അന്നേരം നിത്യ ടീച്ചറും എല്ലാം കണ്ടുകൊണ്ട് ധൃതിയില് റൂമിൽ നിന്നിറങ്ങി എന്റെ അടുത്തേക്ക് വന്നു നിന്നു.
“യേയ് അത്ര പ്രശ്നമില്ല മിസ്സ്, കുറേനേരമായി ഞാൻ ഇരിക്കുകയായിരുന്നില്ലേ, അതുകൊണ്ട് ഞാൻ പെട്ടന്ന് എഴുന്നേറ്റപ്പോ പെട്ടന്നൊരു ഷാർപ്പ് പെയിനുണ്ടായി, പക്ഷേ ഇപ്പൊ അത്ര കുഴപ്പമില്ല.” ഞാൻ മിസ്സിന്റെ കൈ പിടിച്ചുകൊണ്ട് മെല്ലെ എഴുനേറ്റ് നിന്നു. അപ്പോ നിത്യ ടീച്ചറും എന്റെ മറ്റൊരു കൈ പിടിച്ച് ഹെല്പ് ചെയ്തു.
“ഇത് ഇങ്ങനെ വിട്ടാൽ ശെരിയാവില്ല, ചേച്ചി, ഇവന്റെ വേദന കൂടുകയേയുള്ളു,” നിത്യ ടീച്ചർ ഗോള്ഡ മിസ്സിനോടായി പറഞ്ഞു, “അതുകൊണ്ട്, ഇവന് ആദ്യം കുളിച്ചിട്ട് വരട്ടെ, തൈലം പുരട്ടി ഉഴിഞ്ഞാലേ ശെരിയാവു.”
“മ്മ്.. അതാണ് നല്ലത്.” ഗോള്ഡ മിസ്സ് ടീച്ചർ പറഞ്ഞതിനോട് യോജിച്ച ശേഷം എന്നെ നോക്കി.
“വേണ്ട മിസ്സ്, തൈലമൊന്നും വേണ്ട, ഇത് താനേ മാറിക്കോ—”
“മിണ്ടാതെ ഞങ്ങൾ പറയുന്നത് നീ അനുസരിച്ച മതി.” മിസ്സും ടീച്ചറും ഒരുമിച്ച് ദേഷ്യപ്പെട്ട് ഒറ്റ സ്വരത്തിൽ പറഞ്ഞു. എന്നിട്ട് ആശ്ചര്യത്തോടെ അവർ തമ്മില് പരസ്പരം ഒന്ന് നോക്കി.
“എന്നെ വഴക്ക് പറയാൻ മാത്രം നിങ്ങൾ രണ്ടുപേര്ക്കും ഒരേ മൈന്റും ഒരേ സ്വരവുമാണ്.” ഞാൻ മുഖം വീർപ്പിച്ച് പരാതി പറഞ്ഞപ്പോ അവർ രണ്ടുപേരും ചിരിച്ചു.
“ശെരി നീ പോയി കുളിച്ചിട്ട് വാ,” ഗോള്ഡ മിസ്സ് ചിരി നിര്ത്തി പറഞ്ഞു, “അപ്പോഴേക്കും ഞങ്ങൾ ഫുഡ് റെഡിയാക്കി വയ്ക്കാം. പിന്നെ നിനക്ക് തൈലം പുരട്ടി തടവിയ ശേഷം നമുക്ക് കഴിക്കാം.” മിസ്സ് തറപ്പിച്ച് പറഞ്ഞിട്ട് നിത്യ ടീച്ചറെ നോക്കി. “നീയല്ലേ അവന്റെ ശിഷ്യ… അവന് നിനക്ക് കാര്യങ്ങളൊക്കെ പഠിപ്പിക്കുന്നത് ഞാൻ ഒത്തിരി കണ്ടിട്ടുണ്ടല്ലോ… ഈ ഇത് ഉഴിഞ്ഞു കൊടുക്കാന് വശമുണ്ടോ?” മിസ്സ് ടീച്ചറോട് ചോദിച്ചു.
“മ്മ്, വലിയ കുഴപ്പമില്ലാതെ ഞാൻ ചെയ്യും, ചേച്ചി.” ടീച്ചർ ധൈര്യമായി പറഞ്ഞതും ഗോള്ഡ മിസ്സ് മൂളി.
നിത്യ ടീച്ചർക്ക് ഞാനാണ് ഇവിടെ വരുമ്പോഴൊക്കെ കുറച്ച് കുറച്ചായി കാര്യങ്ങൾ പഠിപ്പിച്ച് കൊടുക്കുന്നത്. കാരണം ടീച്ചർക്ക് ആയുർവേദത്തിൽ നല്ല താല്പ്പര്യമുണ്ടായിരുന്നു, എന്നിൽ നിന്നും കുറച്ചെങ്കിലും പഠിക്കാൻ താൽപര്യം ഉണ്ടെന്ന് ടീച്ചർ മുമ്പ് എന്നോട് പറഞ്ഞപ്പോ ഞാൻ പഠിക്കാമെന്ന് ഉടനെ എറ്റു. അങ്ങനെയാണ് ഞങ്ങളുടെ സമയം അനുവദിച്ച പോലെ ഞാൻ അത്യാവശ്യ കാര്യങ്ങൾ മാത്രം കുറേശെയായി പഠിപ്പിക്കാൻ തുടങ്ങിയത്. ഇപ്പൊ ടീച്ചർക്ക് ശരീരത്തുള്ള ചില പ്രധാന മര്മ്മങ്ങളെ അറിയാതെ ട്രിഗ്ഗർ ചെയത് ഗുരുതര പ്രശ്നങ്ങൾ സൃഷ്ടിക്കാതെ സേഫായിട്ട് ചില ഉഴിച്ചിലുകൾ നടത്താനറിയാം.
“പിന്നേ ചോദിക്കാന് മറന്നു, നിനക്ക് കഴിക്കാൻ എന്താ വേണ്ടത്?”
“സത്യത്തിൽ എനിക്ക് തീരെ വിശപ്പില്ല മിസ്സ്, എനിക്ക് രാത്രി ഫുഡ് വേണമെന്നില്ല.” ഞാൻ പെട്ടന്ന് അവരോട് പറഞ്ഞു. ഉടനെ രണ്ടുപേരും തലയാട്ടി.
മിക്കവാറും രാത്രികളിൽ ഞാൻ ഫുഡ് കഴിക്കാറില്ല. കൂടുതലും, ഹെർബൽ ടീ അല്ലെങ്കിൽ വെജിറ്റബിള് സൂപ്പ് ആയിരിക്കും കുടിക്കുക, അത് ഇവര്ക്കും നന്നായറിയാം.
“പല പ്രാവശ്യമായി സ്നാക്സും, ഫ്രൂട്ട്സും, ഐസ്ക്രീമൊക്കെ കഴിച്ചത് കൊണ്ട് എനിക്കും വിശപ്പില്ല.” നിത്യ ടീച്ചറും പറഞ്ഞു.
“എനിക്കും അങ്ങനെ തന്നെയ.” ഗോള്ഡ മിസ്സും പറഞ്ഞു. “എന്ന പിന്നെ ഒരു വെജിറ്റബിള് സൂപ്പ് മാത്രം ഉണ്ടാക്കിയാലോ.” മിസ്സ് ഞങ്ങളോട് അഭിപ്രായം ചോദിച്ചു.
“ആ, എനിക്ക് ഓക്കെ.” ഞാൻ പറഞ്ഞു. നിത്യ ടീച്ചറും ഓക്കെയെന്ന് തലയാട്ടി.
“ഓക്കെ, നീ പോയി കുളിച്ചിട്ട് വാ, ഞങ്ങൾ സൂപ്പുണ്ടാക്കി വൈക്കാം. വാ നിത്യ.”
മിസ്സും ടീച്ചറും അടുക്കളയിലോട്ട് പോയി. ഞാൻ എന്റെ ഷോൾഡർ ബാഗുമായി ഗോള്ഡ മിസ്സിന്റെ റൂമിലേക്ക് വന്നു.
റൂമിൽ ഒരു ഡബിൾ കട്ടിലും ബെഡ്ഡും, വലിയൊരു ബീറോയും, ഒരു ചെറിയ സ്റ്റഡി ടേബിളും ഒരു കസേരയും, പിന്നെ കട്ടിലിനടിയിൽ രണ്ട് മൂന്ന് പെട്ടികളും കുറെ സാധനങ്ങളും ഉണ്ടായിരുന്നു. ഒരു ഡബിൾ ജനാല ഉണ്ട്, അതിനെ അടച്ചിട്ടിരുന്നു, അതിന്റെ സ്ക്രീനും മൂടിയാണ് കിടന്നത്. ജനാല ചുവട്ടില് ചുമര് പുറത്തേക്ക് നീങ്ങി ചെറി ഷെൽഫ് പോലെ ഇരിക്കുന്നത് കൊണ്ട് അതിൽ എന്തെങ്കിലും ചെറിയ ചെറിയ സാധനങ്ങള് വയ്ക്കാൻ കഴിയുമായിരുന്നു. പിന്നെ ചുമരില് ഒരു ഓപ്പൺ ഷെൽഫിൽ ഒരുപാട് ബുക്സും അല്ലറചില്ലറ സാധനങ്ങളും ഉണ്ടായിരുന്നു.