“എനിക്കൊരു വിഷമവുമില്ല ചേച്ചി. പക്ഷേ ചേച്ചി, ഇത് വല്ല പ്രണയവുമാണോ?” നിത്യ ടീച്ചർ കളിയാക്കി ചോദിച്ചു.
“പൊടി അവിടന്ന്.” ഗോള്ഡ മിസ്സ് ടീച്ചറെ ആട്ടി, “ഇത് പ്രണയമോ അവനെ കല്യാണം കഴിക്കാനുള്ള ആഗ്രഹവുമല്ല, തെറ്റായ വിധത്തിലുള്ള സ്നേഹവുമല്ല…, പക്ഷേ സത്യത്തിൽ എന്താണെന്ന് എനിക്കുതന്നെ അറിയില്ല. എന്തോ പറയാനറിയാത്ത ഒരു ഇഷ്ട്ടമാണ് അവനോട്.”
“ഓഹോ, എത്ര ഇഷ്ട്ടവാ അവനോട്..?” ടീച്ചർ ചോദിച്ചു.
“അളവ് പറയാനൊന്നും എനിക്കറിയില്ല, പക്ഷേ എത്ര അളവ് പറഞ്ഞാലും കുറഞ്ഞേ പോകു.” ഗോള്ഡ മിസ്സ് സീരിയസ്സായി പറഞ്ഞു.
മിസ്സ് എല്ലാം പറയുന്നത് കേട്ട് ഞാൻ ഷോക്കായി നില്ക്കുകയാണ് ചെയ്തത്. പക്ഷേ മനസ്സിൽ വല്ലാത്തൊരു സന്തോഷമായിരുന്നു. അപ്പൊ എന്റെ അതേ അവസ്ഥ തന്നെയാണ് മിസ്സിനും…!!
“അതുകൊണ്ടാണ് നിത്യേ, കഴിഞ്ഞ രാത്രി എനിക്ക് അവന്റെ ഇഷ്ടത്തിന് എതിരായി നിൽക്കാൻ കഴിയാത്തത്. അതുകൊണ്ടാണ് നിത്യേ, അവനെ ഞാൻ ഫിസിക്കലായി എതിർക്കാത്തത്.., ഒരിക്കലും അവനെ ഫിസിക്കലായി എതിർക്കാൻ എനിക്ക് കഴിയുകയുമില്ല. അവന് വിഷമിക്കുന്നത് എനിക്ക് ഇഷ്ടമേയല്ല. അവനോട് ദേഷ്യപ്പെടാനും എനിക്ക് താല്പ്പര്യമില്ല.”
“ഹ്മം.. അപ്പോ അങ്ങനെയാണ് കാര്യങ്ങൾ.” നിത്യ ടീച്ചർ ആലോചനയോടെ പറഞ്ഞു.
“എടി, പിന്നേ, കഴിഞ്ഞ രാത്രി നടന്ന കാര്യങ്ങൾ ഞാൻ നിന്നോട് വെറുതെ പറഞ്ഞെന്നേയുള്ളു, നീ ചെന്ന് അവനോട് ഇതിനെക്കുറിച്ചൊന്നൂം ചോദിക്കരുത്, നീ അറിഞ്ഞതായി പോലും ഭാവിക്കരുത്, കേട്ടല്ലോ.”
അതൊക്കെ കേട്ട് ഞാൻ ആശ്ചര്യപ്പെട്ട് നില്ക്കുകയായിരുന്നു. ച്ചേ… ഗോള്ഡ മിസ്സിനേ കഴിഞ്ഞ രാത്രി അങ്ങനെ ഒന്നും ചെയ്യരുതായിരുന്നു. എനിക്ക് വിഷമമായിപ്പോയി.
“അവനോട് ദേഷ്യപ്പെടാൻ കഴിയില്ലെന്ന് ചേച്ചി പറഞ്ഞു, പക്ഷേ കഴിഞ്ഞ രണ്ടുമൂന്ന് ദിവസമായി അവനോട് ഫോണിലും നേരിട്ടും ഒരുപാട് ദേഷ്യപ്പെടുന്നത് ഞാൻ കണ്ടല്ലോ, എന്തിനായിരുന്നു അത്?” നിത്യ ടീച്ചർ ചോദിച്ചു.
“അത് തല്കാലം നീ അറിയണ്ട.” മിസ്സ് സീരിയസ്സായി പറഞ്ഞു.
അപ്പോ നിത്യ ടീച്ചർ എന്തോ പറഞ്ഞു തുടങ്ങിയതാണ്.
പക്ഷേ അന്നേരം ഞാൻ അവര്ക്ക് കേള്ക്കുന്ന തരത്തിൽ നിലത്ത് കാലുരച്ച് ശബ്ദമുണ്ടാക്കി നടക്കാൻ തുടങ്ങിയതും അവരുടെ ആ ചർച്ച അവസാനിച്ചു.
മനസ്സിനെ ധൈര്യപ്പെടുത്തിക്കൊണ്ട് ഞാൻ കിച്ചണിൽ കേറിച്ചെന്നു. അവിടെ മിസ്സും ടീച്ചറും രാവിലത്തെ കാപ്പി ഉണ്ടാക്കാനുള്ള തയ്യാറെടുപ്പ് തുടങ്ങിയിട്ടേ ഉണ്ടായിരുന്നുള്ളു.
ഗോള്ഡ മിസ്സ് കുളി കഴിഞ്ഞാണ് നില്ക്കുന്നത്. ഒരു ബ്രൗണ് നൈറ്റി ഇട്ടിരുന്നു. നനഞ്ഞ മുടിയിൽ നിന്നും വെള്ളത്തുള്ളികൾ നൈറ്റിയുടെ പുറകുവശത്ത് വീണ് പടർന്നുപിടിച്ചിരുന്നു.
എന്നെ കണ്ടപ്പോ ആദ്യം മിസ്സിന്റെ മുഖത്ത് ഭയങ്കരമായ ഒരു നാണവും ചമ്മലുമാണ് പ്രത്യക്ഷപ്പെട്ടത്. പക്ഷേ വളരെ പെട്ടന്ന് തന്നെ ആ നാണവും ചമ്മലും മാറി, പകരം നല്ല ദേഷ്യവും സങ്കടവും വന്നത് ഞാൻ കണ്ടു. പക്ഷേ മിസ്സിന്റെ മുഖത്ത് കൂടുതൽ നേരം നോക്കാൻ എനിക്ക് കഴിഞ്ഞില്ല. മിസ്സും ദേഷ്യത്തില് മുഖം വെട്ടിച്ച് അങ്ങോട്ട് തിരിഞ്ഞ് വെജിറ്റബിള് കുറുമ വയ്ക്കാനുള്ള പച്ചക്കറികൾ കഴുകിയെടുത്തു. അന്നേരം നിത്യ ടീച്ചർ ചപ്പാത്തിക്ക് മാവ് എടുത്ത് കവർ പൊട്ടിച്ച് പാത്രത്തിൽ വേണ്ടത്ര തട്ടി.
നിത്യ ടീച്ചർ കുളിച്ചിട്ടില്ലായിരുന്നു. പക്ഷേ മുഖമൊക്കെ കഴുകി മുടി ഭംഗിയായി കെട്ടിവെച്ചിരുന്നു. കഴിഞ്ഞ രാത്രി ഇട്ടിരുന്ന നൈറ്റി തന്നെയാണ് ഇപ്പോഴും ഇട്ടിരുന്നത്. നിത്യ ടീച്ചറിന്റെ മുഖത്ത് ഭയങ്കര നാണം ഉണ്ടായിരുന്നു. ഞാൻ എന്തോ വികൃതി കാണിച്ചത് പോലത്തെ ഒരു കുസൃതി നോട്ടവും ഇടക്കിടക്ക് എറിഞ്ഞ് കൊണ്ടിരുന്നു. പിന്നെ ഒരു ഇഷ്ട്ടവും സന്തോഷവുമൊക്കെ ആ കണ്ണുകളിൽ കാണാന് കഴിഞ്ഞു.