ആരതി : അവനോട് വേഗം വരാൻ പറ അടുത്ത ഗെയിം സെറ്റ് ചെയ്യണ്ടെ
രാജീവ് : ദോ വരുന്നുണ്ട്
അങ്ങോട്ടേക്ക് നടന്നു വരുന്ന വിഷ്ണുവിനെ ചൂണ്ടി രാജീവ് പറഞ്ഞു
രാജീവ് : ആരാടാ വിളിച്ചത്
വിഷ്ണു : ചെറിയൊരു പ്രശ്നം ഉണ്ടെടാ
സ്നേഹ : എന്ത് പ്രശ്നം
വിഷ്ണു : നമ്മുടെ കിരണിന്റെ ഒരു ഫ്രിണ്ട് ഉണ്ട് അവന്റെ അനിയന് ഇന്നൊരു ആക്സിഡന്റ് പറ്റി ഒരു ഓപ്പറേഷൻ വേണമെന്നാ പറയുന്നത് അതിന് അല്പം ബ്ലഡ് വേണ്ടി വരും
ആരതി :അതിനെന്താ നമുക്ക് അറേൻജ് ചെയ്യാം
വിഷ്ണു :അതാണ് പ്രശ്നം അവന്റെ ബ്ലഡ് ഗ്രൂപ്പ് b – വാണ് ബ്ലഡ് ബാങ്കിൽ ഒന്നും ബ്ലഡ് കിട്ടാനില്ല ഈ ബ്ലഡ് ഗ്രൂപ്പ് ഉള്ള ഒന്ന് രണ്ട് പേരെ ബന്ധപ്പെട്ടു നോക്കി അവരോക്കെ ഈ അടുത്ത് ബ്ലഡ് കൊടുത്തതേയുള്ളു അതുകൊണ്ട് തന്നെ അവർക്കിനി നൽകാൻ പറ്റില്ല
ആരതി :ഞാൻ nss ഗ്രൂപ്പ് വഴി ഒന്ന് ശ്രമിച്ചു നോക്കാം
വിഷ്ണു :ശെരി നീ ശ്രമിച്ചു നോക്ക്
സ്നേഹ : നീ ഇവിടെ ഇരിക്കുന്ന പിള്ളേരോടൊക്കെ ഒന്ന് ചോദിച്ചു നോക്ക് അവരുടെ കൂട്ടത്തിലോ അറിവിലോ ആരെങ്കിലും ഉണ്ടെങ്കിലോ
വിഷ്ണു :ശെരിയാ ഞാൻ ഒന്ന് ചോദിച്ചുനോക്കാം
ഇത്രയും പറഞ്ഞു വിഷ്ണു പാട്ടു നിർത്തിയ ശേഷം സ്റ്റേജിലേക്ക് കയറി
വിഷ്ണു : സോറി നിങ്ങളോട് ഒരത്യാവശ്യ കാര്യം ചോദിക്കാൻ ഉണ്ടായിരുന്നു നിങ്ങളുടെ കൂട്ടത്തിൽ ആർക്കെങ്കിലും b- ബ്ലഡ് ഗ്രൂപ്പ് ആണോ അല്ലെങ്കിൽ നിങ്ങളുടെ പരിചയത്തിൽ ആർക്കെങ്കിലും b- ബ്ലഡ് ഗ്രൂപ്പ് ഉള്ളതായി അറിയാമോ
വിഷ്ണു ജൂനിയേഴ്സിനോടായി ചോദിച്ചു
അജാസ് : b- വോ അങ്ങനെയും ബ്ലഡ് ഗ്രൂപ്പ് ഉണ്ടോ
ആദി : ഉണ്ട് ഇന്ത്യയിൽ മൊത്തതിൽ 2% മാത്രമുള്ള റെയർ ബ്ലഡ് ഗ്രൂപ്പുകളിൽ ഒന്നാണ്
അജാസ് : ഈ അറിവൊക്കെ എവിടുന്ന് കിട്ടി
ആദി : +11 ൽ ബ്ലഡ് ഗ്രൂപ്പുകളെ പറ്റി പഠിക്കാൻ ഉണ്ടായിരുന്നു
അജാസ് : നമിച്ചളിയാ
വിഷ്ണു :ആരുമില്ലേ
പെട്ടെന്നാണ് രൂപ സീറ്റിൽ നിന്ന് എഴുനേറ്റത്
വിഷ്ണു :എന്താ തന്റെ പരിചയത്തിൽ ആരെങ്കിലുമുണ്ടോ
രൂപ : എന്റെ ബ്ലഡ് ഗ്രൂപ്പ് b- വാണ്
ഇത് കേട്ട വിഷ്ണു വേഗം രൂപയുടെ അടുത്തേക്ക് എത്തി
വിഷ്ണു : താൻ ഈ അടുത്ത് എപ്പോഴെങ്കിലും ബ്ലഡ് കൊടുത്തിരുന്നോ
രൂപ : ഞാൻ ഇതുവരെ ബ്ലഡ് കൊടുത്തിട്ടില്ല
വിഷ്ണു : യെസ് എങ്കിൽ താൻ ഇന്ന് ബ്ലഡ് കൊടുക്കുന്നു
രൂപ : ഞാനോ
വിഷ്ണു :അതെ അല്പം അർജന്റാ താൻ വാ
ഇത്രയും പറഞ്ഞു വിഷ്ണു രൂപയേയും കൊണ്ട് ക്ലാസ്സിനു പുറത്തേക്കിറങ്ങി
അജാസ് : ടാ അവളുടെ ബ്ലഡ് ഗ്രൂപ്പ് b- ആണെന്ന്
ആദി : അവള് റെയർ ജെനുസാണെന്ന് എനിക്ക് നേരത്തേ തന്നെ അറിയാമായിരുന്നു
ഇതേ സമയം ക്ലാസ്സിനു പുറത്ത്
വിഷ്ണു : ഞാൻ ഇവളെയും കൊണ്ട് ഹോസ്പിറ്റലിലേക്ക് പോകുവാ നിങ്ങള് പരുപാടി തുടങ്ങിക്കൊ
രാജീവ് : നീയില്ലാതെ ഒന്നും നടക്കില്ല നീയല്ലെ ഗെയിമൊക്കെ സെറ്റ് ചെയ്തത്
വിഷ്ണു : ടാ ഒന്ന് അഡ്ജസ്റ്റ് ചെയ്യ് എനിക്കിപ്പോൾ പോയല്ലേ പറ്റു
സ്നേഹ : ഹോസ്പിറ്റൽ കാര്യം തന്നെയാ ഇപ്പോൾ പ്രധാനം നമുക്ക് പ്രോഗ്രാം സ്റ്റോപ്പ് ചെയ്യാം
വിഷ്ണു : ഹേയ് പിള്ളേരൊക്കെ വലിയ സന്തോഷത്തിലാ
ആരതി : പിന്നെ എന്ത് ചെയ്യാനാ
വിഷ്ണു : ഉം ഒരു വഴിയുണ്ട് നിങ്ങൾ ഇവിടെ നിൽക്ക്
ഇത്രയും പറഞ്ഞു വിഷ്ണു ക്ലാസ്സിലേക്ക് വീണ്ടും കയറി
“ടാ ആദിത്യാ ഇങ്ങോട്ട് വാ ”
വിഷ്ണു ആദിയെ വിളിച്ചു
അജാസ് : അടുത്ത പണി വരുന്നുണ്ട് ആദി
ആദിത്യൻ വേഗം വിഷ്ണുവിന്റെ അടുത്തേക്ക് എത്തി
ആദി : എന്താ ചേട്ടാ
വിഷ്ണു : വാ പറയാം
ഇത്രയും പറഞ്ഞു വിഷ്ണു ആദിയുമായി പുറത്തേക്കിറങ്ങി
രൂപ : ( ചേട്ടനെന്തിനാ ഇവനെയും കൂട്ടികൊണ്ട് വരുന്നത് )
വിഷ്ണു :ആദിത്യാ നീ എനിക്ക് ഒരു സഹായം ചെയ്യണം
ആദി : എന്ത് സഹായം
വിഷ്ണു : നീ രൂപയേയും കൊണ്ട് ഇവിടെ അടുത്ത് സിറ്റി ഹോസ്പിറ്റൽ വരെ ഒന്ന് പോകണം
ആദി : സിറ്റി ഹോസ്പിറ്റലോ പക്ഷെ..
വിഷ്ണു :എന്റെ ഫ്രിണ്ടിന്റെ അനിയൻ ആക്സിഡന്റായി അവിടെ കിടപ്പുണ്ട് അവനത്യാവശ്യമായി അല്പം ബ്ലഡ് വേണം നീ രൂപയേയും കൊണ്ട് അവിടെ വരെ ഒന്ന് ചെന്നാൽ മതി ബാക്കിയൊക്കെ ഞാൻ സെറ്റ് ആക്കിക്കൊളാം ഞാൻ പോകാമെന്നു വച്ചാൽ ഈ പരുപാടി നിർത്തേണ്ടി വരും പിന്നെ നീയാകുമ്പോൾ രൂപ കുറച്ച് കൂടി കംഫർട്ടബിളും ആയിരിക്കും