ശെരി…
അവർക്കടുത്തേക്ക് ചെന്നു
എല്ലാരും കയറി ഇരിക്ക്…
മൂപ്പൻ : അടിയങ്ങള് കൊട്ടാരത്തി കേറാൻ പാടില്ല തമ്പ്രാ…
എന്നെ അല്ലേ നിങ്ങൾ തമ്പ്രാന്നു വിളിക്കുന്നത്… അപ്പൊ ഞാൻ പറയുന്നത് അനുസരിച്ചാൽ മതി… എല്ലാരും കയറിയിരിക്ക്… വീടിനകത്തോ മുറികളിലോ എവിടെ വേണമെങ്കിലും ഇരിക്കാം ഒറ്റ ആളെ മുറ്റത്ത് കാണരുത്…
പറഞ്ഞു തീർത്ത് അവരുടെ മറുപടികാക്കാതെ അകത്തേക്ക് ചെന്ന് ഒരു പെനും പേപ്പറും എടുത്ത് സാധനങ്ങളുടെ ലിസ്റ്റെഴുതി പുറത്തേക്കിറങ്ങി കപ്പ പറിക്കുന്ന അച്ചായന്റെ കൈയിൽ കൊടുത്തു വലിയ ചെമ്പുകളിൽ വെള്ളം നിറച്ച് ഗ്യാസിന് മേൽ വെച്ച് കപ്പ തൊലി കളയാൻ തുടങ്ങി നൂറയും കത്തിയുമായി എനിക്കരികിൽ വന്നു ഞാൻ ചെയ്യുന്നത് നോക്കി അവളും ചെയ്യാൻ തുടങ്ങി കഴിയുന്നത്ര വേകത്തിൽ തൊലികളയുന്നതിനിടെ അച്ചായൻ അങ്ങോട്ടുവന്നു അച്ചായനും കൂടി ഏകദേശം കഴിയാറായപ്പോഴാണ് ചോര നിരത്തിലായ നൂറയുടെ കൈ കാണുന്നത് അവളോട് കത്തിയും കപ്പയും വാങ്ങി വെച്ചു ഭാക്കി ചെയ്യാൻ അച്ചായനെ ഏല്പിച്ചു എഴുന്നേറ്റ് അകത്തേക്ക് ചെന്ന് കഞ്ഞിയരിയെടുത്ത് കഴുകി തിളയ്ക്കുന്ന വെള്ളത്തിലേക്കിട്ടു ഉപ്പും ഇട്ട് ഉള്ള പച്ചക്കറികളെല്ലാം കഴുകി നുറുക്കി കുക്കറിലിട്ടു വെള്ളവും ഒഴിച്ചു പുറത്തേക്കിറങ്ങി തേങ്ങകൾ പൊളിച്ചു വെട്ടി വെള്ളം നൂറക്ക് കൊടുത്ത് തേങ്ങ ചിരവികൊണ്ടിരിക്കെ അച്ചായൻ കഴുകിയ കപ്പ തിളക്കുന്ന വെള്ളത്തിലേക്കിട്ടു കഞ്ഞിയരി ഏകദേശം വെന്തിട്ടുണ്ട് തീ കുറച്ചുവെച്ചു ചിരവിയെടുത്ത തേങ്ങയിൽ നിന്നുമെടുത്ത പാലും ജീരകം അരച്ചത് കൂടെ തിളയ്ക്കുന്ന കഞ്ഞിയിൽ ചേർത്തു
അച്ചായാ തിളച്ചു പോവാതെ നോക്ക്…
മുളക് പറിക്കാനായി മുന്നിലേക്ക് ചെല്ലേ അട്ടിയിട്ട പോലെ കോലയിൽ നിറഞ്ഞുനിൽക്കുന്ന അവരെ നോക്കി
കുറേപേരെ അകത്ത് കയറ്റി ഇരുത്തി സോഫയിലും കസേരകളിലും ഇരിക്കാതെ ഭയത്തോടെ നിലത്തിരിക്കുന്ന അവരെനോക്കി പുറത്തുചെന്ന് മുളക് പറിച്ചെടുത്തു തിരികെ വന്നു
മുളക് ഉടച്ചെടുത്ത് കഞ്ഞിയിലെക്കിട്ടു കുക്കറിലെ എയർ കളഞ്ഞു വെന്ത പച്ചക്കറികൾ കൂടെ കഞ്ഞിയിലേക്കിട്ടു
ഉപ്പും എരിവും ശെരിയാണോ എന്ന് നോക്കി
കപ്പ ഏകദേശം വെന്തിരിക്കുന്നു… അച്ചായൻ കപ്പ ഊറ്റി പാത്രത്തിലേക്കിട്ടുകൊണ്ടിരിക്കെ പ്ലാവിലകൾ പെറുക്കിയെടുക്കുന്ന എനിക്കൊപ്പം നൂറയും കൂടി ഇലകൾ അവളുടെ കൈയിൽ കൊടുത്തു അല്പം മാറിയുള്ള തേക്കുമരത്തിൽ കയറി ഇലകൾ പറിച്ചു ഓല കൊണ്ടും ഈർക്കിലുകൊണ്ടും സ്പൂണുകളും വൃത്തങ്ങളുമുണ്ടാക്കി പെട്ടന്ന് ജോലികൾ തീർത്തു
എല്ലാരേയും വരിയായി ഇരുത്തി കഴുകിയെടുത്ത ഇലകളും വൃർത്തങ്ങളും പ്ലാവിലകൊണ്ടുള്ള സ്പൂണുകളും എല്ലാർക്കും മുന്നിലും വെച്ചു ഒരിലയിൽ കപ്പയും വൃർത്തത്തിൽ വെച്ചതിൽ കഞ്ഞിയും ഇട്ടു ദോശയും ചട്ണിയും കുട്ടികൾക്ക് കഞ്ഞിയോടൊപ്പം നൽകി
ദയനീയമായി നോക്കുന്ന അവരോട് കഴിക്കാൻ പറഞ്ഞു എല്ലാവരും കഴിക്കാൻ തുടങ്ങി
ദോശയുടെ രുചി കുട്ടികൾക്ക് ഏറെ ഇഷ്ടമായിട്ടുണ്ടെന്നവരുടെ കഴിപ്പ് കണ്ടാലറിയാം
സന്തോഷത്തോടെ അവർ കഴിക്കുന്നത് നോക്കിനിൽക്കേ
**-*********************************************
വന്നിരുന്ന ധ്രുവിനെ നോക്കി
രാഹുൽ : എന്തായി…
ദ്രുവ് : ഞാനവളെ ഫോളോ ചെയ്തു… അവൾ എൻ എച്ച് വഴിയല്ല പോവുന്നത് വടകരയിൽ നിന്ന് കുറ്റിയാടി റൂട്ട് കയറി പേരാമ്പ്ര നടുവണ്ണൂർ ഉള്ളയേരി വഴി അത്തോളി എത്തി അവിടുന്ന് അവളുടെ കൂട്ടുകാരിയെ കൂടെ പിക്ക് ചെയ്തിട്ട് പൂളാടി കുന്ന് സിഗ്നലിൽ ചെന്ന് കയറി നാഷണൽ ഹൈവേ വഴി മെഡിക്കൽ കോളേജ് സിഗ്നലിൽ നിന്ന് റൈറ്റ് എടുത്ത് അല്പം മുൻപോട്ട് പോയാൽ അവൾ പഠിക്കുന്ന കോളേജ് എത്തും
ഡോറിൽ മുട്ട് കേട്ട് രാഹുൽ ചെന്ന് ഡോർ തുറന്നു ഡോറിന് മുന്നിൽ ഫോർമൽ ഡ്രെസ്സിൽ ഇട്ട മുപ്പത്തഞ്ചിനും നാൽപതിനുമിടയിൽ പ്രായം തോന്നിക്കുന്ന അഞ്ചടി ഉയരമുള്ള മെലിഞ്ഞ രൂപം മുഖത്ത് ഗൗരവ ഭാവം രാഹുലിനെ മറികടന്നവൻ അകത്തേക്ക് കയറി ഡോറടച്ചുകൊണ്ട് രാഹുൽ അവന് പിറകെ വന്നു