അലിയുന്ന പാതിവ്രത്യം 2

Aliyunna Pathivrithyam Part 2 | Author : Ekalavyan

[ Previous Part ] [ www.kambi.pw ]

കഥ ഇതുവരെ..

(പുതിയ വീടിനു വാടക കൊടുക്കാൻ പറ്റാത്ത അവസ്ഥ വന്നപ്പോൾ പെരുവഴിയിൽ ഇറങ്ങേണ്ടി വരുമെന്ന് പേടിച്ച പ്രസാദ് അശ്വതിയെയും പിള്ളേരെയും കൊണ്ട് വീണ്ടും മാധവന്റെ വീട്ടിൽ എത്തുന്നു.

എന്നാൽ കാര്യങ്ങളൊക്കെ വീണ്ടും പ്രതിസന്ധിയിലാവുന്നു. പ്രസാദ് വീണ്ടും മദ്യപാനം തുടങ്ങി. അത് മുതലെടുക്കാൻ മാധവനും ശ്രമിക്കുന്നു. പ്രസാദിന്റെ പൈസ നിയന്ത്രണം ചെയ്യാൻ അശ്വതി മാധവനോട് അഭ്യർത്ഥിക്കുന്നു. അയാൾ തിരിച്ചും ഒരു നിബന്ധന വച്ചുകൊണ്ട് സമ്മതിക്കുന്നു. എന്നാൽ ആ നിബന്ധന അബദ്ധമായെന്ന തരത്തിലുള്ള ചിന്തകൾ അവളുടെയുള്ളിൽ ഉയരുമ്പോൾ മദ്യപാനത്തിന് പുറകെ പ്രസാദ് ചൂതാട്ടത്തിലും ഏർപ്പെടുന്നു.

സംഗതി ഏറെ വഷളായിക്കൊണ്ടിരിക്കെ ചിന്നുമോളെ സ്കൂളിൽ ചേർക്കാനാവാതെ ഉഴലുന്ന അശ്വതിയുടെ മുന്നിൽ മാധവൻ വീണ്ടും സഹായമായി എത്തുന്നു. ഒരു വഴിയും ഇല്ലാതെ അവൾ അയാളുടെ സഹായം സ്വീകരിക്കേണ്ടി വരുന്നു .

ചിന്നുമോളെ സ്കൂളിൽ ചേർത്ത് മടങ്ങുന്ന നേരം കാറിൽ ഉറങ്ങി പോയ അശ്വതിയെ നോക്കി മാധവൻ ശപഥമെടുക്കുന്നു. തിരികെ വീട്ടിലെത്തിയ നേരം മാധവന് അവളോടുള്ള സ്നേഹം കടലലകൾ പോലെ ശക്തമാണെന്ന് വാക്കുകളിൽ സൂചിപ്പിക്കുന്നു.

“നീയൊരു നല്ല പെണ്ണാണ് അശ്വതി. ഞാൻ കണ്ടതിൽ വച്ച് ഏറ്റവും മൂല്യം കൂടിയവൾ. സ്വഭാവമായാലും…. ശരീരമായാലും..”

കേട്ടപ്പോഴുള്ള ചെറിയ ഞെട്ടൽ, മുഖത്ത് പ്രകടമായ വിളർച്ച.

“നിങ്ങളൊരു കാര്യം മനസിലാക്കണം. എന്നോട് ഇങ്ങനെയൊന്നും സംസാരിക്കരുത്. നിങ്ങൾ ഉദ്ദേശിക്കുന്നത് പോലെയുള്ള പെണ്ണല്ല ഞാൻ..”

“ഒന്നും ഉദ്ദേശിച്ചു കൊണ്ടല്ല പറയുന്നത്.”

അയാൾ കോഫി കുടിച്ചു തീർത്ത് ടേബിളിൽ വച്ചു.

“പക്ഷെ നിന്നോട് തോന്നുന്ന എന്റെ അമിതമായ സ്നേഹം എന്നെ എവിടെ കൊണ്ടെത്തിക്കുമെന്ന് അറിയില്ല..”

എഴുന്നേറ്റ് കൊണ്ടാണ് അയാളത് പറഞ്ഞത്. തനിക്ക് നേരെ ഉയർന്ന അശ്വതിയുടെ കണ്ണുകളെ അയാൾ ആസ്വാദ്യമായി നോക്കി.

“പിന്നെ.. രണ്ടു ദിവസത്തേക്ക് ഞാൻ ഇവിടെ ഉണ്ടാവില്ല.. തിരിച്ചു വന്നിട്ട് കാണാം..”

അയാൾ പുഞ്ചിരിച്ചു കൊണ്ട് പുറത്തേക്ക് നടന്നു.

മാധവന്റെ വാക്കുകളിലെ സ്വര പകർച്ചയിൽ അവളുടെ മനസ്സിലെ ഭയവും ഉത്കണ്ഠയും നിറഞ്ഞ ചിന്തകൾക്ക്‌ വീണ്ടും പൂർണത കിട്ടാത്തത് പോലെയായി.

“നിന്നോട് തോന്നുന്ന എന്റെ അമിതമായ സ്നേഹം എന്നെ എവിടെ കൊണ്ടെത്തിക്കുമെന്ന് അറിയില്ല..!!!”

ബാക്കി വായിക്കുക..)

അതിനു ശേഷമുള്ള നിമിഷങ്ങൾ അശ്വതിയുടെ മനസ്സിൽ ശാന്തത നൽകിയില്ല.

അന്നും രാത്രി കുടിച്ചിട്ട് വന്ന പ്രസാദിനെ കണ്ട് ഒരു തരം നിർവികാരതയാണ് അവളുടെ മനസ്സിൽ നിറഞ്ഞത്.

ഭക്ഷണം മേശപ്പുറത് എടുത്ത് വച്ച് അവൾ റൂമിൽ പോയി കിടന്നു. കൈവിട്ട കളിയാണ് ഏട്ടൻ കളിക്കുന്നത്. ഇനി അറിഞ്ഞു കൊണ്ട് കളിക്കുന്നതാണോ എന്നും ഒരു വേള അവൾ ചിന്തിച്ചു. ഏട്ടന്റെ തന്നിഷ്ട പ്രകാരം ജീവിക്കാൻ കുടുംബത്തെ മറന്നു കൊണ്ട്..

പ്രസാദിനെയോർത്ത് അശ്വതിക്കൊരെത്തും പിടിയും കിട്ടിയില്ല..

മോളുടെ കാര്യം അന്വേഷിച്ചതെയില്ല.. അല്ലെങ്കിലും കുടിച്ച് ബോധമില്ലാതാവുമ്പോൾ എന്ത് ഭാര്യ..എന്ത് മക്കൾ..!

പക്ഷെ ഇങ്ങനെ പോയാൽ ജീവിതം എവിടെയെത്തും..??

മനസ്സിൽ ആകുലതകൾ നിറയുന്നെങ്കിലും പ്രസാദ് കുടിച്ചു വന്നതിൽ ആദ്യമായാണ് അവൾക്ക് സങ്കടം വരാതിരുന്നത്. ഇനിയുള്ള നാളുകളിൽ എന്താണ് വരാനിരിക്കുന്നതെന്ന് പേടിയോടെ ഓർത്തുപോയി.

ഉറക്കം കിട്ടാതെ പാതിരാത്രി റൂമിനു വെളിയിലേക്ക് ഇറങ്ങി വന്നപ്പോൾ പ്രസാദ് അവിടെ തറയിൽ തന്നെ കിടന്നുറങ്ങുന്നത് കണ്ടു.

ഭർത്താവുണ്ടായിട്ടും ഒറ്റക്കാവേണ്ടി വരുന്ന ഭാര്യയുടെ അവസ്ഥ അവൾക്ക് സഹിക്കാൻ കഴിഞ്ഞില്ല. പ്രണയ നാളുകളെ കുറിച്ചോർക്കുമ്പോൾ തന്നെ അത്രയേറെ സ്നേഹിച്ച പ്രസാദേട്ടനാണോ ഇങ്ങനെ ഉത്തരവാദിത്വമില്ലാതെ കുടിച്ച് വന്ന് ബോധമില്ലാതെ ഉറങ്ങുന്നത്. ഇതായിരുന്നോ പ്രസാദേട്ടനുമായി സ്വപ്നം കണ്ട ജീവിതം..?