ..?
ഞാൻ സംശയത്തോടെ ചോദിച്ചു
‘ഇല്ലടാ.. നിനക്ക് എന്താ ഞാൻ ഇത്ര പറഞ്ഞിട്ടും വിശ്വാസം ഇല്ലാത്തത്..?
‘പിന്നെ.. പിന്നെ.. ഈ ഷോൾ എന്തിനാ പെട്ടന്ന് എടുത്തു ഇട്ടത്..?
ഞാൻ ഒരുവിധം അത് ചോദിച്ചു. അവൾ അത് കേട്ട് അന്തം വിട്ട പോലെ നിന്നു..
‘എന്റെ പൊന്ന് അർജുൻ, നീയെന്തൊക്കെയാ ഈ ചിന്തിച്ചു കൂട്ടുന്നത്.. ഞാൻ ഇത് ഇപ്പൊ മുഖം കഴുകിയിട്ടു അതൊന്ന് തുടയ്ക്കാൻ വേണ്ടി എടുത്തത് ആ.. അല്ലാതെ…..’
അവൾ കൂടുതൽ പറഞ്ഞില്ല. ഇരുന്നിടത്തു നിന്ന് താഴെ ഇറങ്ങി എനിക്ക് നേരെ നിന്ന് ഷോൾ എടുത്തു അവൾ എന്റെ തലയിലൂടെ ഇട്ടു..
‘ഇന്നാ നിന്റെ ഷോൾ… അവന്റെ അസ്‌ഥാനത്തെ ഒരു സംശയം..’
അവൾ തെല്ലൊരു ദേഷ്യത്തോടെ പറഞ്ഞു
‘സോറി.. ഞാൻ..’
ഞാൻ എന്തോ പറയാൻ ശ്രമിച്ചു
‘നീയൊന്നും പറയണ്ട.. ഈ മോന്ത മര്യാദക്ക് മാറ്റിയില്ലേൽ എന്റെ സ്വഭാവം മാറും.. പറഞ്ഞേക്കാം..’
ഞാൻ ഒന്ന് ചിരിക്കാൻ ശ്രമിച്ചു.. അവളും പിന്നെ വേറെ എന്തൊക്കെയോ പറഞ്ഞു വിഷയം മാറ്റി.. എന്തൊക്കെയോ തമാശകൾ പറഞ്ഞോണ്ട് ഇരുന്നു. ഒന്നും എന്റെ മനസിലേക്ക് കയറിയില്ല..
‘ഇങ്ങനെ മുഖം വീർപ്പിച്ചു ഇരിക്കാൻ ആണേൽ ഞാൻ വീട്ടിലേക്ക് പോകുമേ..’
അവൾ എന്നോട് പറഞ്ഞു
‘അതായിരിക്കും നല്ലത്..’
പെട്ടന്ന് എന്റെ വായിൽ നിന്നും അത് വീണ് പോയി
‘നീ സീരിയസ് ആയിട്ടാണോ..?
അവളുടെ മുഖം പൊടുന്നനെ മാറിയത് ഞാൻ ശ്രദ്ധിച്ചു
‘മ്മ്..’
ഞാൻ ഒന്ന് മൂളി..
‘ശരി.. ഞാൻ പൊക്കോളാം.. അതിന് വേണ്ടിയാണ് ഇങ്ങനെ മിണ്ടാതെ ഇരിക്കുന്നത് എങ്കിൽ ഞാൻ പോയി തന്നേക്കാം..’
അവളുടെ കണ്ണൊക്കെ നിറഞ്ഞു.. ഞാൻ അങ്ങനെ ഒന്നും ഉദ്ദേശിച്ചത് ആയിരുന്നില്ല.. ഇന്ന് എന്ത് തൊട്ടാലും പിഴയ്ക്കുക ആണല്ലോ.. പോകാൻ തിരിഞ്ഞ അവളുടെ കയ്യിൽ ഞാൻ പിടിച്ചു എന്റെ അടുത്തേക്ക് ചേർത്ത് നിർത്തി.
‘വിട്ടേ.. ഞാൻ പോകും..’
അവൾ എന്റെ കൈ വിടുവിക്കാൻ ശ്രമിച്ചു..
‘ഞാനൊരു തമാശ പറഞ്ഞതാടി..’
‘അല്ല. നീ സീരിയസ് ആയി പറഞ്ഞത് ആണെന്ന് എനിക്ക് അറിയാം.. കൈ വിട്ടേ..’
‘അല്ല സത്യം ആയിട്ടും ഞാൻ ചുമ്മാ പറഞ്ഞതാ..
ഞാൻ അവളുടെ മുഖം എന്നിലേക്ക് ചേർത്ത് അവളുടെ കവിളിൽ ഒരുമ്മ കൊടുത്തു. അവളുടെ പിണക്കം ഒക്കെ മാറാൻ തത്കാലം ഇത് മതിയാകും..
‘ഇവിടെ കൂടി..’
തന്റെ ചുണ്ടിൽ വിരൽ ചൂണ്ടി ഇഷാനി പറഞ്ഞു. കവിളിൽ മാത്രം പോരാ ചുണ്ടിലും ഉമ്മ വേണം എന്നാണ് അവൾ പറഞ്ഞത്. എനിക്ക് ചെറുതായി ഒരു പേടി തോന്നി. ഇനിയും അറിയാതെ എങ്ങാനും കൈ പണി തരുമോ..? ഹേയ് ഇപ്പൊ ആ പേടി മനസിൽ ഉണ്ട്. അത് കൊണ്ട് അത് കുഴപ്പമില്ല എന്ന് ഞാൻ കരുതി. മെല്ലെ അവളുടെ ചുണ്ടുകളിൽ ഞാൻ ചുണ്ട് ചേർത്തു..
സാധാരണ കിട്ടുന്ന പോലെ ഉമ്മ ആയിരുന്നില്ല ഇത്തവണ. എപ്പോളും ഉമ്മ വയ്ക്കുമ്പോ അർജുന് തന്നോട് എത്രത്തോളം സ്നേഹം ഉണ്ടെന്ന് അവൾക്ക് അറിയാൻ കഴിയും. ഇപ്പൊ പക്ഷെ അവൻ താൻ പറഞ്ഞത് കൊണ്ട് മാത്രം ഉമ്മ തന്നതാണ്. ഇഷാനി പ്രതീക്ഷിച്ച ഒരു സുഖം ഇതിൽ കിട്ടിയില്ല. എപ്പോളും ഉമ്മ തരുമ്പോ അർജുൻ കൈ എവിടെ എങ്കിലും വയ്ക്കും. മിക്കവാറും അത് തന്റെ ഇടുപ്പിൽ ആയിരിക്കും. പക്ഷെ ഇത്തവണ അത് ചിമ്മിനിയിൽ ആണ്. തന്റെ ദേഹത്ത് തൊടാതെ ആണ് അവൻ കിസ്സ് ചെയ്യുന്നത്. ഒന്നുകിൽ ഞാൻ എന്ത് കരുതും എന്നോർത്ത് ആവും. എന്തായാലും അത് അവന്റെ ഉള്ളിൽ നിന്ന് പോയിട്ടില്ല. അതെങ്ങനെ മാറ്റും എന്ന് ഇഷാനി ആലോചിച്ചു. അവൾ മെല്ലെ അവന്റെ കയ്യെടുത്തു ഇടുപ്പിൽ വെപ്പിച്ചു.. അവന്റെ കൈകൾ അപ്പോൾ വല്ലാതെ വിറയ്ക്കുന്നുണ്ടായിരുന്നു..
‘എന്നാലും നീ എന്നെ പറ്റി അങ്ങനെ ഒക്കെ ആലോചിച്ചിട്ട് ഉണ്ടാകും എന്ന് ഞാൻ കരുതിയില്ല..’
കളിയാക്കലിന്റെ ഒരു ടോണിൽ അവൾ പറഞ്ഞു..
‘എങ്ങനെ…?
‘അങ്ങനെ ഒക്കെ ചെയ്യാൻ മാത്രം..’
അവൾ ഒരു ചിരിയോടെ പറഞ്ഞു..
‘ഞാൻ എത്ര തവണ പറഞ്ഞു ഞാൻ അങ്ങനെ ഒന്നും കരുതി ചെയ്തത് അല്ല എന്ന്..’
‘നീ അപ്പോൾ ചിലപ്പോൾ അറിയാതെ ചെയ്തത് ആകും, പക്ഷെ നീ എന്നെ പറ്റി അങ്ങനെ ഒന്നും ചിന്തിച്ചിട്ടേ ഇല്ല…?
അവൾ ചോദിച്ചു
‘ഇ.. ഇല്ല..’
പറയുന്നത് കള്ളത്തരം ആണെന്ന് അവൾക്ക് മനസിലാകല്ലേ എന്ന് ഞാൻ പ്രാർഥിച്ചു..
‘ശരി. ‘
‘വിശ്വാസം ഇല്ലേൽ വേണ്ട..’
‘വിശ്വാസം ഉണ്ടല്ലോ..’
‘പിന്നെ ഇങ്ങനെ ഒക്കെ ചോദിച്ചത്..?
‘അത് വെറുതെ അറിയാൻ ചോയ്ച്ചത് അല്ലേ.. എനിക്ക് നിന്നോട് എന്താ ഇതൊന്നും ചോദിക്കാൻ മേലെ.. എനിക്ക് ഇത് വലിയ ഇഷ്യൂ അല്ലാത്തത് കൊണ്ടല്ലേ ഞാൻ ഇങ്ങനെ ഓപ്പൺ ആയി ഒക്കെ ചോദിക്കുന്നത്..’
അവൾ പറഞ്ഞു
‘എനിക്ക് പക്ഷെ അതൊരു വലിയ ഇഷ്യൂ ആണ്..’
‘എന്തിന്..? നിനക്ക് ഒരു കൈയബദ്ധം പറ്റി.. അത്രേ ഉള്ളു.. എനിക്ക് പറ്റിയിട്ടില്ലേ..? അന്ന് ആദ്യമായ് ഉമ്മ വച്ചപ്പോൾ ഒക്കെ ഞാൻ നിന്നെ കേറി ഉമ്മ വക്കുവല്ലായിരുന്നോ..? നീ അന്ന് വേണ്ട എന്ന് പറഞ്ഞിട്ടും ഞാൻ അത് ചെയ്തു. ഇവിടെ അത്ര പോലും ഇല്ലല്ലോ.. നീ ഇപ്പൊ അന്നത്തെ എന്നെ പോലെ ആണ് പെരുമാറുന്നത്.. ഭയങ്കര ബോർ.. പറയാതെ ഇരിക്കാൻ വയ്യ..’