ആയിഷ ഇറങ്ങുന്നതിനു മുൻപ്, അനു ഡോർ തുറന്ന്, ആയിഷയുടെ കാറിൽ കയറി….
ആയിഷ: ഹരി.. എന്താ സംഭവം..
അനു: അകത്തുണ്ട്… സെല്ലിൽ ആണ്. എന്താ സംഭവം എന്ന് ചോദിച്ചാൽ ആർക്കും ഒന്നും അറിയില്ല. അവൻ ഒന്നും മിണ്ടുന്നുമില്ല എന്നാലല്ലേ പറയാൻ പറ്റുള്ളൂ.. പ്രശ്നം അല്പം സീരിയസ് ആണ്. വധശ്രമിത്തിനാണ് കേസ് ചാർജ് ചെയ്തിരിക്കുന്നത്..
ആയിഷയുടെ കണ്ണ് തുറിച്ചു അത് കേട്ടിട്ട്: ഒന്ന് തെളിച്ചു പറ അനു…
അനു: തെളിച്ചു പറയാൻ അറിയേണ്ടേ എന്തെങ്കിലും. കമ എന്നൊരു അക്ഷരം ഹരി മിണ്ടുന്നില്ല. നീ വാ, എസ് ഐ, നമ്മുടെ ആളാണ്. നിന്നോട് എന്തേലും അവൻ പറയുമോ എന്ന് നോക്കാം………………..
രാത്രി പത്തു മണി കഴിഞ്ഞിരിക്കുന്നു. ഒരു കുപ്പിയുടെ പകുതി ആവാറായിരിക്കുന്നു അനുവിന്റെ ഫ്ലാറ്റിൽ. സംസാരവിഷയം ഹരി തന്നെ ആണ്……
ആര്… എന്ത്… എന്തിന്………….
ഫ്ലാറ്റിലെ കാളിങ് ബെൽ മുഴങ്ങി.. ടിങ്.. ടോങ്..
അനു വാതിൽ തുറന്നു, കണ്ടത് വീണയെ ആണ്… കരഞ്ഞു കലങ്ങിയ കണ്ണുകളുമായി നിൽക്കുന്ന വീണയെ…….
അനു: അയ്യോ, എന്താ ചേച്ചി,, എന്താ പ്രശ്നം… ഉള്ളിലേക്ക് വരൂ..
അനു വീണയെ ഉള്ളിലേക്ക് കയറ്റി ഡോർ അടച്ചു. വീണയെ കണ്ടതും കയ്യിലെ സിഗരറ്റ് കുറ്റി, കുത്തി കെടുത്തി ആയിഷയും എഴുന്നേറ്റു, വീണയുടെ അടുക്കലേക്കു നടന്നു..
വീണയുടെ കണ്ണിൽ നിന്ന്, കണ്ണ് നീർ ഇറ്റിട്ടി വീണു കൊണ്ടിരുന്നു. ആയിഷ വീണയുടെ തോളിൽ പിടിച്ചു ചോദിച്ചു: എന്താ, ചേച്ചി.. എന്താ ഉണ്ടായതു.. എന്താ പ്രശ്നം…
പറയാൻ വാക്കുകൾ കിട്ടിയില്ല വീണക്കു. വീണ അനുവിന് നേരെ തിരിഞ്ഞു. വിക്കി വിക്കി പറഞ്ഞു: ഞാൻ, അനുവിനെ കാണാൻ… ഹരി.. ഹരി.. അവനെ എന്ത് ചെയ്തായാലും പുറത്തിറക്കണം.. കാലു പിടിക്കാം ഞാൻ..
ആയിഷയും അനുവും പരസ്പരം കണ്തുറിച്ചു നോക്കി..
അനു ഒന്നാലോചിച്ച ശേഷം, ആയിഷയോട് ഇനി ഒന്നും മിണ്ടണ്ട എന്ന ആംഗ്യം കാട്ടി.. കാരണം,, വീണ വന്നിരിക്കുന്നത് ആയിഷയെ കാണാനല്ല, തന്നെ കാണാനാണ്,, അഡ്വക്കേറ്റ് അനുവിനെ കാണാൻ…
വീണയെയും കൊണ്ട് അനു, സോഫക്കരികിലേക്ക് നടന്നു. സോഫയിൽ ഇരുത്തിയ ശേഷം, കുടിക്കാനായി വെള്ളം കൊണ്ട് വന്ന് കൊടുത്തു, അടുത്ത് തന്നെ ഇരുന്നു.
വീണയുടെ കരച്ചിൽ ഒന്ന് കുറഞ്ഞ ശേഷം അനു ചോദിച്ചു: ചേച്ചി, എന്തെങ്കിലും ഒന്ന് ചെയ്യണമെങ്കിൽ, കാര്യങ്ങൾ അറിയണം. അവനോട് ഒരുപാട് ഞാൻ ചോദിച്ചു. വക്കീൽ ആയി, അതുപോലെ ആയിഷ ചോദിച്ചു. അവൻ വാ തുറന്നിട്ടില്ല..
അനു തുടർന്നു: ചേച്ചി ഇവടെ എന്നെ കാണാൻ വന്ന്, അവനു വേണ്ടി കരയുന്നുണ്ടെങ്കിൽ, എനിക്കറിയാം, ചേച്ചിക്ക്, കാര്യങ്ങൾ അറിയാം എന്ന്. പതിയെ സമയം എടുത്ത്, പറഞ്ഞാൽ മതി. എന്നാലേ, ആസ് അഡ്വക്കേറ്റ് അവനു വേണ്ടി എന്തെങ്കിലും എനിക്ക്, അല്ല ആർക്കും, ഏതു വക്കീലിനും എന്തെങ്കിലും ചെയ്യാൻ ഈ ലോകത്തു പറ്റുകയുള്ളു. അടി കൊണ്ടവൻ ഐ സി യു വിൽ ആണ്..
വീണ വാക്കുകൾ കിട്ടാതെ പതറി..
അനു: സ്കൂളിൽ കയറി, ഒരു അധ്യാപകനെ,, അമ്മാതിരി തല്ലാണ് അവൻ തള്ളിയിട്ടുഉള്ളത്…. ചേച്ചി….
വീണ പറഞ്ഞു തുടങ്ങി, പതിയെ പതിയെ…
കൂടുതൽ പറയുന്നില്ല. വായിക്കുന്നവർ ഊഹിച്ചെടുക്കേണ്ടതാണ്. കാരണം അണ്ടർ ആജ് പ്രോബ്ലം ഉള്ളത് കൊണ്ട്.
…………………………………………………………………………………………………………………………………………………………………………………..
വീണ വീണ്ടും കരയാൻ തുടങ്ങി…..
അനുവും, ആയിഷയും പരസ്പരം, കണ്ണുകളിൽ നോക്കി……
അനു പതിയെ എഴുന്നേറ്റ് പറഞ്ഞു : ഞാനൊന്ന്, എന്റെ സീനിയറിനു ഫോൺ വിളിക്കട്ടെ. ഇപ്പോൾ വരാം. എന്താ ചെയ്യാൻ പറ്റുക എന്ന് നോക്കട്ടെ….
ആയിഷ, അനു ഇരുന്നിടത്തു ഇരുന്ന്, വീണയെ തന്റെ മാറിലേക്ക് ചായ്ച്ചു കെട്ടിപിടിച്ചു. വീണയുടെ കരച്ചിലിൽ, ആയിഷയുടെ കണ്ണുകളെ നനയിച്ചു.
എട്ടു മണിയായിട്ടും, ഹരിയെ വിളിച്ചു കിട്ടാത്തത് കൊണ്ടാണ്, ആയിഷയെ, വീണ ഫോൺ വിളിക്കുന്നത്. ഹരി വിളിച്ചിരുന്നോ, വിവരം ഉണ്ടോ, എന്നറിയാൻ വേണ്ടി.