സതീഷേട്ടാ ഇത് ഞാനാ ഷെബി…
നീയായിരുന്നോ… ഇതാ വരുന്നു…
ചാവിയെടുത്ത് ഞൊണ്ടി ഞൊണ്ടി വന്ന് ഗേറ്റ് തുറന്നുകൊണ്ട്
എന്താടാ ഇത്രേം വൈകി…
നിങ്ങളെ കാണണ്ട ഒരത്യാവശ്യമുണ്ടായിരുന്നു…
ഇതാരാ… ഇവളെ ചാടിച്ചു കൊണ്ടുവന്നതാണോ…
ഇത് അഫി… ഞാൻ കെട്ടാൻ പോകുന്ന കുട്ടിയാ…
അതാ ഞാനും ഓർത്തെ… പെണ്ണിനെ ചാടിച്ചതാണേൽ നീ നേരെ വീട്ടിലേക്കെ പോകുള്ളല്ലോ എന്ന്…
ഇരിക്ക്… (വാതിലിൽ പടിയിൽ നിൽക്കുന്ന ചേച്ചിയെ നോക്കി) നീ ചെന്ന് കട്ടനിട്ടെ…
അതൊന്നും വേണ്ട… ഈ നട്ട പാതിരക്ക് നിങ്ങളെ ഉറക്കം ശല്ല്യം ചെയ്തത് തന്നെ ശെരിയല്ലെന്നറിയാം… അത്യാവശ്യം ആയതുകൊണ്ടാണ്… ചേട്ടന്റെ ഒരു ഹെല്പ് വേണമെനിക്ക്… വേറൊരാളെ പറ്റില്ല അതുകൊണ്ടാ ഞാനീ നേരം കെട്ട നേരം ചേട്ടനെ കാണാനിറങ്ങിയേ…
(ചേച്ചിയെ നോക്കി) നീ ചെന്ന് ചെയ്യായെടുത്തിട്ട് വാ…
കട്ടൻ മതി ചേച്ചീ… മധുരം വേണ്ട…
ചേച്ചി : മോൾക്കോ…
എനിക്കും അതുതന്നെ മതി…
എന്താടാ… നീ ആളെ ടെൻഷനാക്കാതെ കാര്യം പറ…
ചോദിക്കുന്നത് കൊണ്ട് വേറൊന്നും കരുതരുത്… ചേട്ടൻ ഒരു ജോലി ചെയ്യാമോ…
എന്ത് ജോലി…
ബോഡി ഗാർഡ് അല്ലെങ്കിൽ ഗൺ മാൻ അതുപോലെ…
ഈ വയ്യാത്ത കാലും വെച്ച് ഞാൻ ബോഡി ഗാർഡ്…
നിങ്ങളെ കണ്ണിനും കാതിനും കൈക്കും ഒരു കുഴപ്പവുമില്ലല്ലോ…
അതില്ല…
ഞാൻ വളച്ചുകെട്ടാതെ കാര്യം പറയാം… നിങ്ങളോട് ഒരുത്തനെ ഓടിച്ചിട്ട് പിടിക്കുമോ എന്നല്ല ചോദിച്ചേ… ഉന്നം തെറ്റാത്ത കണ്ണും ട്രികർ വലിക്കുമ്പോ വിറക്കാത്ത കയ്യും… മുന്നിൽ വന്നുനിൽക്കുന്നവരെ കണ്ട് വിറക്കാത്ത മനസും… അത്രയുമാണെനിക്ക് വേണ്ടത്… അത് നിങ്ങൾക്ക് ഇപ്പോഴുമുണ്ടെന്നെനിക്കറിയാം…
കണ്ണിലേക്കു നോക്കിയിരിക്കുന്ന ചേട്ടന്റെ കണ്ണുകളിലേക്ക് നോക്കികൊണ്ട് തന്നെ തുടർന്നു
ഏന്റെ അശ്രദ്ധ കൊണ്ട് ഉപ്പാക്ക് ഒരു കാല് പോയി ഇനിയും അങ്ങനെ ഒന്ന് സംഭവിക്കാതിരിക്കാൻ നിങ്ങൾക്ക് ഉപ്പാന്റെ കൂടെ നിൽക്കാൻ കഴിയുമോ… മറ്റൊരാളെ ഉപ്പാന്റെ കൂടെ നിർത്തുന്നതിലും നിങ്ങളെ നിർത്തുന്നതാണ് നല്ലതെന്നെന്റെ മനസ് പറയുന്നു…
ഞാൻ നിൽക്കാം…
ഉപ്പാന്റെ കണ്ണിൽ നിങ്ങൾക്ക് കൃഷിയുടെ കണക്ക് എഴുതൽ ആയിരിക്കും ജോലി അതുകൊണ്ട് അത് കൂടെ നിങ്ങൾ ചെയ്യേണ്ടിവരും…
അത് പ്രശ്നമില്ല…
ശമ്പളം എത്രയാ വേണ്ടതെന്നു നിങ്ങൾ പറഞ്ഞാൽ മതി…
അത് നീ തന്നെ തീരുമാനിച്ചോ…
രണ്ട് ജോലിക്കും കൂടെ എഴുപത്തയ്യായിരം… അത് പോരേ…
പ്രതീക്ഷിക്കാത്ത സംഖ്യ കേട്ട അമ്പരപ്പ് ചേട്ടന്റെ കണ്ണിലുണ്ട്
പോരെങ്കിൽ പറഞ്ഞോ…
മതി…
കാലത്ത് കൂട്ടാൻ വണ്ടി അയക്കാം… ഒരു ഫോണും താൽക്കാലത്തേക്ക് ഒരു പിസ്റ്റളും ഡ്രൈവർ തരും… എന്തെങ്കിലും പ്രശ്നമുണ്ടായാൽ വിളിക്കാനുള്ള നമ്പറുകൾ ഫോണിൽ സേവ് ഉണ്ടാവും… ആ നമ്പുറുകളിൽ അല്ലാതെ മറ്റൊരു നമ്പറിലേക്കും അതിൽനിന്നു വിളിക്കുകയോ ആ നമ്പർ മറ്റാർക്കും കൊടുക്കുകയോ ചെയ്യണ്ട…
ശെരി…
കൂട്ടാൻ വരുന്ന ആൾ ഷാർപ് സെക്യൂരിറ്റി ഏജൻസിയിലെ ഓഫീസറാണ് ആള് ഓഫർ ലെറ്റർ തരും അതിലും പിസ്റ്റൾ യൂസ് ചെയ്യാനുള്ള പെർമിറ്റിനുള്ള അപേക്ഷക്കും ഉള്ള പേപ്പർ തരും ആധാർ കാർഡിലെ അഡ്രസും കാർഡ് നമ്പറും വെച്ച് അത് ഫിൽ ചെയ്തു കൊടുക്കണം… ഐഡി കാർഡിലേക്ക് വേണ്ടി ടേബിൽ സൈൻ ചെയ്തുകൊടുക്കണം… ഐടന്റിഫിക്കേഷന് ഫിംഗറും റെറ്റിനയും സ്കാൻ ചെയ്യും… രണ്ട് പാസ്പ്പോട്ട് സൈസ് ഫോട്ടോ വേണം കയ്യിലുണ്ടോ…
അത് കയ്യിലുണ്ട്…
വൈകീട്ട് ആവുമ്പോയേക്കും ഐഡി കാർഡും ജോയിനിങ് ലേറ്ററും നിങ്ങളെ കൈയിൽ കിട്ടും… ഒരാഴ്ചക്കുള്ളിൽ പിസ്റ്റൾ യൂസ് ചെയ്യാനുള്ള ലൈസൻസും കിട്ടും… ഓഫിശ്യലി നിങ്ങൾ ഷാർപ് സെക്യൂരിറ്റി ഏജൻസിയുടെ സെക്യൂരിറ്റി ഏജന്റ് ആയിരിക്കുന്നത് കൊണ്ട് നിങ്ങളെ സാലറിയിൽ അൻപത്തിനായിരം ഏജൻസിയുടെ അക്കൗണ്ടിൽ നിന്നും നിങ്ങളുടെ അകൗണ്ടിൽ വരും… ഇരുപത്തയ്യായിരം ഉപ്പ തരും…
ചേച്ചി ചായയും കൊണ്ട് വന്നു
ചായ കുടിച്ചുകൊണ്ടിരിക്കുമ്പോഴും ചേട്ടൻ എന്തോ ആലോചനയിലാണ്
എന്തു പറ്റി… എന്തേലും കുഴപ്പമുണ്ടോ…