ഓഫീസ് വിട്ടു പോരുമ്പോളും, ഹരിയുടെ ബാഗും സാധനങ്ങളും, ഹരിയുടെ ഡെസ്കിൽ തന്നെ ഉണ്ടായിരുന്നു…..
ഹരിയെ പറ്റിയുള്ള അറിവ്, ആയിഷ വീണയോട് പറഞ്ഞു. പിന്നെ ഹരി തല്ലി പഞ്ചറാക്കിയ ആളെ കുറിച്ചുള്ള സ്ഥലവും കാര്യങ്ങളും..
പിന്നെ എല്ലാം വീണ ചോദിച്ചറിഞ്ഞു.
ഡോർ തുറന്ന് ഫോൺ ചെവിയിൽ വച്ചു, മുഖത്തു സന്തോഷത്തോടെ ഉള്ള ചിരിയോടെ സംസാരിച്ചു അനു വീണയുടെ അരികിലേക്ക് വന്നു..
അനു: ഓക്കേ സർ,,,, താങ്ക് യൂ സർ,, താങ്ക് യൂ വെരി മച്ച് സർ… സർ.. നാളെ താങ്കളെ കണ്ട് കാര്യങ്ങൾ എല്ലാം ഞാൻ പറയാം, വിശദമായി… ഉറപ്പായും..
വീണയും,, ആയിഷയും എഴുന്നേറ്റു,, അനു പറയുന്നതിന് കാതോർത്തു കൊണ്ട്..
വീണ ഒന്നും മിണ്ടാതെ ചിരിച്ചു കൊണ്ട് വേറൊരു നമ്പർ ഡയൽ ചെയ്തു…
വീണ: ഹെലോ വേണു…..
വീണ തന്റെ ജൂനിയർ വക്കീലിനെ വിളിച്ചു, ഇപ്പോൾ തന്നെ പോലീസ് സ്റ്റേഷനിൽ പോയി ഹരിയെ ആൾജാമ്യത്തിൽ ഇറക്കി കൊണ്ട് വരാൻ പറയുന്നത് കേട്ട് വീണക്കൊരുപാട് സന്തോഷം ആയി, ആയിഷക്കും..
വീണ, അനുവിന്റെ അടുത്തേക്ക് നടന്നു, അനുവിനെ മുറുകെ കെട്ടി പിടിച്ചു പറഞ്ഞു : താങ്ക്സ്…..
അനു ചിരിച്ചു കൊണ്ട്: അതിനു ഞാൻ ഒന്നും ചെയ്തില്ല,, അടി കൊണ്ടവന് കംപ്ലയിന്റ് ഇല്ല എന്ന് പറഞ്ഞു. അതല്ലേ……
ആ നിമിഷത്തെ സന്തോഷം മറഞ്ഞപ്പോൾ, വീണയുടെ കണ്ണുകൾ വീണ്ടും നിറഞ്ഞു.
അനു വീണയെ സോഫയിൽ ഇരുത്തി, ചുറ്റും ഇരുന്നു ആയിഷയും അനുവും, വീണയെ സമാധാനിപ്പിക്കാൻ ശ്രമിച്ചു.
“വെറുതെ വിടരുത് ആ തന്തയില്ലാത്തവനെ”…. ആയിഷ കോപം ഉറഞ്ഞു തുള്ളി പറഞ്ഞു..
അനു: ദേഷ്യം കൊണ്ടല്ല ആയിഷ, എല്ലാ കാര്യങ്ങളും നടത്തുക. ഇതങ്ങിനെ ഡീൽ ചെയ്യേണ്ട സംഭവവും അല്ല. വളരെ ശ്രദ്ധയോടെ വേണം…..
ആയിഷ കോപം അടക്കി പിടിച്ചു,, പല്ലുകൾ കൂട്ടി ഞെരിച്ചു…
വീണ കരച്ചിൽ ഒന്ന് ഒതുക്കി പറഞ്ഞു: എനിക്ക് ഹരിയെ കാണണം..
അനു: ഇപ്പോഴോ.. സമയം ഉണ്ടല്ലോ ചേച്ചി..
വീണ : എനിക്ക് കണ്ടേ പറ്റൂ…
വീണയുടെ കണ്ണുകളിൽ അനു കണ്ടു, നിശ്ചയദാർഢ്യം… ഹരിയെ കണ്ടേ പറ്റൂ എന്നുള്ളത്..
എങ്കിലും അനു പറഞ്ഞു: ഞാൻ വേണുവിനോട് പറഞ്ഞു ഇങ്ങോട്ട് കൊണ്ട് വരാൻ പറയാം അവനെ. ചേച്ചി ഈ കണ്ടീഷനിൽ അങ്ങോട്ട് പോയി അവനെ കാണണ്ട. പിന്നെ, അവന്റെ മൈൻഡ് കൂടെ നോക്കി പോരെ ചേച്ചി കാണുന്നത്..
ആയിഷ: ഞാൻ പറയാം അവനോട്, ചേച്ചി വിഷമിക്കണ്ട.. ഞാൻ പറഞ്ഞാൽ അവൻ വരും..
ആയിഷയുടെ വാക്കുകൾ, അനുവിനോ, വീണക്കോ ഇഷ്ടമായില്ല..
ആയിഷ: എന്താ…
അനു: അവൻ നിന്റെ പി എ ആണ്. അല്ലാതെ അടിമ അല്ല. ആയിഷ,, നിന്നോട് പറഞ്ഞിട്ട് കാര്യം ഇല്ല എന്നറിയാം,,, മനുഷ്യരുടെ മനസ്സ് കൂടെ ഒന്ന് കാണാൻ ശ്രമിക്കു ഇടക്ക്.. ഒരുപാട് പറഞ്ഞിട്ടുള്ളതാ നിന്നോട്..
ആയിഷ കണ്ണ് തുറിച്ചു എന്തോ പറയാൻ വന്നു. അതിനു മുൻപ്, അനു പറഞ്ഞു : ഉച്ച മുതൽ അവൻ പോലീസ് സ്റ്റേഷനിലെ സെല്ലിൽ ആണ്. പോലീസിന്റെന്ന് ആവശ്യത്തിന് അവനു കിട്ടിയിട്ടുണ്ട്. അതും സ്വന്തം കാര്യത്തിന് വേണ്ടി അല്ല അവൻ ഇതൊക്ക ചെയ്തത്..
വീണ: അയ്യോ അവനെ പോലീസ്…
അനു: പോലീസ് പോലീസിന്റെ പണി എടുക്കില്ലേ ചേച്ചി….
വീണക്കു സങ്കടം വന്നു,,, ഒന്നടങ്ങിയ കരച്ചിൽ വീണ്ടും തുടങ്ങി… ഹരിയെ ഓർത്ത്….
ആയിഷ പിന്നെ ഒന്നും മിണ്ടാൻ പോയില്ല……
വേണു വക്കീലിന്റെ ഫോൺ വന്നു അനുവിന്, ഹരിയെ ഇറക്കി എന്ന് പറഞ്ഞ്.
വീണ അനുവിന്റെ കയ്യിൽ നിന്നും ഫോൺ വാങ്ങി വേണുവിനോട് പറഞ്ഞു: അവനോട് ഒന്ന് സംസാരിക്കണം..
വേണു ഫോൺ ഹരിക്ക് കൊടുത്തു, ഫോണിൽ ഹരിയുടെ നേരിയ ശബ്ദം വന്നു: ഹലോ….
വീണ: ഞാനാ, വീണ ചേച്ചി ആണ്.. എനിക്ക് നിന്നെ കാണണം ഇപ്പോൾ.. ഞാൻ അങ്ങോട്ട് വരാം….
ഹരി: ഈ രാത്രിയോ ചേച്ചി.. നാളെ..
വീണ: പറ്റില്ല… എനിക്ക് കണ്ടേ പറ്റൂ…