കുറച്ചു ദിവസം കൂടി ഓഫീസിൽ വന്നതുകൊണ്ട് തന്നെ അവൾക്ക് ആദ്യം കുറച്ചു മടി തോന്നുണ്ടായിരുന്നു.. അതുകൊണ്ടുതന്നെ കുറച്ചു സമയം അവൾ ഫോണിൽ കളിച്ചിരുന്നു.
ശിവ തന്നോട് കൃത്യമായ അകലം പാലിച്ചത് കൊണ്ടും അവൻറെ ഭാഗത്തുനിന്ന് യാതൊരു തരത്തിലുള്ള പ്രോകോപനപരമായ പെരുമാറ്റമോ ഇടപെടലോ ഇല്ലാത്തത് കൊണ്ടും അവനെ ബ്ലോക്ക് ലിസ്റ്റിൽ നിന്നും മാറ്റാൻ സ്റ്റെല്ല തീരുമാനിച്ചിരുന്നു….
വാട്സാപ്പിൽ കോൺടാക്ട് ലേക്ക് കയറി സെറ്റിംഗ്സ് എടുത്ത് അവൾ ബ്ലോക്ക് ലിസ്റ്റിൽ നിന്നും ശിവയെ ഒഴിവാക്കി..!!
ഒരു കൗതുകത്തിൽ അവന്റെ പുതിയ ഡിപി ഇട്ടിരിക്കുന്നത് അവൾ ശ്രദ്ധിച്ചു മലേഷ്യയൊ അതോ ഫിലിപ്പിൻസൊ.. ഏതോ ഒരു ഒരു ടെമ്പിൾ അതിനു മുന്നിൽ ട്രഡീഷണൽ ഡ്രസ്സിൽ നിൽക്കുന്ന ശിവ കാണാൻ ഒക്കെ രസമുണ്ട്…!!
അവൾ ഫോണെടുത്ത് വച്ച് തന്റെ ജോലിയിലേക്ക് ശ്രദ്ധിച്ചു ഏകദേശം ഒരു മണിക്കൂറിനുള്ളിൽ തന്നെ ബോർഡ് മീറ്റിംഗ് തുടങ്ങുമെന്ന് ആൾറെഡി അറിയിപ്പ് കിട്ടിയിട്ടുണ്ടായിരുന്നു
‘ ഇനിയും ഒരു മണിക്കൂർ ഉണ്ടല്ലോ കഫ്റ്റീരിയയിൽ പോയി ഒരു കോഫി കുടിച്ചിട്ട് വരാം ‘ പെട്ടെന്ന് ഉള്ള തീരുമാനത്തിൽ അവൾ അവിടെ നിന്നും ഫോൺ കയ്യിൽ എടുത്ത് കഫ്റ്റീരിയയിലെക്ക് നടന്നു..
പത്താം നിലയിലേക്ക് ലിഫ്റ്റ് തുറന്നതും കുറച്ചു ദൂരം കൂടി നടന്ന് കഫെറ്റീരിയയിലെ ഒരു വശത്തായി ഫോണിൽ സംസാരിച്ചു കൊണ്ടിരിക്കുന്ന ശിവയെ അവൾ ഒറ്റ നോട്ടത്തിൽ കണ്ടു..
അവൻ കൈ വീശി കാണിച്ചതും.. അവൾ ചിരിച്ചുകൊണ്ട് അടുത്തേക്ക് ചെന്നു.
” ഹലോ എപ്പോഴെത്തി..?? ”
” കുറച്ചു ടൈം ആയി..!! വൗ യൂ ലൂക്ക് സോ ബ്യൂട്ടിഫുൾ സ്റ്റെല്ല.. ”
ശിവ അവൾക്ക് ഹസ്തദാനം നൽകി കൂടെ കോംപ്ലിമെന്റും
” താങ്ക് യൂ.. ശിവ ”
സ്റ്റെല്ല ചിരിച്ചു കൊണ്ട് മറുപടി കൊടുത്തതും തന്റെ മുന്നിലേ സീറ്റിലേക്ക് ഇരിക്കുവാൻ കൈകൊണ്ട് ശിവ ആവശ്യപ്പെട്ടു.
അവൾ അവിടെ ഇരുന്നതും ശിവ നേരത്തെ ഓർഡർ ചെയ്ത ജ്യൂസുമായി വെയ്റ്റർ അടുത്തേക്ക് വന്നു.
” തനിക്ക് പറയട്ടെ ? ”
” വേണ്ട ഞാൻ കോഫി കുടിക്കുന്നുള്ളൂ..!! കോഫി പ്ലീസ് ”
അവൾ വെയ്റ്ററോട് ആവശ്യപ്പെട്ട ശേഷം അവനോട് സംസാരിച്ചുകൊണ്ടിരുന്നു.
” സോ എങ്ങനെയുണ്ടായിരുന്നു ലീവ് ഒക്കെ.. കുറച്ചു ദിവസമായല്ലോ കണ്ടിട്ട് ? ”
” ചുമ്മാ അടിച്ചു പൊളിച്ചു..! കുറച്ചു ദിവസം കുടുംബത്തിന് ഒപ്പം ചെലവഴിക്കണമെന്ന് തോന്നി പിന്നെ സത്യം പറഞ്ഞാൽ വെറുതെ ലീവ് എടുത്ത് ഇരിക്കുന്നത് ഞാൻ വിചാരിച്ചതിനെക്കാൾ രസമാണ് ട്ടോ..!! ”
അവൾ മറുപടി കൊടുത്തതും രണ്ട് പേരും ഒരു പോലെ ചിരിച്ചു.
” അല്ലെങ്കിലും ഈ കോർപ്പറേറ്റ് ജീവിതം മടുക്കുമ്പോൾ കുറച്ചു നാൾ മാറി നിൽക്കുന്നത് എല്ലാവർക്കും ആവശ്യമുള്ള കാര്യം തന്നെയാണ്.. താൻ ചെയ്തത് നല്ല കാര്യമായിട്ടെ ഞാൻ പറയൂ ”
ശിവ തൻറെ ജ്യൂസ് ചുണ്ടോടു ചേർത്തു.
ലീവ് എടുത്തതിന്റെ യഥാർത്ഥ കാരണം മറ്റൊന്ന് ആയിരുന്നു എങ്കിലും അവൾ ശിവക്ക് ഒരു ചിരി മാത്രം ആണ് മറുപടി നൽകിയത്.
” ഒരു സിപ്പ് എടുക്കുന്നോ ?? ”
ശിവ ചെറിയ ചിരിയോടെ കുടിച്ചു കൊണ്ടിരുന്ന ജ്യൂസ് അവൾക്ക് മുന്നിലേക്ക് നീക്കി.
” വേണ്ട..!! ഞാൻ കോഫി പറഞ്ഞിട്ടുണ്ട് എനിക്ക് അത് മതിയാകും ”
” ഒക്കെ തൻറെ ഇഷ്ടം നിർബന്ധിക്കുന്നില്ല.. പിന്നെ ആൽബിയും മോളും ഒക്കേ സുഖമായിരിക്കുന്നൊ ? ”
” ആൽബിക്ക് എന്താ.. പഴയതുപോലെ ജോലിയും തിരക്കും ഒക്കെ ആയി അങ്ങനെ അടിപൊളിയായി തന്നെ പോകുന്നു..
അന്ന മോൾ അതിനേക്കാൾ ഹാപ്പി ആയിരിക്കുന്നു.. എല്ലാം കൊണ്ടും അങ്ങനെ അങ്ങനെ..!! ”
അവർ സംസാരിച്ചുകൊണ്ടിരിക്കുമ്പോൾ തന്നെ സ്റ്റെല്ലക്ക് ഉള്ള കോഫിയുമായി വെയ്റ്റർ അങ്ങോട്ടേക്ക് വന്നു.
” താങ്ക്യൂ ”
അയാൾക്കൊരു നന്ദി പറഞ്ഞ ശേഷം സ്റ്റെല്ല കോഫി ചുണ്ടോട് ചേർത്തു.
” പെട്ടെന്ന് എന്താ ശിവ ഒരു ബോർഡ് മീറ്റിംഗ് വിളിച്ചിരിക്കുന്നത് എന്തെങ്കിലും പ്രശ്നം ഉണ്ടോ ?? ”
അവൾ പതിയെ പുതിയ വിഷയത്തിലേക്ക് കടന്നു.
polichu e part adipoli