ഹരി വീണക്കു നേരെ തിരിഞ്ഞു: ചേച്ചി, വേണ്ട പോലെ ഇനി നോക്കിയാൽ മതി. എങ്ങിനെ ആണ് ഈ കേസ് മുന്നോട്ട് കൊണ്ട് പോകേണ്ടത് എന്നൊക്കെ. ശരിക്ക് ആലോചിച്ച ശേഷം അനുമാഡത്തിനോട് സംസാരിച്ചു. ഈ കാര്യത്തിന് ഇനിയും ജയിലിൽ പോണോ,, ഞാൻ റെഡി ആണ്..
വീണ ഹരിയോട് ചേർന്ന് ഇരുന്ന്, കരയാൻ തുടങ്ങി…
ഹരി വീണയെ വലതു കൈ തോളിലൂടെ ഇട്ടു കെട്ടിപിടിച്ചു പറഞ്ഞു: കരയണ്ട ചേച്ചി. അതിനുമാത്രം ഒന്നും സംഭവിച്ചിട്ടില്ല എന്നാ എന്റെ അറിവ്. ചേച്ചി സ്ട്രോങ്ങ് ആയി നിക്കണ്ട ടൈം അല്ലെ ഇത്..
ഈ പാതിരാത്രി സംസാരിക്കേണ്ട വിഷയം അല്ലാത്തതിനാലും, പെട്ടെന്ന് എടുക്കേണ്ട തീരുമാനം അല്ലാത്തതിനാലും, അനു, വിഷയം മാറ്റാൻ തീരുമാനിച്ചു..
അനു: അല്ലടാ,, നീയല്ലേ കുടിക്കില്ല പറഞ്ഞത്..
ഹരി പുഞ്ചിരിച്ചു കൊണ്ട്: കുടിക്കില്ല എന്നല്ല, വേണ്ട എന്നാണ് പറഞ്ഞത് മാം..
അനു: എന്ത് വേണ്ട എന്ന്.. ഇമ്മാതിരി അടി അടിച്ചിട്ടോ..
ഹരി: അത് പിന്നെ ഒരു ധൈര്യത്തിന്,,.
അനു: നിനക്ക് കിട്ടാനുള്ളത് പോലീസിന്റെന്നു കിട്ടില്ലേ,, ഇനി എന്തിനാ ധൈര്യം.. എല്ലാം കഴിഞ്ഞ്.
ഹരി ഒന്ന് ആലോചിച്ച്, നിലത്തോട്ട് നോക്കി. പിന്നെ ഇടം കണ്ണിട്ട് ആയിഷയെ ഒന്ന് നോക്കി, പിന്നെ പറഞ്ഞു : പോലീസ് ഒന്നും പ്രശ്നമല്ല,, മാമിന്റെ മുന്നിൽ സംസാരിക്കാൻ.. ഒരു.. ഇത്..
ആയിഷയുടെ മുഖത്ത് ഒരു പുഞ്ചിരി തെളിഞ്ഞു. അനുവും വീണയും കൂടെ ചിരിച്ചു….
ഹരി നന്നായി കിക്ക് കയറി തുടങ്ങിയിരുന്നു. ഹരി ഒന്നാലോചിച്ചു, ധൈര്യം സംഭരിച്ചു, ആയിഷയെ നോക്കി പറഞ്ഞു : മാം, ചോദിക്കണ്ട സന്ദർഭം ഇതല്ല എന്നറിയാം. ഇന്നലെ മുതൽ ചോദിക്കണം വെച്ചതാണ്.
ആയിഷ കാലിൻ മേൽ കാലു കയറ്റി വച്ചു, ഹരി പറയുന്നതിനായി കാതോർത്തു..
ഹരി : മാം..ഇന്നത്തെ പ്രശ്നം കൊണ്ട്, എന്നെ പറഞ്ഞു വിടുന്നില്ല എങ്കിൽ, എനിക്ക് പത്തു ദിവസം ലീവ് വേണം..
ആയിഷ പഴയ ആയിഷ ആയി, ബോസ്.. ആയിഷ കണ്ണ് തുറിച്ചു കൊണ്ട് : ഇപ്പോൾ പറഞ്ഞു വിടുന്നില്ല, പക്ഷെ പത്തു ദിവസത്തെ ലീവ് തത്കാലം കിട്ടില്ല. നിനക്കറിയാം, ഓഫീസിലെ തിരക്ക്..
ഹരിയുടെ മുഖം വാടീ…
ഹരി മുഖത്ത് നോക്കാതെ: ഇതുവരെ ഞാൻ ലീവ് ചോദിച്ചിട്ടില്ലല്ലോ മാം,,,..
ആയിഷ: അതുകൊണ്ട്,,, ഇങ്ങനൊരു സിറ്റുവേഷൻ മുതൽ എടുക്കാൻ നോക്കണോ..
ഹരിക്ക് മിണ്ടാട്ടം മുട്ടി.
അനു ഇടപെട്ടു: അറ്റ്ലീസ്റ്റ്,, അവന് ലീവ് എന്തിനാ ചോദിക്ക് എന്റെ ആയിഷു.. ഇങ്ങനെ ചാടി കടിക്കാതെ,, നല്ല ഇടി കൊണ്ട് വന്നിരിക്കാണ് ജാക്കി ചാൻ.. പോലീസിന്റെന്നു..
അനുവും വീണയും, ആയിഷയും ചിരിച്ചു. ഹരിക്ക് എന്തായാലും ചിരി വന്നില്ല..
വീണ ചോദിച്ചു: ഈ പ്രശ്നം കൊണ്ടാണോ,, ആർക്കും അറിയില്ല ഓഫീസിൽ..
ഹരി: അതല്ല, പന്ത്രണ്ടു മുതൽ എക്സാം തുടങ്ങാണ്.. സപ്ലി.. അതെഴുതാൻ ആണ് ചേച്ചി..
വീണയും, അനുവും ആയിഷയുടെ മുഖത്ത് നോക്കി…
വീണ ആയിഷയെ നോക്കി പറഞ്ഞു: പത്തു ദിവസം, ഞാൻ എന്റെ ടീമിൽ നിന്നും ആരെയെങ്കിലും സ്പയർ ചെയ്യാം.. കോൺസിഡർ ചെയ്തൂടെ..
വീണയുടെ സൗണ്ടിൽ നിന്നും ആയിഷക്ക് മനസ്സിലായി, ലീവ് കൊടുക്കാൻ അഭ്യർത്തിച്ചതല്ല, പറഞ്ഞതാണ് എന്നുള്ളത്. ഓഫീസിൽ തന്നോട് ഇത് ചെയ്യണം എന്ന് ഹയർ മാനേജ്മെന്റ് കഴിഞ്ഞാൽ പറയാൻ അധികാരം ഉള്ളവൾ. താൻ പറഞ്ഞത് കൊണ്ട് മാത്രം പഴയ കമ്പനി വിട്ട് തന്റെ കമ്പനിയിലേക്ക് വന്ന വീണ ചേച്ചി.
ആയിഷ: നാളെ, ഓഫീസിൽ എത്തി പ്ലാൻ നോക്കി ലീവിന്റെ കാര്യം നോക്കാം..
എല്ലാവരുടെയും മുഖത്തു പുഞ്ചിരി തെളിഞ്ഞു..
വീണ പതിയെ എഴുന്നേറ്റു എല്ലാവരോടും ആയി പറഞ്ഞു. ഞാൻ ഇറങ്ങട്ടെ എന്നാൽ. ഹരിയെ ഡ്രോപ്പ് ചെയ്തിട്ട് അങ്ങിനെ പോവാം.
ഹരി എഴുന്നേറ്റ് പറഞ്ഞു: അതൊന്നും വേണ്ട ചേച്ചി.
വീണ: അതൊന്നും പറഞ്ഞാൽ നടക്കില്ല.