” ഡി എന്നാ പറ്റിയെ.. ഇന്ന് നടക്കാൻ ഒന്നും പോയില്ലെ..? ”
” ഞാനിന്നൊരു കോപ്പിലേക്കും പോയില്ല എനിക്ക് ഒരു മൂഡ് ഉണ്ടായില്ല..!! ”
അവളുടെ മറുപടി കേട്ടതും ആൽബി ചെറുതായി ചിരിച്ചു.
സ്റ്റെല്ലാ അടുക്കളയിലേക്ക് കയറിയതും അവൻ ഡ്രസ്സ് മാറി നേരെ പുറത്തേക്ക് ഇറങ്ങി തൊട്ടപ്പുറത്തുള്ള ഫ്ലാറ്റിലേക്ക് ചെന്നു.
അവിടെനിന്നും തനിക്ക് എത്തിയ പാഴ്സൽ വാങ്ങി സ്റ്റെല്ല കാണാതെ തന്നെ അകത്തേക്ക് കൊണ്ടു വന്ന് ഭദ്രമായി ഒരു സ്ഥലത്ത് ഒളിപ്പിച്ചു വെക്കുവാനും അവൻ മറന്നില്ല..!!
‘ എപ്പോഴെങ്കിലും അവൾ മാറുമ്പോൾ വേണം അത് പൊട്ടിച്ച് അതിൻറെ കാര്യങ്ങൾ ഒക്കെ ഒന്നു പഠിക്കുവാനും ശ്രദ്ധിക്കുവാനും ‘
ഇപ്പോൾ ഈ സാധനം വാങ്ങിയതിന് അവനു പ്രത്യേകിച്ച് ഉദ്ദേശമൊന്നും ഉണ്ടായിരുന്നില്ല എങ്കിലും കയ്യിൽ ഉണ്ടാകുന്നത് നല്ലതാണ് എന്ന് തോന്നിയിരുന്നു.
തിരികെ വന്നപ്പോഴേക്കും സ്റ്റെല്ല അവനുള്ള ചായ എടുത്തു വച്ചിട്ടുണ്ടായിരുന്നു..
” പുതിയ ഒരുത്തി വന്നു കയറിയിട്ടുണ്ട് അവളുടെ വിചാരം എന്തോ വലിയ സംഭവമാണെന്നാ.. അവളുടെ മുടി അഴിച്ചുള്ള നടപ്പും പെരുമാറ്റൊം എല്ലാം കൂടി ഇപ്പം മല മറിക്കും ”
അവളുടെ സംസാരം കേട്ട് ആൽബിക്ക് ഉള്ളിൽ ചിരി പൊട്ടുന്നുണ്ടായിരുന്നു.
” പെണ്ണെ.. നീ ശിവയോട് ഒന്ന് സംസാരിച്ചു നോക്കൂ ചിലപ്പോൾ വേറെ എന്തെങ്കിലും നിൻറെ ഭാഗത്തു മിസ്റ്റേക്ക് വന്നിട്ടുണ്ടെങ്കിലോ.. ?? ”
” സംസാരിച്ചു..!! അങ്ങനെയൊന്നുമില്ല ആൽബി ഞാനെൻറെ വർക്കിന്റെ കാര്യത്തിൽ പക്കാ ആണ്..അറിയാതെ പോലും മിസ്റ്റെക്ക് വന്നാൽ ഞാൻ അത് ഇരുന്ന് കറക്റ്റ് ചെയ്യും.. അപ്പോഴാ.. ”
അവളുടെ മുഖം ഇപ്പോഴും നിരാശയിൽ ആണ്.
” ശരിക്കും ആലോചിച്ച് നോക്ക് ചിലപ്പോൾ ശിവയ്ക്ക് വേണ്ട എന്തെങ്കിലും നീ ചെയ്ത് കൊടുത്ത് കാണില്ല… അതിപ്പോൾ നീ ശ്രദ്ധിക്കാത്ത എന്തെങ്കിലുമൊരു മൈനൂട്ട് പോയിൻറ് ആവാമല്ലോ..?? ”
ദ്വയാർത്ഥത്തിലാണ് അത് പറഞ്ഞതെങ്കിലും അതിന്റെ ഭാവമൊന്നും മുഖത്ത് വരാതിരിക്കാൻ ആൽബി ശ്രദ്ധിച്ചിട്ടുണ്ടായിരുന്നു.
ഇപ്പോൾ സ്റ്റെല്ലയോട് ഇങ്ങനെ സംസാരിക്കുമ്പോൾ പോലും തനിക്കൊരു തരം ലഹരി വരുന്നത് അവൻ തിരിച്ചറിഞ്ഞിട്ടുണ്ടായിരുന്നു..
” എന്ത്.. കൊടുത്ത് കാണില്ല എന്ന്..?? ”
സ്റ്റെല്ല എന്തോ ആലോചിച്ച് നിന്ന ശേഷം ആൽബിക്ക് മറുപടി കൊടുത്തു.
” എന്തെങ്കിലും ശിവ നിന്നോട് നേരത്തെ ചെയ്യാനോ അല്ലെങ്കിൽ ആവശ്യപ്പെട്ട എന്തെങ്കിലും കാര്യം ”
സ്റ്റെല്ലയുടെ കൂടെയുള്ള ഈ എലിയും പൂച്ചയും കളി ആൽബി മനസ്സിൽ ശരിക്കും ആസ്വദിക്കുന്നുണ്ടായിരുന്നു.
ആൽബി പറഞ്ഞു കഴിഞ്ഞപ്പോൾ സ്റ്റെല്ല എന്തോ ആലോചിച്ചു കൊണ്ടിരിക്കുന്നത് അവൻ കണ്ടു..
തന്റെ മുന്നിൽ കൊണ്ടു വച്ചിരിക്കുന്ന ചായയിലും ബ്രെഡ് ഓം ലൈറ്റിലുമായിരുന്നു ആൽബിയുടെ ശ്രദ്ധ കേന്ദ്രീകരിച്ചത്.
സമയം പിന്നെയും മുന്നോട്ട് ഓടി കൊണ്ടിരുന്നു…അന്ന് രാത്രിയും പതിവുപോലെ കഴിഞ്ഞു പോയി…
പിറ്റേ ദിവസം സ്റ്റെല്ലാ നേരത്തെ തന്നെ എഴുന്നേറ്റിട്ടുണ്ടായിരുന്നു.. എങ്കിലും വീട്ട് കാര്യങ്ങൾ ഒന്നിലും ശ്രെദ്ധ കൊടുക്കാൻ അവൾക്ക് ആയില്ല…
ഇടക്ക് എപ്പോഴൊ മനസിലായി തലേ ദിവസം മുതൽ അനുഭവിക്കുന്ന ശാരീരിക ബുദ്ധിമുട്ട് പ്രതീക്ഷിച്ചത് പോലെ ആ മാസത്ത പീരിയഡ്സിന്റെത് ആയിരുന്നു..
” ആൽബി ഇന്ന് ഒന്നും ഉണ്ടാക്കിയിട്ടില്ല എനിക്ക് വയ്യാ.. ”
അവൾ തിരികെ വന്ന് പതിയെ ആൽബിയോട് ചേർന്ന് കിടന്നു.
” കുഴപ്പമില്ല..!! നീ കിടന്നോ നമുക്ക് എന്നതേലും ഓർഡർ ചെയ്യാം ”
ആൽബി അവളെ ചേർത്ത് പിടിച്ചു.
” ലേറ്റ് ആവില്ലേ പെണ്ണെ..?? ”
” ആയിക്കോട്ടെ ബാക്കി അപ്പോ നോക്കാം ”
അവൾ അവിടെ തന്നെ കുറച്ച് സമയം കിടന്നു.
അന്നേ ദിവസം 2 മണിക്കൂറോളം ലേറ്റ് ആയിട്ട് ആണ് സ്റ്റെല്ല എത്തിയത് .. തലേദിവസം വാട്സ്ആപ്പിൽ ശിവക്ക് ‘ മീറ്റ് ചെയ്യണം എന്ന് പറഞ്ഞ് മെസ്സേജ് അയച്ചിരുന്നു എങ്കിലും അതിനു ഇതുവരെ മറുപടിയൊന്നും വന്നിട്ടുണ്ടായിരുന്നില്ല ‘
polichu e part adipoli