“എന്നിട്ട്… ഹരി ചോദിച്ചു..
” എന്നിട്ട് എന്താ…. എനിക്ക് കിട്ടണ പൈസ ഞാൻ കളഞ്ഞു കുളിച്ചു പറഞ്ഞാൽ മതിയല്ലോ… അവൻ അത് അപ്പുറത്ത് ഫാത്തിക്ക് കൊണ്ട് കൊടുക്കാൻ തുടങ്ങി……. ഞാൻ പൊട്ടി ആയി അത്ര തന്നെ…..
സംഭവം കഥന കഥ ആണെങ്കിലും, ആയി പറഞ്ഞ രീതി, ഹരി ചിരിക്കാൻ തുടങ്ങി, ഒരുപക്ഷെ തലക്ക് പിടിച്ചു തുടങ്ങിയത് കൊണ്ട് കൂടെ ആവാം.. അവൻ ഉള്ള് തുറന്ന് ചിരിച്ചപ്പോൾ ആയിയും കൂടെ കൂടി. അവർ മാത്രം അല്ല, സൈറയും ജെനിയും കൂടെ ചിരിച്ചു….
ചിരിക്ക് ശേഷം ആയി പറഞ്ഞു : അപ്പോഴേ, കാര്യം ആമി പറഞ്ഞറിഞ്ഞു…. സംഭവം ഇത്രയേ ഉളളൂ ഹരീ… പ്രായത്തിൽ ഒരു കാര്യവും ഇല്ല ഹരീ, മനസ്സ് അല്ലെങ്കിൽ ശരീരം എന്ത് പറയുന്നു അത്ര മാത്രം..
എന്തായാലും സംസാരം നിന്നതും ഹരിയുടെ മുഖം വീണ്ടും മ്ലാനം ആവാൻ തുടങ്ങുന്നത് ശ്രദ്ധയിൽപ്പെട്ട ആയി, അവന്റെ കവിളിൽ മുത്തം നൽകി പറഞ്ഞു ” ഹരീ… വാ.. ഒരു കാര്യം കാണിച്ചു തരാം…. ആയി ഇത്ര മാത്രം പറഞ്ഞു കൊണ്ട് സൈറയോട് … ആയി സൈറയോട് ചോദിച്ചു : ചാവി അവിടെ തന്നെ ഇല്ലേ?…
” ആയീ… അത്… ഇപ്പോൾ തന്നെ… സൈറ സംശയത്തോടെ ചോദിച്ചു…
” വേണം ആമീ…… സൈറയെ മറി കടന്നു കൊണ്ട് ആയി നടന്നു..
ഹരി സൈറയെ സംശയത്തോടെ നോക്കിയപ്പോൾ, സൈറാ പറഞ്ഞു : പോയിട്ട് വാ…..
മെയിൻ ഡോർ തുറന്ന് പുറത്തെ കോറിഡോറിൽ എത്തി ആയി നീങ്ങിയത്, സൈറയുടെ ഫ്ലാറ്റിന്റെ നേർ മുന്നിൽ ആയി അടഞ്ഞു കിടക്കുന്ന, ഹരി ഒരിക്കൽ ചോദിച്ചപ്പോൾ, ഉടമസ്ഥർ നാട്ടിൽ ഇല്ല എന്ന് സൈറ പറഞ്ഞ, ഫ്ലാറ്റിന്റെ ഡോറിലേക്ക് ആണ്…….
കയ്യിൽ ഉണ്ടായിരുന്ന ചാവി ഉപയോഗിച്ച് കൊണ്ട് ആയി ആ ഫ്ലാറ്റിന്റെ വാതിൽ തുറന്നു……..
ആയിക്ക് പിന്നാലെ അകത്തേക്ക് കയറിയ ഹരി അന്തം വിട്ടു……
ഏകദേശം സൈറയുടെ ഫ്ലാറ്റ് പോലെ തന്നെ, മനോഹരമായി അലങ്കരിച്ച ആ ഫ്ലാറ്റിന്റെ ഹാളിലെ ചുവരിൽ ഉള്ള വലിയ ചിത്രങ്ങൾ…….
ആ ചിത്രങ്ങളിൽ ഉണ്ടായിരുന്നത് മാറ്റാരുമല്ല, താനും രേവതിയും, ആദിയും അടങ്ങിയ ചിത്രങ്ങൾ, അതിന് പുറമെ കുടുംബവുമായി എടുത്ത ചിത്രങ്ങൾ, രേവതി ഡാൻസ് കോസ്റ്റുമിൽ സ്റ്റെപ് ഇട്ട് നിൽക്കുന്ന ചിത്രങ്ങൾ, ഹാളിന്റെ മൂലയിൽ കുട്ടികൾക്കായി ഒരുക്കിയ പ്ലേ ഹൌസ്..
ഹരി നിന്നിടത്തു നിന്ന് വട്ടം തിരിഞ്ഞ് ആ കാഴ്ചകൾ കണ്ണിമ വെട്ടാതെ കണ്ടു കൊണ്ടിരുന്നു……
” അതേ ഹരീ…. എന്റെ ആമി നിങ്ങൾക്കായി ഒരുക്കി വച്ച ഫ്ലാറ്റ് ആണ് ഇത്… അവൾ വരുന്ന ദിവസം നിങ്ങൾക്ക് സർപ്രൈസ് ആക്കി കാണിക്കാൻ വച്ചത്…. ആയി പറഞ്ഞു..
ഹരിയെ അവിടെ നിർത്തി, സുരഭി തിരികെ സൈറയുടെ ഫ്ലാറ്റിലേക്ക് നടന്നു……
സീറ്റിൽ വന്നിരുന്ന്, തന്റെ ഒഴിച്ച ഗ്ലാസ് കളിയാക്കി സുരഭി പറഞ്ഞു : ആമീ എനിക്കറിയാം… ഞാൻ ഇപ്പോൾ നശിപ്പിച്ചത്, നിനക്ക് കിട്ടാൻ പോകുന്ന ത്രിൽ അല്ലെങ്കിൽ ലഹരി ആണ് അല്ലെ…?………. ആയി ഗ്ലാസ് എടുത്ത് കാലി ആക്കി ചോദിച്ചു…
സൈറ ആയിയെ നോക്കി എങ്കിലും ഒന്നും പറഞ്ഞില്ല…
” അവന്റെ ആദ്യത്തെ പ്രശ്നം, പ്രായം, അത് തീർന്നു…. ഇനി ഉള്ളത്….. അതിന് ഇതല്ലാതെ വേറെ വഴി ഇല്ലാ ആമീ…. രേവതിയും ആദിയുമായി ഉള്ള നല്ല നിമിഷങ്ങൾ അവൻ സ്വപ്നം കാണട്ടെ ആ ഫ്ലാറ്റിൽ… അതല്ലാതെ മറ്റൊന്നിനും ഈ സമയം അവന്റെ മനസ്സിനെ ശരിയാക്കാൻ കഴിയില്ല…. എനിക്ക് ഉറപ്പാണ്…….
സൈറ ഒന്ന് മൂളുക മാത്രം ചെയ്തു…
സുരഭി ഉടനെ ഹരി ഒഴിച്ച് വച്ച അവന്റെ ഗ്ലാസ് എടുത്ത് നടന്നു…………..
ആയി പോയതും, സൈറ ജെനിയെ നോക്കി…..” ജെനി…. നീ ഒരിക്കൽ ചോദിച്ചില്ലേ?.. വാട്ട് എബൌട്ട് ഹിം? അവനെന്താ സ്പെഷ്യൽ എന്ന്….. ഉത്തരം കിട്ടിയോ…….
“മ്മ്മ്മ്മ്മ്മ്……….
……………………………………………………………
വളരെ നേരത്തിനു ശേഷം…….
ജെനി മിഴിച്ചു കൊണ്ട് സൈറയെ നോക്കിയപ്പോൾ, സൈറയും അതേ പോലെ ജെനിയെ നോക്കി……. രണ്ടു പേർക്കും ഒന്നും പറയാൻ ഉണ്ടായിരുന്നില്ല….
കാരണം, 54 വയസ്സ് ഉള്ള ” നീന ഗുപ്ത” യെ സകലമാന സോഷ്യൽ മീഡിയ പ്ലാറ്റ്ഫോമുകളിലും തിരഞ് അവർ കണ്ടു പിടിച്ചത് ആയിരുന്നു കാരണം…