ശരീരത്തിൽ ആകെ ഒരു വിറയൽ ഉള്ളത് ഞാൻ അപ്പോളാണ് ശ്രെധിച്ചത് . മൂഡ് മൊത്തം പോയി .
ഇനി എന്ത് ചെയ്യും, വീട്ടിൽ പോയാലോ ..
അത് ശെരിയാവില്ല. ഇക്കയോട് ഇന്ന് എന്തായാലും വരും എന്ന് പറഞ്ഞതാണ് , തേങ്ങാ പെറുക്കി കൂട്ടാൻ അവർ ആളെയും ഏൽപ്പിച്ചുകാണും.
കുറച്ചു നേരം കൂടെ അവിടെ നിന്ന് ഞാൻ ചിന്തിച്ചു , പിന്നെ സമയം നോക്കി, എട്ടു മണി കഴിഞ്ഞിരിക്കുന്നു . പിന്നെ ഒന്നും ചിന്തിച്ചില്ല, ബൈക്ക് നേരെ ഇക്കയുടെ വീട് ലക്ഷ്യമാക്കി നീങ്ങി .
:-ഇയ്യെന്താടാ നേരം വൈകിയോ ?
ഇക്കയുടെ തൊണ്ടയിൽ ഞണ്ടിറുക്കിയശബ്ദം കേട്ടാണ് എന്റെ പോയ കിളി തിരിച്ചു വന്നത്
:-ആഹ് ?
:-എന്താടാ ചെക്കാ , നിന്നെ രാവിലെതന്നെ പൊട്ടൻ തിരിപ്പിച്ചോ ? ഇക്ക വീണ്ടും ചോദിച്ചു .
:-ഇല്ലിക്കാ.. ഞാൻ ഇങ്ങിനെ ഓരോന്നു ആലോചിച്ചു വന്നതാണ്. എങ്ങോട്ടെത്തിയത് അറിഞ്ഞില്ല .
:-ആ, നല്ലോണം ആലോജിക്കാൻ പറ്റിയ പരിപാടി ആണ് , നീ തെങ്ങിന്റെ മുകളിൽ കയറിയിട്ട് ഓരോന്നു ആലോചിക്കാൻ നിലക്കല്ലേ .
എന്നെ കൊണ്ട് വയ്യ അന്നേംകൊണ്ടു ഓടാൻ .
:-ഇല്ലിക്ക , ഹ ഹ , ഞാൻ ചുണ്ടത്ത് ഒരു ചിരി വരുത്തി പതിയെ ഇക്കാക്ക് ചിരിച്ചു കൊടുത്തുകൊണ്ട് വണ്ടിയിൽ നിന്നും ഇറങ്ങി .
സമയം എട്ടര ആവുന്നു , അര മണിക്കൂർ വൈകി .
പിന്നെ ഒന്നും നോക്കാൻ നിന്നില്ല , ഇരുപത്തി ആറു തെങ്ങിൽ പറന്നു വെട്ടി . ഒന്നേകാൽ മണിക്കൂർ കൊണ്ട് തന്നെപരിപാടി തീർത്തു .
ഇക്കയുടെ രണ്ടു അനിയന്മാരുടെ വീടുകളും കൂടി ഉണ്ട് . രണ്ടും ഇക്കയുടെ വീടിന്റെ തൊട്ടടുത്തു തന്നെ,
:-ടാ ..
:-ആ ഇക്ക .
:-നീ വേഗം പോയി അത് തീർത്തു വാ , അപ്പോളേക്കും ഞാൻ ഭക്ഷണം എടുത്ത് വക്കാം .
:-ആ ഇക്കാ .ഞാൻ ചെല്ലട്ടെ ..
മെഷിനും തോളിൽ വെച്ചു ഞാൻ ഇക്കയുടെ വീടിന്റെ വലതു ഭാഗത്തെ മതിലിൽ നിന്നും അടുത്ത പറമ്പിലേക്കുള്ള ഗെയ്റ്റ് തുറന്നു . അര മണിക്കൂര് കൊണ്ട് രണ്ടു പറമ്പിലേയും തെങ്ങിൽ കയറി ഇറങ്ങി .
ശേഷം ഇക്കയുടെ വീടിന്റെ പുറകിൽ ഉള്ള കുളത്തിൽ ഇറങ്ങി കയ്യും കാലും എല്ലാം നന്നായി കഴുകി വൃത്തിയാക്കി .
പടവ് കയറുമ്പോൾ ഒരു നിമിഷം കഴിഞ്ഞു പോയ സംഭവങ്ങൾ വീണ്ടും മനസിലേക്ക് ഓടി എത്തി .
ശ്ശൊ … വല്ലാത്തൊരു ചെയ്ത്തായി പോയി . എന്ത് ചെയ്യും എന്ന് ഒരു പിടുത്തവും കിട്ടുന്നില്ലല്ലോ … രാജേട്ടനെ വിളിച്ചു നടന്ന കാര്യങ്ങൾ പറഞ്ഞാലോ ..
അല്ലേൽ വേണ്ട , പുള്ളി എന്ത് കരുതും ..
ഇപ്പൊ വീട്ടിൽ പോകാം , ബാക്കി വരുന്നോടത്ത് വെച്ച് കാണുക തന്നെ .
കുളപടവിൽ നിന്നും മെഷീനും വെട്ടുകത്തിയും ഉറയും എടുത്ത് ഞാൻ നേരെ ഇക്കയുടെ വീട്ടിലേക്കു നടന്നു .
:-കഴിഞ്ഞോടാ ..
:-ആ ഇക്ക ..
:-തേങ്ങാ കുറവാലേ ?
:-അതെ ഇക്ക , വിളിക്കുമ്പോൾ രണ്ടാളോടും കുറച്ചു വളമൊക്കെ ഇടയ്ക്കു തെങ്ങിന് ഇട്ടു കൊടുക്കാൻ പറയണേ .. ഇല്ലേൽ തെങ്ങു നശിച്ചു പോവും .
:-ആരോട് പറയാനാടാ .. അവർക്കിപ്പോ ഇതൊക്കെ നോക്കാൻ എവിടുന്നാ സമയം , നോക്കട്ടെ അടുത്ത തവണ ഞാൻ തന്നെ മുൻ കൈ എടുത്ത് എന്തേലും ചെയ്യാം , നീ വാ.
ചായ എടുത്ത് വച്ചിട്ടുണ്ട് . അതും പറഞ്ഞു ഇക്ക ഒരു വെള്ള തോർത്തു എനിക്ക് നേരെ നീട്ടി .
മെഷീൻ വീടിന്റെ ഉമ്മറത്തു വച്ച് ഞാൻ തോർത്ത് വാങ്ങി കൈ തുടച്ചുകൊണ്ട് കോലായിൽ തന്നെ ഇരുന്നു .
:-ടാ ..ഇക്കയുടെ ശബ്ദം , അകത്തു നിന്നാണ് .
:-ഇല്ല ഇക്ക , ഇങ്ങോട്ടെടുത്തോ . മേല് മുഴുവൻ ചളി ആണ് .ഇക്കയുടെ വിളിയുടെ ഉദ്ദേശം മനസിലാക്കി ഞാൻ പറഞ്ഞു .
:-നിന്നെക്കൊണ്ടു ഞാൻ തോറ്റു ..
ഇക്ക ഓരോ പത്രങ്ങൾ എന്റെ കയ്യിൽ കൊണ്ട് തന്നു . ശേഷം ഒരു കസേര വലിച്ചിട്ടു അതിൽ ഇരുന്നു .
ഞാൻ പ്ലെയിറ്റിലേക്കു നാലു ദോശ എടുത്തിട്ട് തേങ്ങാ അരച്ച ഗ്രീൻ പീസ് കറിയും ഒഴിച്ച് ഒരു പിടി പിടിച്ചു . നല്ല വിശപ്പുണ്ടായിരുന്നു .
അതികം സമയം എടുക്കാതെ
തന്നെ നാല് ആറായി .
:-വിശപ്പു മാറിയോടാ ..
:-ആം .. ഞാൻ ചായ ഗ്ലാസ് കയ്യിലെടുത്തു പറഞ്ഞു ..
ശേഷം പാത്രങ്ങളെല്ലാം എടുത്ത് ഇക്കയുടെ കയ്യിൽ കൊടുത്തു ഞാൻ എഴുനേറ്റു ..