ഗീതു :ഞാൻ ഒരു നൂറു വട്ടം പറഞ്ഞല്ലൊ നിനക്കിത് നന്നായി ചേരുന്നുണ്ട്
രൂപ : സത്യമാണോടി
ഗീതു :ഇവളെ കൊണ്ട്
രൂപ :എനിക്കെന്തോ ഇത് ഇട്ടുകൊണ്ട് ക്ലാസ്സിൽ കയറാൻ ഒരു ചമ്മൽ പോലെ
ഗീതു : ഒരു ചമ്മലും വേണ്ട ഇപ്പോൾ നിന്നെ കണ്ടാൽ ആരായാലും ഒന്ന് വീണു പോകും എന്തിന് ആ ആദിത്യൻ പോലും വീണുപോകും
രൂപ :ടീ വേണ്ട കേട്ടാ കൂടുതൽ ഓവർ ആകണ്ട എന്ത് പറഞ്ഞാലും അവളുടെ ഒരു ആദിത്യൻ
ഗീതു : അതിന് നീയല്ലേ നാഴികയ്ക്ക് നാല്പതു വട്ടം അവന്റെ പേര് പറഞ്ഞുകൊണ്ടിരിക്കുന്നത് ഇപ്പോൾ കുറ്റം എനിക്കായോ അല്ല ഇന്ന് അവനെ പറ്റി ഒന്നും പറഞ്ഞില്ല
രൂപ : എന്ത് പറയാൻ ഇന്നലെ അവനുമായി വീണ്ടും ഉടക്കി
ഗീതു : ഹോ അത് പുതിയ കാര്യമൊന്നുമല്ലല്ലൊ
രൂപ : ഇത് അങ്ങനെയല്ല ഇന്നലെ രാത്രി അവൻ എന്നെ വിളിച്ചിരുന്നു
ഗീതു : രാത്രിയോ എടീ ഭയങ്കരീ എന്നിട്ട്
രൂപ : എന്നിട്ടെന്താകാൻ ഞാൻ ആകെ കലിപ്പിൽ നിൽക്കുവായിരുന്നു എല്ലാ ദേഷ്യവും കൂടി ഞാൻ അവനിൽ തീർത്തു
ഗീതു : നിനക്കിത് എന്തിന്റെ കേടാ രൂപേ അവൻ എന്ത് ചെയ്തിട്ടാ
രൂപ : ആ സമയത്ത് അവനോട് എന്നെ വിളിക്കാൻ ആരെങ്കിലും പറഞ്ഞോ
ഗീതു : അല്ലെങ്കിലും എല്ലാം ചെയ്തിട്ട് ന്യായീകരിക്കാൻ നിനക്ക് നല്ല മിടുക്കാ നീ അവനെ എന്തൊക്കെ പറഞ്ഞു
രൂപ : ഞാൻ എന്തൊക്കെയോ വിളിച്ചു പറഞ്ഞു ഇപ്പോൾ ആലോചിച്ചപ്പോൾ അത് വേണ്ടായിരുന്നെന്ന് തോന്നുന്നു
ഗീതു : നിനക്ക് അങ്ങനെ തോന്നിയത് തന്നെ വലിയ കാര്യം എന്തയാലും നീ അവനോട് ഒരു സോറി പറഞ്ഞേക്ക്
രൂപ :സോറിയോ അതും ഞാൻ
ഗീതു : എന്താ നിന്റെ വായിന്നു സോറി എന്ന വാക്ക് വരില്ലെ
രൂപ : ശെരി പറയാം പോരെ
ഗീതു : എനിക്ക് വേണ്ടി ഇവിടെ ആരും ഒന്നും പറയണ്ട
രൂപ : നിനക്ക് വേണ്ടിയൊന്നുമല്ല എനിക്ക് തോന്നിയിട്ട് തന്നെയാ പറയാൻ പോകുന്നത് നീ വന്നേ സമയം ഒരുപാടായി
ഇത്രയും പറഞ്ഞു അവർ കോളേജിനുള്ളിലേക്ക് കയറി
പെട്ടെന്നാണ് പാർക്കിങ്ങ് ഏരിയയിൽ ബൈക്ക് വെച്ച് മുന്നോട്ട് നടക്കുന്ന ആദിയെ ഗീതു കണ്ടത്
ഗീതു :ടീ ആദിത്യൻ ഇന്ന് ബൈക്കിലാണല്ലൊ
രൂപ : അവൻ വന്നോ എവിടെ
“ദോ പോകുന്നു ”
ഗീതു മുന്നോട്ടു കൈ ചൂണ്ടികൊണ്ട് പറഞ്ഞു
രൂപ :ആദി… ആദി..
രൂപ ആദിയെ പുറകിൽ നിന്ന് വിളിച്ചു ശബ്ദം കേട്ട ആദി പതിയെ പിന്നിലേക്ക് തിരിഞ്ഞു നോക്കി
“കോപ്പ് വന്ന് കയറിയപ്പോൾ തന്നെ ഈ മൈരാണല്ലൊ കണി ”
ഇത്രയും പറഞ്ഞു കൊണ്ട് ആദി വെട്ടി തിരിഞ്ഞു നടന്നു
ഗീതു : അവൻ മൈൻഡ് പോലും ചെയ്തില്ലല്ലൊ അപ്പോൾ ഇന്നലെ നീ അത്രത്തോളം അവനെ പറഞ്ഞു അല്ലേ
രൂപ : ഗീതു ഞാൻ അവന്റെ അടുത്തേക്ക് പോകുവാണെ
ഇത്രയും പറഞ്ഞു രൂപ മുന്നോട്ട് ഓടി
ഗീതു :ടീ നിക്ക്..
“ആദി…”
രൂപ വീണ്ടും മുന്നോട്ട് ഓടി
ആദി : പോലയാടിമോൾ ഇതെന്തിനുള്ള പുറപ്പാടാ
ഇത്രയും പറഞ്ഞു ആദി കൂടുതൽ വേഗത്തിൽ മുന്നോട്ട് നടക്കുവാൻ തുടങ്ങി ശേഷം കെമിസ്ട്രി ഡിപ്പാർട്ട് മെന്റിലേക്ക് എത്തിയ ആദി വേഗം തന്നെ സ്റ്റേയേഴ്സ് ഓടി കയറുവാൻ തുടങ്ങി
പിന്നാലെ എത്തിയ രൂപയും അവനു പിന്നാലെ മുകളിലേക്ക് ഓടി കയറാൻ തുടങ്ങി
“ടാ നിക്ക് ”
രൂപ പെട്ടെന്ന് തന്നെ ആദിയുടെ ഷർട്ടിനു പുറകിൽ പിടുത്തമിടാനായി ശ്രമിച്ചു എന്നാൽ പെട്ടെന്ന് അവളുടെ കാലു തെറ്റി അവൾ പതിയെ സ്റ്റെയറിൽ നിന്ന് താഴേക്കു വീഴാൻ ഒരുങ്ങി പെട്ടെന്നാണ് ആദി അവളുടെ കയ്യിൽ പിടുത്തമിട്ടത് ശേഷം അവൻ അവളെ വലിച്ചു തന്നിലേക്ക് അടുപ്പിച്ചു
ആദി : നിനക്കെന്താടി പ്രാന്തുണ്ടോ, ഈ സാരിയും ചുറ്റികൊണ്ടാണോടി ഓടുന്നെ ഇപ്പോൾ വീണു ചത്തേനെ
പെട്ടെന്നുണ്ടായ നെട്ടലിൽ നിന്ന് രൂപ വേഗം തന്നെ മുക്തയായി
രൂപ : താങ്ക്സ്
ആദി : അവളുടെ ഒരു താങ്ക്സ് നിന്നെ കണ്ട അന്ന് മുതൽ എനിക്ക് ശനി ദശയാ ധന നഷ്ടം മാനഹാനി അങ്ങനെ എല്ലാമായി നീയെങ്ങാൻ ഇവിടെ നിന്ന് വീണ് ചത്താൽ അതും എന്റെ തയിലാകും അതുകൊണ്ട് മാത്രം പിടിച്ചു കയറ്റിയതാ അല്ലാതെ നിന്നോടുള്ള സ്നേഹം കൊണ്ട് ചെയ്തതല്ല പിന്നെ ഈ താക്സ് പറഞ്ഞ നീ തന്നെ അവസരം വരുമ്പോൾ ഞാൻ നിന്നെ കയറി പിടിച്ചു എന്ന് പറയും അതും എനിക്ക് നന്നായി അറിയാം
രൂപ :മതി ..ഞാൻ സോറി പറയാൻ വന്നതാ
ആദി : സോറിയോ
രൂപ :അതെ ഇന്നലെ പറഞ്ഞതിനൊക്കെ സോറി
ആദി : കൊണ്ട് പോയി പുഴുങ്ങി തിന്നടി നിന്റെ സോറി നിന്റെ പുളിച്ച നാവ് കൊണ്ട് നീ എന്നെ എന്തൊക്കെയാടി പറഞ്ഞത് എന്നിട്ട് സോറി പോലും
രൂപ :അത് പിന്നെ
ആദി : മിണ്ടരുത് ഞാൻ ഇന്നലെ പറഞ്ഞത് ഓർമ്മയുണ്ടൊ നീ ഇനി എന്നോട് മിണ്ടരുത് സംസാരിക്കാൻ വരരുത്
രൂപ : അത് രണ്ടും ഒന്ന് തന്നെയല്ലേ
ആദി : ഓഹ് കോമഡി അതിന് മാത്രം ഒരു കുറവുമില്ല ദാ ഇപ്പോൾ പറഞ്ഞെക്കുവാ നമ്മൾ തമ്മിൽ ഇനി ഒരിടപാടുമില്ല ഇനി എന്റെ പുറകേ വരരുത്
ഇത്രയും പറഞ്ഞ ശേഷം ആദി വീണ്ടും മുന്നോട്ട് നടന്നു
അല്പസമയത്തിനുള്ളിൽ ആദി ക്ലാസ്സിനു മുൻപിൽ
അജാസ് : ആദി എന്തടാ താമസിച്ചെ
ആദി : വഴിയിൽ വെച്ച് ഒരു പേ പട്ടി ശല്യം ചെയ്യാൻ വന്നു അതാ വൈകിയത്
അജാസ് : പേ പട്ടിയോ നിനക്കെന്താടാ
ആദി : നീ അതൊക്കെ വിട് പരുപാടി തുടങ്ങിയോ
അജാസ് : ഇല്ലടാ പ്രോഗ്രാം സീനിയേഴ്സിന്റെ ക്ലാസ്സിലാ അവർ എന്തൊക്കെയോ ഒരുക്കികൊണ്ടിരിക്കുവാ നമ്മളോട് ക്ലാസ്സിൽ തന്നെ ഇരിക്കാൻ പറഞ്ഞു സമയമാകുമ്പോൾ അവർ വന്ന് വിളിച്ചോളും
ആദി : എന്നാൽ ശെരി വാ ക്ലാസ്സിൽ കയറാം
ഇത്രയും പറഞ്ഞു അവർ പതിയെ ക്ലാസ്സിലേക്ക് കയറി അപ്പോഴാണ് ക്ലാസ്സിനുള്ളിൽ കൂട്ടുകാരുമായി സംസാരിച്ചു കൊണ്ട് നിൽക്കുന്ന സാന്ദ്രയെ ആദി കണ്ടത് അവൻ അവളെ തന്നെ കണ്ണെടുക്കാതെ നോക്കി നിന്നു
അജാസ് : നീ എന്തടാ സ്വപ്നം കാണുവാണോ
അജാസ് ആദിയോടായി ചോദിച്ചു
ആദി : ടാ സാന്ദ്രക്ക് സാരി നന്നായി ചേരുന്നുണ്ട് അല്ലേ
അജാസ് : ശെരിയാ രാവിലെ മുതൽ എല്ലായെണ്ണവും അവളുടെ പിറകെയാ
ആദി : അജാസേ നീ ബെഞ്ചിലേക്ക് പൊക്കൊ ഞാൻ അവളോട് ഒന്ന് സംസാരിച്ചിട്ട് വരാം
അജാസ് : എന്നാൽ ഞാൻ കൂടി വരാം
ആദി : ടാ പ്ലീസ് അഞ്ചു മിനിറ്റ്
അജാസ് : ശെരി പോയി എന്താന്ന് വെച്ചാൽ പറ പിന്നെ അവള് വളയും എന്നൊന്നും കരുതണ്ട
ആദി : ശെരി അതൊക്കെ ഞാൻ നോക്കികൊള്ളാം
ഇത്രയും പറഞ്ഞു ആദി സാന്ദ്രയുടെ അടുത്തേക്ക് ചെന്നു
ആദി : ഹായ് സാന്ദ്ര
സാന്ദ്ര : ഹായ് ആദി ഓഹ് സോറി അങ്ങനെ വിളിക്കാമോ
ആദി :അതിനെന്താ സാന്ദ്ര അങ്ങവിളിച്ചോ ☺️
സാന്ദ്ര : ആദിയുടെ ഡ്രസ്സ് നന്നായിട്ടുണ്ട് കേട്ടോ
ആദി : ഓഹ് താക്സ് പിന്നെ തനിക്ക് ഈ സാരീ നന്നായി ചേരുന്നുണ്ട്
സാന്ദ്ര :അപ്പോൾ വേറേ ഒന്നും ചേരില്ല എന്നാണോ
ആദി :ഹേയ് അങ്ങനെയല്ല തനിക്ക് എല്ലാം ചേരും പക്ഷെ ഈ സാരി കുറച്ചു കൂടി നന്നായിട്ടുണ്ട്
സാന്ദ്ര : പൊക്കി പൊക്കി എന്റെ തല സീലിങ്ങിൽ മുട്ടിക്കോ
ആദി : ഞാൻ പൊക്കി പറഞ്ഞതല്ല ശെരിക്കും തനിക്കിത് നന്നായി ചേരുന്നുണ്ട്