കണ്ണുകൾ തമ്മിൽ ഉടക്കിയതും പതിവ് പോലെ നെഞ്ചിടിപ്പ് കൂടുന്നതും ശരീരം പ്രതികരിക്കുന്നതും അവൾ തിരിച്ച് അറിഞ്ഞു..
ഒരു കൈ കൊണ്ട് മുടി ഇഴകളെ തഴുകി ചെവിക്ക് പുറകിലേക്ക് ഒതുക്കി വച്ചു ഇടം കണ്ണിട്ട് അവൾ അവനെ നോക്കി..!!
സ്റ്റെല്ലയെ കണ്ടു എങ്കിലും ശിവ അവളുടെ അടുത്തേക്ക് വരികയോ സംസാരിക്കാൻ ശ്രമിക്കുകയോ ചെയ്തില്ല…
സ്കൂൾ കാലഘട്ടത്തിൽ പരസ്പരം കാണുന്ന കമിതാക്കളെ പോലെ അവർ ഇടയ്ക്കിടയ്ക്ക് പരസ്പരം നോട്ടങ്ങൾ നൽകി…!!
” ഹലോ സ്റ്റെല്ലാ.. കഴിഞ്ഞോ..?? ” പരിചിതമായ ഒരു ശബ്ദം കേട്ടതും അവൾ ഞെട്ടലോടെ ആളെ ശ്രെദ്ധിച്ചു.
” ആ സ്വാമി ഞാൻ ഓൾമോസ്റ്റ് കഴിഞ്ഞു ”
” ഒക്കേ ഞാൻ ഒറ്റക്ക് കഴിച്ചോളാം..!! പിന്നെ ഈ വ്യാഴാഴ്ച അല്ലെ താൻ ഓഫ് പറഞ്ഞിരിക്കുന്നത് ?? ”
സ്വാമി അടുത്തേക്ക് വന്നു അവളുടെ ഓപ്പോസിറ്റ് ആയിരുന്നതും ആ ചോദ്യത്തിനും കൂടി അവൾ ഉത്തരം പറയേണ്ടി വന്നു.
” ആ സ്വാമി നാളെ ഞാൻ ഉണ്ടാവും വ്യാഴാഴ്ച ഞാൻ ഓഫ് ആയിരിക്കും ”
” അതു കുഴപ്പമില്ല.. പിന്നെ എന്താ പെട്ടെന്ന് ഒരു ലീവ് ? എന്തെങ്കിലും എമർജൻസി ആണോ ? ”
സ്വാമി തന്റെ ടിഫിൻ ബോക്സ് തുറക്കുന്നതിനടയിൽ അവളോട് കുശലം ചോദിച്ചു.
” എയ്,. പ്രശ്നം ഒന്നുമില്ല സ്വാമി..!! എൻറെ ബർത്ത് ഡേ ആണ് അപ്പോ ഫാമിലിയായിട്ട് ടൈം സ്പെൻഡ് ചെയ്യാം എന്ന് കരുതി ” അവൾ തന്റെ സ്വാഭാവികമായ പുഞ്ചിരിയോടെയാണ് മറുപടി നൽകിയത്.
” ഓ..!! ഐ വിഷ് എ വെരി വെരി ഹാപ്പി ബര്ത്ഡേ ടൂ യൂ ”
അയാൾ തൻറെ ഇടം കൈ കൊണ്ട് അവൾക്ക് ഷേക്ക് ഹാണ്ട് നൽകി.
കുറച്ചു സമയം കൂടി ഓഫീസിൽ തന്നെയുള്ള മറ്റു കാര്യങ്ങളെപ്പറ്റി സംസാരിച്ചു.
ചെറിയൊരു സമയത്തിന്റെ ഇടവേള കഴിഞ്ഞ് അവള് ശിവ ഇരിക്കുന്നിടത്തേക്ക് ഇടം കണ്ണിട്ട് നോക്കിയെങ്കിലും അവൻ അവിടെ ഉണ്ടായിരുന്നില്ല…
അവൾ ചുറ്റുപാടും തന്റെ കണ്ണുകൾ ഓടിച്ചു നോക്കി എങ്കിലും അവിടെ എവിടെയും തന്നെ ശിവ ഉണ്ടായിരുന്നില്ല…!!
” സ്വാമി ഞാൻ എഴുന്നേൽക്കട്ടെ..?? ”
” യാ ഷുവർ ”
സ്റ്റെല്ലാ തന്റെ ഭക്ഷണം കഴിച്ച് പൂർത്തിയാക്കി സ്വാമിയോട് പറഞ്ഞ് എഴുന്നേറ്റു.
സമയം മുന്നോട്ട് ഓടി കൊണ്ടിരുന്നു.. ജനറൽ ഷിഫ്റ്റിന്റെ എൻഡ് ടൈം ആയത് കൊണ്ട് തന്നെ ഏകദേശം 5 മണിയോടെ അവൾ ലോഗ് ഔട്ട് ചെയ്തിരുന്നു..
എല്ലാവരെയും പോലെ ബാഗും ലാപ്ടോപ്പും എടുത്ത് അവളും താഴേക്ക് ഇറങ്ങി…!!
ആൽബിയോട് ഇറങ്ങി എന്ന മെസ്സേജ് അയച്ചിട്ട്, ജസ്റ്റ് ഒന്ന് വാഷ് റൂമിൽ പോയി വേഗം തന്നെ ഇറങ്ങി അവൾ തൻറെ സ്കൂട്ടിക്ക് ലക്ഷ്യമാക്കി നടന്നു.
സൈഡ് സ്റ്റാന്റിൽ നിന്നും സ്കൂട്ടിയിറക്കി അതിലേക്ക് കയറി ഇരുന്നതും വണ്ടിയുടെ മിററിൽ കൂടി തന്റെ തൊട്ട് പുറകിൽ നിൽക്കുന്ന ഒരു പയ്യനെ അവൾ ശ്രെദ്ധിച്ചു..!!
” ഹലോ സ്റ്റെല്ല ചേച്ചിയല്ലേ..?? ” അപരിചിതമായ ശബ്ദം കേട്ട് അവൾ തിരിഞ്ഞു നോക്കിയതും അവൻ അടുത്തേക്ക് വന്നു.
ഷർട്ട് ഇൻസൈഡ് ചെയ്തു പ്രൊഫഷണൽ ലുക്കിൽ ഒരു പയ്യൻ..
” എനിക്ക് മനസ്സിലായില്ല..?? ”
അവൾ സംശയത്തോടെ അവനെ നോക്കി.
” ചേച്ചി എൻറെ പേര് ജിതിൻ ഞാൻ ചേച്ചിയുടെ കസിൻ സജിന്റെ ഫ്രണ്ട് ആണ് ഞാൻ ഒരിക്കൽ സജിന്റെ കൂടെ അപ്പാർട്ട്മെന്റിലേക്ക് വന്നിട്ടുണ്ടായിരുന്നു..!! അപ്പോൾ ചേച്ചി അവിടെ ഇല്ലായിരുന്നു ആൽബിൻ ചേട്ടായി മാത്രമേ ഉണ്ടായിരുന്നുള്ളു ”
ആൽബിയുടെ പേര് പറഞ്ഞതും അവൾക്ക് ചെറിയ ആശ്വാസം തോന്നി.. അപ്പോൾ ഏതോ വകയിൽ തന്നെ അറിയുന്ന പയ്യനാണ്.
” ചേച്ചി ഞാൻ ഇതേ പാർക്കിൽ ഒരു കമ്പനിയിലാണ് വർക്ക് ചെയ്യുന്നത്..!! ആൽബിൻ ചേട്ടായി വിളിച്ചിട്ട് ഫോൺ എടുക്കുന്നില്ല ചേച്ചി എനിക്കൊരു ഹെൽപ്പ് ചെയ്യാമോ ?? ”
” എന്താണ് ഹെൽപ്പ് ?? ”
” സജിൻ എന്നോട് ഒരു സാധനം ചോദിച്ചിട്ട് ഉണ്ടായിരുന്നു..!! അവൻ ആണേൽ നാട്ടിലും, പിന്നെ അവൻ വരുമ്പോഴേക്ക് ഞാൻ നാട്ടിൽ പോകുന്നത് കൊണ്ട് ആൽബിൻ ചേട്ടായിയുടെ കയ്യിൽ കൊടുത്ത് ഏൽപ്പിക്കാനാണ് പറഞ്ഞത്… ചേച്ചി ഇതൊന്ന് ആൽബിൻ ചേട്ടായിക്ക് കൊടുത്തേക്കാവൊ..?? ”
അവൻ തന്റെ കയ്യിൽ നിന്നും ഒരു പൊതി അവൾക്കായി നീട്ടി.
polichu e part adipoli