” അത് കുഴപ്പമില്ല ഞാൻ പറയുന്നില്ല മമ്മി തന്നെ പറഞ്ഞാൽ മതി ”
നാട്ടിലെ കുറച്ച് വിശേഷങ്ങളൊക്കെ പരസ്പരം പങ്കുവെച്ച ശേഷം കുറച്ചു കഴിഞ്ഞ് വിളിക്കാം എന്ന് പറഞ്ഞ് മമ്മി ഫോൺ വെച്ചു.
കോൾ കട്ട് ചെയ്ത് ആൽബി ഫോൺ പോക്കറ്റിലേക്ക് ഇട്ടു പിന്നെ രണ്ടു കൈകൊണ്ടും മുഖം പോത്തി കുറച്ചു സമയം അവിടെ തന്നെ കുനിഞ്ഞ് ഇരുന്നു..
അവന്റെ ചിന്തകൾ പല ദിശയിൽ സഞ്ചരിച്ച് ഒടുക്കം ഒരു പോയിന്റിൽ എത്തി..
” ഏത് മുടിഞ്ഞ സമയത്താണൊ ഓരോന്ന് തുടങ്ങി വക്കാൻ തോന്നിയത്…!!!!! ”
****** ***** *****
മാർച്ച് മാസം അവസാനിക്കാറായിരിക്കുന്നു ബാംഗ്ലൂരിലെ കാലാവസ്ഥ ഇപ്പോൾ ഏറ്റവും നല്ല രീതിയിലാണ് ഉള്ളത്..
പലയിടത്തും നിറഞ്ഞു പൂക്കുന്ന ചെടികൾ.. ബാംഗ്ലൂരിന്റെ മാത്രം സ്പെഷ്യാലിറ്റി ആയ വഴിയോരങ്ങളിൽ റോസ് നിറത്തിൽ പൂത്തു നിൽക്കുന്ന മരങ്ങൾ..
ഒരാഴ്ചത്തെ ലീവ് കഴിഞ്ഞ് സ്റ്റെല്ല ഇന്ന് വീണ്ടും തിരിച്ചു കയറുകയാണ്..
ആൽബി ഇപ്പോഴും എഴുന്നേറ്റിട്ടില്ല രാവിലെ എഴുന്നേറ്റ് വീട്ടിലെ കാര്യങ്ങളൊക്കെ ചെയ്തു അവൾ പോകാനുള്ള തത്രപ്പാടിലേക്ക് ആയി.
കഴിഞ്ഞ ഒരാഴ്ച ശരിക്കും ഒന്ന് ആഘോഷിച്ചു രാവിലെ എഴുന്നേൽക്കുക ആൽബിയെ പറഞ്ഞുവിട്ടതിനുശേഷം ഒരുപാട് സമയം കുഞ്ഞിനൊപ്പം ചിലവഴിക്കുക ഇഷ്ടപെട്ട ഫുഡ് കഴിക്കുക.. പിന്നെ വേണ്ടുവോളം റെസ്റ്റ്..!!
പിന്നെ അഞ്ചു ലീവും രണ്ട് വീക്ക് ഓഫും കൂടി ഏഴ് ദിവസമല്ലേ അത് പെട്ടെന്ന് പോവുകയും ചെയ്തൂ.. ഇപ്പോൾ വീണ്ടും ഓഫീസിലേക്ക് തിരിച്ചു കയറാനായിരിക്കുന്നു.
അവൾ കണ്ണാടിക്ക് മുന്നിലെത്തി ഇളം റോസ് നിറമുള്ള സാരിയും വെള്ള ബ്ലൗസും തനിക്ക് നന്നായി ചേരുന്നുണ്ട് എന്ന് ഉറപ്പുവരുത്തി..!!
കുറച്ചു ദിവസം അടുപ്പിച്ചു എല്ലാ തിക്കിലും തിരക്കിലും നിന്ന് ഒഴിഞു മാറി നിന്നത് കൊണ്ട് ആവാം അവൾ ഒന്ന് മിനുങ്ങിയിരുന്നു..
കാതിൽ തൂങ്ങി കിടക്കുന്ന രണ്ട് ജിമിക്കി കമ്മലുകളും കഴുത്തിലെ മുത്തുമാലയും ശിവ സമ്മാനിച്ച മൂക്കുത്തിയും എല്ലാം കൂടി തൻറെ സൗന്ദര്യമെടുത്ത് കാണിക്കുന്നതിൽ അവൾക്ക് അഭിമാനം തോന്നി..!!
” ആൽബി ഫുഡ് എടുത്ത് വച്ചിട്ടുണ്ട്… തണുപ്പ് ആവുന്നതിനു മുന്നേ കഴിക്കാൻ നോക്ക്..!! ”
വാതിൽക്കൽ വന്ന് അന്ന മോൾക്ക് ഒരു ചുംബനം നൽകുന്നതിടയിൽ അവൾ ആൽബിയെ പിച്ചി.
” ചുമ്മാതിരിക്ക് പെണ്ണെ.. ”
അവൻ പിന്നെയും തിരിഞ്ഞു കിടന്നു.
” ഞാൻ ഇറങ്ങാൻ പോവാ..!! അധികം കിടക്കാൻ നിക്കണ്ട മോളെ നേരത്തെ കൊണ്ട് വിട്ടേക്ക്…! ബൈ ഉമ്മാ ”
ആൽബിയോട് കാര്യങ്ങൾ പറഞ്ഞു ഏൽപ്പിച്ച് യാത്ര പറഞ്ഞശേഷം അവൾ പുറത്തേക്ക് ഇറങ്ങി
ഇലക്ട്രോണിക് സിറ്റിയുടെ റോഡിൽ അതിരാവിലെ ഈ തിരക്ക് പതിവുള്ളതാണ്. രാവിലെ ജോലിക്ക് പോകുന്നവരും നൈറ്റ് കഴിഞ്ഞു തിരിച്ചു പോകുന്നവരും സ്കൂളിലേക്ക് പോകുന്ന കുട്ടികളും പല ബിസിനസ് ആവശ്യങ്ങളുമായി ഇറങ്ങുന്നവരും എല്ലാം കൂടി രാവിലെ ഒരു തിരക്ക് ഇവിടെ പതിവുള്ളതു തന്നെയാണ്…
ഓഫീസിൻറെ വാട്സ്ആപ്പ് ഗ്രൂപ്പിൽ ഇന്ന് ബോർഡ് മീറ്റിംഗ് ഉണ്ട് എന്ന് പ്രത്യേകം എടുത്തു പറഞ്ഞിരുന്നു..
അത് കൊണ്ട് ആണ് ഇന്ന് സാരിയിൽ തന്നെ വരാം എന്നൊരു തീരുമാനം..!!
കഴിഞ്ഞ ഒരാഴ്ച താൻ വീട്ടിൽ ഉണ്ടായിരുന്ന സമയത്ത് ഒരിക്കൽ പോലും ശിവയുടെ ഭാഗത്തുനിന്നും തനിക്ക് ഒരു കോളോ മെസ്സേജോ പോലും വന്നിരുന്നില്ല..!!
‘ ശരിക്കും താൻ പ്രൈവസി ആവശ്യപ്പെട്ടപ്പോൾ ശിവ നൽകിയ വാക്ക് പാലിച്ചതും നല്ല കുട്ടിയായി പെരുമാറിയതും ശരിക്കും അവൾക്ക് ശിവയോട് ഒരു ബഹുമാനം തോന്നാൻ ഇടയാക്കിയിരുന്നു…’
അവൾ മറ്റു കാര്യങ്ങൾ മനഃപൂർവ്വം മറക്കാൻ ശ്രെമിച്ച് സ്കൂട്ടി ഓടിക്കുന്നതിൽ ശ്രദ്ധ തിരിച്ചു..
ഏകദേശം 30 മിനിറ്റോളം വണ്ടി ഓടിച്ച് ഓഫീസിലേക്ക് വന്ന് കയറി നേരെ വാഷ് റൂമിലേക്ക് പോയി മുഖം കഴുകി വൃത്തിയായി..
മുടി ഒന്നുകൂടി നേരെ വച്ച് അവൾ തൻറെ തന്റെ ക്യാബിനിലേക്ക് നടന്നു..
ഒരാഴ്ചത്തെ ലീവ് എടുത്തതുകൊണ്ട് തന്നെ ചെയ്തു തീർക്കാനുള്ള കുറച്ച് അധികം ഫയലുകൾ അവിടെ ഉണ്ടായിരുന്നു അതിന് പുറമേ ലോഗിൻ ചെയ്യുമ്പോൾ വർക്ക് ഇമെയിലുകൾ വന്നു കിടപ്പുണ്ടാകും എന്നതും ഉറപ്പാണ്
polichu e part adipoli