ആദി : ശെരി ഞാൻ പോകാം
വിഷ്ണു : താക്സ് ടാ പിന്നെ എന്തുണ്ടെങ്കിലും എന്നെ ഒന്ന് വിളിച്ചാൽ മതി പിന്നെ വണ്ടിക്കുള്ള പൈസ
വിഷ്ണു പോക്കറ്റിൽ നിന്ന് പൈസ എടുക്കുവാൻ തുടങ്ങി
ആദി :വേണ്ട ചേട്ടാ ഞാൻ ബൈക്കിലാ വന്നത് അതിൽ പൊക്കൊളാം
വിഷ്ണു : എങ്കലും വല്ല ആവശ്യവും വന്നാലോ ഇത് വച്ചോ
ആദി :അതൊന്നും വേണ്ട ചേട്ടാ എന്റെയ്യിൽ പൈസയുണ്ട്
വിഷ്ണു : ടാ അതല്ല
ആദി : കുഴപ്പമില്ല ചേട്ടാ ഞാൻ നോക്കികൊള്ളാം വാ പോകാം
രൂപയെ വിളിച്ച ശേഷം ആദി മുന്നോട്ട് നടന്നു
ആരതി : പിള്ളേര് കൊള്ളാം അല്ലേ
വിഷ്ണു : ഉം മെയ്ഡ് ഫോർ ഈച്ച് അദർ
രാജീവ് : ഇതൊക്കെ എത്ര കണ്ടിരിക്കുന്നു 3 വർഷം കഴിയുമ്പോൾ രണ്ട് പേരും രണ്ട് വഴിക്ക് പോകും
ആരതി : നെഗറ്റീവ് പറയാതെടാ
സ്നേഹ : അവൻ പറഞ്ഞത് ശെരിയാ ഈ ക്യാമ്പസ് ലവ് ഒക്കെ 99% മാനവും വിജയിക്കാറില്ല ഒന്നാമത് ഏകദേശം ഒരേ പ്രായം പിന്നെ കോളേജ് കഴിഞ്ഞാൽ അവർ തമ്മിൽ കാണുമോ എന്ന് തന്നെയാ സംശയമാ
വിഷ്ണു : എന്നാലും 1% ബാക്കിയില്ലെ അതിൽ ഇവർ പെടുമെന്നാ എനിക്ക് തോന്നുന്നത് എന്തോ എനിക്കീ പിള്ളേരെ ഭയങ്കര ഇഷ്ടമായി എന്തോ സംതിങ് സ്പെഷ്യൽ ആയി തോന്നുന്നു
രാജീവ് : സ്പെഷ്യൽ എങ്കിൽ സ്പെഷ്യൽ അവരെ അവരുടെ പാട്ടിനു വിട്ടിട്ട് വാ പ്രോഗ്രാം റീ സ്റ്റാർട്ട് ചെയ്യാം
ഇത്രയും പറഞ്ഞു അവർ എല്ലാവരും തിരികെ ക്ലാസ്സിലേക്ക് കയറി
ആദിയും രൂപയും പതിയെ സ്റ്റെയറുകൾ ഇറങ്ങി താഴേക്ക് എത്തി
ആദി : ഇനി ഇതിനെയും ചുമന്നോണ്ട് സിറ്റി ഹോസ്പിറ്റലൽ വരെ പോണമല്ലോ ദൈവമേ
രൂപ : അതേ പോണം നീ തന്നെയല്ലേ ഏറ്റത് പറ്റില്ലെങ്കിൽ ചേട്ടനോട് പറഞ്ഞൂടായിരുന്നോ
ആദി : ഞാൻ എങ്ങനെ പറയാനാടി എല്ലാവരുടെയും മുന്നിൽ നീ എന്റെ പ്രിയ കാമുകി യല്ലേ, അതുവരെ പോകുമ്പോഴേക്കും പെട്രോളിന്റെ കാര്യവും തീരുമാനമാകും അതിന്റെ പൈസയും ഗോവിന്ദ
രൂപ : ചേട്ടൻ പൈസ തന്നതല്ലേ വേണ്ടാന്ന് പറഞ്ഞിട്ട് ഇപ്പോൾ നിന്ന് ഡയലോഗ് അടിക്കുന്നത് എന്തിനാ
ആദി : ഈ ആദി അഭിമാനിയാടി അഭിമാനി അതുകൊണ്ട് തന്നെയാ പൈസ വാങ്ങാതിരു ന്നത്
രൂപ : ഇങ്ങനെ അഭിമാനവും കെട്ടിപിടിച്ചോണ്ട് ഇരുന്നവമ്മാരൊക്കെ ഇപ്പോൾ പിച്ച ചട്ടിയെടുത്ത് തെണ്ടുന്നുണ്ട്
ആദി : നിന്നെയൊന്നും പറഞ്ഞിട്ട് കാര്യമില്ല വാ വന്ന് കയറ്
ആദി ബൈക്കിൽ കയറിയ ശേഷം ബൈക്ക് സ്റ്റാർട്ട് ആക്കി
രൂപ : ഇതേതാ പുതിയ ബൈക്ക് ആ പാട്ട വണ്ടി കൊടുത്തോ
ആദി : പാട്ട വണ്ടി നിന്റെ… ചിലച്ചോണ്ട് നിക്കാതെ വേഗം വന്ന് കയറെടി
ഇത് കേട്ട രൂപ പതിയെ ബൈക്കിന്റെ പുറകിലേക്ക് കയറി
ആദി : പിന്നെ ബോഡി ടച്ചിങ് ഒന്നും വേണ്ട പുറകിൽ വല്ലതും പിടിച്ചിരുന്നോണം
രൂപ : അല്ലെങ്കിലും നിന്റെ ദേഹത്തിവിടെ ആരും തൊടാൻ പോകുന്നില്ല അങ്ങനെ വല്ല ചിന്തയും ഉണ്ടെങ്കിൽ മോൻ അത് മാറ്റി വെച്ചേക്ക്
ഇത് കേട്ട ആദി രൂപയുടെ മുഖത്തേക്ക് ഒന്നുകൂടി നോക്കിയ ശേഷം ബൈക്ക് മുന്നോട്ട് എടുത്തു
കുറച്ച് സമയത്തിന് ശേഷം
രൂപ : ടാ
ആദി : ഉം എന്ത്
രൂപ :അത് പിന്നെ ഈ ബ്ലഡ് കൊടുക്കുമ്പോൾ വേദനിക്കോ ഞാൻ ഇതുവരെ കൊടുത്തിട്ടില്ല
ആദി : ദൈവമേ ഇതൊന്നും അറിയാതെയാണോ നീ ബ്ലഡ് കൊടുക്കാൻ പോകുന്നെ ജീവൻ പോകുന്ന വേദനയാണ് മോളെ ഹോ സഹിക്കാൻ പറ്റില്ല🤭
രൂപ : ടാ വെറുതെ എന്നെ പേടിപ്പിക്കല്ലെ
ആദി : വേണമെങ്കിൽ വിശ്വസിച്ചാൽ മതി പിന്നെ അവിടെ കിടന്ന് കരഞ്ഞു വിളിച്ചു എന്നെ കൂടി നാറ്റിക്കരുത് എത്ര വേദനിച്ചാലും കടിച്ചു പിടിച്ചു നിൽക്കണം
ഇത്രയും പറഞ്ഞ ശേഷം ആദി പേടിച്ചിരിക്കുന്ന രൂപയുടെ മുഖം മിററിലൂടെ നോക്കി പതിയെ ചിരിച്ചു
രൂപ : ടാ അവരോട് മയക്കിയിട്ട് ബ്ലഡ് എടുക്കാൻ നീ ഒന്ന് പറയോ
ആദി : പിന്നേ എനിക്കതല്ലേ ജോലി
രൂപ : ദുഷ്ടൻ നീ അനുഭവിക്കുമെടാ
ആദി : പ്രാകാതെടി നീ പറഞ്ഞാൽ ചിലപ്പോൾ അത് പോലെ തന്നെ നടക്കും
രൂപ : അതേ നടക്കും എന്റെതേ കരിനാക്കാ ധാ നോക്ക് 😛
രൂപ പതിയെ നാക്ക് പുറത്തേക്കിട്ട് കാണിച്ചു
ആദി : ഉം നന്നായിട്ടുണ്ട് നല്ല അസൽ ചിമ്പാൻസി