” സജിൻ വന്ന് വാങ്ങിക്കോളും ”
അവൻ നീട്ടി പിടിച്ച പൊതി വാങ്ങുന്നതിന് മുമ്പായി സ്റ്റെല്ല അവനെ ഒന്ന് നിരീക്ഷിച്ചു കുറച്ച് മെലിഞ്ഞിരിക്കുന്ന ഒരു പയ്യൻ…
പ്രേത്യേകിച്ച് അസ്വാഭാവികത ഒന്നും തോന്നുന്നില്ല എങ്കിലും അവൻറെ മുഖത്തായി കനത്തിലുള്ള അടി കിട്ടിയ പാട് അവൾ ശ്രദ്ധിച്ചു..
” നിൻറെ മുഖത്ത് എന്നാ പറ്റിയതാ..?? ”
” ഒന്നും പറയേണ്ട ചേച്ചീ ഇവിടെയുള്ള കന്നടികകൾക്കൊക്കെ ഭ്രാന്തല്ലേ നമ്മുടെ കേരള വണ്ടി കണ്ടാൽ പിന്നെ.. ഇവന്മാർക്ക് ഓരോ തോന്ന്യാസം..!! രണ്ടൂസം മുന്നേ അങ്ങനെ അങ്ങോട്ടുമിങ്ങോട്ടും ചെറിയ വർത്താനം ഉണ്ടായത് ആണ്… ആ അത് വിട് ഇത് ചേച്ചിക്ക് ബുദ്ധിമുട്ടാണെങ്കിൽ കുഴപ്പമില്ല ഞാൻ ആൽബിൻ ചേട്ടായിനെ വിളിച്ചു
പറഞ്ഞേക്കാം ”
” ഏയ് ബുദ്ധിമുട്ടൊന്നുമില്ല നിൻറെ പേര് എന്താണെന്നാ പറഞ്ഞെ ?? ”
” എൻറെ പേര് ജിതിൻ ഇവിടെ തന്നെ ഡബ്ലിയു എം എക്സിൽ ആണ് വർക്ക് ചെയ്യുന്നത് ഇപ്പോൾ ഡിസൈനറാണ് രണ്ടുമാസമായിട്ടേയുള്ളൂ ജോയിൻ ചെയ്തിട്ട്..”
വളരെ പ്രൊഫഷണൽ ആയിട്ടുള്ള അവന്റെ പെരുമാറ്റവും സംസാരവും അവൻ അവിടെ തന്നെ വർക്ക് ചെയ്യുന്ന ഒരു പയ്യനാണെന്ന് സ്റ്റെല്ലക്ക് വിശ്വാസം ഉണ്ടാക്കി.
പെട്ടെന്ന് അവൻറെ ഫോൺ റിങ് ചെയ്തതും അവൻ അതെടുത്ത് ചെവിയോട് ചേർത്തു.. . ” ആ ഇല്ല ഞാൻ വരുവാണ് ഞാൻ അറിയുന്ന ഒരു ചേട്ടന്റെ വൈഫിനെ കണ്ടു അപ്പോൾ ജസ്റ്റ് ഒന്ന് സംസാരിച്ചതാ ”
അവൻ അതും പറഞ്ഞ് ഫോൺ പോക്കറ്റിലേക്ക് ഇട്ടു..
പയ്യൻ പോകാൻ തിരക്ക് കൂട്ടിയതും സ്റ്റെല്ല അവൻറെ കയ്യിൽ നിന്നും ആ പൊതി വാങ്ങി തന്റെ ബാഗിലേക്ക് ഇട്ടു.
” അപ്പോൾ ശരി ചേച്ചി കാണാം കേട്ടോ ” അതും പറഞ്ഞ് അവൻ കമ്പനിയിലേക്ക് വേഗത്തിൽ ഓടുന്നത് അവൾ കണ്ടു.
‘ അറിയുന്ന ആരെങ്കിലും ആയിരിക്കും അല്ലാതെ എന്നോട് വന്ന് സംസാരിക്കേണ്ട കാര്യമില്ലല്ലോ ‘
അവൾ അവിടെ നിന്നും സ്കൂട്ടിയെടുത്ത് അപ്പാർട്ട്മെൻറ് ലക്ഷ്യമാക്കി നിരത്തിലേക്ക് ഇറക്കി
തിരക്കൊന്നു കുറഞ്ഞതും അപ്പാർട്ട്മെൻറ് ലക്ഷ്യമാക്കി വണ്ടി തെരുവിലൂടെ ഓടിക്കൊണ്ടിരുന്നു..
ഏകദേശം മെയിൻ ഹൈവേയിൽ നിന്നും തങ്ങളുടെ അപ്പാർട്ട്മെന്റിലേക്കുള്ള സർവീസ് റോഡിന് അടുത്ത് എത്തിയതും റോഡ് സൈഡിൽ പതിവില്ലാത്ത ചെക്കിങ്ങ് അവൾ ശ്രദ്ധിച്ചു.
കാര്യം തൻറെ വണ്ടിയുടെ ബുക്കും പേപ്പറും എല്ലാം കറക്റ്റ് ആണെങ്കിലും ലൈസൻസ് ഉണ്ടെങ്കിലും ഇപ്പോഴും പോലീസിനെ കാണുമ്പോൾ ചെറിയൊരു ടെൻഷനാണ്..
അവൾ അടുത്തേക്ക് എത്തിയതും പ്രതീക്ഷിച്ചത് പോലെ തന്നെ അവർ വണ്ടിക്ക് കൈ നീട്ടി..
വണ്ടി സ്റ്റാന്റിൽ ചാരി വെച്ചതും ലൈസൻസും വണ്ടിയുടെ ആർ സിയും അവർ ചോദിച്ചു.. ഹെൽമറ്റ് അഴിക്കാതെ തന്നെ പേഴ്സിൽ നിന്നും തന്റെ ലൈസൻസും അതിനൊപ്പം ഫോണിൽ ഡോക്യുമെൻറായി സൂക്ഷിച്ചിരുന്ന വണ്ടിയുടെ ആർ സി യും അവൾ കാണിച്ചു കൊടുത്തു.
” ഞങ്ങൾക്ക് വണ്ടിയുടെ ഡിക്കിയും ബാഗും ഒന്ന് ചെക്ക് ചെയ്യണം..”
” അതെന്തിനാണ് സാർ..?? ”
” ഒന്നുമില്ല ഇവിടെ കുറച്ച് ലഹരി ഉപയോഗം ഉള്ളതായി സൂചന കിട്ടിയിട്ടുണ്ട് ഒരു പ്രൊസീജിയർ മാത്രമാണ് ”
അതും പറഞ്ഞ് ഒരു കോൺസ്റ്റബിൾ വണ്ടിയുടെ ഡിക്കി തുറക്കാൻ ആവശ്യപ്പെട്ടു.
ഡിക്കി തുറന്നതും അതിൽ പ്രത്യേകിച്ച് ഒന്നും തന്നെ ഉണ്ടായിരുന്നില്ല..
ചെക്കിംഗ് കഴിഞ്ഞ് അവൾ പോകാൻ തുടങ്ങുന്നതിനു മുന്നായി വയസ്സൻ ആയ ഒരു പോലീസുകാരൻ അവളുടെ അടുത്തേക്ക് വന്നു.
” ജസ്റ്റ് ആ ബാഗ് കൂടി ഒന്ന് കാണിച്ചേക്ക്..?? ” അവൾ ബാഗ് തുറന്നതും പോലീസുകാരന്റെ നോട്ടം പയ്യൻ നൽകിയിരുന്ന പൊതിയിലെക്ക് ഉടക്കി..!!
ബാഗിലേക്ക് കൈ കടത്തി അയാൾ ചെറിയ സംശയത്തോടെ പൊതി പുറത്തേക്കെടുത്തു.
” ഇതെന്താണ്..?? ”
” അത് എൻറെ ഭർത്താവിനു ആളുടെ ഒരു സുഹൃത്ത് നൽകിയതാണ് “”
” ഞാനിതൊന്ന് പൊട്ടിച്ചു നോക്കിക്കോട്ടെ..?? ” ചോദ്യം കഴിയുന്നതിനു മുന്നേ അയാൾ അത് പൊട്ടിച്ചു നോക്കിയിരുന്നു.
ടൈറ്റ് ആയ കവർ പോലീസുകാരൻ പൊട്ടിച്ചതും ഒരു പ്ലാസ്റ്റിക് കവറിൽ ഇട്ട് വച്ചിരുന്ന അഞ്ച് പാക്കുകൾ കണ്ട് അവൾ ഞെട്ടി തരിച്ചു..!!
polichu e part adipoli