വിഷ്ണു :നിങ്ങളോട് ഒരു കാര്യം പറയാൻ വിട്ടുപോയി അതാ അത്യാവശ്യമായി വീണ്ടും വന്നത് മറ്റന്നാൾ ഫ്രഷേഴ്സ് ആണെന്ന് അറിയാലോ അന്ന് വരുമ്പോൾ ഗേൾസ് എല്ലാവരും ചുമന്ന സാരിയും ബോയ്സ് എല്ലാം വൈറ്റ് ഷർട്ടും മുണ്ടും ഇട്ടുകൊണ്ട് വേണം വരാൻ
രൂപ :(ദൈവമേ സാരിയോ)
വിഷ്ണു :എല്ലാവർക്കും ഇത് ഓക്കേ യല്ലേ അതോ എന്തെങ്കിലും മാറ്റം വരുത്തണോ
രൂപ : ചേട്ടാ എനിക്ക് അല്പം ബുദ്ധിമുട്ട് ഉണ്ടായിരുന്നു
രൂപ വിഷ്ണുവിനോടായി പറഞ്ഞു
വിഷ്ണു :തനിക്കെന്താ പ്രശ്നം
രൂപ :ഞാൻ സാരി ഉടുത്തിട്ടില്ല അതുകൊണ്ട്
വിഷ്ണു :അത് സാരമില്ല ഇത് ഒരു തുടക്കമാകട്ടെ
രൂപ :അല്ല ചേട്ടാ എനിക്ക് സാരി ഇല്ല
വിഷ്ണു :അത് ആരോടെന്നെങ്കിലും വാങ്ങിയാൽ മതി ഒരു ദിവസത്തെ കാര്യമല്ലെ അല്ലെങ്കിൽ ദാ അവൻ വാങ്ങിതരും അല്ലേടാ
വിഷ്ണു ആദിയെ നോക്കി ചോദിച്ചു
ആദി : ഞാനോ
വിഷ്ണു :അല്ലാതെ പിന്നെ ഞാൻ വാങ്ങികൊടുക്കണോ
ഇത് കേട്ട ആദി രൂപയെ ഒന്നുകൂടി നോക്കി ശേഷം
ആദി :വാങ്ങാം ചേട്ടാ😁
വിഷ്ണു :അപ്പോൾ ആ പ്രശ്നം തീർന്നു
ഇത്രയും പറഞ്ഞു വിഷ്ണു പതിയെ പുറത്തേക്കു പോയി
രൂപ : നിനക്കെന്തിന്റെ കേടാടാ നീ എന്തിനാ വാങ്ങിതരാം എന്ന് പറഞ്ഞത് വല്ലവനും വാങ്ങി തരുന്നത് ഞാൻ ഇടുമെന്നു കരുതിയോ
ആദി :അതിന് ആര് വാങ്ങി തരുന്നു മോള് വേണ്ടാത്ത സ്വപ്നമൊന്നും കാണണ്ട അങ്ങേരുടെ കയ്യീന്ന് രക്ഷപെടാൻ വേണ്ടി പറഞ്ഞതാ അല്ലാതെ നിനക്ക് സാരിവാങ്ങിതരാൻ എനിക്ക് ഭ്രാന്ത് ഒന്നുമില്ല നീയൊക്കെ സാരിയിട്ടാലുള്ള കോലം എനിക്ക് ഓർക്കാൻ കൂടി വയ്യ
രൂപ :ടാ നീ
ആദി : ഒന്നു പോയി തരുവോ ബെല്ലടിച്ചത് കേട്ടില്ലേ മനുഷ്യനെ മെനക്കെടുത്താൻ
രൂപ : പോകില്ല നീ എന്ത് ചെയ്യും
അദി :നീ പോകണ്ട ഒരു പാ വിരിച്ചു ഈ ക്ലാസ്സിൽ തന്നെ കിടന്നോ ഞാൻ പോയേക്കാം
ഇത്രയും പറഞ്ഞു ആദി മുന്നോട്ടു നടന്നു
“ടാ ആദി നിക്ക് ഞാൻ കൂടി വരട്ടെ ”
പെട്ടെന്നാണ് അജാസ് ആദിയുടെ അടുത്തേക്ക് എത്തിയത് അജാസിനെ കണ്ട പാടേ ആദി അവനെ അടിമുടി നോക്കി
അജാസ് :ഞാൻ എന്ത് ചെയ്തിട്ടാടാ നീ എന്നെ ഇങ്ങനെ നോക്കുന്നേ ടീം മാറ്റിയത് മിസ്സ് അല്ലേ
ആദി :അവര് മിസ്സല്ല പിശാചാ പിശാച് എന്റെ ചോര ഊറ്റി കുടിക്കാൻ നോക്കുന്ന പിശാച്
അജാസ് : അങ്ങനെ ഒന്നും പറയല്ലേടാ മിസ്സ് പാവമല്ലെ
ആദി :ഓഹ് നിനക്ക് സാന്ദ്രയെ കിട്ടിയല്ലോ അല്ലേ
അജാസ് :ടാ നീ എല്ലാം ഇങ്ങനെ നെഗറ്റീവ് ആയി കാണല്ലേ
ആദി :പിന്നെ ഞാൻ എങ്ങനെ കാണണം വേറെ ആരെല്ലാം ക്ലാസ്സിൽ ഉണ്ടായിരുന്നു എന്നിട്ടും അവളെ തന്നെ കൃത്യമായി എനിക്ക് കിട്ടി എല്ലാം എന്റെ സമയ ദോഷം പിന്നെ ആ വിഷ്ണു അങ്ങേർക്ക് തലക്ക് എന്തെങ്കിലും പ്രശ്നമുണ്ടോ സാരി വാങ്ങി കൊടുക്കാൻ പോലും ഇതെല്ലാം ക്ലാസ്സിലെ എല്ലാവരും കേട്ടോണ്ടിരിക്കുകയല്ലേ
അജാസ് :നിങ്ങൾ തമ്മിൽ ഇഷ്ടത്തിലാണെന്ന് എല്ലവരും നേരത്തേ തന്നെ അറിഞ്ഞതല്ലേ അതുകൊണ്ട് വലിയ പ്രശ്നമൊന്നുമില്ല
ആദി :ആര് തമ്മിൽ ഇഷ്ടമാണെന്നാടാ കോപ്പേ നീ പറയുന്നേ
അജാസ് :അങ്ങനെയാ എല്ലാവരും കരുതുന്നത് എന്നാ ഞാൻ ഉദ്ദേശിച്ചത്
ആദി :ടാ സാന്ദ്ര നിന്റെ കൂടെയല്ലേ സമയം കിട്ടുമ്പോൾ അവളോട് നീ എല്ലാം ഒന്നു വിശദമായി പറയണേ അവളെങ്കിലും സത്യമൊക്കെ അറിയട്ടെ
അജാസ് :എന്തിന് എനിക്കൊന്നും വയ്യ അല്ലെങ്കിൽ തന്നെ അവളെ സത്യം അറിയിച്ചിട്ട് എന്തിനാ
ആദി :അതൊക്കെ ഉണ്ട്
അജാസ് :ടാ കോപ്പേ നിന്റെ ചാട്ടം എങ്ങോട്ടാണെന്ന് എനിക്ക് മനസ്സിലാകുന്നുണ്ട് മിക്കവാറും നീ വിഷ്ണുവേട്ടന്റെ കൈ കൊണ്ട് ചാവും
ആദി :എനിക്കങ്ങേരെ പേടിയൊന്നുമില്ല എങ്ങോട്ട് വന്നാൽ ഞാനും നല്ലത് കൊടുക്കും
അജാസ് : (കൊടുക്കും കൊടുക്കും)
ആദി :എന്തടാ ഉറക്കെ പറ
അജാസ് :പോകാന്ന് പറഞ്ഞതാ സമയം ഒരുപാടായി
ആദി :ഉം വാ അവർ പതിയെ കോളേജിനു പുറത്തേക്കു നടന്നു
അല്പസമയത്തിനു ശേഷം
അജാസ് :നീ എന്താടാ അങ്ങോട്ട് പോകുന്നെ ബസ് സ്റ്റോപ്പ് അവിടെയല്ലേ
ആദി :അവിടെ ആ മൂദേവി കാണും നീ വാ നമുക്ക് അപ്പുറത്ത് നിന്ന് ബസ് കേറാം