ഇത്രയും പറഞ്ഞ ശേഷം വിഷ്ണുവും സ്നേഹയും ഒരു ബുക്കുമെടുത്ത് കൊണ്ട് പുറത്തേക്കു പോയി
ആദി വീണ്ടും രൂപയുടെ നമ്പർ ഡയൽ ചെയ്തു നോക്കി
“മൈര് ”
“ഇവൾക്ക് ഫോൺ ഒന്ന് എടുത്താൽ എന്തായി പോകും ”
സമയം പിന്നെയും കടന്നുപോയി -ഇന്റർവെൽ ടൈം
ആദി പതിയെ ക്ലാസ്സിലേക്ക് എത്തിയ ശേഷം ഗീതുവിന്റെ അടുത്തേക്കു പോയി
ആദി : അതെ അവൾക്ക് എന്താ പ്രശ്നം
ഗീതു : ആർക്ക്
ആദി : നിന്റെ കൂട്ടുകാരിക്ക് വയ്യെന്ന് എന്തോ പറയുന്നത് കേട്ടല്ലോ
ഗീതു : ഓഹ് രൂപയൊ എനിക്കും കൃത്യമായി അറിയില്ല രാവിലെ വയ്യെന്ന് പറഞ്ഞു മെസ്സേജ് അയച്ചിരുന്നു
ആദി : എന്നിട്ട് നീ വിളിച്ചു നോക്കിയില്ലേ
ഗീതു : നോക്കി പക്ഷെ അവൾ ഫോൺ എടുക്കുന്നില്ല
ആദി : അവളുടെ വീട്ടിലെ നമ്പർ ഉണ്ടോ
ഗീതു : ഇല്ല
ആദി : നീ അവളുടെ ബെസ്റ്റ് ഫ്രണ്ട് അല്ലേ എന്നിട്ടും വീട്ടിലെ നമ്പർ ഇല്ലേ
ഗീതു : ഇല്ലാത്തത് കൊണ്ടല്ലെ ഇല്ല എന്ന് പറഞ്ഞത് ആദിത്യന് ഇപ്പോൾ എന്താ പ്രശ്നം
ഇത് കേട്ട ആദി പതിയെ വീണ്ടും ക്ലാസ്സിനു പുറത്തേക്കു പോയി
അജാസ് : നീ എങ്ങോട്ടാടാ ഈ പോകുന്നെ വാ വന്നു ക്ലാസ്സിൽ ഇരിക്ക്
ആദി : എനിക്ക് നല്ല സുഖമില്ല ഞാൻ തിരിച്ചു പോകുവാ
അജാസ് : പിന്നെന്തിനാടാ നീ ഇന്ന് വന്നെ ചുമ്മാ മിസ്സിനെ വെറുപ്പിക്കുകയും ചെയ്തു അവര് നല്ല ദേഷ്യത്തിലാ പിന്നീട് ക്ലാസ്സ് എടുത്തത് മിക്കവാറും ഇന്റെണലിൽ നിനക്ക് പണി തരും
ആദി : തരുന്നെങ്കിൽ തരട്ടെ
ഇത്രയും പറഞ്ഞു ആദി അവിടെ നിന്ന് മുന്നോട്ട് നടന്നു
കുറച്ചു സമയത്തിനു ശേഷം ആദി വീട്ടിൽ
അമ്മ : ഇന്നെന്താടാ നേരത്തെ
ആദി : കോളേജിൽ സ്ട്രൈക്കാ നേരത്തെ വിട്ടു
ഇത്രയും പറഞ്ഞു ആദി റൂമിലേക്കു പോയി
പിന്നാലെ അമ്മയും
അമ്മ : ആദി മാളു വിളിച്ചിരുന്നു ഏതോ രൂപയെ പറ്റി അവളെന്നോട് ചോദിച്ചു നീ അവളോടും ഓരോന്നു പറഞ്ഞു പിടിപ്പിച്ചു അല്ലേ
ആദി : എന്റെ അമ്മേ അവൾക്ക് വട്ടാണ്
അമ്മ : വട്ട് നിനക്കാണ് വെറുതെ അവളെ വിഷമിപ്പിക്കാനായിട്ട് ഞാൻ ഒരു വിധത്തിലാ അവളെ സമാധാനിപ്പിച്ചത് നീ പറഞ്ഞതൊന്നും ഞാൻ ഇതുവരെ വിശ്വസിച്ചിട്ടില്ല ഇനി അതിൽ എന്തെങ്കിലും സത്യം ഉണ്ടെങ്കിൽ അത് ഇന്നത്തോടെ അവസാനിപ്പിച്ചോണം ഇതൊക്കെ കോളേജ് കഴിയുന്നത് വരെ കാണുള്ളു അത് കഴിയുമ്പോൾ അവള്മാര് പൊടിയും തട്ടി പോകും
ആദി : എന്റെ അമ്മേ എനിക്കൊന്ന് സമാധാനത്തോടെ കിടക്കണം എന്നെ ഒന്ന് വെറുതെ വിടാമോ
അമ്മ : ശെരി ഇനി ഞാനായിട്ട് സമാധാനകേട് ഉണ്ടാക്കുന്നില്ല എനിക്ക് അയൽക്കൂട്ടമുണ്ട് ഞാൻ പോകുവാ പിന്നെ ഞാൻ പറഞ്ഞതൊന്നും മറക്കണ്ട
ആദി : ഓഹ് ശെരി പോയാലും
ഇത് കേട്ട അമ്മ റൂമിൽ നിന്ന് പുറത്തേക്കു പോയി
അന്നേ ദിവസം രാത്രി
ആദി : എത്ര തവണ വിളിച്ചു ഒരു റിപ്ലൈയുമില്ല ഇനി അസുഖം എങ്ങാനും കൂടുതലായിരിക്കുമോ അറിയാൻ എന്താ ഒരു വഴി ഒന്നു കൂടി വിളിച്ചു നോക്കിയാലോ, 🤔
പെട്ടെന്നാണ് ആദിയുടെ ഫോൺ റിങ് ചെയ്തത് അവൻ വേഗം ഫോൺ കയ്യിലെടുത്തു
“രൂപയാണല്ലോ ”
ആദി വേഗം ഫോൺ അറ്റണ്ട് ചെയ്തു
“ഹലോ”
രൂപ : ഉം പറയ്
ആദി : എന്ത് പറയാൻ ഞാൻ എത്ര നേരമായി വിളിക്കുന്നു നിനക്ക് ഒരു തവണയെങ്കിലും ഫോൺ എടുത്താൽ എന്തായി പോകും 😡 ഞാൻ എത്ര ടെൻഷൻ അടിച്ചെന്ന് അറിയാമോ
രൂപ : ടെൻഷനോ എന്തിന്
ആദി : നിനക്ക് വയ്യെന്ന് നിന്റെ കൂട്ടുകാരി പറഞ്ഞു അതിന്റെ കൂടെ ഫോൺ കൂടി എടുക്കാതിരുന്നാൽ പിന്നെ പേടിക്കില്ലേ
രൂപ : നിക്ക് നിക്ക് എനിക്ക് വെയ്യെങ്കിൽ നിനക്കെന്താ പ്രശ്നം നീ എന്തിനാ പേടിക്കുന്നെ
ആദി : 🥶 അത്… അത് പിന്നെ ഞാൻ അല്ലേ നിന്നെ ബ്ലഡ് കൊടുക്കാൻ ഒക്കെ കൊണ്ട് പോയത് എന്തെങ്കിലും പറ്റിയാൽ ഞാനും തൂങ്ങില്ലേ
രൂപ : ഓഹ് അതായിരുന്നോ ഞാൻ കരുതി
ആദി : എന്ത് കരുതി
രൂപ : ഒന്നും കരുതീല എന്തയാലും നീ പേടിക്കണ്ട എനിക്ക് വലിയ കുഴപ്പ മൊന്നുമില്ല ഞാൻ ചെറുതായി ഒന്ന് വീണു അതാ ക്ലാസ്സിൽ വരാത്തത്
ആദി : വേണോ എങ്ങനെ
രൂപ : അതൊക്കെ വീണു
ആദി : എന്നിട്ട് വല്ലതും പറ്റിയോ
രൂപ : ഹേയ് അങ്ങനെ നിനക്ക് സന്തോഷിക്കാൻ പാകത്തിന് വലുതായി ഒന്നും പറ്റിയില്ല ചെറുതായി ഒന്ന് ചതഞ്ഞു അത്രേ ഉള്ളു എന്തായാലും നിന്റെ പ്രാക്ക് ഭലിക്കുന്നുണ്ട് കേട്ടോ ഈ ഇടയായി എന്റെ സമയം ഒട്ടും ശെരിയല്ല
ആദി : കോപ്പ് ഇനി ഇതും എന്റെ തയിൽ കൊണ്ടിട് നീ നോക്കി നടക്കാത്തതിനും കുറ്റം എനിക്കാണല്ലേ
രൂപ : ഉം അതെ നീ തന്നെയാ കാരണം
ആദി : അതെ ഞാൻ തന്നെയാ പക്ഷെ നിന്റെ കയ്യും കാലും ഒടിയാനാണല്ലോ ഞാൻ പ്രാകിയത് എന്തയാലും ഇത്രയും ആയില്ലേ വഴിയേ അതും നടക്കുമായിരിക്കും
രൂപ : ടാ നീ..
ആദി : എന്ത് പിടിച്ചില്ലേ ഉം പിന്നെ നീ നാളെ വരോ
രൂപ : അതെന്തിനാ നീ അറിയുന്നേ
ആദി : വന്നില്ലെങ്കിൽ നാളെ ഒരു ദിവസം കൂടി സമാധാനം കിട്ടുമല്ലോ
രൂപ : നീ അങ്ങനെ സമാധാനിക്കണ്ട ഞാൻ നാളെ ഉറപ്പായും വരും വയ്യെങ്കിലും വരും
ആദി : 😁 എന്നാൽ ശെരി ഞാൻ വെക്കുവാ വെറുതെ നിനക്കെന്തോ വലുത് പറ്റിയെന്നു കരുതി സന്തോഷിച്ചു എല്ലാം വെറുതെ ആയി നിന്നെ കാണാൻ വരാൻ വേണ്ടി ഒരു കിലോ ആപ്പിൾ വാങ്ങി ഫ്രിഡ്ജിൽ വെച്ചിരുന്നു അതും വേസ്റ്റ് ആയി
രൂപ : വെച്ചിട്ടി പോടാ നാറി
ഇത് കേട്ട ആദി ചിരിച്ചുകൊണ്ട് ഫോൺ വെച്ചു
“ഹോ അവൾ ഫുൾ എനർജിയിലാ അപ്പോൾ ഒന്നും പേടിക്കാൻ ഇല്ല ”
ആദി വേഗം ബെഡിൽ നിന്നിറങ്ങിയ ശേഷം റൂമിന് പുറത്തേക്ക് വന്നു
“അമ്മേ വല്ലതും എടുത്ത് വെക്ക് എനിക്ക് വിശക്കുന്നു ”
അമ്മ : നീ അല്ലേ വിശപ്പില്ല ഇന്നൊന്നും വേണ്ട എന്ന് പറഞ്ഞത്
ആദി : അത് അപ്പഴല്ലെ എനിക്കിപ്പോൾ നല്ല വിശപ്പുണ്ട്
അമ്മ : നിനക്കെന്താടാ പെട്ടെന്ന് ഒരു സന്തോഷം
ആദി : എനിക്ക് സന്തോഷിക്കാനും പാടില്ലേ
അമ്മ : അല്ല കുറച്ചു മുൻപ് വരെ ഇങ്ങനെ അല്ലായിരുന്നല്ലോ എന്തോ കളഞ്ഞ അണ്ണാനെ പോലെ അങ്ങോട്ടും ഇങ്ങോട്ടും നടക്കുവായിരുന്നില്ലേ
ആദി : എങ്കിലേ ആ കളഞ്ഞു പോയ സാധനം തിരിച്ചു കിട്ടി അതാ ഇത്ര സന്തോഷം
അമ്മ : എങ്കിലെ അതിനി കളഞ്ഞു പോകാതെ നോക്കിക്കൊ നിന്നെ എപ്പോഴും സന്തോഷത്തോടെ കാണാലോ
ആദി : അമ്മ കാര്യമായിട്ടാണോ
അമ്മ : പിന്നല്ലാതെ
ആദി : താങ്ക്സ് അമ്മേ
അമ്മ : എന്തിന്
ആദി : അതൊക്കെ ഉണ്ട്
അമ്മ : ഉം വന്നിരിക്ക് ഞാൻ കഴിക്കാൻ എടുക്കാം
ഇത്രയും പറഞ്ഞു അമ്മ കിച്ചണിലേക്കു പോയി
പിറ്റേന്ന് രാവിലെ
ആദി :അമ്മേ ഞാൻ ഇറങ്ങുവാണേ പിന്നെ സാധനങ്ങൾ എല്ലാം ശെരിയാക്കി വെച്ചിട്ടുണ്ട് കൂലി അതിൽ എഴുതിയിട്ടുണ്ട് ആരെങ്കിലും കടം പറഞ്ഞാൽ സാധനം കൊടുക്കരുത് കേട്ടല്ലോ
അമ്മ : ഉം ശെരി
ആദി പതിയെ വീട്ടിൽ നിന്നിറങ്ങി മുന്നോട്ട് നടന്നു അല്പസമയത്തിനുള്ളിൽ അവൻ ബസ് സ്റ്റോപ്പിന് മുന്നിൽ എത്തി
അവിടെ ബസ് കാത്ത് രൂപയും നിൽപ്പുണ്ടായിരുന്നു