എങ്കിലും അവളുടെ ഉള്ളിന്റെ ഉള്ളിലെ ദേഷ്യവും വാശിയും അതിനു മറുപടി കൊടുക്കാനോ ആ മെസ്സേജ് തുറന്നു നോക്കാനോ പോലും സമ്മതിച്ചില്ല…
ഫോൺ പഴയ പോലെ ലോക്ക് ചെയ്ത് എടുത്തു വച്ച് അവൾ തന്റെ ജോലിയിലേക്ക് പഴയത് പോലെ മുഴുകി.
സൈറ്റ് കോരയിൽ ആയിരുന്നതിനാൽ തന്നെ അവിടെയുള്ള ഏറ്റവും നല്ല എക്സ്പെൻസീവ് ആയ ഹോട്ടലിൽ നിന്ന് തന്നെയായിരുന്നു അവർ ഭക്ഷണം കഴിച്ചത്.
ഏകദേശം വൈകുന്നേരം 3 മണി വരെ ആയതും അധികം ബ്ലോക്ക് വരുന്നതിനു മുന്നേ തിരിച്ചു പോകാമെന്ന് സ്വാമിയുടെ നിർദ്ദേശത്തിൽ ഫുൾ ടീം തിരിച്ചുപോരുകയും ഉണ്ടായി..
നേരെ കമ്പനിയിലേക്ക് എത്തി സ്വന്തം ക്യാബിനിൽ പോയി ലാപ്ടോപ്പും ബാഗും മറ്റു കാര്യങ്ങളും വെച്ച ശേഷം നേരെ കാഫ്റ്റീരിയയിലെക്ക് ആണ് സ്റ്റെല്ല വന്നത്…
അവിടെ തന്നെ വാഷ് റൂമിൽ പോയി കയ്യും മുഖമെല്ലാം കഴുകി ഫ്രഷ് ആയി വന്നതും തണുത്തൊരു ജ്യൂസ് ഓർഡർ ചെയ്തു ഒരു സൈഡ് ചേർന്ന് അവൾ തനിയെ ഇരുന്നു…
ഫോണിൽ വാട്സാപ്പ് തുറന്ന് ശിവയുടെ
മെസേജ് ഒഴികെ ബാക്കിയുള്ളവ എല്ലാം അപ്പോൾ തന്നെ നോക്കി മറുപടി നൽകി..
” എന്താടോ.. മെസ്സേജ് കണ്ടാൽ പോലും നോക്കില്ലാലേ..?? ”
പുറകിൽ നിന്നും തീരെ പ്രതീക്ഷിക്കാതെ വന്ന ആ ശബ്ദം അവൾ പെട്ടെന്ന് തിരിച്ചറിഞ്ഞു.
എങ്കിലും മറുപടി കൊടുക്കാനോ കൂടെ സംസാരിക്കാനോ അവൾക്ക് തോന്നിയില്ല ഫോണിൽ തന്നെ നോക്കിയും ഇടക്ക് പുറത്തേക്ക് ശ്രെദ്ധ കൊടുത്തും സ്റ്റെല്ല പ്രതിഷേധം അറിയിച്ചു..
” ക്യാൻ ഐ സീറ്റ് ഹിയർ…?? ”
ശിവയുടെ ചോദ്യം കേട്ടെങ്കിലും അതിലും അവൾക്കു മറുപടിയൊന്നുമില്ല.
എങ്കിലും അവളുടെ മറുപടിക്ക് കാത്തുനിൽക്കാതെ ശിവ അവളുടെ ഓപ്പോസിറ്റ് ആയിരുന്നു..
ശേഷം താൻ ധരിച്ചിരിക്കുന്ന കോട്ട് ഊരി അപ്പുറത്ത് ചെയറിലേക്ക് ഇട്ടു..
” എന്തൊരു ചൂടാണല്ലേ പുറത്ത്..?? ” ഫോണിൽ തന്നെ തോണ്ടി കൊണ്ടിരിക്കുന്ന സ്റ്റെല്ല മനപ്പൂർവം നിശബ്ദത പാലിക്കുന്നത് ആണ് എന്ന് മനസ്സിലാക്കാന് ശിവയ്ക്ക് അധികം സമയം വേണ്ടിയിരുന്നില്ല.
” എന്താ എന്നോട് ദേഷ്യത്തിലാണൊ..?? ”
” എനിക്ക് ആരോടും ദേഷ്യമില്ല..!! ”
ഒടുവിൽ അവൾ മൗനം വെടിഞ്ഞു.
” പിന്നെന്താ ഒന്നും മിണ്ടാത്തത്..?? ”
” എന്താ ഇപ്പോ അവളോട് ഒന്നും മിണ്ടാൻ ഇല്ലേ അതോ ഇന്ന് നിങ്ങടെ കൂട്ടുകാരി വന്നില്ലേ..?? ”
അവളുടെ കുശുമ്പടെയുള്ള ചോദ്യത്തിന് ശിവ ചിരിക്കുക മാത്രമാണ് ചെയ്തത്.
” അവൾ എന്റെ വർക്കിംഗ് കോലീഗ് ആണ്.. അല്ലാണ്ട് ഞാൻ അവളെം കൊണ്ട് മുഴുവൻ സമയം നടക്കൊന്നുവല്ല..!! എൻറെ സ്റ്റെല്ല താൻ ഇതൊക്കെ കുറച്ച് സ്പോർട്സ്മാൻ സ്പിരിറ്റിൽ എടുക്കടോ.. ”
” എനിക്ക് അത് ഇച്ചിരി കുറവാണ്.. !! ”
അതും പറഞ്ഞു അവൾ പുറത്തേക്ക് തന്നെ നോക്കിയിരുന്നു.
” സാർ എന്താണ് എടുക്കേണ്ടത്..?? ”
വെയ്റ്റർ ശിവക്ക് അരികിലേക്ക് എത്തിയിരുന്നു.
” നല്ല തണുത്ത സ്ട്രോബറി ഉണ്ടാവോ നല്ല മധുരമുള്ളത്..??? ”
അവൻ പതിയെ തല ചെരിച്ചു അവളെ നോക്കിയതും സ്റ്റെല്ലയുടെ മുഖത്ത് ദേഷ്യം ഉരുണ്ട് കൂടി വരുന്നതും അവൾ കണ്ണ് ഇറുക്കി നോക്കുന്നതും അവൻ കണ്ടു.
” ഓറഞ്ച് എടുത്തോളൂ…”
ഓർഡർ കൺഫേം ചെയ്ത് നൽകി ശിവ വീണ്ടും അവൾക്ക് അഭിമുഖം ആയി തിരിഞു ഇരുന്നു.
” ഇപ്പോഴും അത് തന്നെ ആലോചിച്ച് ഇരിക്കാണോ.. ?? ”
” എന്തായിരുന്നു കളിയും ചിരിയും എല്ലാം ഒന്നും മിണ്ടാൻ പോലും സമയമില്ലല്ലോ..?? ഇപ്പോൾ എവിടുന്നാണ് സമയം ?? ഞാൻ പോവുകയാണ്..!! ”
ഓർഡർ ചെയ്ത ജ്യൂസ് പോലും കുടിക്കാൻ നിൽക്കാതെ അവൾ അവിടെ നിന്നും എഴുന്നേറ്റ് പോകാൻ തുടങ്ങി.
” സ്റ്റെല്ല..!! അഡ്വാൻസ് ഹാപ്പി ബർത്ത്ഡെ ” ശിവ അത് പറഞ്ഞതും അവൾ എഴുന്നേറ്റ് പോകാൻ തുടങ്ങിയിടുത്ത് നിന്നു.
” എൻറെ ബർത്ത് ഡെ ആണെന്ന് എങ്ങനെ അറിയാം..?? ”
” അതൊക്കെ അറിയാം ഇനി നാലുദിവസം കൂടി കഴിഞ്ഞാൽ നിന്റെ ജന്മ ദിനം ആണെന്നും അറിയാം.. നീ അന്ന് ലീവ് ആണെന്നും അറിയാം…!! ”
അവൻ ചിരിയോടെ ആണ് അത് പറഞ്ഞെങ്കിലും അവൾക്ക് ഭാവ മാറ്റം ഒന്നുമില്ല.
polichu e part adipoli