” മാഡം ജ്യൂസ് കൊണ്ട് വന്നിരുന്നു ആളെ കണ്ടില്ല.. ഇപ്പോ എടുക്കട്ടെ..?? ”
വെയ്റ്റർ പയ്യന്റെ ശബ്ദം.
” യാ പ്ലീസ്ല് ”
അവൾ അവിടെ തന്നെ ഇട്ടിരുന്ന സോഫയിലേക്ക് ഇരുന്നതും വെയിറ്റർ ജ്യൂസ് കൊണ്ടുവന്നു മുന്നിലേക്ക് വെച്ചു.
” മാഡം ബില്ല് മറ്റേ ആള് പേ ചെയ്തിട്ടുണ്ട് കേട്ടോ..”
അതും പറഞ്ഞു അവൻ പോയി.
ഇപ്പോഴും അവളുടെ ഉള്ളിലെ നടുക്കം വിട്ട് മാറിയിരുന്നില്ല.. എന്തോ മനസ്സ് വല്ലാതെ ടെൻഷനടിച്ചു തുടങ്ങിയതും ആരോടെങ്കിലും സംസാരിക്കണം എന്ന് തോന്നി…
എന്തോ ഓർത്ത പോലെ അവൾ പെട്ടെന്ന് തന്നെ ആൽബിയുടെ ഫോണിലേക്ക് വിളിച്ചു.
” ആ പെണ്ണേ പറയടി ”
” ആൽബി എന്നാ പരിപാടി ..?? ”
” എന്ത് പരിപാടി..!! ഞാനിവിടെ കൊച്ചിനെം നോക്കി വെറുതെ ഫോണിൽ കളിച്ചിരിക്കുന്നു..
ഓഫീസിൽ ആണോ നീ ”
” ഇപ്പോൾ ഓഫീസിൽ ആണ്..! പുറത്ത് സൈറ്റിൽ ആയിരുന്നു ഇപ്പോ വന്നതേ ഉള്ളൂ.. അപ്പോ ഒന്ന് വിളിച്ചു നോക്കിയതാ..!! കഴിച്ചാരുന്നോ..?? ”
സ്റ്റെല്ല യുടെ ശബ്ദം ആകേ പതിഞ്ഞ രീതിയിൽ ആയിരുന്നു.
” ആം ഞങ്ങൾ കഴിച്ചു..!! പിന്നെ നീ ചുമ്മാ വിളിച്ചത് ആണോ..?? ”
” ആം.. ആഹ്..!! ഞാൻ ഞാൻ ചുമ്മാ വിളിച്ചതാ എനിക്ക് ഒന്ന് വിളിക്കണം എന്ന് തോന്നി അപ്പോ… ”
സ്റ്റെല്ലയുടെ സംസാരം ചെറിയ രീതിയിൽ പതറുന്നുണ്ടായിരുന്നു. അത് ആൽബിക്ക് മനസ്സിലാവാതിരിക്കാൻ അവൾ പരമാവധി ശ്രദ്ധിച്ചു.
” അന്നമ്മോൾ എന്തിയേ ?? ”
” കുഞ്ഞ് ഇവിടെയുണ്ട് ഉറക്കമാണ്..!! പിന്നെ നീ എവിടെയും തങ്ങണ്ട നേരെ ഇങ്ങ് പോരെ ഇന്ന് ശനിയാഴ്ചയല്ലേ നമുക്ക് വൈകുന്നേരം ഒന്ന് പുറത്തിറങ്ങാം ”
” ആം.. വരാം.. ഞാൻ വരാം ”
ഇടയ്ക്ക് എപ്പോഴാ തൻറെ കയ്യിൽ നിന്ന് പോകും എന്ന് തോന്നിയതും സ്റ്റെല്ല ഫോൺ വെക്കാൻ ആരംഭിച്ചു.
” ആൽബി ഞാൻ കുറച്ചു തിരക്കിലാണ് ഞാൻ വിളിക്കാൻ കേട്ടോ ”
” ആഹ് ശെരി..!! പിന്നെ ഞാൻ പറ്റുന്ന പോലെ പണിയെല്ലാം ചെയ്തു തീർക്കാം അതാകുമ്പോൾ വന്നിട്ട് നിനക്ക് വേറെ കെട്ടി മറച്ചിൽ വേണ്ട..!! അപ്പോ ഓക്കേ ഡി ”
അതും പറഞ്ഞ് ആൽബി കോൾ കട്ട് ചെയ്തും സ്റ്റെല്ലാ ഫോണും കയ്യിൽ പിടിച്ച് കുറച്ചു നേരം അതേ ഇരിപ്പിരുന്നു..
ശിവയുടെ ശ്രദ്ധയും ആകർഷണവും താൻ മനസ്സ് കൊണ്ട് ആഗ്രഹിച്ചിരുന്നു എന്നത് തിരസ്കരിക്കാൻ ആവാത്ത ഒരു സത്യമാണ് എങ്കിലും ഇത്രയും പ്രതീക്ഷിച്ചില്ല ഇതെല്ലാം എവിടെ ചെന്ന് അവസാനിക്കും…..!!!!
അതേ സമയം സ്റ്റെല്ലക്ക് ഡ്യൂട്ടി ഉണ്ടായിരുന്നതു കൊണ്ട് ആൽബി വീട്ടിൽ തനിച്ചായിരുന്നു..
ടേബിളിൽ വച്ച തന്റെ ഫോണിൽ ന്യൂസ് കണ്ട് കൊണ്ട് ഓർഡർ ചെയ്തു വരുത്തിയ ക്യാമറയുടെ ക്വാളിറ്റിയും അതിൻറെ സെറ്റിംഗ്സും എല്ലാം അവൻ വിശദമായി പരിശോധിക്കുകയായിരുന്നു..
‘ ബാംഗ്ലൂരിൽ അടുത്ത ഒരാഴ്ച്ച വേനൽ മഴ ശക്തമാകുമെന്നും ഇടിയും മിന്നലും ഉണ്ടാകുമെന്നതിനാൽ ജാഗ്രത പാലിക്കണമെന്നും ന്യൂസിൽ മുന്നറിയിപ്പ് വന്ന് കൊണ്ടിരുന്നു.. ‘
” പെട്ടെന്ന് ഒന്ന് പെയ്താ മതിയായിരുന്നു..
ഒരു നല്ല മഴ കണ്ടാൽ തന്നെ മനസിനു ഒരു കുളിർ ആണ് ”
അവൻ സ്വയം പറഞ്ഞു കൊണ്ട് ക്യാമറയുടെ ബോക്സിനൊപ്പം കിട്ടിയ യൂസർ മാനുവൽ പുറത്തേക്ക് എടുത്തു..
ന്യൂസ് ശ്രെദ്ധിച്ചു കൊണ്ട് തന്നെ അവൻ ആ യൂസർ മാനുവൽ വായിച്ചു നോക്കി.. എങ്ങനെ ഓപ്പറേറ്റ് ചെയ്യണം എന്നെല്ലാം അവൻ വ്യക്തമാക്കി മനസ്സിലാക്കാൻ തുടങ്ങി.
ആകെ രണ്ടു പീസ് ആണുള്ളത് അത് ഫോണിലേക്ക് ബ്ലൂടൂത്ത് വഴി കണക്ട് ചെയ്യാനും ബാറ്ററി വർക്ക് ചെയ്യുന്ന രീതിയും എല്ലാം അവൻ വളരെ വിശദമായി പഠിച്ചു
ഇടക്ക് എപ്പോഴോ ഫോൺ വൈബ്രേറ്റ് ചെയ്യാൻ തുടങ്ങിയതും അവൻ ഡിസ്പ്ലേയിൽ എഴുതി കാണിക്കുന്ന പേർ നോക്കി.. സജിനാണ് നാട്ടിൽ നിന്നും…
അവൻ കാൾ അടെൻഡ് ചെയ്ത് ചെവിയിലേക്ക് ചേർത്തു..
” ചേട്ടായി എൻറെ ഏതെങ്കിലും ഫ്രണ്ട്സ് വിളിച്ചായിരുന്നൊ..?? ”
” ഇല്ലല്ലോടാ എന്നാ പറ്റി..?? ”
” അല്ല മറ്റവൻ ഗോവയിൽ നിന്നും ലാൻഡ് ചെയ്തിട്ടുണ്ട് ചേട്ടായിയെ വിളിക്കാൻ ഞാൻ പറഞ്ഞ് ഏൽപ്പിച്ചിരുന്നു ”
polichu e part adipoli