ഹരിക്ക് മിണ്ടാൻ പറ്റിയില്ല ഒരു വാക്ക് പോലും…
ആയിഷയുടെ ശബ്ദം കനത്തു : ഹരി നിന്നോടാ ചോദിച്ചത്..
ഒരുവിധം ഗസ്റ്റുകൾ പോയിട്ടുണ്ടായിരുന്നു എങ്കിലും, ചിലർ അവശേഷിച്ചിരുന്നു.
വീണ ആയിഷയുടെ മുന്നിൽ കേറി നിന്ന് പറഞ്ഞു : ആയിഷ പതുക്കെ… ഞാൻ പറയാം എല്ലാം. ആൾക്കാർ നോക്കുന്നു.
വീണ ആയിഷയുടെ കൈ പിടിച്ചു വലിച്ചു നടന്നു. ആയിഷ നടന്നു കൊണ്ട് ഹരിയെ നോക്കി പറഞ്ഞു : ഇതെന്താ എന്ന് അറിയാതെ, ഇവിടെ നിന്ന് ഇളകാൻ പാടില്ല നീ..
വീണ ആയിഷയെ കൂട്ടി ഒരു ഭാഗത്തു മാറി നിന്നു. ഒപ്പം അനു വക്കീലും ചേർന്നു.
ഹരി പതിയെ സമയം എടുത്തു തല പൊന്തിച്ചു അങ്ങോട്ട് നോക്കിയപ്പോൾ കണ്ടത്, വയർ പൊത്തി പിടിച്ചു ചിരിക്കുന്ന വക്കീലിനെയും, വാ പൊത്തി ചിരിക്കുന്ന വീണയെയും, ചിരി അടക്കാൻ പാട് പെട്ട് തനിക്കു നേരെ നോക്കുന്ന ആയിഷയെയും ആണ്.
വീണ ചേച്ചി കൈ കൊണ്ട് തന്നെ വിളിക്കുന്നത് കണ്ട്, ഹരി പതിയെ നടന്നു.
നടന്നു മൂവർ സംഘത്തിന്റെ മുന്നിൽ എത്തിയ ഹരി മുഖത്ത് നോക്കാനാവാതെ തല താഴ്ത്തി നിന്നു.
അനു : ഹരീ, നാളെ എന്റെ ഓഫീസുമായി കോൺടാക്ട് ചെയ്താൽ,, എന്റെ ഫീ ഡീറ്റെയിൽസ് അവർ പറഞ്ഞു തരും.
ഹരി അനുവിനെ നോക്കി, എന്തിനാണ് എന്നുള്ള ചോദ്യത്തോടെ.
അനു: ഞാൻ ആണുങ്ങളുടെ കേസും എടുക്കൂടാ. നിന്റെ കേസ് ഞാൻ നടത്തി, നിനക്ക് നീതി നടപ്പാക്കി തന്നിരിക്കും.
ആയിഷ ചിരി ചുമയിൽ ഒതുക്കിയപ്പോൾ, വീണ ഉറക്കെ തന്നെ ചിരിച്ചു.
” അയ്യോ, ചോര”.. അനു പെട്ടെന്ന് ഉറക്കെ പറഞ്ഞപ്പോൾ എല്ലാവരും ഞെട്ടി, ഹരി അടക്കം. എല്ലാവരും അനുവിനെ നോക്കി, എവിടെയാ ചോര എന്നറിയാൻ..
അനു ഹരിയുടെ മുഖത്തിന് നേരെ വിരൽ ചൂണ്ടി, ഹരിയുടെ ചുണ്ടിന്റെ അറ്റത്ത് തൊട്ടിട്ടു പറഞ്ഞു : ചോര ആണോ, ലിപ്സ്റ്റിക്ക് ആണോ…
ഹരി പല്ലുകടിച്ചു പറഞ്ഞു: വകീലെ….
ആയിഷ അടക്കം, മൂവരും കുടു കുട,, ചിരിച്ചു.
ഹരി ആയിഷയോട്: മാം, വിഡിയോ..
ആയിഷ: മ്മ്, ലെറ്റ് മീ സീ..
ഹരി: താങ്ക്സ് മാം.. ഒന്ന് കൂടെ…
ആയിഷ ഹരിയെ നോക്കി : വേറാരു കണ്ടാലും,, ആ വീഡിയോ, വക്കീലിനെ മാത്രം കാണിക്കരുത്. പ്ലീസ്…
ഇത്രയും പറഞ്ഞു ഹരി തിരിഞ്ഞു നടന്നു. പിന്നിൽ കൂട്ട ചിരി കേട്ടു ഹരി.
ആകെ, നാറി,, ഇനി അടിച്ചിട്ട് തന്നെ കാര്യം.. കൌണ്ടറിലേക്ക് നടന്നു ഹരി.
വീണ്ടും, ഒന്നേ, രണ്ടേ…. മൂന്നാമത്തേതിന് മുന്നേ,, ദേവൂട്ടി ഓടി വന്നു ഹരിയുടെ അടുത്തേക്ക്.
ഹരി ദേവൂനെ എടുത്തു കൗണ്ടറിൽ നിന്നും മാറി നടന്നു..
ചേച്ചി…. ഹരിയുടെ വിളി കേട്ട്, വീണ നോക്കി.
ഹരി : ദേവു ഉറങ്ങി… എന്താ ചെയ്യേണ്ടേ..
വീണ : അയ്യോ, അവൾ ഒന്നും കഴിച്ചിട്ടില്ല..
ഹരി : സമയം ഉണ്ടെങ്കിൽ ഉറങ്ങി കോട്ടെ അവൾ, ഉള്ളിൽ എവിടേലും കിടത്താം.
വീണ ഒക്കെ പറഞ്ഞു. ഹരി ദേവൂനെ കൊണ്ട് ഉള്ളിൽ പോയി. ദേവൂനെ ഹരിയുടെ കയ്യിൽ നിന്നും വാങ്ങി, നഫീസ പറഞ്ഞ റൂമിൽ പോയി കൊണ്ട് പോയി കിടത്തി. അടുത്ത് തന്നെ ഹരിയും ഇരുന്നു, ഈണത്തിൽ മൂളി, ദേഹത്ത് പതിയെ തൊട്ടു കൊണ്ട്.
ഹരിയുടെ മനസ്സിൽ വീട്ടിലെ ഓർമ്മകൾ തിങ്ങി നിറഞ്ഞു. തന്റെ കണ്ണുകൾ നിറയുന്നത് ഹരി അറിഞ്ഞില്ല എന്നതാണ് സത്യം.
ഹരിയുടെ തോളത്തു ഒരു കൈ പതിഞ്ഞപ്പോൾ ആണ് ഹരി സ്വബോധത്തിൽ വരുന്നത്.
തിരിഞ്ഞു നോക്കിയപ്പോൾ വീണയും, നഫീസയും ഉണ്ടായിരുന്നു.
നഫീസ കഴിച്ചോ എന്നുള്ള ആംഗ്യം കാണിക്കുമ്പോൾ ആണ് ഹരിയുടെ കണ്ണുകൾ ശ്രദ്ധിക്കുന്നത്.
ഹരി ഇരു കൈ കൊണ്ടും തന്റെ കണ്ണ് നീര് തുടച്ചു കൊണ്ട്, കഴിക്കാം എന്ന് പതിയെ പറഞ്ഞു പുറത്തിറങ്ങി.പിന്നാലെ ആയി നാഫീസായും വീണയും.
നഫീസ : മോനെ, എന്താടാ..
ഹരി : ഒന്നുല്ല ഉമ്മ, കരട് പോയതാ..
നഫീസ കൂടുതൽ ചോദിച്ചില്ല : നിങ്ങൾ കഴിക്ക് എന്നാൽ, ഞാൻ നോക്കാം ദേവൂനെ..