സംഭാഷണം ഇംഗ്ലീഷിൽ ആണ്, അല്ലെങ്കിൽ മിക്സ്,, മലയാളത്തിൽ തന്നെ എഴുതാൻ നോക്കാം, ചിലയിടത്തു അല്പം മിക്സ് ചെയ്തു എഴുതിയാലേ, അതിന്റെ ഒരു ഭാവം കിട്ടുള്ളു എന്ന് വിശ്വസിക്കുന്നു..
ഐഷ : വേർ ആർ യു, നൗ.
ഹരി: ഓഫീസിൽ നിന്നും ഇറങ്ങി മാം.
ഐഷ: എന്റെ ഓഫീസിൽ, ഐ പാട് ഇരിപ്പുണ്ട്, അതു ഞാൻ പറയുന്ന അഡ്രസ്സിൽ കൊണ്ട് വരണം.
ഹരി: ഇപ്പോഴോ മാം…
ഐഷയുടെ സംസാര രീതി ആകെ മാറി ഇത് കേട്ടിട്ട്..
ഐഷ: അതെന്താ, ഇപ്പോൾ കൊണ്ട് വരാൻ ബുദ്ധിമുട്ട് ഉണ്ടോ..
ഹരി: അതല്ല മാം..
ഐഷ: പിന്നെ.. ഗോ ഗെറ്റ് ഇറ്റ് നൗ, ആൻഡ് ബ്രിങ് ഇറ്റ് ടു ദി അഡ്രസ് നൗ…
ഹരി: സോറി മാം,,,ഓക്കേ മാം..
അനു: അല്പം മയം ആവട്ടോ, രാത്രി ഈ സമയത്തു ഒരാൾക്ക് പണി കൊടുക്കുമ്പോൾ, അതും ഒരു ആവശ്യവും ഇല്ലാതെ, കൊണ്ട് വരണം എന്നുള്ളതിന് പകരം, കൊണ്ട് വരാമോ എന്ന് ചോദിക്കുന്നതിനു തെറ്റൊന്നുമില്ല..
ഐഷ അല്പം ഗൗരവത്തോടെ: ഇങ്ങനെ ഒക്കെ പറ്റൂ,, അല്ലേൽ ഇട്ടിട്ടു പോവട്ടെ അവൻ ജോലി. ഞാൻ കാരുണ്യം കാണിച്ചു കിട്ടിയ ജോലി അല്ലെ അവനു, അല്പം ഒന്ന് താഴ്ന്നു കൊടുത്താൽ, തലയിൽ കയറും എല്ലാം..
അനു: വല്ലാത്തൊരു സാദനം തന്നെഡീ നീ. അഞ്ചു മിനിട്ട് മുന്നേ നന്നായി പുകഴ്ത്തിയ അവനെ ആണ് ഇപ്പോൾ.. അതും അവൻ ഒന്നും പറഞ്ഞിട്ട് കൂടെ ഇല്ല, ഏതൊരു കോമൻ മാനും പെട്ടെന്ന് പറയുന്ന മറുപടി അല്ലെ അവൻ പറഞ്ഞുള്ളു..
ഐഷ: എന്താ, മാഡത്തിന് അവനെ കൊണ്ട് അനാവശ്യ പണി എടുപ്പിക്കുന്നതിനു അവന്റെ വക്കാലത്തു എടുക്കാൻ ഉള്ള പ്ലാൻ ഉണ്ടോ…
അനുവിന്റെ ശബ്ദവും മാറി: നീ എന്തിനാ എന്നോട് ചാടുന്നത്, അത് നിന്റെ ഓഫീസിലെ സ്റ്റാഫി ന്റെ അടുത്ത് വച്ചാൽ മതി. അതോ നിന്റെ കമ്പനിയുടെ ലീഗൽ ടീമിൽ നിന്ന് എന്നെയോ, എന്റെ കമ്പനിയേയോ മാറ്റുമെന്നുള്ള ഭീഷണി വല്ലതും ആണോ.. ആണേൽ കയ്യിൽ വച്ചോ അത്.. പേടിപ്പിക്കാൻ വരണ്ട,, ഒരുത്തന്റെയും സഹായം ഇല്ലാതെ ആണ് ഈ അനു ജോസഫ്, ഇന്നിവിടെ ഇരിക്കുന്നത്, അല്ലാതെ, കുറച്ചു വർഷങ്ങൾക്ക് മുൻപ് നിന്നെ പരിചയപ്പെട്ട ബലത്തിൽ അല്ല..
അനുവും, ഐഷയും പരസ്പരം കണ്ണോട് കണ്ണ് നോക്കി ദേഷ്യത്തിൽ ഇരുന്നിടത്തിരുന്നു..
അനുവിന്റെ ഫ്ലാറ്റിലെ ഹാളിൽ തിങ്ങി നിറഞ്ഞ ടെൻഷൻ, രണ്ടു പെൺ കടുവകൾ, ഇപ്പോൾ ഏറ്റുമുട്ടും എന്ന് തോന്നിച്ച നിമിഷങ്ങൾക്ക് അവസാനം ഇട്ട് ഐഷ ചോദിച്ചു: ഒന്ന് കത്തിച്ചാലോ…
അനു: ലൈറ്റ്സ് ഇല്ല,, ക്ലാസ്സിക് മാത്രേ ഉള്ളു..
ഐഷ: അതെന്താ, പുക ഉള്ളിലേക്ക് ഉറങ്ങില്ലേ…
കുറച്ചു നിമിഷങ്ങൾ കൂടെ പരസ്പരം നോക്കി, ഒരു പൊട്ടിച്ചിരിയിലേക്ക് വഴി മാറി ഇരുവരും…
കുറച്ചു വർഷങ്ങൾക്ക് മുൻപ് ഒരു ബുക്ക് ഫെസ്റ്റിനടിയിലാണ് ഐഷയും, അനുവും കണ്ടു മുട്ടുന്നത്. അവസാന കോപ്പിക്ക് വേണ്ടി പിടി വലിയിൽ തുടങ്ങിയ സൗഹൃദം. സൗഹൃദം പിന്നെ അങ്ങ് വളർന്നു, എന്തും എല്ലാം പരസ്പരം തുറന്നു പറയുന്ന കൂട്ടുകാർക്കിടയിലേക്കുള്ള വളർച്ചയിൽ എത്തിച്ചു. പരസ്പരം ഭാവി, ഭൂതം എല്ലാം അറിയുന്നവർ, കഴിവിനെ അറിയുന്നവർ, കഴിവ് കേടിനെ പറ്റി അറിയുന്നവർ, കള്ളകളികൾ അറിയുന്നവർ, ഒരു മടിയും കൂടെ ഇതു പ്രൈവറ്റ് കാര്യവും പരസ്പരം തുറന്നു പറയുന്നവർ… ഇരുവരുടെയും പ്രായവും ഏകദേശം ഒന്ന് തന്നെ.
അനു, അഡ്വക്കേറ്റ് ആണെങ്കിൽ, ഐഷ, സൗത്ത് ഇന്ത്യൻ ബേസ്ഡ് പേര് കേട്ട കൺസ്ട്രക്ഷൻ കമ്പനിയുടെ പ്രൊജക്റ്റ് ഹെഡ് സ്ഥാനത്തു ആണ് ഇരിക്കുന്നത്. ഇരുവരും കഷ്ടപ്പെട്ട് വളർന്നു വന്നവർ. രാപ്പകൽ ഇല്ലാതെ ജോലി ചെയ്തു നേടിയെടുത്ത ഉയർന്ന സ്ഥാനങ്ങളിൽ, ചെറിയ പ്രായത്തിൽ എത്തിയവർ..
ഇരുവരുടെയും ഭാവിയും ഭൂതവും ഇപ്പോൾ തുറക്കുന്നില്ല, കഥയിൽ മുന്നോട്ട് വരുന്നതാണ്. ചെറിയ ഒരു കാരക്റ്റർ ഡിസ്ക്രിപ്ഷൻ വേണെങ്കിൽ പറയാം, അനുവിനെ, ആക്ടര്സ് ആൻ അഗസ്ത്യനെ ആയും, ഐഷയെ, നയില ഉഷയും ആയി താരതമ്യം ചെയ്യാം.
അടിപിടി കഴിഞ്ഞു ഓരോരോ ലോക കാര്യങ്ങളുടെ ചർച്ചക്കിടയിൽ ആണ്..ഡിംഗ്, ഡോങ്… കാളിങ് ബെൽ മുഴങ്ങുന്നത്…