ഫോണിൽ സംസാരിച്ചു കൊണ്ട്, കാലിന് മേൽ കാൽ കയറ്റി വച്ച്, ആ വലിയ ഹാളിലെ ഒരു വലിയ കുഷിൻ സോഫയിൽ ഇരിപ്പുണ്ടായിരുന്നു നീന……
ആൾ ആകെ മാറിയ പോലെ തോന്നി ഹരിക്ക്. രാവിലെ സാരിയിൽ, മുടി വട്ടത്തിൽ പിന്നിലേക്ക് ചുരുട്ടി കുത്തി ആയിരുന്നു എങ്കിൽ, ഇപ്പോൾ തന്റെ മുന്നിൽ ഉള്ള നീനയുടെ വേഷം പഞ്ചാബി സ്റ്റൈൽ, ബ്ലാക്ക് കളർ സിൽക്ക് കുർത്ത ആയിരുന്നു, ഒപ്പം മുടി ഇരു സൈഡിലും പിന്നിലേക്കും ആയി ഫ്രീ ആയി ഇട്ടിരുന്നു. അതിന്റെ ഒപ്പം ആണ് മുഖത്തെ ബ്ലാക്ക് കൂളിംഗ് ഗ്ലാസ്, ചുണ്ടിൽ ലൈറ്റ് കളർ റെഡ് ലിപ്സ്റ്റിക്ക്….
ഹരി ഫോണിലെ സംസാരം അവസാനിക്കുന്നതിനായി കാത്ത് നിന്നു.. അവന്റെ മുട്ട് കൂട്ടി ഇടിക്കുന്നുണ്ടായിരുന്നു ആ സമയം…..
കൂളിംഗ് ഗ്ലാസ്, അതുകൊണ്ട് തന്നെ ഹരി മനസ്സിലാക്കിയില്ല നീന അവന്റെ വിറയുന്ന കാലുകൾ മാത്രം അല്ല, അവന്റെ മുഖത്തെ പരിഭ്രമവും, പേടിയും കൂടെ ശരിക്ക് വീക്ഷിക്കുന്നു എന്ന്…..
ഫോൺ ജാസ്മിന് നേരെ നീട്ടി, സ്റ്റൈലിൽ ഗ്ലാസ് ഊരിക്കൊണ്ട് കാല് നേരെ രണ്ടും നിലത്ത് ഉറപ്പിച്ചു കൊണ്ട് നീന എഴുന്നേറ്റു…
” ഗുഡ് മോർണിങ് മാം……….
ജാസ്മിൻ ആ നിമിഷം തന്നെ തല വെട്ടിച്ചു കൊണ്ട് ഹരിയെ നോക്കി… നീന മുഖം കൂർപ്പിച്ചു കൊണ്ട് ഹരിയുടെ മുഖത്തേക്കും നോക്കി…
” അല്ല…. ഗുഡ്…. ഗുഡ് ഈവനിംഗ് മാം… സോറി… തുടക്കം തന്നെ പിഴച്ചപ്പോൾ, തന്റെ മുഖത്തെ ജാള്യത അവന് മറച്ചു പിടിക്കാൻ കഴിഞ്ഞില്ല……..
ജാസ്മിനും നീനയും മുഖത്തോട് മുഖം നോക്കിയപ്പോൾ, പോട്ടെ പുല്ല് എന്ന പോലെ ഹരി പറഞ്ഞു : മാം… സത്യം പറയാം.. ഞാൻ മാർക്കറ്റിംഗ് ടീമിന്റെ ഭാഗം ആയി അധികം സമയം ആയിട്ടില്ല… ഞാൻ ഇതിനു മുന്നേ സെയിൽസിൽ ആയിരുന്നു..
അതുകൊണ്ട് തന്നെ.. എനിക്ക് അറിയില്ല മാം, ഇന്ന് മാം കേട്ടതിൽ കൂടുതൽ, അല്ലെങ്കിൽ സൈറാ മാം പറഞ്ഞതിൽ കൂടുതൽ എനിക്ക് എന്താ പറയേണ്ടത്, അല്ലെങ്കിൽ മാമിനെ കൺവിൻസ് ചെയ്യിക്കാൻ ഉള്ള ഐഡിയകളും എന്റെ കയ്യിൽ ഇല്ല…..
നീന ചിരിച്ചോ?.. എയ് ഇല്ലാ…
ഹരി പറയാൻ തുടങ്ങിയതും, നീന പറഞ്ഞു…..
” എനിക്ക് അറിയാം, മിസ്സ് സൈറ പറഞ്ഞതിൽ കൂടുതൽ, താങ്കൾക്ക് പറയാൻ ഇല്ലാ എന്ന്, അല്ലെങ്കിൽ നിങ്ങളുടെ കമ്പനിയിൽ തന്നെ ആർക്കും ഉണ്ടാവില്ല എന്നും…
പിന്നെ, താങ്കൾ പുതുതാണ് എന്നുള്ളത്, അതും എനിക്ക് അറിയാം, താങ്കളുടെ ശൈലിയിൽ നിന്നും ബ്രിഫിങ് സമയത്ത് എനിക്ക് മനസ്സിലായി ..
ബട്ട് സ്റ്റിൽ….. ഐ തിങ്ക്, താങ്കളിൽ നിന്ന് ചില വിവരങ്ങൾ കിട്ടിയാൽ, ചിലപ്പോൾ, ചിലപ്പോൾ മാത്രം, ഒരു മീറ്റിംഗിന് കൂടെ ഞങ്ങൾ, അല്ല ഞാൻ തയ്യാർ ആയേക്കാം….
പിന്നെ, എന്തുകൊണ്ട് മിസ്സ് സൈറക്ക് പകരം താങ്കൾ, അതിന്റെ ഉത്തരം നിങ്ങൾ തന്നെ പറഞ്ഞു.. നിങ്ങൾ പുതിയതാണ്… അതുകൊണ്ട് നുണ പറഞ്ഞു ഫലിപ്പിക്കാനും, പിടിച്ചു നിൽക്കാനും താങ്കൾക്ക് കഴിവ് കുറവായിരിക്കും എന്നാണ് എന്റെ വിശ്വാസം…. മിസ്റ്റർ ഹരി അല്ലെ?..
” ഹരി കൃഷ്ണൻ…….. ഹരി മതി മാം…
” ഓകെ മിസ്റ്റർ ഹരീ… ലെറ്റസ് സ്റ്റാർട്ട് അറ്റ് സം പ്ലേസ് കംഫർടബിൾ….
നിക്കേണ്ടി ഒന്നും വന്നില്ല അവന്… ഇരുന്ന് കൊണ്ട് ലാപ് തുറന്ന്, അവൻ കാര്യങ്ങൾ വിശദീകരിക്കാൻ തുടങ്ങി…
വളഞ്ഞു പുളഞ് അല്ലാതെ, അവൻ അത്രയും സിംപിൾ ആയി, അല്ലെങ്കിൽ അവന്റെ അറിവിൽ നിന്ന് കൊണ്ട് മാത്രം, കാര്യങ്ങൾ സംസാരിച്ചു തുടങ്ങി…. അറിയാത്തത് ” സോറി മാം, ഐ ആം നോട്ട് ഷുവർ ” എന്ന് തുറന്നു പറഞ്ഞു കൊണ്ട് മുന്നോട്ട് പോയി….
നീനയിൽ നിന്നും ഒരുപാട് ചോദ്യങ്ങൾ ഇടയിൽ വന്ന് കൊണ്ടിരുന്നു. ചോദ്യങ്ങൾ സെയിൽസിൽ വരെ എത്തി… പക്ഷെ അത് ഹരിക്ക് പുത്തിരി ആയിരുന്ന കാര്യം ആയത് കൊണ്ട് തന്നെ, സുഖമായി മറുപടി പറഞ്ഞു . മറ്റു കമ്പനികളുമായി താരതമ്യം ചെയ്ത് വരെ അവൻ, വ്യക്തമായി കാര്യങ്ങൾ പറഞ്ഞു.
” ഓകെ… ഓകെ… ഓകെ… സോ…..
നീന ഹരിയുടെ ബ്രിഫിന്റെ അവസാനം തള്ള വിരലിന്റെ ഉൾ ഭാഗം കടിച്ചു കൊണ്ട് ചിന്തയിലേക്ക് കടന്നു…..