“എന്താടാ അവിടെ ”
പെട്ടെന്നാണ് അവർ പിന്നിൽ നിന്ന് ആ ശബ്ദം കേട്ടത് ആദി വേഗം തന്നെ പിന്നിലേക്ക് തിരിഞ്ഞു നോക്കി അവൻ അവിടെ കണ്ടത് തന്നെയും രൂപയേയും നോക്കി നിൽക്കുന്ന അഖിലിനേയും കൂട്ടുകാരെയുമാണ്
റെജി : രണ്ടും കൂടി എന്താടാ ഇവിടെ പരുപാടി
ആദി : എന്ത് പരുപാടി ഇവൾക്ക് കണ്ണിന് സുഖമില്ല ഐസ് പാക്ക് വെക്കാൻ വന്നതാ
ജെറി : ടാ കേട്ടോ ഐസ് പാക്ക് വെക്കനാണെന്ന് നീയൊക്കെ രണ്ടും എന്ത് വെക്കാനാ ഇങ്ങോട്ട് വന്നതെന്ന് ഞങ്ങൾക്ക് നന്നായി അറിയാം
രൂപ : മര്യാദക്ക് സംസാരിക്കണം
ഇത് കേട്ട രൂപ പല്ല് കടിച്ചു കൊണ്ട് പറഞ്ഞു
റെജി : ഒന്ന് പൊടി അവളുടെ ഒരു മര്യാദ
അഖിൽ : വിട്ടേക്കടാ പിള്ളേര് സുഖിച്ചോട്ടെ
രൂപ : എന്താടാ നാറി പറഞ്ഞേ ഒന്ന് കൂടി പറയടാ ധൈര്യമുണ്ടെങ്കിൽ പറയെടാ
അഖിൽ : കിടന്ന് ചീറാതെ പോകാൻ നോക്കെടി ടാ ഇവളെയും വിളിച്ചോണ്ട് എന്തെങ്കിലും ഒഴിഞ്ഞ ക്ലാസ്സിൽ പോകാൻ നോക്ക് ഇവളുടെ ഈ കഴപ്പങ്ങ് മാറട്ടെ
അഖിൽ ആദിയെ നോക്കി പറഞ്ഞു
ആദി : രൂപേ വാ പോകാം
അഖിലിനെ ഒന്ന് കടുപ്പിച്ച് നോക്കിയ ശേഷം ആദി പറഞ്ഞു
രൂപ : നീ പോക്കോ ഇവമ്മാരുടെ അസുഖം മാറ്റിയിട്ടേ ഞാൻ വരൂ ഏവനാടാ കഴപ്പ് മാറ്റേണ്ടത് തെണ്ടികളെ 😡
ആദി : വരാനല്ലേ പറഞ്ഞേ
ഇത്രയും പറഞ്ഞു ആദി രൂപയുടെ കയ്യിൽ പിടിച്ചു കൊണ്ട് സ്പോർട്സ് റൂമിന് പുറത്തേക്കു വന്നു
റെജി : അവളുടെ അഹങ്കാരം നീ കണ്ടില്ലേ എന്തിനാ രണ്ടിനേയും വിട്ടത് എന്തെങ്കിലും പണി കൊടുക്കാമായിരുന്നു
അഖിൽ : ഇപ്പോൾ ഒരു പ്രശ്നം കഴിഞ്ഞതല്ലേ ഉള്ളു ഉടനെ അടുത്തത് ഉണ്ടായാൽ ശെരിയാകില്ല അവളെ നമുക്ക് പിന്നീട് എടുക്കാം
ഇതേ സമയം ആദിയും രൂപയും
“എന്റെ കയ്യിന്ന് വിട് കോപ്പേ നീ എന്തിനാടാ എന്നെയും പിടിച്ചോണ്ട് വന്നത് അവമ്മാര് പറഞ്ഞത് നീ കേട്ടില്ലേ ”
ആദി : എല്ലാം കേട്ടു അതുകൊണ്ടാ വരാൻ പറഞ്ഞത്
രൂപ : നാണം ഉണ്ടോടാ അവന്മാര് പറഞ്ഞത് കേട്ട് വായും മൂടികൊണ്ട് വന്നിരിക്കുന്നു നിനക്ക് പെണ്ണുങ്ങളോട് ചാടാൻ നൂറ് നാവാണല്ലോ അല്ല അവര് പറഞ്ഞത് എന്നെയല്ലേ നിനക്കെന്താ അല്ലേ
ആദി : നീയൊന്ന് അടങ്ങ് രൂപേ
രൂപ : മനസ്സില്ല പേടിതൊണ്ടൻ ഇനി എന്നോട് മിണ്ടാൻ വന്നു പോകരുത് 😡 ഒരു കൂട്ടുകാരൻ വന്നേക്കുന്നു
ഇത്രയും പറഞ്ഞു രൂപ ആദിയെ തള്ളി മാറ്റി
ആദി : എനിക്കും അവമ്മാരുടെ തല അടിച്ചു പൊട്ടിക്കാനുള്ള ദേഷ്യം ഉണ്ടായിരുന്നു പക്ഷെ അവിടെ വച്ച് ഒരു പ്രശ്നം ഉണ്ടായാൽ അവസാനം എല്ലാം നമ്മുടെ തലയിൽ വരും അവര് കാണാത്തതൊക്കെ കണ്ടെന്നു പറയും ഒടുവിൽ എല്ലാവരും അവരെ തന്നെ വിശ്വസിക്കും കൂടാതെ അവർ മൂന്ന് പേരുണ്ട് ഞാൻ എത്ര ശ്രമിച്ചാലും മൂന്ന് പേരെ ഒറ്റക്ക് ഒന്നും ചെയ്യാൻ പറ്റില്ല എങ്കിലും നീ കൂടെ ഇല്ലായിരുന്നെങ്കിൽ ഞാൻ ഒരു കൈ നോക്കിയേനെ ഇതിപ്പോൾ നീ കൂടെ ഉണ്ടായി പോയില്ലേ അവന്മാര് നിന്നെ കൂടി എന്തെങ്കിലും ചെയ്താലോ എന്ന് കരുതിയാ ഞാൻ വിളിച്ചോണ്ട് വന്നത് അല്ലാതെ പേടിച്ചിട്ടല്ല
രൂപ : അവമ്മാര് എന്നെ ഒരു ചുക്കും ചെയ്യില്ല
ആദി : ടീ പൊട്ടി എന്റെയടുത്ത് വഴക്കിടുന്നത് പോലെ എല്ലാരോടും ചെയ്യാം എന്നാണോ നീ കരുതുന്നത് അവന്മാരെ കണ്ടാൽ അറിയാം വെറും ഫ്രോടുകളാ എന്തിനും മടിക്കില്ല പിന്നെ നീ ചോദിച്ചില്ലേ എന്തിനാ നിന്നെയും പിടിച്ചോണ്ട് വന്നതെന്ന് എനിക്ക് നിന്നെ അങ്ങനെ ഒറ്റക്ക് വിട്ടിട്ട് വരാൻ പറ്റില്ല കാരണം നീ ഇപ്പോൾ എനിക്കിത്തിരി സ്പെഷ്യൽ ആണ്
ഇത് കേട്ട രൂപ ഒന്നും മിണ്ടാതെ നിന്നു
ആദി : ഇപ്പോഴും ദേഷ്യം തീരുന്നില്ലെങ്കിൽ അവന്മാരെ പറയാൻ വെച്ചിരുന്നതൊക്കെ എന്നെ പറഞ്ഞോ നിനക്ക് അങ്ങനെയെങ്കിലും സമാധാനം കിട്ടട്ടെ
രൂപ : സോറി ഞാൻ അത്രക്കൊന്നും അങ്ങ് ചിന്തിച്ചില്ല നീ പറഞ്ഞതാ ശെരി അവിടെ വെച്ച് പ്രശ്നം ഉണ്ടാക്കിയിരുന്നെങ്കിൽ അത് നമുക്ക് തന്നെ പാരായായി മാറിയേനെ
ആദി : അല്ലെങ്കിൽ നീ എന്താണ് ചിന്തിച്ച് ചെയ്തിട്ടുള്ളത് നീ വിഷമിക്കണ്ട എപ്പോഴെങ്കിലും അവന്മാരെ എന്റെ കയ്യിൽ കിട്ടും അന്ന് ഞാൻ ഇതിന് പകരം ചോദിച്ചോളാം
രൂപ : വേണ്ട നീ വെറുതെ ഇനി പ്രശ്നത്തിനൊന്നും പോകണ്ട അവമ്മാര് അവരുടെ പാട്ടിന് പൊക്കോട്ടെ
ആദി : ശെരി വാ ഇന്റർവെൽ കഴിഞ്ഞു
ഇത്രയും പറഞ്ഞു ആദി മുന്നോട്ട് നടന്നു കൂടെ രൂപയും
രൂപ : താങ്ക്സ്
ആദി : എന്തിന്
രൂപ : ഐസ് വെച്ച് തന്നില്ലേ അതിന് ഇപ്പോൾ വേദന കുറവുണ്ട്
ആദി : ഉം നീ സത്യമായും ഹോസ്പിറ്റലിൽ പോയല്ലോ അല്ലേ
രൂപ : പോയി അവിടുന്ന് മരുന്നും കിട്ടി രണ്ട് ദിവസത്തിനുള്ളിൽ നീര് കുറയമെന്നാ ഡോക്ടർ പറഞ്ഞത് പക്ഷെ ഈ പാട് പോകാൻ കുറേ നാൾ എടുക്കും എന്റെ ഗ്ലാമർ എല്ലാം പോയി അല്ലേ
ഇത് കേട്ട ആദി പതിയെ ചിരിച്ചു
രൂപ : എന്തിനാടാ ചിരിക്കുന്നെ
ആദി : ഇല്ലാത്ത ഗ്ലാമർ എങ്ങനെ പോകാനാടി
രൂപ : ടാ
ആദി : കറ്റാർ വാഴയുടെ ജെല്ല് തേച്ചാൽ മതി പാട് വേഗം പൊക്കോളും
രൂപ : ഇതാര് പറഞ്ഞു തന്നു
ആദി : അമ്മ പറയുന്നത് കേട്ടിട്ടുണ്ട്
രൂപ : പക്ഷെ ഈ കറ്റാർവാഴ എവിടുന്ന് കിട്ടും നിന്റെ വീട്ടിൽ എങ്ങാനും ഉണ്ടോ
ആദി : ഇല്ല
രൂപ : പിന്നെങ്ങനെ
ആദി : അത് ഇവിടെ തന്നെ ഉണ്ടെടി ബോട്ടണി ഡിപ്പാർട്ട് മെന്റിന്റെ ഗാർഡൻ ഇല്ലേ അവിടെ നിക്കുന്നത് ഞാൻ കണ്ടിട്ടുണ്ട് നമുക്ക് അവിടുന്ന് എടുക്കാം
രൂപ : അതിന് അവര് സമ്മതിക്കണ്ടേ
ആദി : ലഞ്ച് ടൈമിൽ അവിടെ ആരും കാണില്ല അപ്പോൾ നമുക്ക് അവിടെ കേറി എടുക്കാം
രൂപ : നീ പോയെ അടുത്ത പ്രശ്നം ഉണ്ടാക്കാനായിട്ട്
ആദി : ഒരു പ്രശ്നവുമില്ല ഒരല്പം അലോവേര എടുത്താൽ അങ്ങ് തൂക്കി കൊല്ലാൻ പോകുവല്ലേ
രൂപ : പ്രശ്നമൊന്നും ഉണ്ടാകില്ലായിരിക്കും അല്ലേ
ആദി : ഹേയ് എന്ത് പ്രശ്നം ഇനിയിപ്പോൾ ഉണ്ടായാൽ തന്നെ ഞാൻ അതൊക്കെ സിംപിൾ ആയി സോൾവ് ചെയ്യില്ലേ
രൂപ : നീ സോൾവ് ചെയ്യാൻ നടന്നത് പോലെ തന്നെ
ഇത്രയും പറഞ്ഞു രൂപ ക്ലാസ്സിലേക്ക് നടന്നു
കുറച്ചു സമയത്തിനു ശേഷം ആദിയും അജാസും ക്ലാസ്സിനിടയിൽ
അജാസ് : എന്തായെടാ പറഞ്ഞോ
ആദി : പറയാൻ പോയതാ പക്ഷെ നടന്നില്ല
അജാസ് : കോപ്പ് പിന്നെന്തിനാടാ ഇത്രയും നേരം അവളുടെ കൂടെ നടന്നത്
ആദി : നിനക്കതൊന്നും പറഞ്ഞാൽ മനസ്സിലാകില്ല ഇതൊന്നും അങ്ങനെ എടുത്ത് ചാടി പറയാൻ പറ്റില്ല സമയം വരട്ടെ ഞാൻ വളോട് പറഞ്ഞോളാം എന്തയാലും ഞാൻ അവൾക്ക് ഒരു സൂചന കൊടുത്തിട്ടുണ്ട് അതവൾക്ക് മനസ്സിലായി കാണുമെന്നാ എനിക്ക് തോന്നുന്നത്
അജാസ് : സൂചനയോ എന്ത് സൂചന
ആദി : അതൊക്കെ ഉണ്ട്
ഇതേ സമയം രൂപയും ഗീതുവും
രൂപ : ടീ ഈ സ്പെഷ്യൽ എന്ന് പറഞ്ഞാൽ എന്താ അർത്ഥം
ഗീതു : അത് നിനക്ക് ഇതുവരെ അറിയില്ലേ നീ സ്പെഷ്യൽ ചിക്കൻ കറി സ്പെഷ്യൽ സർബത്ത് എന്നൊക്കെ കേട്ടിട്ടില്ലേ
രൂപ : ഞാൻ അതല്ല ചോദിച്ചത് ഉദാഹരണത്തിന് നിന്നോട് ഒരാൾ നീ അയാൾക്ക് സ്പെഷ്യൽ ആണെന്ന് പറഞ്ഞാൽ എന്താണ് അർത്ഥം
