സജിന്റെ സംസാരത്തിൽ ചെറിയൊരു കൺഫ്യൂഷനും സംശയമുണ്ടായിരുന്നു.
” ഇല്ല..!! എനിക്ക് ഇതുവരെ കോൾ ഒന്നും വന്നിട്ടില്ല നീ എൻറെ നമ്പർ ആർക്കാ കൊടുത്തത്.. ?? ”
ക്യാമറ അതു പോലെ തന്നെ തിരിച്ച് പാവയുടെ ഉള്ളിലേക്ക് സെറ്റ് ചെയ്യുന്നുമ്പോൾ ആൽബി ഫോൺ തോളിൽ ചെരിച്ചു വെച്ചു.
” എന്റെ ഫ്രണ്ട് ആണ്..!! കുഴപ്പക്കാരൻ ഒന്നും അല്ല അതോണ്ട് ആണ് ഞാൻ നമ്പർ കൊടുത്തത്.. എന്നാ വിളിക്കാത്തത് എന്ന് അറിയില്ല ”
” നീ ഒന്ന് വിളിച്ചു നോക്ക് അവനെ.. ”
” അതാണ് സീൻ അവനെ വിളിച്ചിട്ട് എടുക്കുന്നുമില്ല ഇന്ന് രാവിലെ മുതൽ അവൻറെ ഫോൺ സ്വിച്ച് ഓഫ് ആണ്…”
സജിന്റെ സ്വരത്തിൽ ചെറിയ ടെൻഷൻ നിറഞ്ഞു നിന്നു.
” അവനെ അറിയുന്ന ആരെങ്കിലും കൂട്ടുകാരുണ്ടെങ്കിൽ അവരെ ഒന്ന് വിളിച്ചു നോക്ക്..!! എന്തായാലും എനിക്ക് ഇത് വരെ കാൾ ഒന്നും വന്നിട്ടില്ല പിന്നെ നീ എന്നെ പറ്റിക്കാൻ പറയുന്നതൊന്നും അല്ലല്ലോ..?? ”
” എൻറെ പൊന്നു ചേട്ടായി എനിക്ക് എന്നാ സൂക്കേട് ആണെന്ന് അറിഞ്ഞില്ല.. നിങ്ങളെ പറ്റിക്കാഞിട്ട് ”
ആൽബി പറഞ്ഞത് സജിനു തീരെ ഇഷ്ടപ്പെട്ടില്ല.
” ശരി..!! നീ എന്തായാലും ഒന്ന് അന്വേഷിക്ക് എന്നിട്ട് നീ എന്നോട് പറ നമുക്ക് നോക്കാം ”
” ശരി ചേട്ടായി ഞാൻ വിളിക്കാം ”
കോൾ കട്ട് ചെയ്തു കഴിഞ്ഞു സജിനും ആൽബിനും ഒരേ പോലെ ചിന്തിച്ച കാര്യം ആയിരുന്നു ആ പയ്യൻ എങ്ങോട്ട് പോയി എന്നുള്ളത്…??
കൂട്ടുകാർക്കാർക്കും തന്നെ വിളിച്ചിട്ട് എടുക്കുന്നുമില്ല എന്നാലും ഇവനിത് എങ്ങോട്ട് പോയി കാണൂം..??
സെൻട്രൽ സിൽക്ക് ബോർഡ് പാസ് ചെയ്ത് ശിവയുടെ ബിഎംഡബ്ലിയു ബൻഷാങ്കരി റോഡ് ലക്ഷ്യമാക്കി ഓടിക്കൊണ്ടിരുന്നു…
ഏകദേശം നാലഞ്ചു കിലോമീറ്റർ കൂടി മുന്നോട്ടു പോയി അവിടെ നിന്നും വലത്തോട്ട് തിരിഞ്ഞ് ഒരു ഉൾപ്രദേശത്തേക്ക് കയറി അവൻറെ കാർ മുന്നോട്ടു പോയിക്കൊണ്ടിരുന്നു…
” നേരെ തന്നെ പോ ”
ശിവ ഡ്രൈവർക്ക് നിർദേശം നൽകി.
അവിടെ നിന്നും വീണ്ടും ഏകദേശം രണ്ടര കിലോമീറ്റർ കൂടി മുന്നോട്ട് ഓടി ആൾത്താമസമില്ലാതെ ഒഴിവാക്കിയിട്ടിരുന്ന ഒരു കെട്ടിടത്തിനു മുന്നിലായി അവൻറെ കാർ ടയർ നിരക്കി നിന്നു..
അവിടെ ശിവയുടെ കാർ ചെല്ലുമ്പോൾ തന്നെ ഒരു ഇന്നോവയും സ്കോർപിയോയും കിടപ്പുണ്ടായിരുന്നു ശിവയുടെ കാർ അങ്ങോട്ട് കയറി നിന്നതും അവന്റെ ആളുകളിൽ ഒരുത്തൻ ഓടി വന്ന് ഡോർ തുറന്നു കൊടുത്തു.
അവൻ കാറിൽ നിന്നും ഇറങ്ങി ഉള്ളിലേക്ക് കടന്ന് സ്റ്റെപ്പ് കയറി മുകളിലേക്ക് നടന്നു.. നാലാം നിലയിൽ എത്തിയതും അടഞ്ഞു കിടന്ന ഡോറിൽ രണ്ട് തവണ തട്ടി..
ആദ്യം പാതി തുറന്ന ശേഷം ഭഗത് അകത്ത് നിന്നും മുഴുവൻ ഡോർ തുറന്നു കൊടുത്തു..
അകത്തേക്ക് കയറിയ ശിവ ഒരു കസേര വലിച്ചിട്ട് റൂമിന്റെ സെൻററിൽ ആയി ഇരുന്നു അവനു നേരെ ഓപ്പോസിറ്റ് ആയി ഒരു പയ്യൻ പുറകോട്ട് കൈ കെട്ടിയ രീതിയിൽ തലയിൽ കറുത്ത തുണി ഇട്ടിരിക്കുന്നുണ്ടായിരുന്നു…!!
” എടുക്ക് ”
ശിവയുടെ വാക്ക് കേട്ടതും ഭഗത്ത് പയ്യന്റെ തലയിൽ ഇട്ടിരുന്ന കറുത്ത കവർ എടുത്തതും അവൻ ശ്വാസത്തിനായി ആഞ്ഞു വലിച്ചു.
” ആരാ നിങ്ങളൊക്കെ ?? എന്തിനാ എന്നെ ഇങ്ങോട്ട് കൊണ്ടുവന്നിരിക്കുന്നത്?? ”
അവൻ പറഞ്ഞു കഴിഞ്ഞതും അവന്റെ കരണക്കുറ്റി നോക്കി ഭഗത്ത് കൈ വീശി അടിച്ചു..!!
“ആഹ്..!! മൈര്…..”
അടിയുടെ വേദന കൊണ്ട് കവിൾ ചുവന്ന് അവന്റെ കണ്ണ് നിറഞ്ഞു ഒഴുകുന്നുണ്ടായിരുന്നു.
” നിങ്ങൾ പോലീസ് ആണോ ?? സർ സത്യമായും എനിക്ക് ഒരു ഇല്ലീഗൽ പരിപാടിയുമില്ല…!! പണ്ട് ഉണ്ടായിരുന്നു അതൊക്കെ ഞാൻ എന്നോ നിർത്തി ഇപ്പോൾ എനിക്ക് ഒരു പരിപാടിയുമില്ല ‘”
” നിനക്ക് ഒരു പരിപാടിയുമില്ലാലെ…?? ”
ചോദ്യം കഴിഞ്ഞതും ഭഗത്ത് പയ്യന്റെ ചെവിക്കല്ല് നോക്കി രണ്ടാമതും പൊട്ടിച്ചു..!!!
ആചാന ബാഹുവായ അവന്റെ ഒരടി തന്നെ എടുപ്പത് കനത്തിൽ ആയിരുന്നു.
” സാർ ഞാൻ സത്യമാണ് പറയുന്നത്..! എനിക്ക് ഒരു പരുപാടിയും ഇല്ല ”
പയ്യൻ കരഞ്ഞു തുടങ്ങിയിരുന്നു.
” ഷ്ഷൂ….!! ഞങ്ങൾ പോലീസ് അല്ല പക്ഷേ എനിക്ക് നിന്നെ കൊണ്ട് ആവശ്യമുണ്ട് അതുകൊണ്ട് ഞാൻ പറയുന്ന കുറച്ച് കാര്യങ്ങൾ നീ ചെയ്യണം..!! നമുക്ക് അതിനെ പറ്റി സംസാരിച്ചാലോ ? ”
polichu e part adipoli