സ്കോടയും ബിഎംഡബ്ലിയും പുറകെ പുറകെ ഇലക്ട്രോണിക് സിറ്റിയിൽ നിന്നും കോർമംഗല ലക്ഷ്യമാക്കി ഓടിക്കൊണ്ടിരുന്നു.
ഡ്രൈവിംഗ് സീറ്റിൽ നിന്നും ഭഗത്ത് ഗ്ലാസിൽ കൂടി ശിവയെ നോക്കി.
” എന്താ ചേട്ടാ അവരുടെ കൂടെ റൂമിലേക്ക് പോകാതിരുന്നത് ?? ”
അതിനു മറുപടിയായി ശിവ ചിരിക്കുകയാണ് ചെയ്തത്.
” നിനക്ക് ഈ പെണ്ണുങ്ങളുടെ സൈക്കോളജി അറിയില്ല ഭഗത്..!! നല്ലോണം പാകമാവട്ടെ ആ വിഭവം ”
” അല്ല ചേട്ടാ ചിലപ്പോൾ പുള്ളിക്കാരി ഈ കാര്യം ആൾടെ ഹസ്ബന്റിനോട് സംസാരിച്ചാലോ ?? ”
” തീർച്ചയായും അവൾ സംസാരിക്കും ..!! എങ്ങനെ ചോദിച്ചാലും സംസാരിച്ചാലും ആൽബിൻ അങ്ങനെ ഒരാളെ അറിയുമെന്നൊ അല്ലെങ്കിൽ അവന് പങ്ക് ഉണ്ടെന്നോ സമ്മതിക്കാൻ പോകുന്നില്ല… അവൻറെ രഹസ്യം ആണ് നമ്മുടെ സുരക്ഷ..!!”
ശിവ പോക്കറ്റിൽ നിന്നും സിഗരറ്റ് എടുത്ത് കത്തിച്ചു.
കുറച്ചു കൂടി ഓടിയ ശേഷം ഭഗത് റോഡ് സൈഡിലേക്ക് ഒതുക്കി കാർ നിർത്തി. ഏകദേശം അഞ്ചു മിനിറ്റോളം കഴിഞ്ഞതും ഒരു ബൈക്ക് വന്ന് അവർക്ക് സൈഡിലായി നിർത്തി..
അതിൽ നിന്നും ഹെൽമറ്റ് താഴ്ത്തി കാറിനകത്തേക്ക് ഒരു കൈ നീണ്ടു.. രണ്ട് വിരലിലും സ്വർണ്ണ മോതിരം അണിഞ്ഞ കയ്യിലേക്ക് ശിവ ഒരു ചെറിയ കവർ വച്ച് കൊടുത്തു അയാൾ അത് വാങ്ങി അതുപോലെ വണ്ടിയെടുത്ത് തിരികെ പോയി.
ബൈക്ക് കടന്ന് പോയതും ശിവയുടെ വാഹന വ്യൂഹം വീണ്ടും ഓടി തുടങ്ങി.
” നമ്മൾ ഇതിൽ നിന്നും ആൽബിയെ ഒഴിവാക്കും ഭഗത്ത്..!! പിന്ന ആ പയ്യനെ ഡയറക്ടായി സജിൻ എന്ന് പറഞ്ഞവനുമായി കണക്റ്റ് ആക്കും സൊ എല്ലാവരും ഒറ്റ അടിക്ക് സേഫ് ആവും..!! മനസ്സിലായോ ?? ”
” മനസ്സിലായി ചേട്ടാ..!! ”
” ഞാൻ ഒന്ന് കിടക്കുവാ നീ എത്തുമ്പോൾ വിളിക്ക് ”
അതും പറഞ്ഞു ശിവ പുറകിലേക്ക് ചാഞ്ഞു കിടന്നു.. നനഞ്ഞു കിടക്കുന്ന ഹൈവേയിൽ കൂടി കാറുകൾ അതിവേഗം ശിവയുടെ അപ്പാർട്ട്മെൻറ് ലക്ഷ്യമാക്കി ഓടിക്കൊണ്ടിരിക്കുന്നു….!!!
സ്റ്റെല്ല വന്നു കയറുമ്പോൾ തന്നെ ആൽബിൻ ഹാളിൽ ഉണ്ടായിരുന്നു സാധാരണ സമയത്ത് നിന്നും ഏകദേശം രണ്ടു മണിക്കൂറോളം വൈകി അവൾ എത്തിയതും ആൽബിൻ ഒന്നും മനസ്സിലാവാതെ സ്റ്റെല്ലയുടെ മുഖത്തേക്ക് നോക്കി.
” ഫോൺ വിളിച്ചാൽ എടുക്കാൻ
അറിയില്ലേ..?? ”
അവൻറെ ചോദ്യത്തിൽ വല്ലാത്ത ദേഷ്യം നിറഞ്ഞു നിന്നിരുന്നു.
” അറിയാമായിരുന്നു പക്ഷേ എടുത്തില്ല..!! ”
” എന്തുകൊണ്ട് എടുത്തില്ല..?? കാരണം ഒന്നുമില്ലേ.?? ”
ആൽബിന്റെ സംസാരം കനത്തു വന്നു കൊണ്ടിരുന്നു.
അവൾ മറുപടി ഒന്നും മിണ്ടാതെ റൂമിനകത്തേക്ക് കയറിപ്പോയി ശേഷം തൻറെ ടേബിളിന്റെ പുറത്തു കൊണ്ട് ലാപ്ടോപ്പും ബാഗും വെച്ച് കുറച്ച് സമയം കട്ടിലിൽ തന്നെ ഇരുന്നു..
ആൽബി ഹാളിൽ നിന്നും എഴുന്നേറ്റ് റൂമിലേക്ക് വന്നു.
” സ്റ്റെല്ല.. നിന്നോടാണ് ചോദിക്കുന്നത് എവിടെയായിരുന്നു ഇത്രയും സമയം..?? എന്തുകൊണ്ട് ഞാൻ വിളിച്ചിട്ട് എടുത്തില്ല..?? ”
” ആൽബി നിനക്കും സജിനും എന്തെങ്കിലും ഇല്ലീഗൽ ഏർപ്പാട് ഉണ്ടോ..?? എന്തെങ്കിലും ലഹരി ഉപയോഗം അങ്ങനെ എന്തെങ്കിലും..?? ” അവളിൽ നിന്നും പെട്ടെന്നൊരു മറു ചോദ്യം ആൽബി തീരെ പ്രതീക്ഷിച്ചിരുന്നില്ല.
അതുകൊണ്ട് തന്നെ പെട്ടെന്ന് എന്ത് മറുപടി പറയണമെന്നും അവനു മനസ്സിലായില്ല.
” ലഹരി ഉപയോഗമോ? അതെന്താ നീ അങ്ങനെ ചോദിച്ചത്..?? ”
” ഞാൻ ചോദിച്ചതിനു ഉത്തരം പറ നിനക്കോ സജിനോ എന്തെങ്കിലും ലഹരി ഉപയോഗമോ ഇവിടെയുള്ള ഏതെങ്കിലും ഏജൻറ് മാരുമായി ബന്ധമോ അങ്ങനെ എന്തെങ്കിലും ഉണ്ടോ..?? ”
സ്റ്റെല്ല അവന്റെ മുഖത്തേക്ക് തന്നെ ശ്രെദ്ധിച്ചു കൊണ്ടിരുന്നു.
‘ എന്തോ അരുതാത്തത് സംഭവിച്ചിരിക്കുന്നു കാര്യങ്ങളുടെ കിടപ്പ് എന്താണെന്ന് മനസ്സിലാക്കാൻ പറ്റുന്നില്ല ‘
” എൻറെ പെണ്ണേ നിനക്ക് ഭ്രാന്താണോ ആരെങ്കിലും എന്തെങ്കിലും പറഞ്ഞു എന്ന് കരുതി.. നിനക്ക് എന്നെ വിശ്വാസമില്ലെ..??” ആൽബി അത് വളരെ കൃത്യമായി തന്നെ നിഷേധിച്ചു.
” ഞാൻ ഇത്രയും സമയം എവിടെയായിരുന്നു എന്ന് നിനക്കറിയാമോ..?? ചോദിക്ക് ഞാൻ പറയാം..”
അവളുടെ മുഖ ഭാവം മാറുന്നത് ആൽബി തീരെ പ്രതീക്ഷിച്ചിരുന്നില്ല.
polichu e part adipoli