” എങ്കിൽ വാ കഴിച്ചിട്ട് പോകാം“
അകത്തേക്ക് നടക്കുമ്പോഴും ഉണ്ണിയുടെ കയ്യിൽ ലക്ഷ്മി മുറുകെ പിടിച്ചിരുന്നു
തന്നെ കാണാതെ അവൾ എത്രമാത്രം പേടിച്ചിട്ടുണ്ടെന്ന് അവന് അപിടുത്തത്തിൽ തന്നെ മനസ്സിലായ്
കഴിക്കാനായ് വിളമ്പുമ്പോൾ മൂന്നാമത് ഒരു പ്ലയ്റ്റ് എടുത്തു വെക്കുന്നത് കണ്ടപ്പോൾ ആണ് ഉണ്ണി ചോദിക്കുന്നത്
” എന്റെ ലച്ചുവെ നീ കഴിച്ചില്ലാരുന്നോ“
” കേട്ടോ വരുണേട്ടാ ആ ചോദിക്കണത്. എന്തായ് ഏതായ് എന്നറിയാതെ എത്ര ടെൻഷൻ ആയെന്നോ ഞാൻ. ഒരു വിവരവും അറിയാതെ പച്ചവെള്ളം കുടിച്ചിട്ടില്ല ഞാൻ.എന്നിട്ട് കഴിച്ചില്ലേന്ന്. അമ്മ അപ്പോഴെ പറഞ്ഞതാകഴിച്ചിട്ട് കിടന്നോ അവൻ വന്നോളൂന്ന്“
അത പറയുമ്പോൾ ലക്ഷ്മിയുടെ മുഖം ബലൂൺ പോലെ വീർത്തിരുന്നു
ഉണ്ണി മറിച്ചൊന്നും പറയാതെ ഇരുന്നു. വരുൺ ഉണ്ണിയെ നോക്കിയൊന്ന് ചിരിച്ചു
” നീ ഇരിക്ക് ഞാൻ എടുത്തു തരാം“
ഉണ്ണി പറഞ്ഞു
” വേണ്ട ഞാൻ എടുത്ത് കഴിച്ചോളാം“
ഭക്ഷണം കഴിക്കുമ്പോഴും ലക്ഷ്മിയുടെ മുഖം വീർത്തു തന്നെ ഇരുന്നു
“ടാ ഞാൻ ഇറങ്ങിയേക്കുവാ“
അതും പറഞ്ഞ് വരുൺ ഇറങ്ങാൻ തുടങ്ങി
അതിന്റെ ഇടക്ക് നാളത്തെ കാര്യം ശരിയാക്കണം എന്ന് ഉണ്ണിയെ കണ്ണ് കൊണ്ട് കാണിക്കുകയും ചെയ്തു
🌸🌸🌸🌸🌸🌸🌸🌸🌸🌸🌸🌸🌸🌸
വരുണിനെ അയച്ച് മുറിയിലേക്ക് ചെന്ന ഉണ്ണി കാണുന്നത് കണ്ണാടി നോക്കി മുടിച്ചീകുന്ന ലക്ഷ്മിയെ ആണ്
അവൻ അവളുടെ അടുത്ത് ചെന്ന് നിന്നു. തന്റെ പുറകിൽ നിൽക്കുന്ന ഉണിയെ ലക്ഷ്മി കണ്ടെങ്കിലും അവനെകണ്ടഭാവം അവൾ നടിച്ചില്ല.
ഉണ്ണിയുടെ കൈകൾ സാരിക്കിടയിലൂടെ വയറിലേക്കിഴഞ്ഞ് കയറിയതും അവളൊന്ന് പിടഞ്ഞു. ഒരു നിമിഷംശ്വാസം നിലച്ചു പോകുന്ന പോലെ അവൾക്ക് തോന്നി. പിൻകഴുത്തിൽ ഉണ്ണിയുടെ ചുടു ശ്വാസം ഏറ്റപ്പോൾ ആണ്അവൾ സ്വബോദത്തിലേക്ക് ഉണർന്നത്. പെട്ടന്ന് കുതറി മാറാൻ ശ്രമിച്ചെങ്കിലും ഉണ്ണിയുടെ കൈകൾ അവളെവരിഞ്ഞു മുറികയിരുന്നു.
“ദേ വിട്ടെ എനിക്ക് കിടന്നുറങ്ങണം. ഇത്രയും നേരം ഉറക്കമൊഴിച്ചിരുന്ന ഞാൻ ആരായ്. ഒരാവിശ്യവുംഇല്ലായിരുന്നു“
“എന്റെ ലച്ചു അത്“
അവൻ പറഞ്ഞു തീരുന്നതിന് മുൻപ് അവൾ തുടങ്ങി
” ഒന്നും പറയണ്ട. ഒരു ലച്ചു. ഒന്ന് മാറിക്കെ“
അതും പറഞ്ഞവൾ അവന്റെ കൈക്കുള്ളിൽ നിന്ന് പുറത്തു വന്നു
” ചെന്ന് കുളിച്ചിട്ട് വാ“
ടവ്വൽ എടുത്ത് അവന്റെ കൈയിൽ കൊടുത്തവൾ പറഞ്ഞു
ഉണ്ണി കുളി കഴിഞ്ഞിറങ്ങുമ്പോൾ കട്ടിലിൽ ഉറക്കം നടിച്ചു കിടക്കുകയായിരുന്നു ലക്ഷ്മി.
അവളുടെ മുഖത്ത് നോക്കിയപ്പോൾ തന്നെ അവന് മനസ്സിലായ് തന്നെ കണ്ടപ്പോൾ കണ്ണടച്ചതാണെന്ന്
അവൻ നേരെ അവളുടെ അടുത്ത് ചെന്ന് തോർത്ത് നല്ല രീതിയിൽ തന്നെയൊന്ന് കുടഞ്ഞു. അതിലെവെള്ളത്തുള്ളികൾ അവളുടെ മുഖത്തും കൈകളിലും തെറിച്ചു വീണു. ലക്ഷ്മി ഞെട്ടി എഴുന്നേറ്റു
“എന്താ ഉണ്ണിയേട്ടാ ഈ കാണിച്ചെ. കണ്ടോ എന്റെ ദേഹത്ത് മുഴവൻ വെള്ളമായ്“
” ഓ പിന്നെ നീ പറയണത് കേട്ടാൽ തോന്നും ഞാൻ നിന്റെ ദേഹത്ത് ഒരു ബക്കറ്റ് വെള്ളമാകൊണ്ടെ ഒഴിച്ചതന്ന്. കുറച്ച് തുള്ളികൾ അല്ലെ ഉള്ളൂ. അതങ്ങ് തുടച്ചാൽ പൊയ്ക്കോളും“
തന്റെ ദേഹത്തെ വെള്ളം തുടച്ചുനീക്കുകയായിരുന്നു ലക്ഷ്മിയപ്പോൾ. ഉണ്ണി അവന്റെ കൈയിലിരുന്ന ടവ്വൽ വെച്ച്അവളുടെ മുഖത്തെ വെള്ളത്തുള്ളികൾ ഒപ്പിയെടുത്തു.
ഒരു നിമിഷം അവൾ അവനെത്തന്നെ നോക്കിയിരുന്നു പോയ്. പെട്ടന്നെന്തോ ഓർത്തപോലെ ഞെട്ടിയുണർന്ന്അവന്റെ കൈകൾ തട്ടി മാറ്റി
” എനിക്കാരും തുടച്ച് തരണ്ട. മാറിക്കെ എനിക്ക് ഉറങ്ങണം“
അത്രയും പറഞ്ഞവൾ തിരിഞ്ഞു കിടന്നു.
“ഓ എന്തൊരു ദേഷ്യാടി ഇത്. ഞാനോർത്തു നീ അച്ഛന്റെയും അമ്മയുടെയും കൂടെ കഴിച്ചു കാണുമെന്ന് . അതല്ലെഅങ്ങനെ ചോദിച്ചെ. അതിനാണോ എന്റെ ലച്ചൂട്ടി ഇങ്ങനെ പിണങ്ങിയിരിക്കണത്“
അത് പറഞ്ഞവൻ അവളെ അവനിലേക്ക് വലിച്ചടുപ്പിച്ചു
“എനിക്കൊന്നും കേൾക്കണ്ട“ എന്ന് പറഞ്ഞവൾ അവന്റെ അരികിൽ നിന്ന് കുറച്ചു കൂടി മാറി കിടന്നു
” സന്ധ്യയായിട്ടും കാണാതായപ്പോൾ ഇപ്പോൾ വരുമെന്ന് പറഞ്ഞ് ആശ്വസിച്ചു പിന്നെയും കാണാതായപ്പോൾവരുണേട്ടൻ കൂടെയുണ്ടേല്ലോ എന്ന ആശ്വാസം ആയിരുന്നു എന്നാലും ആ ശബ്ദം ഒന്ന് കേൾക്കാഞ്ഞിട്ട്നെഞ്ചിനകത്ത് കല്ലെടുത്തു വെച്ചപോലെ ഒരു അവസ്ഥ ആയിരുന്നു രാത്രിയായിട്ടും കാണാതെയായപ്പോൾവല്ലാത്തൊരു പരവേശം പോലെ തോന്നി അപ്പോൾ മുതൽ രണ്ടു പേരുടെയും മെബൈലിലേക്ക് മാറി മറിവിളിക്കാൻതുടങ്ങിയതാ. ഉണ്ണിയേട്ടന്റെ ഫോൺ ആണെങ്കിൽ സ്വിച്ച് ഓഫ് വരുണെട്ടന്റെ മൊബൈൽ റിങ് ചെയ്യുന്നുണ്ട്പക്ഷെ എടുക്കുന്നില്ല. ഓരോ മിനിട്ടും ഓരോ മണിക്കൂർ പോലെയാ ബാക്കിയുള്ളവർ തള്ളിനീക്കിയത്“