വീണയും അനുവും ആയിഷയെ നോക്കി… എന്ത് മാങ്ങയാ ഇവൾ ഈ പറയുന്നത്.. അതും ഈ നേരത്ത്.. എന്ന ചോദ്യത്തോടെ…
അതുകണ്ടപ്പോൾ, പിന്നെ ആയിഷ വാ അടച്ചു കൈ കെട്ടി ഇരുന്നു.. ഹരിയെ നോക്കി…
വീണ കണ്ണുകൾ തുടച്ച്: ഹരി… എന്നോട് പറയാമായിരുന്നില്ലേ…..
ഹരി ഒന്ന് ആലോചിച്ച്, അനുവിനെ നോക്കി പറഞ്ഞു: മാം,, അന്ന് ഓഫർ ചെയ്ത,, ആ രണ്ടു പെഗ്.. ഇപ്പോൾ ഓഫർ ചെയ്യാമോ…
മൂന്നു സ്ത്രീകൾക്കും അത്ഭുതം ആയിരുന്നു ഹരിയുടെ ചോദ്യം..
അനു : യാ, ഷുവർ..
അനു ഗ്ലാസ് എടുക്കാനായി എഴുന്നേറ്റു….
അതു കേട്ടതും ഹരി തന്റെ മുന്നിൽ ഉണ്ടായിരുന്ന ടീ പോയയുടെ മുകളിൽ ഉണ്ടായിരുന്ന രണ്ടു ഗ്ലാസും എടുത്ത് അടുപ്പിച്ചു വെച്ച്, പകുതി കാലി ആയ സ്കോച്ച് ബോട്ടിൽ എടുത്തു രണ്ടു ഗ്ലാസിലും, പകുതിയോളം നിറച്ചു…
തന്നെ തുറിച്ചു നോക്കുന്ന 6 കണ്ണുകളെ വക വക്കാതെ, ഹരി, ആദ്യ ഗ്ലാസ്സെടുത്തു, ഒറ്റ വലിക്കു മിഴുങ്ങി.
പിന്നിലേക്ക് ചാരി, തീ ഗോളം തന്റെ വായിലൂടെ തൊണ്ട കുഴി കടന്നു, അന്നനാളത്തിലേക്കു കടക്കുന്നത് ഫീൽ ചെയ്തു.
ഒന്ന് രണ്ടു വട്ടം ശ്വാസം ഉറക്കെ വിട്ട്, രണ്ടാമത്തെ ഗ്ലാസും ഹരി കാലിയാക്കി നിമിഷ നേരം കൊണ്ട്.
പിന്നിലേക്ക് ചാഞ്ഞു അല്പം നേരം, കണ്ണുകൾ അടച്ചു ചാരി കിടന്നു ഹരി. ഹരിയെ നോക്കി മൂന്നു സ്ത്രീകളും ഇരുന്നു അത്ഭുത്തോടെ..
അൽപ നേരത്തിനു ശേഷം ഹരി കണ്ണ് തുറന്ന് അരികിൽ ഇരിക്കുന്ന വീണ ചേച്ചിയുടെ കൈ പിടിച്ചു മുഖത്തു നോക്കി പറഞ്ഞു: ചേച്ചി.. ദേവു എനിക്ക്.. എന്റെ അമ്മുവിനെ പോലെ ആണ്.. അമേയ.. ചേച്ചിടെ മോളാണ്… കുറുമ്പി പാറു… ദേവു വിളിക്കുന്ന പോലെ,, ഹരി മാമ വിളിച്ചോണ്ട് ഇങ്ങനെ നടക്കും അവൾ എന്റെ പിന്നാലെ… എന്റെ പഞ്ചാര കുറുമ്പി..
ഹരി ഒന്ന് കണ്ണടച്ചു, വീണ്ടും പറഞ്ഞു: ഇന്ന്,, ദേവു അറിയാതെ ആണെങ്കിൽ കൂടെ, എന്നോട് പറഞ്ഞപ്പോൾ, ആദ്യം ആലോചിച്ചു ചേച്ചിയോട് പറയാം എന്ന്.. പിന്നെ ഡൌട്ട് ആയി,,, ചേച്ചിയോട് എങ്ങിനെ പറയും എന്ന്.. ചേച്ചി എങ്ങിനെ റിയാക്ട് ചെയ്യും.. ആകെ സംശയം ആയിരുന്നു….
അതിനിടയിലൊക്കെ ദേവു, ഹരി മാമ, വിളിച്ചു അടുത്തേക്ക് ഓരോന്ന് പറഞ്ഞു വരുമ്പോഴൊക്കെ എനിക്ക് എന്റെ അമ്മു ആയിരുന്നു മനസ്സിൽ.. മനസ്സു കയ്യിന്നു പോയി ചേച്ചി…
ഫോൺ എവിടെയോ പോയി ചേച്ചി,,, അല്ലെങ്കിൽ അമ്മൂനെ ഞാൻ കാണിച്ചു തന്നേനെ….
“നിനക്ക് എന്നോട് പറയാമായിരുന്നല്ലോ ഹരി”.. ആയിഷ ചോദിച്ചു..
ആയിഷയെ ഞെട്ടിച്ചു കൊണ്ട് ഹരി പുഞ്ചിരിച്ചു.. പിന്നെ കുറച്ചു ഉറക്കെ ഉള്ള ചിരിയും….
ഹരി ചിരി ഒതുക്കി ആയിഷയുടെ മുഖത്ത് നോക്കാതെ പറഞ്ഞു : എന്റെ മാടം,,, ദേഷ്യം വന്നാൽ,, മാടം എന്തൊക്കെയാ ചെയ്യുക, അല്ലെങ്കിൽ പറയുക എന്ന്, മാഡത്തിന് ഒരു പിടുത്തവും ഇല്ല.. അങ്ങനുള്ള മാഡത്തിനോട് ഞാൻ ഇതെങ്ങിനെ…..
ആയിഷക്ക് മുഖത്ത് കൊണ്ട നല്ല ഒരു അടിയായി ആണ് അത് ഫീൽ ചെയ്തത്. അതും ഹരി.. തന്നോട് തിരിച്ചു ഒരു വാക്ക് മിണ്ടാത്ത ഹരി…
ആയിഷ അടുത്ത വാക്കിനായി ബുദ്ധിമുട്ടി…
അനു പെട്ടെന്ന് ഇടയിൽ കയറി പറഞ്ഞു: ശരിയാണ്, നിന്റെ മാടം അങ്ങിനെയാണ്.. ബട്ട് നീ കാണിച്ചതോ.. അയാളുടെ ജീവന് എന്തെങ്കിലും പറ്റിയിരുന്നെങ്കിൽ,, നിനക്ക് എന്തെങ്കിലും പറ്റിയിരുന്നെങ്കിൽ..
ഹരി മുന്നോട്ട് ആഞ്ഞു ഗ്ലാസിലേക്ക് ഒന്നുടെ ഒഴിച്ച്. ഗ്ലാസ് കയ്യിൽ പിടിച്ചു അനുവിനെ നോക്കി പറഞ്ഞു: എനിക്ക് ഒന്നും പറ്റില്ല എന്നുള്ള ഉറപ്പ് എനിക്കുണ്ട്. പിന്നെ അയാൾക്കുള്ളത് കൃത്യമായി കൊടുക്കേണ്ട സ്ഥലത്താണ് ആണ് കൊടുത്തത്.. അത് ഹോസ്പിറ്റലിൽ ചോദിച്ചാൽ മനസ്സിലാവും.
അനു: സൊ,, നീ പറയുന്നത്.. നീ ഒരു നല്ല തല്ലുകാരൻ ആണ് എന്നാണോ..
ഹരി ഗ്ലാസ് കളിയാക്കി ” ഒഹ്ഹ്ഹ്ഹ് ” എന്ന ശബ്ദത്തോടെ.. എന്നിട്ട് പറഞ്ഞു: അങ്ങിനല്ല മാം, സെൽഫ് ഡിഫെൻസ് അത് ആവശ്യത്തിന് വശമുണ്ട്. പിന്നെ ഡിഫെൻസ് വേണമെങ്കിൽ അത്രേം അത്യാവശ്യ സമയത്തു ഓഫിൻസുമായി ഉപയോഗിക്കാം.