” അല്ല ചേട്ടൻ എന്തെങ്കിലും കണ്മുന്നിൽ കാണാതെ ഇതൊന്നും ചെയ്യില്ല എന്ന് എനിക്ക് അറിയാം..!! മാത്രമല്ല അവരെ അറിഞ്ഞു കൊണ്ട് അവോയ്ഡ് ചെയ്യുന്നതുപോലെയും എനിക്ക് തോന്നുന്നു ”
ഭഗത്ത് സംസാരിക്കുണ്ട് എങ്കിലും ശിവ അവന്റെ ചോദ്യത്തിനു മറുപടി ഒന്നും മിണ്ടിയില്ല.
രണ്ടുപേരും കന്നടയിൽ സംസാരിക്കുന്നതു കൊണ്ടുതന്നെ മോനികക്ക് അവർ പറയുന്നത് ഒന്നും മനസ്സിലാകുന്നില്ലായിരുന്നു..
എന്തെങ്കിലും പ്രൈവറ്റ് കാര്യമാണെന്ന് തോന്നിയത് കൊണ്ട് തന്നെ അവൾ അതിലേക്ക് തല ഇടാനും പോയില്ല..
ഓടി കൊണ്ടിരിക്കുന്ന കാറിന്റെ ഗ്ലാസ് താഴ്ത്തി ശിവ പുറത്തേക്കു നോക്കിക്കൊണ്ടിരുന്നു
” എനിക്ക് അവളെ ഒരുപാട് ഇഷ്ടമാണ് ഭഗത്ത്..!! ”
” പിന്നെ എന്തിനാ ചേട്ടാ..?? ”
” കാമം പ്രണയത്തിനു വഴിമാറി..!! ഭഗത്ത് ഇനി അവളെ നേടുമ്പോൾ അതൊരു രാത്രിക്ക് മാത്രമായി എനിക്ക് വേണ്ട.. പകരം എന്റെ സ്വന്തമാകണം അതിനുവേണ്ടിയാണ് ഈ കളിയെല്ലാം..”
ശിവ ഒന്ന് നിർത്തി പിന്നെയും തുടർന്നു..
” ഒരിക്കൽ എന്റെ കയ്യിലേക്ക് വന്നു കയറിയതാണ് സ്റ്റെല്ല .. അന്ന് ഞാൻ അവളെ നേടി എന്ന് അഹങ്കരിച്ചു..!! പക്ഷേ അതൊരു രാത്രിയിലേക്ക് മാത്രം നീണ്ടുനിന്ന വെറുമൊരു ഇൻഫാക്ച്വഷൻ ആയിരുന്നു..”
” ആൾ പിന്നെ പഴയ കോൺടാക്ട് വച്ചില്ലേ..?? ”
ഭഗത്ത് അവന്റെ സംശയം മറച്ചു വച്ചില്ല.
” കോൺടാക്ട് ഉണ്ട് ലൈക്ക് എ ഫ്രണ്ട്.. അതുകൊണ്ട് കാര്യമില്ല..!! പെണ്ണ് ഒരു സ്വർണ്ണ മത്സ്യമാണ് അവളെ നേടണമെങ്കിൽ എനിക്ക് കുറച്ചു വളഞ്ഞ വഴിയിൽ കൂടി പോയേ പറ്റൂ…”
” ചേട്ടൻ പറഞ്ഞതെല്ലാം എനിക്ക് മനസ്സിലാവുന്നുണ്ട്.. ”
ശിവയുടെ എല്ലാ കാര്യങ്ങൾക്കും സപ്പോർട്ട് ചെയ്തതുപോലെ ഭഗത് ഇതിനും സപ്പോർട്ട് ചെയ്യുന്നുണ്ടായിരുന്നു.
” ഒരിക്കൽ ഞാൻ അവളെ നേടിയിട്ടും എന്റെ കൈവിട്ടു പോകാൻ കാരണം എന്താണെന്ന് നിനക്കറിയാമോ..?? ”
” ഇല്ല.. എന്താ..?? ”
” ഞാൻ കണ്ടിടത്തോളം സ്റ്റെല്ല ഒരു ട്രഡീഷണൽ ആയ പെണ്ണാണ്.. അലിഖിത സാമൂഹ്യ നിയമങ്ങളിലും കുടുംബ ബന്ധങ്ങളിലും അവൾ അടിയുറച്ചു വിശ്വസിക്കുന്നു…!!
മാത്രമല്ല അറിഞ്ഞടത്തോളം അവൾ റിലീജിയസ് ആയ ദൈവ വിശ്വാസത്തിൽ ഊന്നി ജീവിക്കുന്ന ആൾ കൂടി ആണ് ..
അത് കൊണ്ട് തന്നെ എന്നോടുള്ള ഇഷ്ടത്തേക്കാൾ ഉപരി തെറ്റ് ചെയ്യുന്നു എന്ന ചിന്തയും താലികെട്ടിയ ഭർത്താവിനെ ചതിക്കുന്നു എന്ന കുറ്റബോധവും ആണ് അവളെ എന്നിൽ നിന്നും അകറ്റാൻ കാരണം ”
ശിവ ഒന്നു നിർത്തി പിന്നെ ദീർഘശ്വാസം എടുത്തു വിട്ടു.
” വീണ്ടും ഒരിക്കൽ കൂടി ഞാൻ അവളെ നേടുമ്പോൾ പെണ്ണിന്റെ ഉള്ളിലെ കുറ്റബോധത്തെയും സദാചാര ചിന്തകളെയും മറികടക്കാൻ പാകത്തിന് എന്നോടുള്ള സ്നേഹം അതി ശക്തമായിരിക്കണം..!! അതിനെ എനിക്ക് അവളെ കുറിച്ച് കരയിച്ചെ പറ്റൂ ”
” അപ്പോൾ ഇപ്പോഴും ഇഷ്ട കുറവ് ഒന്നുമില്ലല്ലെ..?? ”
ചെറിയ ചിരിയോടെ ആണ് ഭഗത്ത് അത് ചോദിച്ചത്.
” ഭഗത്ത് ഈ ലോകത്തിൽ രണ്ടുതരം ആളുകളാണ് ഉള്ളത് ഒന്ന് പ്രിയപ്പെട്ടവരിൽ നിന്നും അവഗണന നേരിട്ടാൽ ഈഗോ വർക്കൗട്ട് ചെയ്ത് സ്വന്തം കാര്യം നോക്കി പോകുന്നവർ.. മുകളിൽ ആകാശം താഴെ ഭൂമി എന്ന് കരുതി ജീവിക്കുന്ന ഈ കൂട്ടരേ പെട്ടെന്ന് തളർത്താൻ കഴിയില്ല കാരണം അവർ ഇമോഷണലി അവൈലബിൾ ആയിരിക്കില്ല.. ”
ശിവ ഒന്ന് നിർത്തി പിന്നെയും തുടർന്നു..
” രണ്ടാമത്തെ ടൈപ്പ് കൂട്ടരാണ് എപ്പോഴും ഇരകൾ ആവുന്നത്..! എന്തുകൊണ്ട് അവോയ്ഡ് ചെയ്യപ്പെടുന്നു എന്നതിനെ ഓർത്ത് ഒബ്സസ്ഡ് ആകുന്നവർ.. തങ്ങളുടെ ഭാഗത്തുനിന്നുള്ള എന്തെങ്കിലും മിസ്റ്റെക്ക് കൊണ്ടാണെന്നോ അല്ലെങ്കിൽ അണ്ടർവാല്യു ചെയ്യപ്പെട്ടെന്നു കരുതിയൊ
ഇവർ ഇമോഷനലി റിയാക്ട് ചെയ്യാൻ തുടങും അവിടെയാണ് നമ്മുടെ ലൂപ്പ് ഹോൾ.. !! ഇപ്പോൾ നിനക്ക് കാര്യം മനസ്സിലായോ.?? ”
ശിവ പറഞ്ഞു അവസാനിപ്പിച്ച് കൈ കൊണ്ട് ഭഗത്തിന്റെ തലക്ക് തമാശ രീതിയിൽ തട്ടി.
” ഓഹ്.. ”
ഭഗത്തിന്റെ ശബ്ദം കേട്ടതും പെട്ടെന്ന് കാര്യം മനസിലാകാതെ മോനിക്ക രണ്ട് പേരെയും മാറി മാറി നോക്കി.
polichu e part adipoli